我在黑社會的日子I～＜完＞

鋼牙章魚丸

新icon
擺明老頂先係鬼

DAVIS123456

吹漲

~傳說中的傻仔︻

究竟係邊個呢A_A?

~傳說中的傻仔︻

有獎競猜遊戲~

問題:誰是『鬼』?

此乃自由作答題   沒有答案可供選擇  

答案將於稍後章節公佈  答中者可獲兩個GOOD

請於5月25日之前  留下你的答案  方為有效~

[ 本帖最後由 ~傳說中的傻仔︻ 於 10-5-22 05:26 PM 編輯 ]

bb2109

求其估下
出黎既人名冇幾多
浩飛啦

F91西布朗

其實我在ＨＫＤ時就有留意這篇文了

感覺上樓主有自己的風格，很是不錯的說（我記得我在ＨＫＤ可曾經說過，不知有沒有記錯）

DAVIS123456

都話 犀牛啦!!!!!!!!!!!

fgh14798

記唔記得白紙扇

DAVIS123456

咩黎

~傳說中的傻仔︻

佢講緊王子

DAVIS123456

差d 唔記得左王子

鋼牙章魚丸

信我啦不安妹...老頂係鬼..

吹啤

一定係強哥啦

~傳說中的傻仔︻

第四話:

「嘟...嘟....」

接通的電話,卻傳達不到我緊張的心情,

「喂.」

「喂,TERRY哥!!」

「點呀,波仔.」

電話的另一面傳來沉厚的聲音,

「無呀,想問你知唔知老頂住邊架?」

「知就知,不過搵佢乜事?」

「有單急野,遲D先同你解釋.」

「話比你聽無問題,不過佢上個月已經去左美國,

同班國際大佬傾生意,都唔知佢幾時番.」

(唔撚係掛...)

聽到這裡我的心彷如墮下深淵,唯一的希望也幻滅了.

「喂..喂...?」

我忽然的沉默,使TERRY不斷喚我,

(咪住,問佢有無計搵聯絡到強哥咪得.)

「係啦,你知唔知點樣可以搵到強哥?」

「咁我就唔知啦,強哥十年黎都係過親英國就影都無隻,

過一排佢就自動浦頭,從來無人知佢做乜同埋搵佢唔到.」



這一次真的是最後的希望也失去,我的聲線亦變成深沉,

(我唔可以同佢講,而家我根本唔知邊個係二五仔.)

「唔該哂..TERRY哥.」

「無野呀MA?係唔係有急事,睇下我幫唔幫到手?」

「無野,遲D落BAR我既.」

「OK.」

我慢慢合上電話,雙手掩住頭顱,

混亂的思緒像激流不斷衝擊腦袋;

強哥前往英國,又欠缺方法去聯絡他,

佳哥這唯一的救星也離開香港,

難道真的只能眼白白的看著菊花奸計得手?

我收回混亂的思緒,腳板踏著引擎疾呼而去.



在家中的沙發裡,我不斷把所有事情歸納;

首先,大隻MAN與菊花有反叛的野心,他們放了『鬼』在我們處,

而這個人我根本不知道是誰,我們在明、他們在暗;

第二,阿偉上次被抓,是因為阿MAN洩露地址給史王輝,

才會釀成阿偉慘死的悲劇;

想到這裡,我的眼淚不禁流下來,

(唔得,而家我要振作!)

第三,菊花將會製造一個局給予強哥與佳哥踏入去,方便一舉幹掉二人;

第四:強哥與佳哥我也聯絡不了,根本通知不了他們.

第五,現在欠缺任何證據,所有事情只有我一人知道;

而且正如阿MAN所說,我根本沒有人手,欲救二人也是無門.

我把五個重點歸納出來後,結果便是再想不出方法的話,

強哥與佳哥便一定會被幹掉,到時『華興』便會易主,

就算這次事情我能夠置身事外,但當他們成功後,

我也一定會被阿MAN所追殺,在江湖再也沒有立足之地!!



當務之急,我要想出方法去拆解這困局,

目前要做的便是找一個值得信任的手足,

以彌補阿偉的位置,但談何容易??

犀牛??他沒有轉數,與他商討事情即是對牛彈琴,

王子??相處日子不算太深,還沒有到值得信賴的地步,

這個困難使我在煩擾著,阿偉與我默契十足,

一時三刻之間我到那裡找人替補??

(有條靚仔叫做浩飛...佢好似幾想跟你做野....)

強哥的說話提醒了我,還有浩飛這個人,

新人總是勇於拼命,再來的便是看看他是否值得信任!!

我馬上致電給王子,

「喂,王子,幫我CALL個浩飛,約佢聽晚拳館等.」

「收到.」

我踏出了第一步,但事情能夠順利解決嗎??

我不知道,所有事情就像一個計時炸彈,

一個不留神的話,隨會會被炸得死無全屍,就像阿偉般......

不知在沙發上呆了多久,慢慢地我便進入夢鄉,進入無憂無慮的世界裡.

(待續)

fgh14798

一早講咪冇事

~傳說中的傻仔︻

原帖由 fgh14798 於 10-5-24 04:03 PM 發表
一早講咪冇事

咁個故事一早完左- -...

吹啤

感覺好似d電視劇咁好拖時間!

~傳說中的傻仔︻

原帖由 吹啤 於 10-5-24 11:10 PM 發表
感覺好似d電視劇咁好拖時間!

咁我盡快完左佢- -

戰心

宣傳《異界戰爭》，可由簽名進入！
慢了，快點出吧
雖然我唔會姐，但我有睇架bo

~傳說中的傻仔︻

第五話:

拳館之內,我還是一副憂心忡忡的樣子,

「波哥,無事呀MA?」

「嗯,去練拳啦你地,唔洗理我.」

我坐在其中一角,心裡想的全是阿MAN的奸計,

「波哥.」

一下呼喚,把我的思緒打斷,

來者應該便是浩飛,看他身形標準,

走路穩健且雙目有神,應該也是能人一個,

「坐呀,浩飛呀MA?」

「係呀,波哥,我叫凌浩飛.」

(姓凌!!)

「你都係姓凌..!?」

「係呀,波哥.」

(老豆一早死左..我係度亂諗乜野呢..)

「坐低先.」

他正想坐下之時,我突然發出一個直拳,

「呼!!」

浩飛反應不錯,他馬上挑起椅子擋格,

「砰!!」

椅子成為代罪羔羊被我打得破碎,

「咩事呀..波哥..」

浩飛畢竟剛剛才『閹正』,對我們的奇怪舉動自然有點害怕,

「無事,反應幾好呀,聽日開始跟我;

比D心機練拳,總有機會比你上位.」

「收到,波哥.」

「以後有人玩野,響我朵就得.」

浩飛露出一個似曾相識的笑容,

「知道!」



事後,我到深水步找王子商討事情,

「王子,有單野想同你傾,知你不嬲有腦,我自己一個拆唔掂.」

王子把一杯酒推向我處,

「波哥吩咐到,我一定幫.」

然後我便把阿MAN的事情簡化,一一告訴王子聽,

當然我並沒有告知二五仔和偷聽器的事情,

只因為我要試驗眼前的王子是否忠誠,

王子聽到之後,面色也與我一樣有急速變化,

「波哥,唔係堅下MA..」

「堅過石堅,係阿偉生前同我講.」

想起阿偉,我拿起酒便往口裡送,

王子則聚精會神地搖晃眼前的酒杯,似乎在思考著,

「波哥..我有個諗法.」

「講黎聽下.」

「不如搵D道友吹風,話史王輝呢期想灼華興,

仲有二五仔做內應,但係就唔好話係阿MAN,

你之後用阿MAN既朵去掃史王輝既埸;再係咁多兄弟面前話同阿MAN出生入死,

個下斷估佢唔夠彊話自己想反華興,,整到好似阿MAN係同你企埋同一條線,

一黎可以迫阿MAN番華興,二黎可以令史王輝同阿MAN不和,

三黎可以拖延時間,等強哥同老頂番黎,

如無意外,佢地應該會再出黎傾數;到時捉姦在床,仲唔一獲斷正.」



王子的分析很有道理,不但能拖延時間,

也可以嘗試迫阿MAN壓下反叛之心,

「GOOD,照你咁做.」

「咁我安排D手足做野.」

「嗯,咁我走先.」

我離去時突然想到一點事情,

「王子,我當你係兄弟....比D心機.」

王子馬上愕然,有點不知所措,

「我都當波哥係大佬,我一定唔會好似阿MAN咁反骨.」

「哈,信你.」

二五仔的事情,使我對身邊的人也起了猜忌之心,

而犀牛與王子這兩人,我實在不想去懷疑他們,

亦只好說出我自己對他們二人的一點期望,

希望他們真的是我值得信任的兄弟吧.




一星期後,東英史王輝旗下的按摩埸、卡啦OK、妓院等等,

全部被我手下一一搗亂,『當然』阿MAN也有參與此事,

「喂,波哥,到左佢既骨埸啦.」

「唔洗比面我掃哂佢,然後話自己係我同阿MAN既人.」

「收到!!」

一時之間,『東英』與『華興』的關係變得十分惡劣.

江湖上更有有傳言散開,傳言內容是指出史王輝想吞併『華興』,

更有『華興』的二五仔在穿針引線,

使『華興』另外三個話事人十分震怒,更是召開了社團大會,

希望弄清楚事情的真相,而大會定於明天晚上,

地點也是九龍灣長發工廠大廈,只有大底以上才可以參與,

而我當然也是列席者之一,但我亦知道這個大會是不可能找出真相;

真相是阿MAN想出賣華興......

真相是菊花想取代佳哥......

但這些真實的真相,會有人相信嗎??

明天大會所討論出來的,只會是一些無謂的假象,

到真相浮現時,華興早已變成散沙,無藥可救.

所以說,真相是永遠埋藏在深淵之內,想要找出真相,

多少人付出了生命和時間,而我亦可能是其中一個犧牲者而已......

(待續)