我在黑社會的日子I～＜完＞

davidcks

兄弟,下輩子再見  個外傳可惜冇講條頸鍊邊樹黎

~傳說中的傻仔︻

原帖由 davidcks 於 10-7-6 12:38 AM 發表
兄弟,下輩子再見  個外傳可惜冇講條頸鍊邊樹黎

遲D會講番...唔好咁急><

~傳說中的傻仔︻

第七話:

老伯指著我的右腿,露出一個微笑,

「打得幾好.」

「挑,你上次咪又係掃我下盤先贏.」

「讓下阿伯啦,後生仔.」

看見老伯,被打敗的不快回憶又再記起,

「波哥!!」

呼叫從薯頭房屋的方向喊出,是浩飛的聲音,

只看見他拿著一把牛肉刀跑來,

「咦...班大圈仔呢.」

他左右張望,正在搜索著他們的蹤影,

「哈哈,比你既大佬打走哂啦.」

老伯搭腔,倒引起了浩飛的注意,

「阿伯你係..」

他沒有理會浩飛,緩緩把雙手負後便步離開去,

「你地執生啦,大圈仔好勇鬥狠,你今次打到佢地咁甘,

灰蛇條撚樣點會咁易收手,哈哈.」

老伯刻意留下這句說話,是想唬吼我嗎??




「波哥...其實你唔洗為左小丙得罪灰蛇班人..」

是夜晚飯後,薯頭向我作出歉意的解說,

「你地真係咁淆灰蛇?」

「唉,波哥.我地呢D幾十歲,又有哂家室,仲點同班古惑仔玩.」

他好像知道自己說錯了話,馬上又說,

「我唔係話你呀,波哥...只不過大陸同香港既古惑仔,

又係唔同既世界黎,不過我都多謝你,小丙而家當正你同小飛係佢偶像,

仲話大個要跟你地.」

「古惑仔都變成人地偶像,哈哈.」

我乾笑數聲,也不知道是苦笑還是冷笑.

薯頭一面無奈,似乎在思考怎樣說話才能較為得體,

「嗯,我明架啦.」

我獨自走出門外,看著漫天繁星的夜空,

煙圈飄上半空,然後便消散於無形之中.

(我都明古惑仔係打橫黎講...我係唔係累左薯頭呢..)

「你地執生啦,大圈仔好勇鬥狠,你今次打到佢地咁甘,

灰蛇條撚樣點會咁易收手,哈哈.」

這句話說得意味深長,灰蛇何時會來復仇呢?





兩星期過去,灰蛇並沒有在村子內露面,

而他手下群的出現次數更是大量減少,

「波哥,你覺唔覺好似唔見左灰蛇班人?」

「嗯..我都覺.」

在離村子較遠的市集內,我與浩飛陪伴薯頭的妻子買菜,

為的是防止灰蛇耍小手段,畢竟不怕一萬、只怕萬一.

「公安係福建省清泉鄉一間工廠大廈入面,搵到大量炸藥....」

一間小食舖內的電視機,正在報導著新聞報告,

『炸藥』二字已經使我注意這宗新聞,

但是令我在意的是『福建省清泉鄉』,那裡可是阿偉的家鄉呀!!

(個度咪係阿偉鄉下...又係炸藥..?)

我直覺告訴我,這宗新聞與阿偉當天的死亡有關;

「浩飛你係度睇住阿婦,我去買D野食.」

「嗯.」

我跑向小食舖內,老闆以為有生意可作,

「要咩呢..」

我卻只掉下五十元著他不要說話,便靜靜的看著電視機,

老闆既有金錢可圖,便不阻礙我,自個兒退回一旁的椅子上.





「據公安線報,今次既炸藥均以裝飾物外殼為藍本所製造,

外表可能係頸鍊,手鍊,耳環等等,為既係可以提供比黑幫作出暗殺行動.」

(.......!!)

看到這裡,我的心已經震驚了不下數百次,

「而中央政府對今次既事件極為注意,亦邀請大量既重量級人物協助調查,

例如有烈爺之稱既文烈,同風龍幫關係密切既楊奪天.....」

(烈爺...佢咪係灰蛇個大佬...)

記得薯頭在初時向我們介紹過灰蛇等人的背景,而這名烈爺便是灰蛇所屬的幫派頭目.

「據資料顯示,呢批既炸藥係諗住偷運去香港,

當中同呢批炸藥接手既社團,極有可能為香港幫派『華興』,

但係詳情未有查證清楚,故所有深入資料亦唔方便公開....」

(華興....唔通係菊花...!!)

新聞報導員話題一轉,便了結今次炸藥的新聞,

我卻呆立在原地,腦袋不斷在運轉著,

(阿偉....阿偉佢肯定係同呢批炸藥有關,所以先有上次條頸鍊...)

想念一轉,便立刻想到『華興』與炸藥事件的關係性,

(唔通菊花發現左呢批炸藥,就想同灰蛇攪單買賣,諗住一獲攪掂強哥同佳哥!!)

想到這裡,我不禁流下數滴冷汗,

(我一定要阻止佢地既買賣!!)

(待續)

[ 本帖最後由 ~傳說中的傻仔︻ 於 10-7-6 01:41 PM 編輯 ]

NotsWater

難道……偉哥是菊花的人？！

雨紛飛

頭香呢 支持等下一話

NotsWater

嘿嘿，已被我搶SF坐。

~傳說中的傻仔︻

偉哥絕對唔係菊花既人- -

只不過我將兩者都同炸藥拉上關係姐...

yconkg

我一直都有追開的`.
每日一起身就開2000fun - -就黎痴線
大大快 d post

fgh14798

原帖由 NotsWater 於 6-7-2010 02:01 PM 發表
難道……偉哥是菊花的人？！

冇可能

NotsWater

偉哥唔通係……大陸黑社會龍頭既仔！？

davidcks

@.@睇黎 好快就可以睇到波哥查參加呢個鴻門夜宴

最好得閒開多個波哥外傳講番謝記火柴@.@

~傳說中的傻仔︻

原帖由 davidcks 於 10-7-7 08:36 PM 發表
@.@睇黎 好快就可以睇到波哥查參加呢個鴻門夜宴

最好得閒開多個波哥外傳講番謝記火柴@.@

呵呵    想知道波哥跟住既大計  咁就要緊貼最新既劇情啦~

至於火柴   我諗會係之後波哥既回憶入面   會提到佢點同阿波成為仇人

同埋本身諗住6月中會完左呢部小說   只不過愈寫愈多

我諗起碼至少兩個月   先可以完到呢本小說

希望大家唔好嫌我拖劇情啦=.=    抱歉抱歉~

[ 本帖最後由 ~傳說中的傻仔︻ 於 10-7-7 10:28 PM 編輯 ]

~傳說中的傻仔︻

第八話:

下午,太陽猛烈地照射在鄉村的地面上,

我剛才在市集的雄心壯志,就像地下的水滴被一點點的蒸發掉,

(唉,得我一個人..點可以阻止到單買賣呢...)

想著想著,便獨自一個人走到湖邊的小亭旁,

「波哥,你去邊?」

我揮揮手,著浩飛不要理會我.

(都黎左差唔多一個月,王子音訊全無,新聞又無乜大單野,

我更加唔知強哥同佳哥而家既情況係點;

雖然知道阿偉條頸鍊係點黎,但係菊花今次同大圈仔既買賣,

我可以點阻止呢....我可以點阻止呢...

仲有我比人屈係二五仔單野仲未解決到,而家成個香港黑道肯定都刮緊我...

比人擺上神位,仲要累埋兄弟...點做好呢...)

極為苦惱的我,不禁雙手按實頭顱,

一面煩躁的樣子不言而喻,社團之事畢竟不是能靠一人之力可以解決.



「呼...」突然背後生風,感覺有人來襲.

我馬上雙手轉後格擋,「砰!」

來者之拳力極猛,把我震退數步之多;

「呵呵,反應唔錯.」

原來是老人的挑釁,他慢慢把拳頭收回,

露出一個微笑,接著便打量著我.

我現在卻沒有心情理會老伯,便與他直言相告,

「你咪惹我,我心情唔好.」

「講黎聽下.」

「唔關你事,走先.」

(多一事不如少一事..)

我想離開時,老伯卻來一招雙龍出海,

我馬上退回亭內,怒視著老伯,

「想走呀,細路?」

「連走都唔得?」

「你有資格走咩?」

我語氣開始不耐煩,只是想離開也要談論資格!?

「白痴,走都要講夠唔夠料,你無野呀,阿伯.」

老伯卻擺出架式,以行動表示一切,

他招招手,示意要擊倒他才能離去.




(好,你又要打呀嘛!!)

我一言不發,左手壓著他雙臀,右拳破風而至,

老人不慌不忙,下盤馬步施然後退,避過直拳,

我不敢待慢,馬上以步法順勢壓著,從而迫他後退.

四拳交接,老伯的拳力不但重而且快,

但我也不是省油的橙,一格一檔還是能夠順利化解攻勢,

「唔錯呀,細路,頂到一分鍾,比上次有進步.」

「咪咁多嗲啦,阿伯.」

「呼!」

老伯乘我注意力有點分散,右腿閃電般踢向我的小腹,

幸我反應不慢,小腹向後一屈,

「躂!」

雖然仍是要捱上這招,但卻是卸去不少力道;

正當我以為腿招已盡時,料不到老伯的右腿變向踢往我的心胸,

料不到的我只能全盤承受,心胸極為難受.

「咳..咳...」

(好痛...死老野咁好打...)




(我唔信迫你唔走!!)

我忘卻痛楚,就算上半身如何捱招也不斷向老伯進迫,

「砰..砰..砰..砰!!」

肩膀再中數拳,可是老伯身形卻在後退著,

「細路,想用咁既招數迫我比你走!?」

雖然老伯看穿我心意,我卻憑著一股拼勁向前行;

眼看快要步出小亭,老人雙臂有若靈蛇,

只瞬間功夫已經鎖著我的頸椎,

「你輸啦,細路.」

我正想回答時,老伯已經發力,

雙拳如車輪般滾在我的上半身,最後再補上一肘,

「砰!」我面龐全數迎上,

雖然力道沒有想像中的猛烈,但我仍然失去平衡掉在地上.

「細路,你第二次輸比我啦.」

我站起來,雙眼充滿不服氣的情緒,卻說不出一句話來.

「嘿嘿,如果你想做低我既,聽日就去村口第二間屋搵我.」

沒有等待我的答覆,老伯又自行離去,

他這種高深莫測的行為,反而激使我對這人的興趣.

(待續)

雨紛飛

今次仲唔係sf!!! \口/ 阿伯好強桿 屈機的伯伯!

~傳說中的傻仔︻

原帖由 雨紛飛 於 10-7-8 03:14 PM 發表
今次仲唔係sf!!! \口/ 阿伯好強桿 屈機的伯伯!

哈哈   相信大家都可能估到佢身份   佢唔屈機就假啦

NotsWater

阿伯必定係超！級！撒！亞！人！！！！

davidcks

建議唔好寫到個呀伯咁主動 話哂都係猛人 點會變左成日睇戲同撩架打 = = 加上佢重話自已輸左 心理上應該唔會太撩事鬥飛 係波哥想變得更強 搵佢隻抽會好D   不過都好好睇

~傳說中的傻仔︻

原帖由 davidcks 於 10-7-8 05:09 PM 發表
建議唔好寫到個呀伯咁主動 話哂都係猛人 點會變左成日睇戲同撩架打 = = 加上佢重話自已輸左 心理上應該唔會太撩事鬥飛 係波哥想變得更強 搵佢隻抽會好D   不過都好好睇

你睇下公園D阿伯...好多時係度勁主動同人吹水

我想描寫阿伯去撩阿波  係佢覺得阿波與別不同  希望大家可以明白


同埋阿伯無輸過比阿波- -    佢兩次都贏左...

davidcks

「哈哈,我唔係著草,我係摺埋姐.」

「做乜摺埋呀,你唔夠仇家打?我可以幫你WO.」

「唔夠打...嘿..」
佢之後講果句 唉...當年一時沖動
佢似比人打到摺埋或者比人反 多d

~傳說中的傻仔︻

呢個唔係佢既態度   只係佢既往事感概

呢度我遲D就會交待番@.@

不過好多謝你既理性討論   證明此作都有人氣可言