我在黑社會的日子I～＜完＞

fgh14798

你簽名 = 龍仁

Ｓａｖ＿月

原帖由 fgh14798 於 10-11-4 04:05 PM 發表
你簽名 = 龍仁:smilie_:10:

係陳浩南黎==

davidcks

純鐵相撞的聲音立時響起,雖然擋到(政)命一擊、可是拳腳的力量也立刻湧來.

我馬上滾開去,眼見後方又有數名門生擺好架勢,
29話

~傳說中的傻仔︻

原帖由 davidcks 於 10-11-4 07:28 PM 發表
純鐵相撞的聲音立時響起,雖然擋到(政)命一擊、可是拳腳的力量也立刻湧來.

我馬上滾開去,眼見後方又有數名門生擺好架勢,
29話

我成日打完都唔check有無錯字  靠你地幫幫眼啦=.=

thchan96

燒傷口....痛上加痛.....

~傳說中的傻仔︻

原帖由 thchan96 於 10-11-5 12:00 AM 發表
燒傷口....痛上加痛.....

雖然痛   但有效

鋼牙章魚丸

止血方法=燒熟d肉
係真的

~傳說中的傻仔︻

第三十一話:心底


「呀!!」

傷口經火焰的炙熱下,立刻結成血疤、出血情況馬上改善,

可是『計無兩邊利』,這一方法我卻要忍受極大痛楚.

「凌成波...你...」

我已經聽不見龍仁的聲音,我暈死過去了.

過了不知多久,我聽到有人在叫我,

「波哥哥,波哥哥.」

我張開雙眼,這裡是中山南滿村薯頭的家裡!?

在叫喚我的正是薯頭的兒子--小丙,

他那胖胖的面沒有改變過,但我怎麼會在這裡呢?

「你係小丙..?」

我離開大床,在摸摸小丙的飯團頭,

「波哥哥,你做乜咁既語氣既,你唔記得左我啦?」

「唔係...我有d奇怪姐...」

我看著熟悉的景物,但心中卻有一種莫名的陌生感,

好像這些人與事物都是虛假的,我的潛意識在抗拒著它們.

「食飯啦,飛哥哥係大廳等緊你呀.」

「好....」

小丙主動牽著我的手前進,那種家庭溫暖立時把我的懷疑壓下,

究竟我在做什麼?我記得我是經歷了一埸戰鬥......




「波哥.」

浩飛在看著電視,看見我後立刻便打招呼,

「阿波,醒啦?」

而薯頭的老婆卻在準備著飯菜,看來很快便可以吃飯,

「係呀...」

(浩飛點解會係度...佢唔係同細昭比人斬到入醫院咩?)

記憶的碎片正在拼湊著,在告訴我眼前的一切是真實還是虛幻.

「食得飯啦.」

薯頭的老婆坐下來,準備與我們一起共享午餐,

但我卻在思索著事情,我並沒有作出任何反應,

「食飯啦,阿波.」

「食飯啦,波哥.」

「波哥哥...你做乜呀?」

他們三人同時在叫我,我才醒過來,

「呀..食飯啦.」

「今日d雞好入味,食多幾舊啦.」

浩飛夾了一隻雞脾給我,我看著他們三人的表情,

真的充滿著幸福的氣息,彷彿『華興』的事情已經遠離我.

『華興』......『華興』......是『華興』了!!

我的腦袋猶如遭雷電擊中,所有的事情在瞬間記起,

「『華興』!!!係『華興』啦!!」





我狀若瘋癲,只是不斷重覆這兩個字,

「波哥,你做乜係咁逋我地個牌頭.」

我一手揪起浩飛的衣領,然後大聲地對他說,

「你記得?你都記得?你明明係『飛王酒吧』出面比人斬到入醫院,又點會係度呀!!」

浩飛一面茫然,好像不知道我在說什麼,

「你講咩呀,波哥?」

「波哥哥,你做乜呀..?」

「阿波你..做咩..你係唔係有咩煩惱呀?」

薯頭的老婆想走過來安慰我,我一把便推開她,

「你行開!!你地根本唔係真!!你地全部都係假既!!」

他們的神情卻真的好像看見一個精神病人,

「波哥你係唔係諗傻左?」

浩飛只是想甩開我的手卻做不到,

「波哥哥...嗚」

小丙拉著我的褲腳在搖曳,並露出一個想哭的神情,

看著他那表情,我的心不禁軟化起來,

(假架...呢度係假架!!)

我腦袋卻出現自我提醒的功能,提醒眼前的一切也是處假的.

然後.....我便一腳踢開小丙!!




「嗚呀...!!嗚...嗚...」

小丙被我踢開出去,他媽媽也是怕得立刻往前看看小丙,

連浩飛也走了過去,露出一個討厭的神色,

「波哥,你係唔係傻撚左呀!?」

「你地就傻撚左,你地究竟係邊個?」

我很清楚眼前的人或是都是虛假,但它們是誰呢?

「我係浩飛呀..」

「屌你,你唔撚係浩飛!!浩飛係香港既醫院留緊院.」

我作出揮手狀,並不相信眼前浩飛的說話,

「......」

他們好像已經知道我悉穿一切,立時變得沉默,

「講野呀!」

「無錯,呢度所有野都係假.」

薯頭的老婆與浩飛慢慢消失,而四周的景物亦快速變化著,

剩下的小丙....?只見小丙的面孔也在轉換著,

一時是強哥,一時是王子,一時是菊花,

「咁你係邊個!!」

「我係你.」

「乜撚野話!!?」

它最後變成一個人,這個人的面孔我很熟悉,

只因為它變成了凌成波的面孔,變成了我自己.

凌成波指著一道門,然後別過頭來對我說,

「你可以係呢度走.」

我看見有出口離開,當然馬上走過去,

當我一打開門,一股暈眩感馬上湧出來,

在眼前景象完全消失之前,我很清楚聽到一把聲音,

『呢度所有野都係假,但係有一樣係真,就係所有野都只係根據你渴望既生活而做出黎.』

(待續)

fgh14798

點解得浩飛坐係度
其他人呢

鋼牙章魚丸

好玄

pk9000

不錯不錯...描寫波哥內心世...下同劇情有關..沒關係吧

fgh14798

推

~傳說中的傻仔︻

最快要聽日先更新到  我相信大家唔會怪我

~傳說中的傻仔︻

第三十二話:合約

一絲絲的燈光從眼晴的隙縫射進來,使我意識到已經脫離剛才的地方,

腰間的陣痛傳來,才動一動便已經痛不欲生.

「波哥!?你醒啦?」

我勉力把頭往右邊看去,穿著病人衣服的浩飛正露出開心的面孔,

「浩飛...咳」

連說話也感覺到喉嚨像火燒般,整個身體極不舒服,

「你唔好出聲,我叫醫生黎先.」

說罷他便跑出去找醫生,看來他已經快要康復.

「凌成波,你條腰個傷口好深,所以要留院一排;

同埋唔好亂咁行黎行去,會惡化你個傷口,明唔明.」

醫生拿著我床頭的病歷表說得頭頭是道,我只好點頭示意明白.

「咁你休息先;你都係,探多陣就好番去自己個病房.」

醫生對浩飛說道,浩飛回答明白後醫生便獨自離去.

「波哥,你估你暈左幾多日.」

「唔係呀...又暈?我覺得自己訓左陣咋wo..」

我用懷疑的眼光看著浩飛,浩飛立刻笑了起來,

「如果五日都叫做一陣,波哥你真係屈機.」

「我暈左五日!?」

連我自己也不能相信,才一點刀傷怎麼暈了這麼久?

「係呀,醫生話刀傷係牽引你主因既導火線,暈咁耐既主因,

係因為你精神好差,身體機能要訓耐d先會肯醒.」

「你條友仔識咁多野?」

「聽醫生鳩up咋嘛.」




看著浩飛年輕的面孔,他今年才正值二十歲,

他現在應該是讀書或是在做正常的工作,而不是在黑社會中打打殺殺.

「浩飛,其實你有無後悔過入左黎?」

我在提出一個奇怪的問題,使浩飛陷入沉思之中,

「我唔識點答...但係我覺得無乜問題.」

他充滿陽光氣息的面孔上,找不出一絲的猶豫,

「波哥,其實自從係南滿村之後,我硬係覺得你有d唔同左.」

我心中一驚,連忙在在想我有什麼不同呢!?

「我有咩唔同左...」

浩飛摸摸頭顱,然後便回答我的問題,

「我又唔知有乜唔同左,只不過你好似有小小改變左;

例如有好多地方你會猶豫左,即係你以前會好決斷,

但係番黎之後就變得慢左,個決斷力慢左......」

浩飛一面說一面想,似乎在找尋最合適的詞語形容,

「得啦,唔洗講.」

我舉起右手作停止狀,浩飛便不再說下去.

「你番去先啦,我想自己諗下野.」

「咁我番過去先,係啦;龍仁同你講:埸交未打完,等你出院再打過.」

龍仁嗎?想起當天『盛聯』的門生說龍仁是二五仔,

看來這件事是另有內情,能夠弄清楚的話對我們是一件好事.

「仲有王子哥黎緊,佢話有事同你講.」

「嗯.」

我回答一聲後,浩飛便關門離去.




半小時後,有人開門進來,

「吱...」

原來是穿著西服的王子,看起來亦很帥氣,

「波哥,仲頂得住呀嘛?」

「嘿,無咁易死.」

王子手上拿著一個文件夾,他是與別人在談生意?

「你個文件夾..?」

我提出問題後,王子便急不及待走過來坐下,

「波哥,今次掂呀!」

我未有見過王子這麼歡樂的樣子,是發生了什麼事嗎?

「咩事?」

「有個好消息,我諗你都會好開心.」

「菊花死左?」

「屌,我都想佢死,不過唔係.」

「講黎聽下,你講得咁開心真係大野黎.」

王子從文件夾內拿出一份合約,而合約的標題寫著:

『合作事宜需知』,

「合作事宜?咩合作呀.」

「你覺得有咩合作係會令我地開心?」

我也露出一個笑容,更加大笑起來,

「真係!?」

我笑得有點激動,不小心牽動腰間的傷痛,

「呀...」




「唔洗咁激動,波哥,你估岩左,係我地同『東英』合作既合約!」

「佢地個面肯咩?」

「本來真係無機會,但係你救阿朗,同埋龍仁合作單野,

大大加深左我地既合作機會,而家已經開始傾下可以點合作.」

當天我救阿朗只是巧合,而與龍仁合作更加是意外,

想不到這兩件事,可以成為我們合作的良機.

(你要去斬東英個龍頭---霍驚天.)

我忽然想起強哥的說話,那麼他當時為何要我去伏擊『東英』的龍頭呢?

但是我沒有告訴王子,這個問題我想親自去問強哥,

現在的事實是透過我而出現合作的機會,實在是值得高興的事情.

「咁就好,所以你而家起緊份合約?」

「係呀,我頭先去左搵佢地個金牌軍司---姚盛康,傾下d合作細節.」

「古惑康呀嘛,你有無比佢搵笨.」

「波哥,你唔好當我流先得架,不過佢都真係好撚聰明,我差d就比佢過左一棟.」

王子撥一撥眼前的頭髮,露出一個挑戰的眼神,

看來王子與這個古惑康,將會在智慧上有一番惡鬥.

「咁而家單野傾到去邊.」

「外圍野大概都攪掂,而家差細節野,

就係等波哥你出院之後,再同強哥一齊去傾姐.」

「我都有份?」

「話哂因為係你先有咁既機會合作,強哥緊係叫埋你去.」

「咁得得起我,幫我多謝強哥.」

「咁我走先啦,仲有野要攪.保重呀,波哥.」

「嗯.」

看著王子的背影,這傢伙已經擁有一方之主的氣勢,

未來的日子,我們與『東英』真的能合作愉快嗎?

(待續)

fgh14798

GAY花仆街喇

thchan96

東英有陰謀?????

★Ringo.

咁快又完了.............又要等下集-,-

~傳說中的傻仔︻

第三十三話:從前

留院的一星期後,我的腰傷還是痛得要緊,

醫生認為進展良好,可能在三星期後便可以出院.

晚上涼風吹襲,我才憶起已經踏入秋季,

再算算阿偉離開我的日子,已經快有一年之久.

(阿偉呀...而家既情況真係好混亂,

如果有你同我一齊分擔,我估我唔撚洗咁愁啦.)

我慢慢垂下頭來,露出一個沒有人看見的無奈樣子,

(睇下電視算...)

然而遙控器在病床對面的桌子上,桌子距病床也有數步之距,

我忍著痛下地,雙腿接觸地面的一剎那卻痛得我快要叫出來,

「頂...!!」

我輕嘆一聲,想不到我也有這樣窩囊廢的一刻.

這數步就好似『二萬五千里長征』,最後我成功拿回遙控器,

「焦.」並開著電視機,看看有沒有什麼大事發生.

「香港島近日接二連三發生街頭撕殺事件,人數傷亡數字不斷上升,

根據警方的資料數字顯示,近一星期以來已經有五人死亡,接近百人受傷;

警方高層指出,引發衝突的正正係新社團『盛聯』,

『東英』同『華興』亦有參與其中,先會引發起一連串既街頭爭鬥;

四日前係北角發生既撕殺事件,現場仲留有大量警員搜證,而家由我地既記者xxx報道.」



(四日前?咪即係我仲昏迷緊既時間?)

我雙眼目不轉晴,緊緊地盯著電視機,

「而家我地係北角既xx街到,雖然事件已經發生左四日,

但係警員仲係未將現埸解封,相信呢次事件對警隊黎講都係一次衝擊.」

記者走過去與一名穿著較高級警裝的警員問話,而這身衣服我似乎有點眼熟,

(呢套衫...咪係周武傑個套衫?睇黎呢條友都係大粒野黎.)

「程sir,可唔可以講下呢次事件既發生同經過呀?」

電視機字幕顯示這警員名為『程凰』,為香港島區警署署長,

應該是與周武傑為同級,看來其作風是專為針對『盛聯』.

「今次係近期既黑道火拼事件之中,最為大形既一次,

而主角就係『盛聯』同埋『東英』兩大社團,

我地保守估計雙方既參與人數高達一百人,你睇下現場仲遺有大量血跡;

不過根據可靠線報,係未來既日子,將會發生更大形既黑幫撕殺.」

(『盛聯』同『東英』?睇黎『東英』真係有心合作,

開始攪埋菊花同史王輝既地盤,合作方面應該坐定粒六.)

「大家放心,我地警方已經核實左一連串既核心人物,

只要時機一到,呢班黑幫份子就會一網成擒.」

(班差佬真係鳩吹唔洗本,個時咪又係話拉我,

我而家咪又係坐係張床睇你吹水,痴撚線.)

「好...而家交番比...」

電視播放著沒關痛癢的新聞,我便關掉它獨個思考.



(如果係六年前你話幾好...)

想著想著,我不自覺尋回六年前的時光裡......

-------六年前的拳館--------

「阿波,呢把你既.」

一個看來混了多年的大底把一把開山刀推到我的手裡,

我心裡有點不情願地拿著,只因為我是第一次『出差』.

「一陣跟住我地做野,總知見人就斬,一個都唔可以走,走甩就大獲,明唔明?」

「明!」

我身邊的兄弟都大聲付和,包括葉偉,

「半個鍾後出發,大家可以抖陣.」

然後我便拿著這把開山刀,獨自找一個角落坐下.

「點呀你,柒頭.」

熟悉的聲音從身旁響起,葉偉把一枝煙遞向我,

「躂..躂..」

火花在半空彈開,並把香煙成功點著.

「屌你...」

葉偉看得出我的神色有點不妥,他馬上便知道是什麼一回事.

他拍拍我的肩膀,然後露出一個『老屎忽』的神情,

「細路,入得黎行,預左要還,明唔明?」

他媽的逗得我笑了起來,其實我又怎會不明白這個道理呢?



「大家準備...」

我們分枇坐在貨車內,現在我們在一個空地對出,

並在等待時機,只要目標人物出來便一舉而上.

我雙手不自覺地握著刀柄,這時一把細微的聲音在耳邊響起,

「放心啦...出去做下樣姐,真係要我地斬咩...」

聽到這句說話後,我的心放鬆了一點點,

而說這句話的人,便是一會便陷入險境的葉偉.

「仆街啦!」

葉偉在地上不斷避來避去,然而刀鋒卻在緊貼著他,

我掩著流著血的頭臚並暈眩著,而葉偉因為救我而纏上了這名紅棍,

紅棍渾身是勁,一下一下的斬擊沒有留情,

使葉偉的身上不斷出現血痕,而那名安排我們伏擊的大底早已被擊斃,

剩下的只有零星抵抗的兄弟,而其中兩個便是我與葉偉.

「阿波,走呀!」

葉偉在逃避之時亦不忘提醒我逃走,那時我還沒有學習拳擊,

加上第一次接觸這類以命相拼的街頭械鬥,我真的提起腿便走.

但我忽然想起:我走了,那葉偉怎麼辦呢!?

我回頭看著那名紅棍正背向著我,只是全力狙擊葉偉,

不知道那來的決心,我拿起開山刀向前衝!!

「屌你老母!!」一聲怒吼,血花從半空散落......

(待續)

[ 本帖最後由 ~傳說中的傻仔︻ 於 10-11-16 04:02 PM 編輯 ]

°×sIuFu_♂

SM波哥a_a"

davidcks

浩飛  波哥
分別咁大....波哥出道斬紅棍 浩飛有練拳 有練跑 出道咁耐都係比人斬