我在黑社會的日子I～＜完＞

~傳說中的傻仔︻

第十六話:

四名手下死得不明不白,我與浩飛也被救得不明不白,

犀牛不是菊花的內鬼嗎,他為何又要把自己的手下殺死?

手起刀落,一連串動作的也乾淨俐落,

犀牛的心思不但可怕,而且捉不透!!

「犀牛,你想點?」

我沒有放輕鬆,眼前的人在想什麼,

是完全不能猜得透、看得穿.

「沙..沙..」

犀牛慢慢地步向眼前,我的神經也急速緊繃起來,

「呀!!!」

他突然怒吼一聲,我以為他要攻擊我們,

雙手早已擺好架勢,卻想不到......

「濺...!!」赤紅的鮮血流下,

不是我的肚子,也不是浩飛的肚子,而是犀牛的肚子.


「犀牛你...!!」

看到這舉動後,我的心內疚起來,

犀牛這一下動作,是表達他仍然重視我們昔日的友情呀!!

開山刀的前端插進了犀牛的肚子內,

而這是犀牛自願的,我很快便能想像到他為何要這樣做;

「波哥...人在江湖,身不由己呀..」

犀牛的聲線也變化起來,兩行眼淚緩緩流下,

「菊花他捉走左我細佬呀,我連細佬而家係邊我都唔知,

佢迫我做佢隻鬼伏係你身邊,我唔照做既話,

佢就要我幫細佬收屍,對唔住,對唔住呀..!!」

原來菊花把犀牛的弟弟捉走,迫令犀牛作為內應,

一舉起強哥的勢力消滅,真是歹毒的菊花!!

「但係你點解要將BILLY斬到咁!!」

浩飛卻沒有太多人情世故的經驗,認為犀牛錯不可恕,

「當時菊花落ORDER掃人,咁岩佢真係有人捉到BILLY扮波哥,

佢要我親手斬佢隻手落黎,唔通我可以唔斬咩...」

犀牛滿面無奈神情,

「你估我好撚好受?我同BILLY做左兄弟成十年,

但係我無計,我一定要咁做,對唔住呀!!」



一時之間,我們三人也沒有說話,

這真是糟透了的氣氛,也了解到犀牛是迫不得已,

才會作為內應,被菊花強迫地利用.

「沙..沙...」

後方傳來人聲,是誰人!?

犀牛卻是察覺到危機來臨,忍著痛站起來,

「波哥快D走,菊花既人黎啦!!」

浩飛見狀不敢怠慢,背起我便與犀牛一起向前走,

「波哥,或者你會覺得我好自私,

我..我亦知道你咁多年黎對我都好好...」

犀牛邊走邊說,

「但我今次..真係.....砰!!!」

槍聲響起,話還未說完的犀牛左腿被打中,

「嗚...!!」

浩飛連忙回頭看看犀牛,

「點呀你!!」

「走呀你地..佢地追到黎啦!!」

「咁你呢..!?」

「放心啦,菊花只會以為你地收左我皮,唔會懷疑既.」




「但係我驚你....」我再度猶豫,

「佢地好似係前面,快D!!」

後方的人迅速增加,犀牛只好再催促,

「走呀,波哥!!」

人聲愈來愈近,浩飛只好再度前進,

我看著犀牛,彼此間的距離愈來愈大,

在這一刻我已經原諒了他,但這種情況下的離別,

卻使我感覺到他將會有危險,奈何我自身難保,

「犀牛!!我一定會搵你覆灼!!你夠彊就等我番黎!!」

我在怒吼著,把這小小的友情傳達出去,

(犀牛呀..你一定要等我番黎呀!!)

只見犀牛露出一個微笑,這個微笑很溫暖,

就這個微笑,我很清楚以往的友情是真的,

菊花的奸計也阻擋不了兄弟的真誠,

犀牛縱使被迫利用,但他還是敬重彼此的友誼,

而菊花註定會失敗,這是我所堅信的!!

隨著浩飛走遠,犀牛的微笑變成一個黑點,直至看不見了.

(待續)

DAVIS123456

好感人!!!

~傳說中的傻仔︻

有無咁誇張/_\

johnchc

犀牛 唔好有事

~傳說中的傻仔︻

原帖由 johnchc 於 10-6-16 03:42 PM 發表
犀牛 唔好有事

唉...我都諗緊比唔比佢出事好...好煩好煩好煩呀

angus7898

一於就話佢死左,但係其實佢走左,係大結局/重要時候果時走番出泥,一係幫呀波,一係大團圓

~傳說中的傻仔︻

原帖由 angus7898 於 10-6-16 06:10 PM 發表
一於就話佢死左,但係其實佢走左,係大結局/重要時候果時走番出泥,一係幫呀波,一係大團圓

咁樣會唔會好行....我諗住整D激野出黎...

DAVIS123456

你平均幾字一篇A_A????

~傳說中的傻仔︻

原帖由 DAVIS123456 於 10-6-16 10:46 PM 發表
你平均幾字一篇A_A????

你幫我計下　　　做乜咁問？

「雪之國度」

手足之情真感人,犀牛最後是生還是死?

~傳說中的傻仔︻

原帖由 「雪之國度」 於 10-6-17 11:12 AM 發表
手足之情真感人,犀牛最後是生還是死?

我未諗到   不過我都係想借犀牛表達手足之情既可貴

唔知算唔算成功呢

~傳說中的傻仔︻

第十七話:

光線從密林中透射進來,月色的美麗在半空中展現,

在這片看似使人沉醉的夜景中,我的生命卻危在旦夕.

「哈...哈....」

浩飛雖然是擅長跑步,但是背著我在長跑,

能捱上這麼久已經是很了不起.

「浩飛,前面!!」林木漸漸減少,

在我們腳下的不再是土壤而是道路,我們穿過森林了!!

一大片沙灘映入眼廉,而令我在意的,

是在遠方的那隻船,那就是我要逃生的船隻嗎!?

「波哥,我地到啦!!」

「嗯..!!」

王子他們呢??他們為何還沒有出現呢?

「快D上船先!!」

我令浩飛快點上船,可是跑到半途之時,

「佢地係前面,咪比佢地上到船!!!」




我回頭望望,只見十數人手拿著開山刀在後方追來,

「大撚獲!!浩飛你....」

正想命浩飛放下我的時候,浩飛卻忽然停下不動,

「波哥...前面....」

「前面做乜?」

我在奇怪的時候,卻看見一個不該在這裡的人.;

啡色的眼珠,這一對眼睛我永遠都會記得,

貴為現在四個最當打之一的『東英』紅棍,

亦是我曾經的好朋友和阿偉的兄弟---阿朗!!

「阿朗你..!!?」

阿朗為何會在這裡?他在幹什麼呢??

「HI,阿波.」

他卻好像當作若無其事,把這一切認為很自然,

「呼...」

阿朗緩緩吐出煙圈,我看清楚他身後好像還有人,

是五個人,但這五個人全部都是大有來頭!!



「阿朗你做乜黎呢到?」

縱使生命受到威脅,我決意要把這疑惑解開,

阿朗笑了一笑,把煙頭掉向地上,

「救兄弟,夠唔夠理由?」

不但浩飛,連我也有點驚訝起來,

「你...」我語塞起來,

然後取代我說話的不再是語言,而是眼淚.

我哭、不是因為傷心,而是在短短一晚的時間裡,

有多名兄弟為我而付出的心意所感動,

BILLY,他只是我普通的一名手下,卻甘願為我冒險,

犀牛,縱使他是被迫地利用,卻在最後關頭重拾友情,

阿朗,他與我更是不同牌頭,卻為了兄弟二字而來營救我,

「哈哈,男人老狗咪流馬尿,佢地殺到黎啦,你再唔走就無得走.」

阿朗當然明白我的淚不是因為受傷,而是力證彼此情之所在的證明.





「企係度!!」

阿朗向前怒喝,菊花的手下群當然不會服氣,

「你邊位呀.」

「東英阿朗.」

「呢D係我地華興家事,關你地東英撚事!!?」

帶頭之人氣勢凌人,阿朗也懶得解說,

他轉過頭與他那五個兄弟說話,

「一人三個,有無問題?」

其餘五人搖頭示意沒有問題,然後阿朗向我揮手,

「留番條命快D走,我等你番黎吹水.」

簡單的道別,卻是最有心意的一個祝福.

「咁大口氣,一人三個!?兄弟,斬埋班東英仔,同花哥領功!!」

「阿朗,執生!!」

與阿朗道別後,我頭也不回便與浩飛走向船上,

上到船後,浩飛安置好我後便不知去了那裡,

我獨自看著慢慢遠離的沙灘....慢著!?遠離!??

船竟然在動!?王子還沒有上船呀!!!

「浩飛,做乜隻船行緊架!?」

我忍著腿傷走向駕駛室,只見浩飛沒有理會我,

只管把船開行,直把我的說話當作耳邊風.

「浩飛!!停船呀!!王子未上船呀!!」

「王子哥唔會上船架啦!!」

浩飛大聲答道,然後便是我呆若木雞的表情.

(待續)

Ｓａｖ＿月

王子唔好死

~傳說中的傻仔︻

原帖由 Ｓａｖ＿月 於 10-6-17 12:11 PM 發表
王子唔好死

唉..我諗死唔死唔係最重要

而係每個角色都有佢既功用   希望讀者們可以留意每個角色係小說入面既位置啦...

如果每一次都只係死或不死   咁樣會令到角色同劇情失去平衡   淡而無味

DAVIS123456

呀波之前條女呢@@?

fgh14798

王子唔死得

DAVIS123456

死左之後，公主救番佢!~~~~~~~

Ｓａｖ＿月

其實阿朗跟住會點-=-

DAVIS123456

1p3~~~~~~~~

johnchc

王子會留係香港幫呀波收服收地同等強哥佢地番黎 我估