我在黑社會的日子I～＜完＞

鋼牙章魚丸

原帖由 fgh14798 於 10-7-1 05:58 PM 發表
其實我就係果位伯伯.....

細路 你敢扮我?

fgh14798

原帖由 鋼牙章魚丸 於 1-7-2010 08:11 PM 發表

細路 你敢扮我?

回家做你的章魚丸吧

~傳說中的傻仔︻

下期出阿偉既外傳   請期待

路人~俊

出阿偉外傳正啊

~傳說中的傻仔︻

葉偉外傳(上)

「聽講一個人臨死前,D回憶會好似做戲咁不斷播番出黎,阿偉你信唔信?」

一名小弟向我說,

「你標童標上腦啦,睇水啦.」

我蹲在地上,緩緩噴出煙圈,

「皇氣,哨啦!!」

『睇水』的兄弟大聲通訊,我亦馬上逃走,

那年我十四歲,書讀不成,

便索性接觸偏門行業,應該能賺些快錢吧.

「葉偉,做乜想行古惑?」

強哥一副正經的樣子,使我實話實說,

「想搵錢.」

「你憑咩入華興?」

「我夠雷.」我不加思索便回答,

強哥乾笑數聲後,便著手下帶我舉行入會議式,

十六歲,我成為了『華興』的藍燈籠.



然而,無所事事的我竟然被教育處編排學位,

「葉偉,教育處安排左學位比你.」

社會福利處青年宿舍的王社工通知我,

「唔係掛!!讀書!?」

「你而家先十六歲,唔讀書做乜呀?」

「做...做...」

(撈偏門...唔講得架WO...)

「咪係,你自己都講唔出,讀書啦!!」

(無野做...又可以收多D馬仔...又可以溝女,讀咪讀.)

「好呀,幾時番學?」

「下星期一.」

一套校服重重地掉向我的床上,要重拾校園的生活嗎?



「咚...咚....咚!!!!」

鍾聲響起,我收起滿佈唾液的書本跑向小食部,

(頂你個肺,好肚餓呀!!)

小食部仿如戰埸,人山人海得難以置信,

經過一番衝殺後,我一手拿著杯面正想付錢時,

「唔該比錢!!」我與某人同時喊出這句說話,

我猛然發覺有另一隻手同時拿著杯面,

我發力一甩,卻甩不開那隻手,

我怒視著那人,他亦對我報以不屑的目光,

就在大意之時,杯面竟然被第三人順手牽羊,

「唔該比錢!!」

(我既杯面呀,頂!!)



我想找尋那人之時,他卻早已步離小食部,

「頂你個肺!!」我從後一下猛推,

他倒反應不慢,一下後腿還擊,

我再想反擊時,卻被訓導主任阻止,

「你叫乜名呀,睇路呀!」

「凌成波,你又叫乜名呀!!」

「葉偉,我見你一獲打你一獲.」

「夠彊咪試下!!」

(你老味,我就班馬接你放學.)

是天放學,我十多名『兄弟』早已在校外,

「阿偉,邊個呀.」

「得啦,一陣等我ORDER啦.」

眼見一人徐徐走出學校,那副反感的樣子便是我要狙擊的人,

凌成波輕挑的模樣,他是那麼有自信嗎!?

「跟佢到公園就出手.」

我一聲令下,眾人跟著我尾隨凌成波到公園,

「上!!」

(凌成波,我唔打到你收皮我唔叫葉偉!!)

(待續)

補充資料:
藍燈籠:新的黑社會成員

鋼牙章魚丸

偉偉外傳

-速首-

呀伯係傳說中發明電腦大爆炸既人

NotsWater

偉哥和波哥大戰五十回合，不分勝負，最後波哥一口吞下偉哥。合體完成，從此偉波打遍天下！

-速首-

偉哥和波哥大戰五十回合,偉哥食自己,化身終極偉哥神,一招金剛插花,波哥雖死,偉哥也精盡人亡

＊祖～葉＊

偉哥勁呀~~~~~支持偉哥@@

fgh14798

神人伯伯又出現了~

路人~俊

支持偉偉外傳^^
Y?又關神人伯伯事

~傳說中的傻仔︻

葉偉外傳(下)

「點呀,你係學校搶我杯面個時咪好寸柒柒既.」

不消數分鍾,凌成波已經被我們打得面腫口青,

「柒...柒...頭隻秋呀..」

他竟然還在口硬,使我感覺受辱,

「同我收...!!」

我正想說下去時,警察竟然發現到我們,

「你地係度做乜!!」

「哨啦,阿偉.」

兄弟們拉著我走,我只有把這口鳥氣忍下去,

凌成波向我露出一個勝利的笑容,他一輩子就是這樣有運氣嗎!?

回到青年宿舍,我的腦袋現出凌成波的樣子,

(條友仔比人打到咁都笑...幾夠雷呀.)

那刻開始,我對凌成波的怒氣全消,

竟然還有點不打不相識的感覺,是幻覺還是天意?




(嘿,佢肯定比我嚇到唔敢番學.)

我站在學校門外觀察著回校的同學,就是沒有凌成波的蹤影,

正當沾沾自喜之時,卻出現了我不想看見的人;

面上帶有瘀傷,左手還上了石膏,

但仍是那一副什麼也不害怕的樣子,

「凌成波..你究竟係咩人..」

我漸漸被凌成波的性格所吸引,他是一個什麼人?

午飯時的小食部......

凌成波竟然是一個人在進餐,這簡直是與我無異,

「喂.」

我向他打招呼,他卻正眼也沒有看我一眼,

「你點解仲番學?」

「白痴,點解唔番?」

「你唔驚我又搵人打你?」

「嘿,夠彊咪打死我.」

不屈的眼神呈於面上,使我反而懼怕起來.

「加上你係靠人多,隻揪你輸緊比我.」

他說得若無其事,彷彿連我也不放在眼內.

「做個FD?」

我決定跟他做朋友,凌成波太有興趣了!!

「嘿,好呀.」

那天正是一九九七年七月二日,結交生死相交的日子.



其後我與阿波更結識阿朗,三人在校園裡過著開心的日子,

但是我們二人在中四便突然消失,

那時連阿朗也不知道為何我們失去蹤影,

只因為那時我們得罪了黑道人物,被強哥安排逃離香港,

所以之後與阿朗的聯繫也就斷了.

阿波是我人生中最好的兄弟,我們一起經歷了人生的高潮,

有佳哥提拔的歡喜,他與阿儀戀愛的甜密;

一起經歷了危險,如殺掉葡萄,福田爭霸戰;

更一起經歷了人生低潮,像被阿MAN擊敗的挫折,

一幕一幕的回憶,真的在腦袋快速播放著,

他媽的小弟,你當年說的可真準呀,

當人快要死亡的時候,回憶就像電影般呈現在你眼前,

連你早已忘記的事情,也會在這時刻記起.



「同我溶左佢地!!」

史王輝怒不可遏,要把我和阿波五馬分屍.

(阿波唔死得..佢仲有條好長既路要行!!)

我拿著當天給阿波的頸鍊,對著外殼一扭,

「砰!!」

爆炸了......我卻感受到不一絲的痛楚,

我的身體好像分開了,是嗎?

很黑、很黑,我看不見任何東西,這裡是什麼地方??

我想呼叫卻叫不出聲,我想站起來卻不能,

這裡是沒有任何意識的地方,這裡是死亡.

我踏進了死亡.

呀!?我死了嗎?

阿波,我不能陪你走下去了,

無奈我要先走一步,接下來你便靠自己吧.

跟你說最後一句:兄弟,下輩子再見.

葉偉外傳  全二話(完)

[ 本帖最後由 ~傳說中的傻仔︻ 於 10-7-4 08:44 PM 編輯 ]

鋼牙章魚丸

兄弟,下輩子再見

NotsWater

偉哥為什麼不變身！？

~傳說中的傻仔︻

你睇得超人片太多=.=



個外傳作得O唔OK...想睇下意見

fgh14798

兄弟,下輩子再見.

k0kcodk0

個外傳OK到爆 好正^^

~傳說中的傻仔︻

大家喜歡就好   謝謝

路人~俊

都係果句..兄弟,下輩子再見