是太依賴還是怎麼樣?

天神99號

我自問是一位很盡責的男朋友
我從來不會去傷害她
也常常對她好

我要求自己要佢需要我既時候, 我一定係度
或者就算我手頭上做緊咩, 佢一想搵我我都會係度陪佢
我好鐘意呢種態度, 因為被我愛的人都會感到好幸福
而呢種態度都係發自內心, 唔係俾人迫或者專登做出黎

但係我用呢種心情對人, 我當然渴望對方都可以咁樣對我..
但事實唔係咁

我女朋友對我好既時候, 我覺得佢真係好好
冇野可以取締倒佢呢種好, 包括心靈和肉體上
但係我覺得, 我地兩個唔同既地方
就係我好似係我自己既世界入面, 只係得佢
我圍住佢轉, 將我所有既精力都俾哂佢, 不敢漏掉一絲一毫

但佢既世界, 有我之外, 仲有好多其他野, 好似朋友或其他興趣
如果要變, 我想大家都變成那種圍著對方轉既人, 因為我覺得這種感覺很幸福
因為如果只有一方係咁樣做, 個一邊就會好辛苦, 好似我咁
我成日都會唔開心因為佢有時唔理我, 或者佢做緊其他野唔陪我個陣, 我會成日掛住佢
我做野個陣, 佢都有掛住我, 但我肯定感覺不會比我來得更強烈...

大家覺得, 我係咪應該唔好咁上心呢..? 或者大家有咩意見, thank you..

乂無情乂

呢種心情我好明白=,=.......

唯有同自己講 >>> 付出左就唔好希望有回報

越去計較反而令到自己唔開心...

仲有你知道佢係 心只有你 就足夠咯

~Ayaya~

你是專情的人 .... 要你對她比較不上心就太難了
你就作回自己順其自然就好 , 對她好就對她好阿
倒是你試著不要太計較回報 , 也許你會很累

細低

第1段已經覺得你女朋友真系好幸福~
你對你女朋友太執著喇~有時d野你對佢好佢知道就得~
或者你對佢要求太高~有d野系5可以迫嫁....
如果你真系想佢咁對你既話~唯有你對佢好d..慢慢黎..

天神99號

多謝大家既意見~
其實佢都知我對佢好好
我也沒法一下子要佢咁樣對番我
或者愛情就係有一方會負出多d, 一方少d
咁樣先有一個進步既空間..

〥凍◆奶茶〤×

你的問題   正是我在面對的
當你越著緊  心中就越多問題
當你付出所有   換來的是比自己更冷淡的待遇時
那種心亂  不能形容  

說愛我的是她  但做出來的卻是我

天神99號

原帖由 〥凍◆奶茶〤× 於 2009-4-14 04:25 PM 發表
你的問題   正是我在面對的
當你越著緊  心中就越多問題
當你付出所有   換來的是比自己更冷淡的待遇時
那種心亂  不能形容  

說愛我的是她  但做出來的卻是我

但佢有冇係某方面show倒佢對你既好?
如果有既話 其實仲可以傾

~傲雪~

唔好咁傻.亦唔好對人要求咁高

○兔兔

我可以話, 感情唔可以用黎做比較,
男同女方有兩個人, 付出從來唔會係打等號, 一定有一個多, 有一個少。

每人都有自己既生活空間, 我覺得佢唔可以做到好似您咁全程投入,
並唔等於有錯,
始終每個人對愛情既著緊度都唔一樣,
但既然您了解佢, 選擇左佢,
就應該接受佢, 因為佢並冇問題, 反而我覺得幾正常。

luikwanchak

首先  我覺得如果你要刻意唔上心
於是自己付出少左  覺得好似晒少d心機係佢身上
而覺得舒服既話  我建議你唔好咁做
因為拍拖就係將心機放係另一半身上  刻意唔上心
反而唔好

第2..男仔就係重色輕友  我同而家既女朋友
最大分別就係一開始既時候
我會忽略d fd  走去陪佢  咁一黎d fd識做  唔會霸住我咁
同埋男仔好多都將女朋友擺係第1位  所以男仔明白男仔點諗
於是d fd都體諒我  但係女仔唔同
最多都係fd同情人平排  而且一開始既時候
女仔未到好中意個男仔既階段  所以多數都係fd or其他野行先
因為女仔係由感覺主宰的  所以當發展耐左
個女仔愈黎愈中意個男仔  直到想無時無刻都擁有個男仔
咁呢個時候  個女仔就會乜都以個男仔為先

感情既野  男同女好有分別
點解唔俾d耐性等下呢

cheunglong

各人都唔同,每人都有自己生活同對待感情既方式
樓主你係著重呢段感情,只有佢一個
樓主女友則好朋友同男友放在差不多位置
唔好要求自己女朋友好似自己咁,只要佢心入面只有你一個就足夠了

稚狼

原帖由 ○兔兔 於 2009-4-15 05:16 AM 發表
我可以話, 感情唔可以用黎做比較,
男同女方有兩個人, 付出從來唔會係打等號, 一定有一個多, 有一個少。

每人都有自己既生活空間, 我覺得佢唔可以做到好似您咁全程投入,
並唔等於有錯,
始終每個人對愛情既著緊 ...

我覺得，一段愛情應入面，兩個人既感受要平衡，每個人都想付出 = 回報。

所謂付出，可能講係你既愛，而所謂既回報，可能係對方回應番比你既愛。

至於呢個付出 = 回報，我地可以睇係兩個未知數，決定呢兩個未知數並唔係什麼公式，而係個人既觀感。

老土d講句，懂得滿足既人自然幸福。

呢個等號就自然會存在
>
但樓主~

我明白往往有ｄ時候，唔係自我催眠，話滿足就可以滿足。當你想維持一段關係，但係又覺得兩個人之間所謂既付出唔平衡，就麻煩坦白一d，搵機會同佢講。

兜口兜面講唔出，試下暗示又好，借題發揮又好。

屈住屈住，終有一日呢個問題就會成為你地之間既芥蒂。

忍受唔到，就要學識平靜去處理問題。

BY THE WAY，講咁耐，其實重點你只係女人上身。

我妹有句金句：你一日唔同你女朋友講我愛你，佢就會假設你並唔愛佢。

我本人無呢個煩惱，事關我幾善於表達自己既感受，但係我覺得你有需要叫你女朋友日日同你講=] 哈哈~

[ 本帖最後由 稚狼 於 2009-4-15 06:06 PM 編輯 ]

肥吷

你如果整個世界只有你女朋友一個　我想　她遲早會壓得很難透氣的。

我認為　你應是那種很在意很在意女朋友一舉一動的男生吧？

但是　成熟懂得愛的女生是不會２４小時都全然把想念掛在你身上。但也不代表她不在乎不愛你，她只是不盲目。太著緊，反而得到反效果。愛情是一種很微妙的關係，愛她的同時，給點空間大家呼吸，是最好的。

她的親人、朋友難道會因為你進入了她的生命而被隔絕在圈子外？答案當然是不。

愛人的同時，留點精力給自己，ｆｏｒ工作娛樂也好，愛她不是要付出所有，然後看所謂的回報。

pkpalk

原帖由 ○兔兔 於 2009-4-15 05:16 AM 發表
我可以話, 感情唔可以用黎做比較,
男同女方有兩個人, 付出從來唔會係打等號, 一定有一個多, 有一個少。

每人都有自己既生活空間, 我覺得佢唔可以做到好似您咁全程投入,
並唔等於有錯,
始終每個人對愛情既著緊 ...

同意..而且好多人都講中晒..
有幾個重點:
(1)你對你女朋友真係好好..我自問做唔到...但你既付出係有要求..你女朋友一定好大壓力

(2每個人都需要私人空間..正如你想陪朋友玩下..打下機..你女朋友要求你陪佢..只係因為佢悶..你有咩感覺?

(3)問問自己..係咪因為佢愛你..所以你愛佢?...佢掛5掛住你..重要咩..你係一個偉大既情人..唔應該計較呢d小事..記住..經過比結果重要得多...

★飯團仔★

樓主 覺唔覺得你篇文章入面
有太多「我」?
諗下「佢」啦
了解佢 明白佢 點解想要咁樣既生活方式
冇人可以完全滿足「我」
包容下 容易滿足一下
做左咁耐人 都知道世界冇完美 自己想要既唔會全部都有
我講下如果我係樓主我會點做
我會覺得呢種情況都好丫 我會掛住佢 見到佢既時候 對佢既愛更強烈
總好朝對晚對..
愛情最濃烈既頭幾廿個月 唔會永遠存在
想更長久就要學會包容 體諒 關愛 一種家人既感情
學過經濟都知道 人會不繼追求 唔攰咩?知足D啦