- 閱讀權限
- 50
- 最後登錄
- 20-10-9
- 精華
- 5
- UID
- 222997
- 帖子
- 2231
- 積分
- 3237
- 註冊時間
- 04-7-9
- 在線時間
- 1416 小時
- UID
- 222997
- 帖子
- 2231
- 積分
- 3237
- Good
- 272
- 註冊時間
- 04-7-9
- 在線時間
- 1416 小時
|
第一話:散落的記憶
明愛醫院的五樓是深切治療部,裡面躺了不少生命危在旦夕之人,
而第五間房裡頭,通常是病情最為嚴重的病人.
今天五樓的走廊裡,有兩個人如一般探病者詢問著醫生,
「醫生,佢點呀?」
「傷者身上有多處刀傷,而且下下都見骨,又傷及肺部等既重要器官,
最致命既係佢心臟個一刀,不過好彩刀鋒岩岩掂到心臟就插唔入去,
唔係既話、加上佢頭部個下重擊,睇怕你地當日送佢入黎已經死左.」
「......」
聽到醫生這番話的人,似乎不為這消息感到難過,
「咁佢幾時會醒呢?已經成個禮拜.」
問這番話的人雙眼神色內檢,但還是藏不住悲傷的情感,
「確實日期唔知,因為傷者頭部受到重創,
加上傷口太深,真係要睇番傷者自己既生存意志,
話唔定佢已經當自己死左,咁就好難醒番架啦.」
「比我都以為自己死左...又點會估到個刀係...」
「浩飛!」
名叫浩飛之人被喝斥閉口,似乎當天的事別有內情,
「......」
「唔該哂你,醫生.」
「唔洗,你地或者可以走先,因為都就黎過探病時間.」
「嗯.」
他們二人臨近離去之時,再走到第五間房的前面,
透看玻璃窗探看左面的病人,那是誰?
一個氧氣罩緊緊貼在口上,身上有多處紗布包紮著,
心跳指數以極慢的頻率跳動著,生氣彷彿全都散去,
剩下的是面上那一道深刻可見的刀疤,曾象徵著此人亦有好動的一面.
「王子哥..你會唔會怨波哥..」
原來在明愛醫院的是浩飛與王子,他們來明愛醫院幹什麼呢?
王子聽到這句說話後,雙眼不自覺亦紅了起來,
「唉..怨得邊個,應承左佢家姐帶佢黎香港撈,佢都叫做威過,算係咁啦...
加上佢份人有自己諗法,點都無可能阻到佢,就好似個一刀...」
他說到這裡有點忍不住,雙眼的淚還是漏了數滴下來,
「對唔住..王子哥...如果個日我可以睇實d..」
浩飛面露哀痛,似乎為當天的事情感到後悔與自責,
「當時兵慌馬亂,又唔可以怪你既..」
畢竟王子屬於能自制之人,很快便能收回氾濫的情感,
「加上我地已經同『東英』聯成一線,仲有大把野煩.」
「唉,強哥聽到波哥傷成咁,都只係嗯一聲就算..」
浩飛指著病房,語氣上似乎替病房內的人不值,
「唔好怪強哥啦,佢呢排真係好忙,又要同『東英』傾數,
又要安排人手睇埸,你知『盛聯』幾屎忽鬼架啦...」
王子拍拍浩飛肩膀,然後便轉身,
「不過收到風遲d老頂下個月就會番黎,到時強哥應該得閒黎探波哥.」
「唉...連我呢d二打六都覺得好煩,好似波哥咁而家乜都唔知反而仲好...」
「黑社會就係咁架啦...你行得入黎就抽唔到身;
你上面有著數你未必有得分,但係你上面有難,你就一定要幫手狽.」
說罷二人便離去,又再步向那沒有一刻停止的大海.
黑社會?
大哥們永遠也會說有利益一起分,可是他們永遠不會說有困難一起解決,
因為在你踏入黑道的第一秒開始,替他們消災解難已是最基本的事情,
基本得像你上學時必定要遵守校訓,黑社會也是如此.
一個月後,明愛醫院的五樓病房外有十多人站著,
他們的樣子一看便是混黑道的人,而帶頭的浩飛表現最為激動,
「波哥!!你醒啦!!」
「你地係邊個?」
我腦子一片空白,對眼前之人毫不認識,
「咪玩啦,波哥,我係浩飛呀!!
佢係王子,我地咪係你既門生lo.」
名叫浩飛之人遂一指著他身後的人,然後向我介紹,
「........」
我只是聚精會神地向著他們,然後努力回想,
「波哥!!我係豬油榚呀!」
「我係鐵打酒呀!」
一肥一瘦的人在向我作自己介紹,而最左邊那名較為斯文氣質的人亦說道,
「我係王子呀,波哥,你唔記得啦?」
(我明明唔識佢地...痴線...)
「你地係唔係搵錯人呀?我唔識你地架wo.」
眾人聽到我仍然不記起他們,開始露出擔心的神情,
「唔係咁大獲呀...快d叫醫生黎!!」
那班說是我門生的人,馬上拉拉扯扯地找了醫生進來.
醫生進來後撥開我的眼皮,然後用電筒照了我的雙眼,
再按了一按我的頭臚,便仔細地填寫著我床頭的那份病歷表.
「醫生,點呀?」
(呢條叫浩飛既人都好鬼煩..係咁問點點點...)
「病人可能之前係頭部受到重創,加上佢真係當自己死左,
所以而家雖然醒番,身體既潛意識幫佢封閉左一部份既記憶.」
眾人聽到之後,均表現得不可置信,
「醫生,係唔係你都傻左呀?我明明無失憶,
我叫凌成波,係無業遊民黎,我住xxx樓xxx室,岩唔岩呀?」
那名叫王子的人聽到我說話後,露出無奈的神色,
「醫生,佢又真係記得佢叫乜名住邊..但係佢又點會...你明架啦..」
王子的意思是凌成波記得自己姓什名誰,但怎會不記得自己是黑道中人?
「嗯..我明白...或者我地出去再講,唔好阻住病人休息.」
眾人到達走廊後,已經急不及待知道發生什麼事情,
「醫生,究竟發生咩事呀?」
「呢個都係屬於精神科既範疇,
簡單黎講,係傷者當日以為自己死左,
但係休養期間,佢個腦都會不斷運作;
咁既情況之下,傷者自己真正既想法---即係潛意識就會湧出黎,
潛意識可能藉住空檔期黎偽造左一段假既記憶出黎,
即係話除左名同埋地址呢d咁切身既記憶之外,
其他佢所講既職業,興趣等等大多是都係虛假,真正既記憶就被假記憶取代左.」
眾人聽到之後只能目定口呆,並透過玻璃窗看進病房之內,
他們心想:(『華興』紅棍王----凌成波,他失憶了!?)
(待續)
[ 本帖最後由 ~傳說中的傻仔︻ 於 11-1-25 11:32 AM 編輯 ] |
|
樓主: ~傳說中的傻仔︻
發表於 11-1-21 05:46 PM
發表於 11-1-22 06:58 PM
