我在黑社會的日子I～＜完＞

鋼牙章魚丸

好野
浩飛繼承偉偉

DAVIS123456

波哥廢既~~~~~~~

~傳說中的傻仔︻

浩飛唔係繼承既...只不過比多D戲份佢姐

波哥唔係廢既   只不過唔係下下用打黎解決問題姐   都食下腦架嘛

~傳說中的傻仔︻

第三話:

「食隻雞脾呀,波哥.」

「小飛,你都食D菜呀.」

薯頭一家人對我們熱情招待,令我感受到家庭的溫暖,

自打從五歲開始,我已缺乏家人的關懷,

在二十五歲再重捨這種感覺,竟有點不習慣;

「波哥,D小菜食唔慣唔好意思.」

薯頭的妻子說,我連忙回答,

「點會呀,阿婦煮野食幾好味呀,係唔係呀,浩飛.」

「緊係啦,我都未食過幾好味既飯.」

薯頭的家人有妻子,還有一名六歲大的兒子,

「呵呵,兩個哥哥食飯咁快既.」

「小丙,唔準亂講野.」

原來薯頭的兒子名為小丙,一副胖胖的樣子,還真是可愛,

「食快D,先會大隻D,你睇下我幾大隻!!」

浩飛竟在逗著小丙玩,展現出童真的一面.



飯後已是晚上,浩飛在薯頭的家裡玩耍,

而我選擇獨自走出湖邊,然後坐下靜思,

鄉村有一種神奇的魔力,就是能把城市的煩惱忘卻,

才到達第一天,我卻不願把『華興』的事情想起,

(唔得...我要盡快諗方法,唔可以再咁HEA落去.)

我隨手捨起一塊石頭,向著湖邊掉下去,

「躂...躂...躂...」

石頭在湖面上旋轉彈前,最後沉沒在湖的中央.

「細路,幾識用力呀.」

一把老人的聲線在我左邊響起,我緩緩望過去,

只見一名老人在看著我,他那對雙眼異常地有神,

雖然滿頭白髮,但卻隱隱散發著一種氣勢,

可想這名老人在年輕時,一定是一名有成的人士.

「哈哈,我諗識用力過你.」

「哈哈,細路你真係亂鳩咁吹.」

老伯拾起一塊石頭,看似隨意一扔,

「轉...轉....」

石頭竟然如陀螺般在湖面旋轉良久,才施施然沉下去.



(嘩..特異功能...!!?)

我刻意把驚訝的感覺壓下,但仍暪不過老伯,

「睇你個款都係著草架啦,係咪.」

「阿伯你講廣東話咁正,睇黎大家都係著草姐.」

「哈哈,我唔係著草,我係摺埋姐.」

「做乜摺埋呀,你唔夠仇家打?我可以幫你WO.」

「唔夠打...嘿..」

這句話好似觸動了他某些事情,老人用不屑的目光掃視我,

「一分鍾內,我可以KO你.」

(1分鍾!?)

「1分鍾,咪玩啦,阿伯.」

擅於拳擊的我,當然不忿於被侮辱,

「洗唔洗試下?」

「我驚打傷你咋.」

「嘿,比你打死係我自己拎黎既,OK?」

老伯全心挑釁,我亦只好應戰.




「呼...」

風在我與老人的中間吹過,我與老人對立著,

我擺出架勢,老人卻只是放鬆雙手,

(條老野係唔係痴線...我都係留力算...)

「你隻腳傷左,我唔攻下盤,公平D.」

(一眼睇得出我隻腳傷左,睇黎有D料WO.)

「睇路啦,阿伯!」

我率先衝前,左拳佯裝進攻,

右拳卻快速地揮向老伯的面上,

「撲.」什麼!?

老伯緊緊地把我的右拳緊握,好像早已估計到我真正想攻的是右方,

「嘿.」

老伯不慌不忙,左手拉我向前,

右拳順勢而上,我慌忙收拳閃避,

「呼..呼...」

老伯雙拳卻不斷進攻,其速度才是最可怕之處,

基本上他沒有收拳之勢,也沒有力盡的現象出現,

我不斷向後退,老伯卻一步步向前,

正所謂兵家之地,寸土必爭,一旦下盤失穩,將會節節敗退,

我現在便是這樣的形勢,被迫得只能向後退,

「躂..躂..!!」所謂久守必失,我始終擋不過老伯的快拳,

「砰!」老伯的右拳狠狠地釘在我的心胸,我立時跳開!!

我不但吃驚、更是害怕,可是我害怕的不是他的攻勢,

而是他令我想起一條龍,一條與戰神齊名的猛龍.

(待續)



[ 本帖最後由 ~傳說中的傻仔︻ 於 10-6-22 07:28 PM 編輯 ]

~傳說中的傻仔︻

因為聽日去台灣    特登送多話比大家    希望大家可以細心欣賞   謝謝支持~~

fgh14798

玩得開心d

鋼牙章魚丸

去台灣玩得開心啲

鋼牙章魚丸

哦　龍仁老豆??

[ 本帖最後由 鋼牙章魚丸 於 10-6-22 10:30 PM 編輯 ]

~傳說中的傻仔︻

多謝祝幅

係唔係龍仁老豆...賣個關子先

吹啤

原帖由 ~傳說中的傻仔︻ 於 10-6-22 10:47 PM 發表
多謝祝幅

係唔係龍仁老豆...賣個關子先

安心上路丫!!!

Ｓａｖ＿月

幾時先返黎寫咖--

吹啤

唔通傻仔係台灣遇到灰蛇,,,?

~傳說中的傻仔︻

大家好    我提早番黎左黎  

聽日可以更新啦   哈哈

Ｓａｖ＿月

等到頸都長埋==

~傳說中的傻仔︻

第四話:

「躂..躂...躂...」

拳如雨灑,一名老人怎會如此勁度十足呢!?

出拳需要力度,力度來自氣量,

正常來說,老人的肺部是不足以支撐長時間的出拳,

但眼前的老人出拳快速,更是力度十足,

我不太相信他是一名老人,可是事實偏偏又是如此,

就在我胡思亂想之時,急攻已迫在眼前,

「睇拳呀,細路.」

老人左右連環進攻,想來一下雙鼓齊嗚,

我馬上舉起雙手聯防,老人的雙拳殘影一過,

想不到這只是佯攻,真正的攻勢是......

「大獲!!」是掃腳!!

老人突然變招,他對準我的下盤來一記橫掃千軍,

我不及預料,雙腿被疾速掃趺,

身體立時失去平衡倒下,當我想借力彈起時,

老人的拳頭早已對準我的面龐,就好像把槍口對準我,

我輸了,而時間只是四十七秒.



「點呀,細路?」

老人慢慢把拳頭收回,面不紅氣不喘,

「阿伯,你真係好鬼堅,我輸左.」

我亦站起來,重新在旁打量這名老人的身份,

「阿伯...我有問題想問你.」

「問.」

「你之前係唔係係香港撈?」

「做乜咁問?」

「我覺得你好似一個前輩...」

「......」

「咁你係東英既人?」

「東英.......」

老人聽到「東英」二字之後,神情變得哀傷,

「唉..當年既一時衝動...」

老人自言自語,沒有回答我的問題,

他拖著蒼老的身軀,緩步向著黑暗的前方離去,

看著他遠去的身影,總覺得他的氣勢迫人,

大有領導皇者的風範,能給予我這樣的感覺,

除了『華興』的佳哥之外,這名老人便是第二個.




隔天,我在薯頭屋內的電視機,觀看著香港所發生的新聞,

「前晚凌晨時份,香港黑幫社團『華興』發生內鬨,

當中成員被四大話事人所追殺,街頭鬥爭不斷展開,

深水步更成為左每晚撕殺既地方,令社會人心徨徨.」

深水步!!那是我的範圍!!

相信菊花想把我的地盤一一收歸旗下,方便壯大他的勢力.

畫面一轉,便是在『O記』總部外面,

眾多記者圍著一名警察,似乎是準備發言,

「呀..!!」

我驚訝的不是這些無聊的鏡頭,而是這名警察的模樣,

「係佢...」

「而家請九龍區警署警長--周武傑發言,講下對於今次既黑幫內鬨有咩既睇法.」

想不到是周武傑,在數個月前的酒吧裡.他還是個低級警員,

在短短時日已經晉升到警署警長的位置,

要知道警署警長之下有警長>高級警員>普通警員,

能有這般快速的晉升,可想他的能力已是不容置疑.

周武傑面對鏡頭毫不怯埸,他弄弄帽子,

「大家好,我係九龍區警署警長周武傑,

對於今次「華興」社團有成員內鬨,我地警方係唔會姑息.」




周武傑說話流利,神情威嚴,給予人不怒而威的感覺,

不難想像他將會在警界中有一番的成就;

「我地警方係唔容許任何黑幫活動係香港發生,

特別係視法律如無物既黑社會成員,我地會遂一擊破佢地,

亦都係我地對香港市民既一種承諾,請大家放心.」

(哈哈,唔容許黑幫活動發生?皇氣真係吹得就吹)

在旁觀看電視的我不禁偷笑,卻分不清這是恥笑還是苦笑.

「至於今次『華興』事件,我地高度關注,

成員程谷飛,吳展文,凌成波,凌浩飛,黃梓楓......均與今次內鬨事件有關;

而當中程谷飛同埋凌成波為重點人物,我地已經邀請左程谷飛恊助警方調查,

遺憾既係我地暫時未搵到凌成波既蹤影,但係我地仍然會努力,唔會比黑幫勢力滲透社會,影響安寧.」

周武傑發言完畢,走回座位坐下;

「以上係XXX報導.」

電視畫面再一轉,新聞是報導巴士阿叔的片段,

「咇!」我把電視關上,正想靜心思考一下有什麼計劃可行之時......

「仆街!!!!」一下巨聲從屋外的湖邊響起,這是浩飛的聲音!!

(待續)

[ 本帖最後由 ~傳說中的傻仔︻ 於 10-6-27 01:16 PM 編輯 ]

鋼牙章魚丸

唔係29先返黎咩?

~傳說中的傻仔︻

原帖由 鋼牙章魚丸 於 10-6-27 01:29 PM 發表
唔係29先返黎咩?

總之有D事     不過唔係衰野黎

鋼牙章魚丸

原帖由 ~傳說中的傻仔︻ 於 10-6-27 02:04 PM 發表



總之有D事     不過唔係衰野黎

NotsWater

嘿嘿，新手參上。

~傳說中的傻仔︻

多一名讀者支持    多謝你~~