想寫篇咁既野係因為, 有一場見到我方出騎士很積極, 但就好快死清光......前後10分鐘, 所以想寫一篇野希望對大家有用, 我唔敢講我好勁, 因為打過好多騎士用得勁過我好多, 不過我想講番一d騎士使用上既正確觀念同戰場上點樣判斷騎士本身要做d咩
其實騎士本身可以做既野有好多, 大項略分為以下幾下
- 防敵召
- 快速擴建
- 流動水銀
- 偵察戰場
首先由第一點開始講起, 有好多人可能會覺得, 咦, 對面得一兩隻騎, 或者冇騎, 死0巨人用手都打得贏啦, 不過, 我呢度想講番一個戰場上最重要既規則 - 人流效率控制, 打一隻死0(無敵騎情況下), 用既人力往往係5個以上, 而騎士只需要一隻就可以輕鬆打死一隻無騎護既死0, 由此可以睇到, 人力資源分配上, 騎士同步兵係1:5, 即係話如果出一隻騎, 就可以慳番4個步兵去前線, 對壓線上係有極大幫助, 不過, 有d人可能又會諗, 當對面0召喚果陣時, 出騎又冇傷又冇人打, 乜都幫唔到手冇乜用, 但係, 呢度有一個重要觀念要再澄清, 當我方出一騎果陣, 對方就必需跟進出番一隻騎黎對抗, 兩邊係相對, 失去平衡果一方就會失去召喚優勢, 再依從呢一點原則去構想戰術的話, 出左一騎之後, 觀察對方出騎的情況, 如果對方真係唔出騎, 咁我地就可以再出一隻死0 + 2隻巨人推進踐線, 強迫對手跟進出召
第二點, 快速擴建, 由於擴建位置距離水晶太遠, 如果用人仔行去擴, 然後再行番去拎水, 不停來回既話, 擴建速度會非常慢, 所以騎士係擴建上發揮作用, 利用騎士行得快既特性, 快速來回採水點及戰場各處進行快速既擴建, 藉此取得擴建度上既優勢, 咁樣, 應該幾時開始出騎擴呢? 判斷上, 應該係起左第2枝方尖塔之後, 就可以開始收水出一騎, 然後繼續擴建, 點解要起左兩枝先出騎, 而唔係一開始出騎呢? 因為第一二枝塔, 通常唔會離主水太遠, 一枝塔要15粒水晶, 來回既時間剛好係你既隊友儲滿15水既時間而已, 所以出騎既話, 反而會過早浪費左40水, 而造成擴建落後於對方, 咁樣係搶戰略位置上就會失去先機, 戰場往往都係制敵先機, 先搶先贏, 40水已經等同2.5枝方尖塔, 落後2.5枝方尖塔下, 就算騎士跑得再快, 都冇可能擴得比對方快
第三點, 流動水銀, 有D戰場副水位極其偏僻, 當主水乾左之後, 要出召就要行去位置偏僻既副水收水, 然後大老遠行番主城出召, 就於上面所講, 行既時間浪費太多, 就會失去先機, 所以, 利用騎士行得快既特性, 做水銀快速運水番主城, 要出召既人係主城等, 由騎士運水晶番城提供友軍出召, 減少因為趕嗆浪費既時間, 咁幾時需要騎士做呢個位置呢? 我舉一個例, 尼可街道攻方, 如果主城宣右上水晶位, 副水係下面, 當主水乾左, 好自然就會落去中間坐水, 不過問題係, 落去容易上去難, 落到去, 收完水再番上去主城就要兜大圈, 呢個時候, 如果用騎做水銀, 運水番上去, 就會快好多好多, 做水銀既騎士最好係半血或以下, 因為解召會浪費40水, 上前線可能會死, 善用資源做水銀可以快速提供更多友軍出召喚獸
第四點, 偵察戰場, 當戰場上無召喚獸可打, 又或者敵軍主城扣血超過一條之後, 騎士就要充當偵察角色, 可以多偵察戰場有冇敵召喚獸(尤其是奇美拉), 將敵人可以扭轉勝敗既機會先行扼殺
以上四點, 可以睇到騎士其實真係戰場中不可或缺既單位, 一隻玩得好既騎士, 要過萬傷絕對比步兵容易! 一個戰場, 絕對冇可能只有一邊有騎, 因為如果另一邊唔出騎, 咁即係代表勝利離你不遠喇!
一起為紫國騎士團吶喊!
Zick Zeon! (咦? 亂入了...) |
發表於 09-4-20 06:01 PM
發表於 09-4-20 08:07 PM
