周秀娜 3月18日胎鬼纏身 - 電影討論區

查看: 2475\|回覆: 6	go [新片推介] 周秀娜 3月18日胎鬼纏身 [複製鏈接]

不敵...+＋

版主

Rank: 10

UID: 335857
帖子: 4525
積分: 17960
Good: 219
註冊時間: 05-1-16
在線時間: 2989 小時

版圖達人十週年勳章(賀詞)

1^#

發表於 10-3-19 12:02 AM |只看該作者 |倒序瀏覽 |打印

http://www.wombghosts.com/

導演 : 羅守耀
演員: 周秀娜,黎諾懿,呂慧儀,林雪
院線 : 新寶院線
片長 : 88 分鐘

在母體不幸枉死的胎兒往往會化成追魂索命的惡鬼，陰魂不息地在人間遊蘯。不能投胎轉世，不能輪迴再生…永無止境地在枉死界中受罪。因此胎鬼的怨氣亦至為惡毒。

心術不正的女護士少芳(周秀娜)戀上有婦之夫，介入男醫生意祥(黎諾懿)及其妻綠萍(呂慧儀)的婚姻。騙神騙鬼的術士隔山上人（林雪）巧施養鬼仔邪術助少芳趕走綠萍。靈異、恐怖事件不斷發生…胎鬼帶著至惡至毒的怨氣在人間為害。結局奇幻，為惡胎所害者，兇靈纏身、萬劫不復！猛鬼追魂，恐佈驚嚇事件… 由胎兒死亡一刻開始。

由羅守耀執導、周秀娜主演的恐怖片《惡胎》雖然將於三月十八日開畫，可是電影至今的宣傳主要集中於非戲院的途徑。繼日前於巴士車身賣廣告後，近日有關電影的宣傳也於紅磡海底隧道近行政大廈的位置出現。

不過，觀乎宣傳款式，難免令人感到電影像泰片多於港片。

先看《惡胎》的宣傳板，色調灰暗，主體最明顯的是周秀娜的大頭恐怖樣子，然後左方配有一個景致的背景，右方則有幾個矇矇的人頭，其灰暗的色調，有點像泛亞發行的泰國恐怖片如《陰容院在》的款式。

再看一下所使用的字款及其血紅顏色，其實跟一般的港片又有點不同。若果不看到是周秀娜主演及羅守耀執導的話，不少觀眾也許誤會以為這部不是港片。

《惡胎》是羅守耀執導以來首度挑戰恐怖題材，到底最終能否真的像電影拍出恐怖風味，還是在製作水準上恐怖呢？恐怕要待開畫後才有答案了。

電影新聞

首次擔正女主角0既 Chrissie 表示初次接觸恐怖片，所以感到好大壓力同緊張。 Chrissie 戲中扮演第三者，撬走綠萍（ Koni ）0既丈夫意祥（黎諾懿），不過性感尺度有限，更拍攝多場動作鏡頭，手腳都撞傷留瘀痕。導演羅守耀透露 Chrissie 戲中不乏性感：「我唔會埋沒佢0既身材，會安排穿著內衣以及性愛場面，會好性感，但只會點到即止，因為鬼怪要出場。」 Chrissie 自拍攝完成後，經常疑神疑鬼，甚至唔敢去洗手間，近日經常往來港日0既佢，直言最驚一個人留0係酒店房。 Crissie 0係感情路上曾經跌過，表示仍會愛到底，因覺得愛一個人係好幸福0既事。提到被導演羅守耀「睇中」，稍後力捧做打女， Chrissie 揚言會邊學邊做：「希望睇起來神似啦！」

Chrissie 0係戲中大搞婚外情，後來更因意外懷孕導致關係決裂，而一開場 Chrissie 更血淋淋0既墮胎戲份，之後更有一場戲係著內褲躺坐0係床上，陰靈穿身而入，最恐怖係胎中塊肉並非正常嬰兒，原來係邪靈附體之惡胎，最後 Chrissie 同惡胎糾纏不清，導致精神錯亂，可謂係演技大挑戰。電影工作人員特別租用位於大埔九龍坑0既「浩然廬」拍攝，營造荒山大宅陰森氣氛。「浩然廬」屬古物古蹟辦事處列為具歷史價值0既建築物之一，係戲中 Chrissie 以及茅山師傅老豆（林雪）0既屋企，為拍攝戲中多場為靈胎作法0既場面， Chrissie 需經常0係晚間出入深山大宅，雖然每次都提心吊膽抵達現場，但亦坦承現場陰森0既氣氛營造得非常好，能幫助入戲。

最近頻頻參與電影演出0既 Koni ，0係片中扮演大肚婆，因意外流產，死胎竟成惡鬼鬧出連番鬼話。由於為求演好角色，結果引致壓力過大而失眠，亦有向已經產子0既胞姊、同學請教， Koni 0係戲中婚姻會有第三者介入，而現實中，佢求學期間曾經真係遇到第三者介入戀情。由於是扮大肚婆，故開工期間只係淡掃蛾眉：「靚唔靚0既角色都無所謂，最緊要係配合劇情，唔介意烏歪0既角色，唔使化妝仲好，開工仲舒服。」「我升讀大學0 個陣，發覺男友行為古古怪怪，即時大興問罪之師，佢承認有第三者，我無聽佢解釋就斬斷情絲，唔會留戀，亦唔傷心。」問 Koni 會抗拒有太太同女友0既男士追求？「當然抗拒，不過，我總唔可以同男士第一次約會，就問對方有無女友、太太。總之，我揀男友首選要專一，專一就係尊重0既一部份。」

同樣首次拍戲0既 Da Da 、Heiley ，其中 Da Da 首次拍電影，但有0左演出電視劇《四葉草》0既經驗，並唔怯場。 Da Da 0係片中飾演陪酒女郎，因陷逆境求轉運，遇上神棍林雪騙財，橋段似足早前0靚模求轉運被巫師騙財騙色0既事件。 Da Da 指係劇情唔會咁誇張：「可能受害者諗歪0左，我唔似咁蠢？之前貪玩，諗過去澳門試0下塔羅占卜，但最後決定靠自己。」問到佢0地羨慕師姐 Chrissie 有好成績？會否以其為目標？「周秀娜成功非僥倖，付出都好大。」佢0地覺得最緊要把握機會，由工作中汲取經驗同磨練演技，有時間都會報讀演藝課程。