介面 及 按鍵

seeingdaily

三國志online 跟以往玩開既韓國 或 台灣自家做的遊戲好唔同，
除咗內容 及 場景做得好好之外，就係介面 同 按鍵 都做得好細
緻，真得全部都會用到，同埋分類得好細，可以完全配合到唔同
玩法既人搵到自己既操作方式。

不過對未曾玩過光榮出品既人來講 (有玩過信on 的人應沒問題)，
初初會覺得好複雜同好多按鍵，所以當你係第一次進入遊戲時，應
先熟習介面 同 按鍵，唔使急住去跑任務 或 升級 (唔明 d 人係咁
沖 level做咩，封頂又話悶，但自己又唔慢慢玩)。

當進入遊戲後，右下角有個"系統"功能(小電腦圖示)，入去你會見
到有 "按鍵說明"，按下去後畫面上會出現一個小鍵盤，咁你可以
用鼠標指向按鍵就會有說明，慢慢溫習一下，跟住慢慢進行遊戲就
會知道應怎用同埋搵出自己既操作習慣。

唔明可以隨便問人，好多人都好樂意教你，有時間可以按 "U"，去調
節遊戲鏡頭方式，我個人係選擇用 鍵盤 A，人物移動時鏡頭"鎖定背後"
，咁就同你一般 WSAD 的操作一樣。

當日我初初入遊戲，用咗兩個鐘去睇介面、按鍵，跟住玩玩下就慢慢再發
現唔同功能；我雖然兩年前已有接觸 三ON 資料，但要玩過才知怎上手，
希望大家也能抱著 "玩遊戲" 的心情去玩，而唔係要最快鬥 level 跟住完全
唔識其他操作，淨係識按 "enter" 或 滑鼠左鍵打怪。

chanw4

三on d字體睇到眼花
唔知可唔可以轉字體?