彩虹汽泡CCB測試報告 - 《彩虹汽泡》心得區

查看: 1948\|回覆: 9	go 彩虹汽泡CCB測試報告 [複製鏈接]

Mr.豪

版主

Rank: 10

UID: 431630
帖子: 9669
積分: 11245
Good: 222
註冊時間: 05-6-19
在線時間: 7208 小時

十週年勳章(賀詞)

1^#

發表於 10-3-17 11:47 PM |只看該作者 |倒序瀏覽 |打印

以●●●●●為最高分數、●○○○○為最低分數!!

項目包括 : 遊戲觀、耐玩度、商城入侵度、平衡性、畫面

1.遊戲觀 ●●●●○
彩虹既世界觀係100年後既童話世界 , 亦都因為某D因為 , 我地所認識既童話世界完全癲倒了!
例如大野狼反被三隻小豬欺負 !
係呢方面我覺得其實概念幾好 , 故事既可廷續性亦大大提高
如果只係用番我地已知既童話故事 , 我相信都唔會有大多人會去睇佢主線既內容 , 因為所有野大家都一早就知
但亦因為現在所在故事都被佢重新修改過 , 反而幾吸引我去睇佢既內容同了解佢既內容。

2.耐玩度 ●●●●●
坦白講 , 我覺得耐玩度係十分足夠 , 絕對唔似網龍果D做黎短線搵錢既遊戲 , 最起馬我玩左7日都仲未玩夠
首先 , 遊戲可能因為升級實在太容易 , 所以即使係回合制 , 練到想訓覺既出現機會真係唔多 , 亦都因為呢個原因 , 呢隻遊戲升級既壓力基本上係0
只要你肯去努力 , 絕對無玩2-3日要追番上去都係OK , 我個FD正正常常就係一個例子!
而且 , 之前有人話取消左練技甘玩D咩? , 甘呢 , 其實係理論上 , 練技都係存在架
不過雷仔就醒左 , 如果大家一直係地下室練 , 外掛既衍生機會會大增 , 大家覺得悶既機會亦會大增 , 所以佢採用左合成技能書制度黎取代左練技
玩家要合成到技能書基本上係要去副本打殘卷X10先有機會得到 , 而合成既技能書係隨機獲得任何一系任何一本架 , 所以練技理論上係存上,
只係由不停出技改轉為增加了趣味性的打副本 , 增加耐玩度!
而寵物呢樣野當然就係童話既精華所在 , 所以基本上童1既功能佢都保留晒 , 呢D大家甘熟識我諗我都唔洗多講
而遊樂設施亦都係一樣係悶時增加你樂趣既活動 , 悶既時候 , 搭晒全部摩天輪、火車、掃把、馬車等等 ......... 都過左半粒鍾了

3.商城入侵度 ●●●○○
都係果句遊戲公司都係需要搵錢架 , 所以有D要強既野必需係商城買係合理架 !
不過係遊戲中基本上唔用點買你都唔會太廢,打怪?升LV?打王?副本?一樣做得到 , 只係快同慢既分別 , 唔會有野係做唔到
而且,其實有好多商城賣既野 , 係唔想用心機搵既人先會全部係晒商城買 , 係遊戲唔同既地方其實都可以用可因、積分換番黎 , 而且任務亦會送1-2件 ,
而且,更有可能買到D連商城都無出售既物品架 (請留意我上手百科全書之後推出既物品對比表)。

4.平衡性 ●●●●●
我覺得呢 , 今次其實遊戲既平衡性係唔錯架目前 , 至少遊戲入面 , 唔會有因為一個職業可以秒怪而所有人都只組果果職 , 其他職都唔要 , 因為基本上係所有職都有範圍技
而且大家既技能強度係差唔多 , 武器成為主要既因素(紫武需用分子合(失敗降回白裝)、但採集可以直接做出藍裝、綠裝)

5.畫面●●●●●
呢D我諗都唔洗點講 , 可愛、可愛、可愛、之後都係可愛 , 當然你唔可以用韓國最TOP既遊戲畫風黎比佢比較
但以台灣做出黎既可愛風 , 都算係頂級 !

遊戲圖片

GM搞屎棍 , 成街椰菜頭-.-'

多拉B夢入侵彩虹城@o@'

動物走難記

彩虹世界既弱者 - 大野狼

三隻小豬大反擊了

呢期潮流興 , 官方都食住條水 , 愛麗絲夢遊彩虹汽泡@@'

彩虹世界 , 日頭同夜晚MIX結合既最佳證據 (點解朝早會有月亮架呢@@?)

最後就梗係要幫自己賣下廣告啦

, 家族 遊樂園 , 招收各位有心玩、唔自私、愛傾計、愛分享、不求勁、以享受遊戲為目的既玩家加入 !
我地係台板cb2啦 , ob啦 , 港板cb ob都會開架 , 但未必係第一時間第一個開公會 , 各位有興趣加入 , 又有興趣等下我開公會既就係呢個Post留個名啦 ,
遲下會公佈m群 , 方便未開到時或者未加入到既各位溝通溝通 , 交流交流下心得架 ^^'

包車團^^'