火影替身術之謎+佐助睇穿迪達拉結印之謎

乂聖鬥士乂

跟據我的觀察.....每次木葉班友仔替身術用既果碌木  都有半個人咁大碌,但佢地身上都從來見唔到有碌木係身

換言之  即係佢地係被攻擊的剎那間  佢地會....

離開原位→搵樹→斬樹→拎木→番原位→擺低碌木→再用不明方法將舊木變到同自己一樣樣(有時仲要識行識走識講野)→之後再逃走......

係被攻擊的剎那間竟然可以做咁多野.....相信好似班咁識得閃  都冇可能一剎那間做得到....但木葉班友就當係家常便飯....唔通木葉全部識替身術的人 都有係班之上的速度?

純屬個人理解....但解唔通-.-有冇人可以解釋下替身術.....

另外....既然舊木可以整到識行識走...即係可以郁....而且可以被擊中 即係變身成人的木  係實體....

咁替身術果個替身  咪同影分身術一樣?



漫畫當中 佐助回想迪達拉結印的畫面  係雙手合十....之後就話佢做的結印再快都好 寫輪眼點都會睇到

由於漫畫係以截圖方式表示...所以有關迪達拉結印  只以一幅雙手合十的圖表示 都仲可以講得通....

但動畫入面 當佐助回想迪達拉的結印的時候(都有1-2秒)    達達拉的結印....仍然只係雙手合十 完全冇郁過........

迪達拉雙手合十 完全冇郁過....佐助竟然都可以睇到係土遁結印.......究竟點解會咁.....?

唔通土遁結印  只得一個動作?

如果只係得一個動作 , 佐助所講 (結印再快都好 寫輪眼點都會睇到) 的這番說話又有什麼意思?

據我理解....結印快的目的  主要係為左出招快,其次就係一連串的高速動作可以使敵人睇唔清結印的屬性.....

但係迪達拉.....在動畫中的1秒左右的畫面中一直都是保持雙手合十 ........對高級忍者而言....一個結印動作做1秒 是無可能的慢速......除非結印只是一個動作....

現在有兩個假設,
1 迪達拉的土遁結印只有1個動作 , 佐助眼殘 把維持1秒的動作稱為快 而且歸功寫輪眼
2 佐助的說話是暗示看清了一連串的高速結印 , 迪達拉的結印是一連串動作而不是單單一個動作

個人認為第2假設應該是不成立的
漫畫,動畫所顯示的 都只是同一個的結印動作,先不管漫畫(因為漫畫的截圖方式是不可能表示結印速度的快漫),動畫中正如剛剛所講 在果1-2秒之間 迪達拉一直都只是維持一個結印動作,跟據過往經驗 動畫中的極高速動作 一般會以殘影表示(火影 中忍選拔試中李洛克的極高速動作便是例子),一些較慢的高速動作則會以觀眾可以清楚看到的連環動作表示(疾風傳中,狗仔鳴同小櫻圍攻卡卡西,卡卡西結印出豪火球的時候便是例子,這個畫面可從2kf某會員的簽名中找到),  但是在動畫中的1秒間迪達拉的結印只是得一個動作而且沒有任何殘影或連環動作,

所以結論迪達拉的土遁結印只有一個動作

佐助講的(結印再快都好 寫輪眼點都會睇到) 應該是暗示佢睇到一連串的極高速動作, 但是動畫顯示迪達拉的結印動作卻只有一個而且都持續了1秒左右,是現實中普通人都睇到的速度.....

換言之 佐助講的 (結印再快都好 寫輪眼點都會睇到) 說話當中的結印只是一個動作

到底是佐助是不是眼殘? 居然把一個維持1秒的動作稱為快,而且還要歸功寫輪眼

還是我的推測完全錯誤 迪達拉的結印其實是一連串?
如果是我的推測是完全錯誤,迪達拉的結印其實是一連串高速動作.....那動畫製作的顯示方式便是把連串高速動作制作成定格....連殘影也沒有, 那我們日後怎樣分辨哪些畫面是靜止不動 , 哪些畫面是高速動作?

[ 本帖最後由 乂聖鬥士乂 於 2009-9-18 09:53 PM 編輯 ]

記憶

忍具袋=百寶袋

不滅的靈魂

如果係室內到點搵仲要關埋門 睇佢點搵到木黎

saiming1988

睇漫畫要諗咁既野,不如唔好睇

正如,人都唔可能跳咁高~~破晒世界記錄啦

細c

依d都有得解？
咁豪火球=搵火把→搵火酒→囉火把→含住火酒→對住火把→吹？

乂聖鬥士乂

原帖由 saiming1988 於 2009-9-18 09:24 PM 發表
睇漫畫要諗咁既野,不如唔好睇

正如,人都唔可能跳咁高~~破晒世界記錄啦

不能這樣比較的

以火影的主要角色為例, 佢地被形容為跑得快跳得高,  這些雖然是現實中無可能發生,但是在故事中他們無論何時都是跑得很快和跳得很高  包括戰鬥的時候,逃走的時候,即是無論何時都是不會前後矛盾的性質,所以這些我們不用追根究底
因為人物設定就是這樣.....

但是替身術就不同了,以我的說法 他們是在一剎那間做了好幾件事, 那種速度是比任何時候都還要快,但是這種做事的速度  往往只是用替身術的時候才會有 , 這是一種在 戰鬥時, 逃走時或懂瞬身術的人 以及所有人設當中 都沒有的速度 , 即是這個速度根本沒有真正存於故事設定中 , 但卻出現了,並推翻了不少的故事設定 ,加上由頭到尾都沒有詳細的說明這個術都底是怎樣  所以我才會追究起來 到底替身術是怎樣

乂聖鬥士乂

原帖由 細c 於 2009-9-18 10:03 PM 發表
依d都有得解？
咁豪火球=搵火把→搵火酒→囉火把→含住火酒→對住火把→吹？

故事設定豪火球係需要卓羅+結印先出到....我們只知道卓羅都算是能量的一種 沒有實體 但具體係乜黎 成份係乜 形狀係點 有乜野規限我地唔清楚, 換言之 卓羅就好似一種千變萬化的東西一樣 擁有無限的可能性 只視乎使用的方法,所以結印+卓羅出豪火球 係可以接受的 不用追究點樣出

[ 本帖最後由 乂聖鬥士乂 於 2009-9-18 10:32 PM 編輯 ]

angus1002002

原帖由 乂聖鬥士乂 於 2009-9-18 10:13 PM 發表


不能這樣比較的

以火影的主要角色為例, 佢地被形容為跑得快跳得高,  這些雖然是現實中無可能發生,但是在故事中他們無論何時都是跑得很快和跳得很高  包括戰鬥的時候,逃走的時候,即是無論何時都是不會前後矛盾 ...

替身術其實係幻術一種~ (不要認真

屋屋烏

有時做流幾步姐
係要足人錯既地方

ffaas

樓主有點惡搞成份~~~haha, 不過好搞笑, 第一個 木 的疑問真係唔知點解
不過第二個結印速度問題好簡單, 因為我地睇動畫哥時冇用寫輪眼, 所以以為係一個動作
其實好多動畫有時主角完全企定定, 敵人d血無端端都標到 bar bar 聲~~~可能係呢一類型ge 速度

同埋樓主的推理的確是有邏輯的, 因為故事和現實有矛盾可以不理, 但木的問題是故事和故事內容的矛盾~~hahaha

[ 本帖最後由 ffaas 於 2009-9-18 11:50 PM 編輯 ]

乂聖鬥士乂

原帖由 屋屋烏 於 2009-9-18 11:38 PM 發表
有時做流幾步姐
係要足人錯既地方

-_- 我其實唔係想捉人地錯的地方   只係有睇唔明既地方同謎團

-.-而且我又唔係作者 跟本唔可以講劇情發展點先係岩點先係錯

乂聖鬥士乂

原帖由 ffaas 於 2009-9-18 11:46 PM 發表
樓主有點惡搞成份~~~haha, 不過好搞笑, 第一個 木 的疑問真係唔知點解
不過第二個結印速度問題好簡單, 因為我地睇動畫哥時冇用寫輪眼, 所以以為係一個動作
其實好多動畫有時主角完全企定定, 敵人d血無端端都標到 b ...

-_-我開頭都有念過結印速度可能係去到你講既果個速度....但係我記得火影描述極高速度的時候 最多都係用殘影....所以就打消了念頭了

Oo赤oO

火影裡面無疑係有好多bug-.-"
一開波就作到替身術幾勁幾勁咁.
ab唔俾卡卡西死最拿手就係用替身(佢用得最多替身)
仲有好大個bug就係玩分身-.-"主角一有咩危險就話係分身...
所以樓主你唔洗諗咁多...眼殘又好點又好,ab唔會諗到咁仔細..

sky5love2

鼬同卡卡西打果陣..拎一拎個飛標出黎就已經結左印喇..
我地又係睇唔到架,係卡卡西話佢結印太快,我地咪當自己冇寫輪眼咪睇唔到~~
漫畫有bug都好正常吧

[ 本帖最後由 sky5love2 於 2009-9-19 12:11 PM 編輯 ]

pk仔仔

睇漫畫姐= =
唔通樣樣都講點結印點出招點樣係咩屬性咩屬性既話
有d人又話悶又話點~~漫畫作到點都得嫁啦

守月。

睇故唔好駁故啦- -

kelvin177685

聽故唔好駁故=.=''''''''''''''

青龍幽靈

樓你冇野呀- -?佐助用寫輪眼睇=/=你睇,唔通樓主有寫輪眼?

[ 本帖最後由 青龍幽靈 於 2009-9-19 08:33 PM 編輯 ]

aR屎=]

可能E個系忍術本身設定呢
正如你講咩人物設定

隨緣﹏

你冇寫輪眼所以你咪睇唔到囉