我在黑社會的日子I～＜完＞

DAVIS123456

如上~~~~出出出~~~

~傳說中的傻仔︻

聽日出啦- -...比D時間我啦

＊祖～葉＊

太正了....期待你下期

~傳說中的傻仔︻

第一話:

隔天晚上,在我意志消沉之時,

「震..震...」

電話有訊息傳來,我看看是誰,

(係佢...)

「阿波,今晚去唔去『老地方』聚下舊---阿朗.」

本應該我是樂於與阿朗聚舊,但是史王輝卻使我恨透東英眾人,

(去唔去好..)

拇指在手機的鍵盤上猶豫不定,

(唉,去啦.)

一來自己想藉酒精抒解壓力,加上昔日的友情,

最終卻使我答允這次的聚舊;

阿朗能夠信任嗎??他為什麼加入了黑社會??

這些問題在我前進的途中,不斷在腦袋盤旋著.



『老地方』是我們學校隔壁的大廈天台,

在讀書的時候,我們三人放學後常常去那裡,

在天台上,阿朗總是在看小說,

而阿偉在說色情笑話,我卻看著天空發呆,

事隔多年,想不到阿朗還會記得這地方,

而黑道的日子彷彿慢慢消磨了我的回憶,一段段珍貴的回憶.

「沙...」

我把這個破舊的木門推開,一個背影立時映入眼廉,

「黎左啦.」

背影正正是阿朗,他已經察覺到我的到達,

我走過他身邊坐下,他把啤酒遞向我,

「阿偉單野......」

我從側邊看見阿朗的表情,只見他的悲痛不下於我,

但是我卻沒有把心裡的情感表現出來,

「行得古惑就預左....我諗阿偉都係咁諗..」

我抬頭望著星空,默默地搜索那一顆星星是阿偉,

「唉....」

阿朗亦長嘆一聲,沒有再說什麼.


「聽講今次史王輝比你攪到一身蟻,你以後要小心.」

「大家唔同牌頭,做乜黎放料比我.」

我有點諷刺的意思,但阿朗卻沒有介意,

「我明你而家好憎東英呢兩個字,不過我係以朋友既身份黎比意見你姐.」

「史王輝...」我把啤酒樽大力地摔向地上,

「砰勒...!!」酒樽碎片四散,以表示我對此人的不滿,

但除了史王輝外,還有阿MAN與菊花,

這兩個狼狽為奸的人渣,

我也要一一親手除去,才能洩心頭大恨.

「今晚唔好再傾阿偉啦...咁你約我出黎想做乜.」

阿朗搭著我肩膀,說了一些奇怪的話,

「其實,藉住阿偉今次單野,不如你唔好再撈偏門..」

這句說話,卻挑起了我的怒火,

「我十七撈到而家,又紅棍,個朵又響,點解我唔做?

而且我仲要隊死史王輝呢條仆街,你要我走出呢個圈子??

即係想叫我去食屎,我仲會無臉面對阿偉.」

我憤怒地說,但阿朗卻沉著氣,

「唉..你知唔知咁落去,一係就無命...」

我沒有等阿朗說完,

「一係就入臭格呀MA,我預撚左啦.」

黑社會的力量,能夠影響一個人的思想,

我亦不例外,阿朗感覺氣氛不對勁,

便轉移話題,不再談論此事.



「咪咁啦..難得我地兩兄弟再見番,不如落骨埸啦;

,聽講個埸黎左D新血,有個仲幾正.」

畢竟阿朗是我以前的好朋友,加上他選擇以友善姿態面對我,

我亦暫時放下牌頭,樂於與他去抒解一下壓力.

「嗯,行啦.」

坐上阿朗的車子裡,我們雖然不斷在談天,

但彼此間都感覺到好像欠缺了什麼,

可是我們亦沒有說穿這種感覺,

因為大家也知道,這是填補不了的空虛,

由阿偉的逝去,所帶來的巨大空洞.

(待續)

DAVIS123456

點解咁短

鋼牙章魚丸

打撚死菊花先

~傳說中的傻仔︻

不嬲四段四段咁出   又何來少之理- -

蜜︿棗

支持支持~~~~~可以既話每日都出一話@@

~傳說中的傻仔︻

原帖由 蜜︿棗 於 10-5-20 09:37 PM 發表
支持支持~~~~~可以既話每日都出一話@@

多謝支持  但係要每日更新一話就好難了

不過最遲會三日更新一次   請期待之後既劇情吧

~傳說中的傻仔︻

第二話:

相隔阿偉死去的日子已有一個月,這月來我以休假為理由,

拒絕替強哥參與地盤爭鬥,強哥也答應給點時間我休息,

「你抖下啦,等你回勇再CALL我;仲有我下午就去英國,

要一排先番,你自己醒扒.」

「收到強哥.」

「仲有,有條友仔叫浩飛,拳館D人話佢好想跟你WO,

不如你同佢嗲兩句,睇下夾唔夾.」

「知道,順風呀強哥.」

「嗯.」

我把電話合上,慢慢閉上眼睛,

把整個身體也放鬆,把整個心情也平定下來;

表面上我是很平靜,一切也很如常,

其實暗地裡我卻開始搜集證據,為了親手幹掉阿MAN而作好準備.

(個日阿偉比我隻手指...)

我找回那晚阿偉給我的偷聽器,偷聽器上還有點血跡,

這算是阿偉的遺物嗎?心不其然痛了起來,

但我收拾心情後,便按下開始的鍵,

「沙..沙....」

過了數秒之後,開始有聲音傳出來,

「喂,輝哥,老章呀...的左個阿偉番黎啦..嗯..放心..

咁下一步我點做....你同MAN哥夾哂數未??好..收到...知道...」

然後便是一輪的毒打聲音,只有數句的內容,

卻為我提供到一個線索去追查事件.



(老章.....呢個遲D先刮佢....最先應該由邊度開始搵起....大富豪!!)

記得阿偉被捉前的那一晚,他說他是在大富豪偷聽到對話,

如果我可以去那裡一探的話,說不定有什麼得著,

但我一定會給他們認出樣子,所以立刻致電給犀牛,

「犀牛,今晚有咩攪.」

「無呀,有咩ORDER?」

「跟我落大富豪走番轉.」

「OK,幾點?」

「今晚十點半黎我樓下等,我車埋你去.」

「收到.」



十點半便是開始踏進夜世界的時間,每個人們都樂於享受紙醉金迷的圈子,

看見開始多人的『大富豪』外面,更是感受到這種氣氛.

我把車緩緩駛至大富豪對面的停車埸,

「波哥你望咩望咁耐,做咩仲唔入去.」

「我唔入去,我比個偷聽器你.」

我把一枚偷聽器放進犀牛的口袋裡,

「一陣你入到去就照舊坐低,一收到我CALL就即時去洗手間收埋個偷聽器,

跟住走個時行後門,咪比人見到你,明唔明.」

「明哂.」

「你自己睇路,唔好比人認得.」

「收到.」

犀牛從車內走出去,看見他的身驅,

走路左搖右擺,身形也很健碩,

倒真的有幾分犀牛的味道,真是沒有取錯名字.



等了大概半個小時,我從對面的停車埸,

看見有數人正緩緩走進大富豪,

我立時致電給犀牛,

「做野.」

「OK.」

左面的那人身形龐大,很明顯便是阿MAN,

而右面的那個帶了黑超,走路卻需要木杖支撐,

我肯定他便是史王輝,他還真是大命,那也炸他不死.

五分鍾後犀牛走回我的車內,

「攪掂未.」

「SURE個隻.」

「你走先,我遲D再搵你.」

「波哥,咁你自己小心.」

因為大隻MAN的事情,使我對身邊的人開始不信任,

即使是忠心的犀牛我也有點害怕,寧願獨自一人去面對大隻MAN.

(待續)

fgh14798

很悶呢這集

~傳說中的傻仔︻

原帖由 fgh14798 於 10-5-21 05:13 PM 發表
很悶呢這集

好難集集都有趣架嘛- -

要一步步黎   先會顯得高潮位震撼人心   

不過謝謝你一直支持~

~傳說中的傻仔︻

其實   有個小小問題

大家想個結局係悲定係喜呢??

DAVIS123456

悲~~~~~~~!!!

chic1

最好就悲喜交集啦

~傳說中的傻仔︻

原帖由 chic1 於 10-5-21 09:20 PM 發表
最好就悲喜交集啦

悲喜交集..我會諗諗佢  

其實作到而家   都已經三份一   

我估過多一個月到   就會完結整部故事  

希望唔好爛尾啦- -

fgh14798

喜

~傳說中的傻仔︻

第三話:

「沙...沙....」我開始調教偷聽器的頻道,

「嘔..」

一下嘔吐的聲音響起,看來是有人喝醉,

「全部出去!!!!清埸呀!!」

喝斥的聲音在命令洗手間內的人出去,

我認得這是大隻MAN的聲音,無名的憤怒火速冒起,

「輝哥,無事呀MA.」

「屌,出得黎行預左損手爛腳,不過估唔到條靚仔咁夠雷,

真係玩自爆,比佢吹撚漲.」

(阿偉...)

一想到為了救我而死的阿偉,心又悲傷起來,

「不過睇黎仲未有人知我同你壇野,阿波條柒頭點都估唔到係邊個過佢一棟,哈哈.」

大隻MAN的笑聲簡直令我討厭,要不是搜集證據,

我立刻便帶齊手下殺進去,他還可以那樣神氣;



「阿波呢條友唔簡單,上次佢單拖救人,又夠彊跳窗,

仲識調虎離山,如果唔係龍仁係度,

我都唔知個靚仔仲係間房到,比佢耍到頭暈.」

「挑,咁又點?咪又係大底一個,得個朵又無馬仔,

我一個人就可以掃平佢,佢咪又係靠個毛強照佢,

不過睇黎都照唔到佢好耐啦,嘿.」

(咁大口氣!!咪住,咩照唔到我好耐?)

「唔傾佢住,單野發展成點?」

「花哥話萬事OK,過多排約埋毛強同埋老頂,

到時就話就話私人PARTY,隊死佢地就係真既.」

(老頂同強哥都夠彊隊!!佢地真係要反啦!)

「嘿,真係唔明菊花點解咁憎毛強.」

「屌,個毛強成日扮哂正義,攪到老頂剩係聽佢講,

佢條頭馬阿波又係度阻頭阻勢,唔好話花哥,

我都唔鋸佢地好耐,今次有機會做佢仲唔好好把握;

而且反正都係,順便做瓜埋老頂唔好?

同時花哥自己渣旗,我同你地都有運行啦.」

「OK,我可以點配合你?」

「到時你再叫班馬仔係我地另外兩個話事人既地盤攪事,

等強哥同老頂剩係可以單拖去,只要佢一去到PARTY就無走雞,

到時咪連埋個阿波一齊陷家產LOR,哈哈.」

「果然有腦呀,阿MAN.」

「跟輝哥學野姐,而且毛強條LINE,我放左隻鬼係入面,

佢地攪邊科我都知,就好似上次爆個屎忽偉個架步比你聽.」

(阿偉真係你報寸先比佢地捉走,仆街仔!!而且仲放左隻鬼係我地度!!)

「我擔心有無人知道我地單野.」史王輝問道,

「放心啦,隻鬼同我講根本無人知,連個阿波都蒙在鼓裡,

哈哈,佢到死個刻都估唔到係我過佢一棟!!」

「GOOD,事成之後,地盤點分?」

「六四分啦,益下東英又點話姐,遲D大家都合作搵街外錢,無問題呀MA?」

「到時一齊拍住上啦,哈哈.」

「合作愉快呀,嘿嘿.」

「卡!!」門聲被打開的聲音,看來他們結束了對話.

我馬上把偷聽器除下,才發現犯了一個嚴重的錯誤,

原來沒有按下錄音的功能鍵,那剛才的說話不是白聽了!



(我屌,做乜咁ON9!!)

眼白白看見阿MAN與史王輝離去,心中只有不斷咒罵自己的大意,

(唔好慌!!諗諗計,搵強哥!)

我拿起電話便致電給強哥,

「你打的電話號碼暫時未能接通......」

(點解唔通架!!係WOR!!強哥去左英國,今次大撚獲.)

怎麼辦呢?雖然我已經知道全盤計劃,

但是只有我一人知道,根本不可以作為證據指證菊花,

強哥前往英國通知不了他,還有誰人可以幫忙呢?

(仲可以搵邊個......有啦!!)

這時我腦中突然浮起一個樣子--龍頭佳哥.

但我不知道佳哥住在那裡,我只好致電給強哥另一個頭馬--TERRY,

TERRY大我十年,年資與經驗比我有過之而無不及,

他多年來跟強哥東戰南征,應該知道佳哥的住處.

(待續)

fgh14798

TERRY = 鬼 ???

DAVIS123456

可能係犀牛~~~~~