我在黑社會的日子I～＜完＞

DAVIS123456

退出左 加入警隊

~傳說中的傻仔︻

我寧願整死佢   都唔想佢做差佬=.=

~傳說中的傻仔︻

第十三話:

「咩話!!」

王子的一聲驚叫,才使我從沉思中醒過來,

「王子,咩事?」

「做乜呀,王子哥.」

連略有睡意的浩飛也清醒過來,

「嗯,你睇下仲有幾多兄弟,係咁先.」

王子急急把電話合上,連忙喚著的士司機,

「阿九,開到最快個隻,我要半個鍾後到龍鼓灘!」

「咁趕..!?」

「你想死既咪開慢D!」

「收到,我識做.」

名叫阿九的司機踩下腳踏,的士向著目的地疾走著.



「波哥...」

王子悲痛地回頭看著我倆,我已經心感不妙,

「......」

我沒有答話,默默地等待著王子的說話,

「岩岩個電話就係BILLY條馬仔打黎,

佢地同小西比菊花伏完,BILLY成隻手無左...」

王子不禁搖頭,我卻忍住悲傷著他說下去,

「講落去.」

「而且我地既拳館,BAR,全部都比菊花掃哂,

我地條LINK既兄弟,一係就比人斬到重傷,

一係就驚到過左菊花檔...」

我面如死灰,六年來的心血不但付之一炬,

跟隨自己的兄弟因而受到連累,更使我過意不去,

浩飛更為激動,便想自己掉頭回去找菊花算帳,

「屌佢老味!!!我番去搵佢計清楚條數!!」

我馬上按著浩飛,

「冷靜D呀!!!」

而浩飛亦慢慢由憤怒轉為悲痛,這刻開始我已不想再失去任何兄弟了.



「最大問題係菊花知道我地想著草,已經派成堆人黎緊,

所以而家係分秒必爭,早一秒到我地就可以多一線生機.」

「佢真係要趕盡殺絕...!?」

我閉上眼,腦中盡是凌亂,

地方、兄弟也被菊花所摧毀,我還有容身之所嗎?

「波哥,而且我地班兄弟比人斬個時,見到一個人...」

王子欲言又止,我著他說下去,

「講啦.」

「見到犀牛幫菊花帶隊...」

犀牛!!那刻我什麼也明白了!!

犀牛由一開始,便是菊花的內鬼,

在紮職大典之前,他通風報信我在哪裡,

以方便阿MAN派人手來襲擊我,好讓我參加不了大典;

偷聽器的事件,相信他已經暗中告知阿MAN,

所以今晚王子拿偷聽器交換時,菊花卻沒有太驚訝,

更答應散開手下讓我地離去,為的只是能騙回偷聽器;

BILLY被伏擊,而BILLY還以為犀牛是值得信賴的人,

才告訴犀牛我要逃走的事情,而犀牛便以菊花手下的身份反我,

那上次在大廈天台被拍......也是犀牛吧!!




人心奸險,在身邊的好兄弟---犀牛,

竟然便是菊花的內鬼,我被這消息打擊得消沉下來,

「波哥,唔好咁頹...而家菊花叫人黎緊,

我地要盡快上船,先可以再諗計仔收復失地.」

我緩緩點頭,寄望的士能順利到達目的地;

三個字後,阿九驚叫起來,

「王子哥,後面有車黎緊!!」

我們緊張得立時往後看,果然有數架貨車向我們追來,

「開快D,唔好比佢地追到!!」

王子著急地說,浩飛也是十分緊張,

「比佢地追到實玩完...」

貨車上的人還向我們指指點點,而其中一人我還很熟悉,

「犀牛...」

犀牛向身邊的人指手劃腳,彷彿是想把我們一網打盡,

唉......昔日的情誼真的只是虛假嗎?

(待續)

fgh14798

快快手作埋佢就開新

~傳說中的傻仔︻

原帖由 fgh14798 於 10-6-9 11:14 AM 發表
快快手作埋佢就開新

而家先到3份2     我唔想爛尾呀!!!

「雪之國度」

犀牛條人渣!

鋼牙章魚丸

老章屌柒犀牛

~傳說中的傻仔︻

請不要說粗口/.\

鋼牙章魚丸

浩飛又說!?

花雪穎

用左一晚時間由頭睇到尾 幾有吸引力
我相信我會追落去 加油 ~

~傳說中的傻仔︻

原帖由 花雪穎 於 10-6-11 06:40 AM 發表
用左一晚時間由頭睇到尾 幾有吸引力
我相信我會追落去 加油 ~

多謝支持    因為要番工   所以要今晚先可以更新  抱歉~.~

DAVIS123456

都話犀牛啦!!

仲唔比GD

~傳說中的傻仔︻

第十四話:

尾隨的車輛愈來愈接近,危機亦遂漸接近我們,

「咁多人!?」

浩飛的緊張已經流於面上,但其實我也是很害怕,

「唔洗驚.」

只是我能夠抑壓著,避免眾人因為而更加擔心.

的士在不知不覺間到達森林,王子卻令的士停下,

「浩飛,你扶住波哥由森林行去,森林有掩護,

佢地比較難追到你地;我同阿九引開佢地,自己執生.」

我們立刻下車,向著沙灘方向走去,

「呀..!!」

腳傷卻使我走得極慢,浩飛索性把我背起,

「波哥,等我黎.」

他便一步一步地向著救生的方向逃去.



「落車,你地右邊,你地左邊,其他人跟我黎!!」

犀牛響亮的聲線傳到我們二人的耳內,

「波哥...!!」

「唔好理佢,行快D.」

在這樣的情況下,我亦只可以稍稍安慰浩飛,

(佢地追到黎既話,我就死緊...但如果死既話,都唔可以累左小飛.)

我是這樣的想著,被我連累的兄弟已經很多,

我真不想眼前的浩飛也因為我而失去生命;

「沙...沙....」

後方的盼步聲愈來愈近,心跳的起伏也因此愈來愈快,

人一旦感覺到危機,心跳的節奏會不斷加快,

就如這刻浩飛也能感覺到我的心跳聲,

「波哥...你個心跳得好快.」

「係呀...小飛,不如你放低我,自己走啦.」

我有點萬念俱灰,浩飛是不應該為了我而在此逃亡,

「你點可以咁講,波哥!!

我已經係頭先掉低左你一次,就唔會再掉低大佬第二次!!」



雖然我看不到浩飛的樣子,但我卻可以感覺到他那份赤子之心,

「你....唉..」

「波哥,自從第一日跟你開始,我就覺得你係一個好大佬,

上次係石峽尾,你為左救我而一挑三,

雖然你係當打個隻,但係我都好尊重你個份愛惜兄弟既心!」

浩飛不斷說話,照常理他的步速應該會慢下來,

但是他竟然能一面說話,一面背著我跑步,

「浩飛你...點解可以咁好氣,一路跑一路講野都得.」

浩飛卻笑起來,

「波哥,我之前係學校讀書個陣,

係全港青少年100米跑步冠軍黎,我不嬲練開跑,所以呢D長跑都難我唔到.」



「佢地係前面!!行快D!!」

但畢竟浩飛背著我,後面的追兵自然很快接近我們,

我忽然心生一計,

「浩飛,係前面既樹放低我.」

「波哥,我都話唔會唔理你!!」

「唔係叫你唔理我,放低我先!!」

浩飛只好放低我,然後我忍著右腳的痛楚,

把整個人背著樹木站立,

「浩飛,你係右面睇實我,我地同班友死過.」

「下!!」

浩飛驚訝,二人之力能敵眾人嗎!?

「我地不斷走既話,點都會比佢地追到;

我從來都唔會用背脊對住敵人,不如博一博,

你唔信我既能力?」

「好!!我凌浩飛跟住波哥,一D都未淆過.」

「GOOD.」

「沙...沙....」

眼前出現數個人影,我與帶頭之人四目交投,

犀牛與其四名手下,已經和我們對峙著.

(待續)

fgh14798

波哥打死佢地

~傳說中的傻仔︻

原帖由 fgh14798 於 10-6-11 08:23 PM 發表
波哥打死佢地

下期波哥爆無雙   

fgh14798

原帖由 ~傳說中的傻仔︻ 於 11-6-2010 08:28 PM 發表




下期波哥爆無雙   

johnchc

原帖由 fgh14798 於 10-6-11 08:31 PM 發表

戰神2號??

DAVIS123456

笑左 爆無雙A_A

爆seed A_A?

~傳說中的傻仔︻

呢個先係波哥爆SEED既樣


[ 本帖最後由 ~傳說中的傻仔︻ 於 10-6-11 10:46 PM 編輯 ]

fgh14798

原帖由 ~傳說中的傻仔︻ 於 11-6-2010 09:20 PM 發表
呢個先係波哥爆SEED既樣

咩 = =????