我在黑社會的日子I～＜完＞

鋼牙章魚丸

葉偉,他媽的肯定黃泉之下泡女;

偉偉好波

波波要死???????

~傳說中的傻仔︻

原帖由 鋼牙章魚丸 於 10-6-19 11:32 AM 發表
葉偉,他媽的肯定黃泉之下泡女;

偉偉好波

波波要死???????

我整死主角既話    我諗比人凸足一年都未夠

fgh14798

幾時出呀

Ｓａｖ＿月

等緊你d神作呀><

~傳說中的傻仔︻

今晚出...岩岩先番到屋企   比小小時間我

吹啤

原帖由 ~傳說中的傻仔︻ 於 10-6-18 05:36 PM 發表



唔好咁啦....阿偉既死只係前奏..

因為我已經諗到個結局係點    到時實比大家插爆我

係咪波波研發粒子結合技術,將偉哥合番埋再一齊闖蕩江湖?XD

~傳說中的傻仔︻

原帖由 吹啤 於 10-6-20 06:17 PM 發表

係咪波波研發粒子結合技術,將偉哥合番埋再一齊闖蕩江湖?XD

其實係阿波虛化  然後再用九尾既力量   同阿偉合體成勇者王

使出風起雲動拳   一齊力抗菊花

~傳說中的傻仔︻

第一話:

一夜操勞,站在船頭的我昏昏欲睡,

便徑自走回房間睡覺,寄望明天醒來之後,

所有在今晚發生的事情也只是一埸夢.

「阿波,阿波.」

很熟悉的聲音,是誰人在呼叫我?

我猛然睜開雙眼,原來又是一片白濛濛的空間,

我慢慢站起來,四周張望之下,

終於找到那名在呼叫我的人;

他的樣子還是沒有變化,雙眼仍是當天的那樣色瞇瞇,

「阿偉...」是阿偉,

他又出現了在我的夢裡?還是幻覺呢?

「你奶左野呀,兄弟?」

我走過去,與阿偉並肩坐在沒有地面的地上,

「唉,我都唔知點做好...」

「有時D野,你睇得唔夠透既話,就會睇漏左反敗為勝既機會.」

「咩意思?」我向左一看,阿偉卻早已消失,

我正想再次發問的時候,四處白色的空間急速消散,

那股討厭的引力再次產生,我又要醒過來了.



「波哥!!」

浩飛的聲線在旁響起,太陽的光線射進房間,

晚上已經過去,亦再沒有追兵的消息,

我相信我和浩飛已經成功逃離被追殺的惡夢.

「浩飛,做乜呀..」

「隻船過多十分鍾,就會到王子哥講既個條村啦.」

「嗯,我去睇下咩情況先,你去準備下.」

「收到.」

浩飛離去,我獨自走去船頭,

「呼...」微微的海風迎面吹來,

給予我煥然一新的感覺,亦能使我重拾鬥志,

(王子,犀牛你地等我,只要強哥番黎,我就番黎同你地會合!)

我心中暗暗打算,為著將來而盤算計劃,

眼前的水平線,慢慢浮現一個沙灘,

沙灘之後並不是一棟棟的高樓大廈,而是一座座的村屋.

「沙...沙...」船隻慢慢接近沙灘,

只見到沙灘上有數人,雙目緊盯著我們的船,

「浩飛,個幾條友咩料?」

「可能係王子哥安排既人...我落去盤下佢地先.」




浩飛說著便把船隻停下,然後一人離開船隻,

來到一個陌生的地方,連膽量也好像減少,

而沙灘上卻挺立著大大的牌子,

上面寫著「南滿村」,看來是這條村子的名字吧.

「波哥,落黎啦,自己友黎架!!」

浩飛在沙灘上向我大叫,看來已經確定對方的身份,

我亦慢慢步離船隻,踏足一個將要在這裡居住的鄉村.

走到沙灘,帶頭的人走來,

「波哥呀嘛?」

「係呀..」

「我叫薯頭,王子既舅父.」

想不到他是王子的舅父,難道這裡是王子的家鄉?

「薯頭哥,唔通呢度係....」

「哈哈,你估岩左,王子十歲先跟佢老豆出去香港撈,

佢老豆出到去就唔好彩香左,所以王子先行古惑姐,

近年知道佢跟左個好大佬,都叫做放心.」

「好大佬...」

「咪係你啦,波哥.」

「唔好玩我啦,薯頭哥.」

「傻啦,叫我薯頭就得,你地跟我黎啦,王子已經講哂你地既情況比我聽.」

薯頭的友善態度,使我對他的防範之心稍稍減低,

加上他又是王子的舅父,看來我來對了地方.





「呢個就係你地間屋,以前王子既屋企黎,

都好耐無人住啦,當自己屋企就得架啦.」

薯頭帶我們到達一座村屋之前,算不上殘舊,

但一看之下也會知道有一定的樓齡,

「波哥呀...」

薯頭剛想說話時,卻遭到別人打斷,

「薯頭!!」

有十數人從街頭走來,一副兇神惡剎的樣子,

「波哥..」

「唔好,睇定D先.」

浩飛想往前,我卻阻止了他,

「灰蛇哥,咁岩呀.」

薯頭的神色變得且敬且怕,這舉動已經表明來者是誰,

名為灰蛇的帶頭人,穿著一件突出心胸紋身的衣服,

生怕別人看不見似的,大陸的黑幫還真是猖狂.

「你後面個兩條柒頭,咩料呀?」

灰蛇指著我倆,一說話已經是充滿挑釁意味.

(待續)

[ 本帖最後由 ~傳說中的傻仔︻ 於 10-6-20 08:10 PM 編輯 ]

fgh14798

波哥有傷
如果唔係一陣就做低佢地

~傳說中的傻仔︻

原帖由 fgh14798 於 10-6-20 08:12 PM 發表
波哥有傷
如果唔係一陣就做低佢地

好難講既   虎落平陽被犬欺呀

johnchc

原帖由 ~傳說中的傻仔︻ 於 10-6-20 08:13 PM 發表




好難講既   虎落平陽被犬欺呀

不過爛船都仲有3斤釘

~傳說中的傻仔︻

原帖由 johnchc 於 10-6-20 09:47 PM 發表

不過爛船都仲有3斤釘

大家咁想睇波哥發威呀??  

我可以安排下情節既..

鋼牙章魚丸

想睇浩飛發威 保護波哥多d

~傳說中的傻仔︻

原帖由 鋼牙章魚丸 於 10-6-20 11:04 PM 發表
想睇浩飛發威 保護波哥多d

浩飛        佢由頭到尾既作用只係比波哥保護=.=

DAVIS123456

薯仔頭比人圍

鋼牙章魚丸

原帖由 ~傳說中的傻仔︻ 於 10-6-21 09:17 AM 發表



浩飛        佢由頭到尾既作用只係比波哥保護=.=

原來浩飛冇用的/口\

fgh14798

原帖由 ~傳說中的傻仔︻ 於 20-6-2010 10:22 PM 發表



大家咁想睇波哥發威呀??  

我可以安排下情節既..

對對對
波哥發威

~傳說中的傻仔︻

第二話:

薯頭好像怕我們會發作,趕忙轉個面來打眼色,

這舉動就是要我們忍耐,不要得罪這名灰蛇,

(猛虎不及地頭蟲,唔好咁快攪事.)

我心裡也是這般想的,所以也配合薯頭露出微笑,

浩飛卻是年少氣盛,硬把怒氣壓下來,

「無呀,灰蛇哥,呢兩個係我個侄既好朋友,

係香港過黎既,諗住玩番一頭半個月姐.」

薯頭客氣地回答,但灰蛇聽到我們是香港人後,

氣焰變得更加囂張,說出難聽的說話,

「哦,兩條港燦,最撚憎就係香港仔....吐!!」

然後一吐,把濃濃的口水吐向我倆的跟前,

(你老味...!!)

這侮辱的行為,不但浩飛忍受不到,

連我也快要發作,拳頭開始緊握起來,

只要他再作出侮辱的舉動,我立刻便送他重重的一拳.




「今日我有野做,唔同你地玩啦,小心D行路,港燦;

薯頭!!聽日月尾,記住交數呀!!」

灰蛇卻無意再與我們糾纏下去,只是不屑地白我們數眼便離去,

他身後的手下亦緩緩跟著他步離,這時我才把拳頭放鬆,

「波哥,如果你唔係阻住我,我頭先就收佢皮.」

浩飛一副不忿的樣子,

「有時唔係下下講打,就算你再好打又點?

而家既世界係講數量,錢多人地會黎巴結你,

你手下多人地會怕你,一個人再有能力都係無用;

就好像頭先咁,如果我地就打個條仆街,

我地得兩條友,加埋我傷左,你覺得我地勝算有幾高?

而且一個唔覺意,仲會累埋薯頭哥,得不償失呀.」

我想浩飛明白的不是任何事情也要由武力解決,

能夠忍一時之氣,反而會令事情有解決的轉機,

浩飛也好像明白我的意思,便在諾諾點頭.



「唔好意思呀,波哥.」

薯頭的神色有點無奈,

「灰蛇係...?」

「不如入屋先講啦.」

薯頭著我們進入屋內,我也只好先忍著;

屋內是一座典形村屋的間格,屋頂以磚瓦堆砌而成,

一個舊式的拉鍊鍾,佈滿灰塵的風扇,

如廁是需要蹲下來的,而睡房則置在二樓,

加上數張椅子,足以證明過去真的是沒有人居住.

薯頭拍走椅子上的塵埃,拿來給我與浩飛坐下,

「坐呀.」

「唔該,薯頭哥.」

然後他亦慢慢坐下,準備向我們說說這條村子的事情.

「薯頭哥...灰蛇係..?」

我再次把問題問向薯頭,

「灰蛇係呢條村既收數人,即係你地所謂既陀地,

佢跟個大佬好把炮架,叫做烈爺,附近既村都係佢睇哂,

而灰蛇只係佢派黎呢條村既其中一個馬仔,而我地每個月既月尾都要交數,

如果唔係就會大獲,好似村尾個李生,

佢死都唔交數,點知到第二日,連間屋都比人燒埋.」




薯頭說著便搖頭,

「灰蛇成日借住烈爺個朵係度作威作福,上個月仲姦左阿妹頭...」

「咩妹頭?」我有點聽不明白,

「唉..妹頭係我好朋友既女黎,由細睇到佢大,

愈大就愈靚女,點得知咪比個灰蛇攪埋,

不過妹頭一家人怕得罪灰蛇,先唔夠彊報警咋.」

「有無攪撚錯呀!!我地最忌既就係敗壞關二哥既朵!!」

浩飛最為激動,他對風化案件似乎最討厭,

「無計啦,灰蛇係呢條村都係打橫黎行,

不過又好奇怪...」

「咩奇怪呀?」

「我地條村係十年前黎左個人,只係一個普通阿伯,

睇落去都無咩特別,但係灰蛇咁多年黎,就係唔夠膽去攪佢,

有次個阿伯仲當眾寸灰蛇無腦,不過灰蛇都係唔攪事,

無人知道呢個阿伯係咩料,不過就係唔知佢點解咁夠彊.」

(十年前....)

我好像想起些什麼,浩飛亦無意再問下去,

「不如一陣黎我到食飯,好無?」

「好呀,唔該哂你.」

「客咩氣呀,王子既大佬,即係我既朋友,自己人呀嘛,

咁我過去準備下先,一陣過黎搵你地,你地抖下先啦.」

「嗯.」薯頭離去,

(灰蛇...你條仆街準備比我收你皮...)

我心中已有打算,而對象便是作威作福的灰蛇!!

(待續)

[ 本帖最後由 ~傳說中的傻仔︻ 於 10-6-22 01:37 PM 編輯 ]

fgh14798

灰灰收皮了

~傳說中的傻仔︻

原帖由 fgh14798 於 10-6-22 01:25 PM 發表
灰灰收皮了

等浩飛收佢皮吧啦