- 閱讀權限
- 50
- 最後登錄
- 20-10-9
- 精華
- 5
- UID
- 222997
- 帖子
- 2231
- 積分
- 3237
- 註冊時間
- 04-7-9
- 在線時間
- 1416 小時
- UID
- 222997
- 帖子
- 2231
- 積分
- 3237
- Good
- 272
- 註冊時間
- 04-7-9
- 在線時間
- 1416 小時
|
第六話:
是夜,我在拳館想著明天大會的事情時,
一人卻走過來打招呼,
「波哥.」
來者正是浩飛,看他氣定神閒,
看來他十分努力練習拳擊以增加戰鬥力,
「FIT左WO,小飛.」
「哈哈,咪寸我啦.係呢,波哥係度諗緊乜,
見你成晚都無乜出聲,剩係係度諗野.」
(條靚仔幾有觀察力...)
「無野...」
「鈴..鈴...」
電話這時響起來,是犀牛的電話號碼,
「喂?」電話的另一面卻傳來陣陣撕殺的聲音,
「波..波哥!!我地比人伏呀!!」
(咩話!)
「你地係邊!!對家有幾多人!?我即時過黎幫拖.」
「係石峽尾南山村呀...佢地有成幾十個人...我地得九五友..」
「即到,頂住呀!!」
我立刻關上電話,致電給另外一名手下,
「喂,BILLY仔,同我CALL五十人過石峽尾南山村,
見到有人就斬,唔洗比面!!」
「收到.」
我亦穿起外套,出發時卻看見浩飛的眼神,
他眼中的火焰像告訴我:我也想去!!
「小飛,淆唔淆底?」
「跟住波哥,乜都掂啦.」
「GOOD,咁一齊行啦.」
『初生之續不畏虎』,這句說話真的很正確,
浩飛那種膽正命平的性格,正是每一個年青人必備的條件,
可能有人會因為這種性格而害死自己,
但亦有人會因為敢拼敢博而名成利就,
而我覺得浩飛正是後者,他將會在往後的日子裡告訴我,
凌浩飛絕對不是一個平庸的小混混,
而是一個有能之士,一個在黑道裡發光發熱的人.
「自己拎把青,一陣見人就斬,明唔明?」
浩飛拿了一把長長的武士刀,眼神變得很堅決,
「收到.」
畢竟是第一次參與大形打鬥,緊張亦是在所難免,
「唔洗咁騰雞,我實會睇住你.」
「嗯.」
到達南山村後,車子在附近找尋犀牛等人,
只見遠處有五個人不斷在後退,
「快D駛埋去!!」
車子愈駛愈近,BILLY仔早已到達,
我方人馬與對方正戰得激烈,
而他們身後有數個血流披面的人,正是王子與犀牛等人!!
「小飛,執生!!」
我馬上下車,拿起鐵通便往前衝,
「仆街!!你地一個都咪撚走呀!!」
手中的鐵通不斷往眼前的人擊下,
「碰!!啪!!砰!!」
三人瞬間被我打得頭顱爆開,
「嘩...咁堅既!!」
「我黎同你間!!」
數人不知死活地想幹掉我,我舉起鐵通擋著面前的刀,
「咚!!」
右腳早已向側面的人撐開,「嗚呀..!!」
左手則剛好抓著來犯者的手腕,我一用力拉扯,
「嘩..!!」他馬上仆過來,而我手中鐵通順勢往他面龐敲破,
「格勒...!」爆出一下悶響之後,
他整個身子便伏在地上一動也不動,是硬生生地被我打死.
剛才舉起刀想斬我的人戰意全失,嚇得立時逃走,
我過去看看王子,只見他身中數刀,更是血流如柱,
「犀牛,你即刻送王子去醫院,呢到我攪掂.」
「咁你小心,波哥.」
「呀..!!」
一下熟悉的聲音傳了過來,是浩飛!!
眼見他被數人圍困,身上多了不少傷痕,
身後還有人想偷襲,我立時把鐵通用力掉向他身後,
「碰!!」剛好擊到那名想施襲的人,
「咁好打,過黎同我秋!!」
我一下巨喝,把他們的視線力集中於我處,
浩飛把握時機滾開,避過死亡的威脅.
「佢赤手空拳,我地過去圍佢!!」
他們果然有著貪小便宜的心態,認為沒有武器的人便較弱勢,
而他們不知道我一直最相信的武器便是自己的拳頭,
只因為我很想像佳哥憑拳頭打出一片天地,
所以我日夜不斷練習拳擊,經過年月的洗禮,
我已經擁有最強的武器,便是手中的雙拳!!
(待續)
補充資料:
間:打架
[ 本帖最後由 ~傳說中的傻仔︻ 於 10-5-27 09:40 AM 編輯 ] |
|
樓主: ~傳說中的傻仔︻
發表於 10-5-25 02:50 PM
發表於 10-5-26 04:14 PM
