大哥...我地係消費者!

hide1105

2000fun呀2000fun...你地搞清楚大家既關係先唔該...
依家我地係消費者...你話有得訂貨...ok我去訂...訂左之後話19/20有貨...
ok...好喇咁我19號打去問...佢話7點可能有貨...都有可能冇或者等20號先有貨...
咁因為我朝早返完工...之後夜晚重要返學...咁我就叫我個同事幫我去拎...
果日我同我同事都要ot...佢去到果到都7點幾...之後佢拎張單出黎問有貨未...
你地d店長就同佢講話:未有喎...
我同事 : 咁你又叫我7點黎!?
店長 : 咁人地同我講話7點有貨..咁佢依家又黎唔到...我都比唔到你嫁或者你會唔會買住d點數玩住先呢!?
我同事 : 唔洗喇

我明白你地冇貨你地都冇計...但依家我地係比錢你地...除左買你地d貨...就買唔到你地既服務!?
係呢件事我只係覺得我地係消費者...你地係唔係都應該至少打個電話黎話有貨/冇貨...如果你地唔打...咁叫我地留電話做乜!?
麻煩唔好再講咩你等唔到就唔好玩...或者你有權選擇退錢/轉點數玩等等既字眼...我依家就係要你呢個包我先買...唔係買黎做!?
但如果你地覺得整件事你地冇問題的話...咁就算了~_~...

純個人意見!不喜勿插!

◇傻Siu乂呀業★

你用MSN問佢
我都係咁...之後先SD 個e-mail比我

king99999999

可能佢留你電話 係等有貨先打去叫你攞呢~
唔通無lala 打比你話 仲未有貨......聽到咁ge 電話你都覺得怪la～
佢可能正常情況下的確係７：００左右會有貨
但中途出左意外．．塞車ｄ貨未黎到咁上下ｌｅ　ｄ～
何況佢都話７：００可能會有ｌａ
未必一定有ｇａ　ｍａ～
其實都係你心急ｊｅ　你可以叫佢有貨ｇｅ時候打比你ｇａ～

hide1105

原帖由 king99999999 於 10-1-20 04:24 PM 發表
可能佢留你電話 係等有貨先打去叫你攞呢~
唔通無lala 打比你話 仲未有貨......聽到咁ge 電話你都覺得怪la～
佢可能正常情況下的確係７：００左右會有貨
但中途出左意外．．塞車ｄ貨未黎到咁上下ｌｅ　ｄ～
...

我明白...我只係發洩一下~_~
不過呢d係價值觀問題...我做得消費者...唔會接受咁多可能....
更可況佢打黎同我講未有貨...我唔會覺得怪...只會覺得有佢地好有責任...
至少有個心理準備知道今日冇...更加唔洗麻煩個同事...
我就緊係心急喇- -每日返完工重要返學...玩既時間好少T^T...

天龍王子

好多問題咁... 好彩我係上now.com買...

傑1989

而家真係得個等字= =

傑1989

我18號晚上定的...岩岩打左去 佢話無貨要等2日..最遲星期5-6 ..
中立咁講..佢講得話19號比貨我地 叫我地等email..
如果19號無貨的, 佢拎唔到貨無問題,不過都sd返個email 講聲要等囉..
而家一d 定左的人話拎到 一d 就係到白等
希望2000fun 可以盡快報知已定左但又拎到唔月包的玩家

sing~@@~

可能今日有呢
19/20號嘛~
遲一兩日其實唔出奇
有時訂首辦遲3個月添~.~
出貨既野會遲好正常,做過物流業會明白~.~

cksysanby

同意今次2000fun在銷售方面的確出現左問題!雖然我已經收到貨..但係我由1月19號既中午12:00開始打電話去問...,本身話下午到....點知到左3,4點都仲末有...只係叫我地check email....你諗下當我地由12:00開始 check check到5-6點都末有..果下本身唔火都變火啦...就算代理遲左未到貨係咪都應該send 個email比我地呢d比左錢既消費者知呢?之後我等到差不多9:00都仲末收到你地既email...咁我當然即刻打電話去問你地貨到左未啦...因為你地收9:45-.-真係分分鐘唔問都唔知今日到唔到貨...跟住接通左..你話已經到左貨..已經有同事開始分緊貨...係咪我地唔打電話去問,你地就唔打算通知我地呢?至小我覺得都應該send 個email比買家知會我地已經到左貨...等我地唔會企左係到,,,唔知買多張點用住先,定係等之前訂左既貨好... 請多加留意啦!

hide1105

原帖由 sing~@@~ 於 10-1-20 05:03 PM 發表
可能今日有呢
19/20號嘛~
遲一兩日其實唔出奇
有時訂首辦遲3個月添~.~
出貨既野會遲好正常,做過物流業會明白~.~

我都知正常...問題不在於貨幾時到...
做過logistics都會call d 客通知一聲...
或者你都會摧貨喇...係咪...?

銀河戰國

一定有貨先好叫人落訂先係
冇又唔話退錢,叫人買佢d點,笑撚死

Crow2159

其實2kf應該出黎講清楚
同say sorry 最好作賠償  <<<呢個諗下姐

但最好出個公告講清楚- -
唔係對你沒哂信心架><

但係叫人日等夜等
又比哂錢 都係好x

G550BE

唉- -
好彩我冇訂
古唔到2000fun d態度咁=口=
好失望同好驚訝

pbqdhk

咁都得既

以為自已有錢賺就可以咁

俾我就吊 x 佢…

handyli

原帖由 hide1105 於 10-1-20 03:53 PM 發表
2000fun呀2000fun...你地搞清楚大家既關係先唔該...
依家我地係消費者...你話有得訂貨...ok我去訂...訂左之後話19/20有貨...
ok...好喇咁我19號打去問...佢話7點可能有貨...都有可能冇或者等20號先有貨...
咁因為 ...

今次官方CUT左貨,  話剩餘貨會係下星期先有 因此部份18號先訂既玩家可能拎唔到貨, 拎唔到貨的玩家可以選擇退錢先, 或者轉換點卡, 或者繼續等下去, 由玩家選擇, 對各玩家造成不便非常之抱歉!

17號前訂的基本上都分派出去了, 如拎唔到卡的, 請聯絡訂貨的店鋪

官方限制月卡包數量, 因此即時訂左貨亦未必100%保證有貨, 強烈建議MY400+2張50點 包月+轉VIP啦,

大部份玩家都已通知左架啦, 有d通知唔到可能暫時未能聯絡到, 未收到通知的 可以主動搵我地店員

無論如何  對各玩家造成不便非常抱歉!!!



[ 本帖最後由 handyli 於 10-1-20 06:32 PM 編輯 ]

落第之王

原帖由 handyli 於 10-1-20 06:26 PM 發表



今次官方CUT左貨,  話剩餘貨會係下星期先有 因此部份18號先訂既玩家可能拎唔到貨, 拎唔到貨的玩家可以選擇退錢先, 或者轉換點卡, 或者繼續等下去, 由玩家選擇, 對各玩家造成不便非常之抱歉!

17號前訂的基本 ...

官方有錢都唔賺

傑1989

岩岩接多次電話話貨未到..睇泥2000fun 開始做野啦..
今次當吸收經驗啦..下次要快d做野..令到買家不滿就唔好啦
題外話..用點卡轉月費入果d gift 同埋抽水晶大劍係唔係月包無嫁? 如果係貴$17 都ok的

handyli

原帖由 落第之王 於 10-1-20 06:32 PM 發表

官方有錢都唔賺

唔係賺唔賺問題  香港官方訂貨 都要同台灣訂  出code 都要時間(每批貨 大概3-4日時間)

來緊仲有第6批貨的, 陸續都會有code  所以並不是 有錢唔賺的問題