我在黑社會的日子I～＜完＞

~傳說中的傻仔︻

第二十五話:昔日

霍驚天,現為『東英』第三任的龍頭大哥,

為人頗具傳奇性,據說他的祖上是一名民族英雄---霍元甲,

這消息孰真孰假,就無從得知了.

但有一點卻是極為真實,便是他那堅定無比的決心,

而一次事件便是他三十四歲那年發生而令全個江湖轟動,但此乃後話;

不過事實便是到現在為此,還沒有人有勇氣去幹掉這名龍頭大哥.

(強哥...佢痴左線?)

「強哥,你可唔可以講多次?」

強哥深深吸了一口煙,然後慢慢對著我噴出來,

「你無聽錯,我無講錯,我叫你去斬霍驚天.」

我沒有說話,只是從香煙盒中拿出香煙點著,然後大口大口地吸著.

「你夠唔夠膽做,呢件事我無同人講過.」

我用手指撐著頭部,並思考著強哥的用意,

「強哥...你係唔係想我用『盛聯』既朵去做霍驚天,等佢地同我地合作?」

「唔係,你覺得霍驚天會係咁on9,咁都諗唔到咩?

到時比佢識穿左,只會比藉口佢打番我地轉頭,我地兩面受敵,注定收皮.」

「咁做乜要做霍驚天呢?」

「因為我有針係菊花到,我收到風佢想直接做瓜霍驚天,

如果我地可以做佢既救命恩人,就完全唔同講法.」

強哥自信地說出這句話來,使我在剎那間相信他.





「咁都無問題既,但係頭先你講到去斬佢,攪到我以為係堅料.」

強哥卻只是在微笑,我卻捉不透他所謂的那條『針』是真實還是虛構,

而我卻因為對強哥的信任,才願意接下這樣危險的任務.

「good,果然夠雷,時間地點我再call你,你去抖下先,順便睇下自己既埸,

我番香港個時幫你搶番一部份地盤,不過個時你先岩岩番黎所以未同你講,

做事總會有高低潮,最緊要克唔克服到姐,岩唔岩.」

我的腦袋忽然浮現王子當天在車上說的話:

(我地既拳館,BAR,全部都比菊花掃哂,

我地條LINK既兄弟,一係就比人斬到重傷,一係就驚到過左菊花檔...)

「一部份...」

這三個字的意思,代表我在深水步的勢力已大不如前,

而強哥看見我失望的神情,很快便知道我心中想什麼,

「阿波,你都知我地而家咩境況,『華興』要儲兵儲錢去打一埸硬仗,

我都係因為你做得野,先私下撥d兵過去拎番一部份地.」

強哥說著便放下燒燼的煙頭,我便點點頭,

「知道,多謝強哥咁睇我,之後單野我會攪得好好睇睇.」

「阿波,鄧小平都三起三落啦,我知你係做得野既,唔好咁易氣餒.」

「收到,咁仲有無野交帶我做,無既我想去深水步行下.」

「之前你係唔係差d做低菊花?」

「係...」

那晚我差一點點便能幹掉菊花,可是最終仍是無功而還.






「做得幾好,不過你自己小心d,佢而家放哂風話搵人買起你.」

「佢做到既咪試下.」

「哈哈,咁你小心啦.」

「咁我走先.」

一路在街上走著,但是卻沒有明確的目的地,

(去醫院探阿儀...?番屋企...?睇下浩飛...?搵王子吹水...?)

腦中閃過多個念頭,卻沒有一個能夠驅使我前進.

如果是當天的話,我馬上便會找阿偉,

因為他在無時無刻也會替我分擔煩惱,彼此了解得像親生兄弟,

此時此刻,又不禁想起阿偉一次.

(上次中秋節同阿偉係酒吧飲野...唉,去深水步睇下,始終都要面對.)

想起阿偉,便不其然想起我們第一間酒吧---『LINGWAI酒吧』,

取名是我的姓氏與阿偉的偉字,我們也在這過了六年的江湖日子;

雙腿不自覺往巴士站走去,只因我要回深水步看看現在的境況.

在菊花還沒有叛變前,『華興』在九龍可說是一哥的位置,

我更有幸得到深水步的地盤,所以那時正值是我處於最高峰的時間,

可是風水輪流轉,我今天卻只是靠著強哥拿回『一部份』,

想到這裡,我的心情又自然地悶悶不樂起來.

「下一站係:深水步xxx」

巴士響起往日我熟悉的街道名字,我徐徐步離巴士,卻看見一個全新的景象.





往日在深水步的酒吧或是店舖,大多是以『LINGWAI』為名,

可是如今一眼望去,卻全部改名為『飛王xx』,

這代表了什麼?這代表了菊花的勢力增長得驚人,

『盛聯』的總公司在香港仔,可是其分支的勢力卻能滲入每一個地方;

(『華興』要儲兵儲錢去打一埸硬仗......)

強哥的說話果然沒有說錯,如果不能一擊打到『盛聯』,

我們真的會被菊花壓得透不過氣,更可怕者可能會步『和記』的後塵;

另一方面也反映出強哥在這危急的時期裡,也願意私下替我拿回一部份的地盤,

這代表強哥仍然信任我,給我機會為『華興』賣力.

(睇下入面咩料先...)

我慢慢行進去,一如以往很多金色頭髮的小混混,

可是大多數已經不是我昔日的手下,而是一批批的新面孔,

看到景物依舊、但是人面全非,一陣刺痛又再從中裡發出.

「阿婆,你咪撚扮野wo!!」

有數名金髮小混混圍著一個擺地灘的婆婆並恐嚇著,

「幾位大哥...我邊有錢呀...」

「你老母,無錢係度擺檔!!仆街啦!!」

然後帶頭的一腳踢走婆婆的貨物,他的手下亦起哄起來,

「望乜撚呀!!係唔係想比人打呀!!」

他們恃兇嚇人,使路人只能袖手旁觀.

(你老味..係深水步攪埋d咁既野..)

「仆街仔,你地邊度架!?」

我向著他們身後大叫,惡鬥一觸即發!!

(待續)

拉特基斯．旦尼

原帖由 ~傳說中的傻仔︻ 於 10-10-21 10:44 AM 發表
第二十五話:昔日

霍驚天,現為『東英』第三任的龍頭大哥,

為人頗具傳奇性,據說他的祖上是一名民族英雄---霍元甲,

這消息孰真孰假,就無從得知了.

但有一點卻是極為真實,便是他那堅定無比的決心,

而一次 ...

又搶第一先 搶左再慢慢品嚐=]

thchan96

阿婆都蝦
波哥一定打到佢地唔係脫臼就殘廢...

~傳說中的傻仔︻

未必既          波哥話唔定會比人打殘

Ｓａｖ＿月

原帖由 ~傳說中的傻仔︻ 於 10-10-21 07:31 PM 發表
未必既          波哥話唔定會比人打殘

唔好咁快收小天皮

asdcarson

快d快d快d快d出出出

~傳說中的傻仔︻

下期預告:

波哥將會撞上雙花紅棍---龍仁,陷入苦戰!?

想知道個預告堅定流       請快d留言加速啦a_a

「雪之國度」

冇追一排我回來了0,0
啊婆都蝦-_-
人渣=_=

~傳說中的傻仔︻

原帖由 「雪之國度」 於 10-10-22 09:28 AM 發表
冇追一排我回來了0,0
啊婆都蝦-_-

人渣=_=

做乜呢期唔追呀~.~

★Ringo.

用左成日追番哂咁多集
本身都係比個標題吸引左落黎睇
點知睇落d情節都幾好
呀波對兄弟個種情義我都幾鍾意

「雪之國度」

岩岩開學果几個星期係忙D-_-

~傳說中的傻仔︻

第二十六話:惡鬥

小混混們聽到我的大叫,頓時轉過身來看著我,

「你邊撚個...」

他正想說下去時,神色卻大變了起來,

「凌..凌成波!!」

他身邊小混混的面色也同樣地變化起來,

「佢咪係老頂落order收皮個凌成波!!」

而那名婆婆看見我,立刻跑過來握著我的手,

「你咪係波仔...你呢幾個月去左邊呀...你做乜塊面多左條疤既..」

眼前的婆婆名叫六婆,自從我六年前進駐深水步後,

因為我為人不會太強權,只要按時交錢,

我對待他們便好像家人或朋友,所以在這一帶的名聲很好.

「六婆,我無事,佢地係咩料.」

我拍拍六婆的手旁,向她示意安慰,

「佢地話咩『盛聯』架...咁我地不嬲都係『強哥』睇開既...」

說著說著六婆的眼眶有點紅了起來,應該是在這數個月裡受到很糟糕的對待,

(果然係『盛聯』...)

小混混聽到六婆說『盛聯』二字,信心像馬上增加,

「拿,你聽到啦,呢到係『盛聯』既地頭,就算你係呢度以前既渣旗人,

都唔會唔識做呀,唔洗我地呢d細既教掛.」

的確、這裡一部份已經是別人的地盤,我若參一腳過去便說不通.




(唉,形勢比人弱,仆街!)

我在罵自己的無能,一來未能為六婆做點什麼事,

二來也被這些四九仔看不起,他媽的『盛聯』!!

「波哥.」

突然兩人從左方走來,我一眼便認得他們是我昔日的手下,

「鐵打酒,豬油!」

他們二人已經跟隨了我很久,但自從我避走香港時已經沒有見過他們.

他們看看『盛聯』的門生後,便拉著我的手向右行了數步,

鐵打酒把聲線壓得很低,便向著我說,

「波哥...東街呢度而家由『盛聯』睇架啦,我地而家係睇西街呀..」

然後豬油也搭上一嘴,

「係呀波哥,之前我地行過小小,都爭d比佢地打獲甘.」

他們擔心的表情,說明『盛聯』實在霸道得很,

「波仔..咁我點呀..」

六婆一句說話,使我陷入無奈,

「六婆,而家日子唔同啦,你聽日開始過黎西街擺檔啦.」

「下..」

六婆不明白我在說什麼,正想問下去時,

「走啦,波哥.」我卻已經被他們拉走.







「屌,原來個凌成波無撚用,兇兩下就走左.」

「大佬呢獲你實響硬朵,『係深水步兇撚走凌成波』,哈哈」

他們這兩句說話傳入我的耳內,使我雙腳如木樁般緊緊插在地上,

「波哥...」

鐵打酒看見我的雙眼充滿殺意,已經不敢再說什麼話來,

豬油更是怕得放開我的手,冷汗在頸後直流.

(我係福田打咁耐打響個朵,而家比呢d二打六咁黎唱我?

凌成波,你咁都忍得就唔撚係人!!)

我轉身正想說話時,有一人卻比我更早脫口而出,

「你覺得憑你地三條撚樣,就兇得走凌成波?」

這一下卻使我驚奇起來,替我說話的是誰呢?

只見他們三人身後,有一個人影慢慢步出來,

我再看清楚一點,這下卻到我的面色變化了起來.

「佢...佢咪係...雙花紅棍....龍仁...!!」

「三秒,係我眼前消失.」

小混混們這次怕得馬上跑走,似乎跑慢一秒便會被撕開.

龍仁今天穿了一件緊身背心,牛仔褲配搭波鞋,

這一身的裝扮,應該是準備去拳館練習或是去健身室.

他有點懶洋洋的氣息,但是我卻打醒十二分精神,






「凌成波,好耐無見.」

「龍仁,咁岩呀.」

看見龍仁的面孔,我便想起當天阿偉的面孔,

如果不是他,我便有機會帶離阿偉逃去,

所以是龍仁間接害死阿偉,想到這裡我的拳頭不自覺緊握起來.

「佢咪係皇龍個仔...」

鐵打酒一句說話,卻勾起了皇龍叔對我的吩咐,

(呢隻錶...同我比仁仔...)

皇龍叔的錶我放置了在家中的櫃檯裡,我還要完成他的交付,

「龍仁,我有野同你講.」

「我都有,你比我講先.」

想不到龍仁也有說話跟我說,這是我意料之外,

龍仁走了過來,拍著我的肩膀,

「天台單野,我知你個次比人伏完再同我打,根本出唔到全力.」

我一把掃開他的手,著他說下去,

「我要同你堂堂正正打一次,我要比你知道我同你係唔同level.」

龍仁說要跟我較量,這下卻是正中我的下懷,

(你老味,我都想報仇好耐;打完我先比隻錶你,都唔算違反皇龍叔既吩咐.)

「係度打,點睇?」

「good.」




「波哥,係呢同佢打!?」

豬油想阻止,可是我卻張開手掌著他不要說話,

「唔好嘈.」

我脫下外套,然後開始著熱身運動,

他亦放下背包,雙手格格作響.

數分鍾後,我倆都已經準備就緒,

「鐵打酒,你負責嗌開始.」

龍仁的眼神由剛才的懶散變得殺氣騰騰,氣勢可怕得驚人,

我亦擺好馬步,雙拳一前一後地準備迎接雙花紅棍的攻擊,

「1...2...3...開波!」

「呼..」

剎那間龍仁在我眼前消失,他去了哪裡!?

一個影子從上方照射下來,勁風更是來勢兇兇,

(上面!)

龍仁一下跳高再踢腿,我連忙用右手壓下,

「砰!」當我左拳緊接上時,

「啪!」我被踢得退開了數步,又是那一次的凌空轉身踢腿!!

我的拳頭不及他的腿長,當然馬上被擊得倒退起來.

「再黎!」

我咬緊牙關並再次發動攻勢,馬上便與龍仁短兵相接,

雙方使出快拳搶攻,究竟這一次我能否戰勝龍仁!!

(待續)

fgh14798

波哥一定贏既

davidcks

龍仁咁快就同波哥交戰 其中一方一輸 名聲即刻冇哂

thchan96

通常呢d情況...打打下會有人出面阻止....

鋼牙章魚丸

隻揪隻揪

~傳說中的傻仔︻

究竟阿波係贏定輸呢   大家可以估下  有gd  a_a

fgh14798

波波輸

~傳說中的傻仔︻

第二十七話:惡鬥(II)

「呼!」

拳頭在我面旁擦過,力道大得驚人,

龍仁的每一拳就好像大炮,但那是快速的炮擊,

被他轟中一拳,後果真的是不堪設想.

「躂!」

我勉強壓下他的右拳,右腿疾撐向他的腰間,

他卻一下向後退,身體連消帶打、左拳破風而至,

我壓下身子避過,再左右開弓齊齊撞向他的腰間,

「碰!」雙拳正中目標!!

正要再陷入一公分時,他的反擊已從上方降臨,

「格!」

手肘狠狠地鑽入我的背脊,痛得我馬上推開龍仁.

「吐!..吐!!」

雙方口角都滲著血,然而吐血的動作使我們更渴望戰鬥.

「波哥..波哥!」

鐵打酒想過來看看我的傷勢,我卻阻止他前進,

「咪多事.」

「果然有d料到,同上次係天台個獲差幾皮.」

『天台』這兩字對我來說是很敏感,只因為會增加我的怒火,

而我的怒火一旦上升,便會把眼前的敵人狠狠地轟下.






「嘿,咁有鬥志.我鍾意!」

龍仁回應我的鬥志,連環疾腿不斷斬來,

「食我一腳啦!」

只一秒的疏忽,我的胸口被狠狠的釘了一下,

腳力很猛,使我雙腿有點離地,

「屌!想踢撚死我!?無咁易.」

我在被踢退時抓到龍仁想收回的腿,他立感不妙,

「!!」

我借勢踏回地上,力量從地起傳到腰間,手勁隨腰發!

「呼!擦!」

龍仁被我用上次對付刀疤的摔技摔了出去,但他何其敏捷,

竟然以半膝跪下的姿態著地,再一下反彈向前出拳!!

「砰!」

幸好我雙肘早已成閘防守,但仍被強大的力道擊退!!

「下..下...」

濃濃的呼吸聲從我倆處響起,現在便是回氣的時間;

「如果上次你無暈到,睇黎我個雙花紅棍唔拎得咁易.」

龍仁說的是『福田爭霸戰』的事情,源於我與阿man的死戰,

「挑,講咁多野,一陣等住比我收皮.」

「哈哈,你食屎啦.」

他舉起中指、然而一秒後便衝向我處,戰鬥再起!!




「boom!」

結實的一拳中了我的左肩,我忍住痛楚用右臂抓著他的肩膀,

然後走向他的背後,彎曲的手腕緊緊地扣著他的頸部,

我才剛想用左手幫忙扣緊時,龍仁已經把我狠狠地甩開,

我被甩得掉在地上,一下疾腿卻緊緊地釘向我的右眼,

不敢猶豫、右手本能反應地推開他的腿,

再彈起以左拳還擊,「砰!」

龍仁面部被我轟中,視線立刻受阻,

(機不可失!)

半秒內我收回右拳,與左拳雙管齊下,向著龍仁的頭部打去,

「躂!!躂!!躂!!」

我使出渾力解數,漫天快拳向他蓋去,

但龍仁『雙花紅棍』之名可不是浪得虛名,他在看不清楚的情況下,

以雙臂化成兩條再堅固的防守線,把自己的頭臚保護得密不透風,

任我快拳如何疾猛,就是攻不破這條防線、難以給予政命一擊.

「呼...!?」我的拳頭怎麼打不中龍仁了?

只看眼前的龍仁邊退守,邊以蛇步盤轉,

未能察覺龍仁別有用心,我馬上就後悔起來.

「打得咁爽,收野啦!」

龍仁殘影一晃,鐵拳猶如雙龍出海、直取我左右兩方,

(仆街,想局我蹲低比你踢!?)

我反其道而行,一下馬步衝前撞散他的攻勢!!







「咩話!?」

他想不到我突出奇招,一時反應不來下被我進入他的中位線,

「你今次仆街啦!」

我放盡力氣於每一拳上,「砰!!砰!!砰!!砰!!」

龍仁連續被我轟了數拳,鮮血立刻噴出,

「屌!」

龍仁雙手妄想回防,但我不會給予他這個機會.

「仆街啦,龍仁!」

我於瞬間蓄力,力量從肩膀傳出拳頭上、再往龍仁的心胸發射!!

高達二百磅的拳力結結實實地在龍仁心胸前爆開,直把他轟開數個人位.

「呀!!!!!砰!」

被轟飛的身軀更撞向一旁的小販檔,使整個檔灘也倒了下來.

「堅呀,波哥!!」

「波哥,掂呀!」

豬油二人開心得眉飛色舞,相信平日也受了不少『盛聯』的氣,

現在我回來替他們出氣,高興也是在所難免的事情.

「下...下..」

我卻沒有大意,只是一邊回氣、一邊看著眼前慢慢站起來的身影.

「你D拳幾硬淨呀,不過想收我皮既話,仲未夠班.」

龍仁站起來並拍拍剛才被我轟中的心胸,表示我的拳頭只是『小兒科』,

「嘿,要口硬既由你,一陣收左你皮就唔好喊.」

「睇下點!!」

龍仁身形一衝,他要攻過來了!!

(待續)

[ 本帖最後由 ~傳說中的傻仔︻ 於 10-10-25 12:24 PM 編輯 ]

拉特基斯．旦尼

正呀 波哥有機打柴佢喇