我在黑社會的日子I～＜完＞

thchan96

原帖由 ~傳說中的傻仔︻ 於 11-2-19 12:52 PM 發表



我諗唔會掛    起碼短期內唔會lor...

(雖然我而家有幾段作緊既關於日本侵華小故事...)

不過完左呢部先算啦     畢竟仲有排= =

日本侵華?!係咪講劉醒??

~傳說中的傻仔︻

第五話:誤會

(佢...佢究竟係邊個....)

正當我在全神貫注在想著這女子的名字時,手上的文件夾突然被搶走,

搶走文件之人正是眼前的女子,她的樣子看來有點憤怒,

(條女咁惡既? 我又做錯野激嬲佢,佢係咪痴左線呀...

都係咪鬼理佢...一陣比佢罵番轉頭都似....)

我正剛好打算還是不要理會這女子的時候,

她已經整理好凌亂的文件次序,更想邁步離去.

(唔係WO...條女走左咁我問西北風咩?)

看著慢慢遠去的身影,我再次感受到真相的壓迫感,

在一番思量之下,我還是決定前去問個究竟.

「拍..拍...」

我跑過去在背後拍一拍她的肩膀,她回過頭來看見是我之後,

「你究竟想點呀!」

那語氣惡得就像是我做了負心漢並狠狠地拋棄了她,

「小姐..你冷靜D先..其實我有野想問你...」

她聽見我喚她作小姐之後,更是顯得暴怒起來,

「你..你!! 叫我做小姐..!? 我真係咁黑你憎咩?」

(唔係下話...叫小姐都比你罵!? 咁唔係應該叫你做乜...叫你做老婆仔咩)

對於眼前女子的脾氣古怪,我完全摸不著頭腦.



「凌成波! 你係唔係特登黎笑我? 定係想叫我做小姐落我面呀?」

我不禁驚訝了起來,但我不是驚訝這女士的說話,

而是驚訝於她知道我的名字,那證明我找對了人,

這女士肯定在之前與我有過關係,我要努力找尋真相!!

這女士說完這番話之後,便急步往碼頭方向跑走.

「嘩...原來呢條仔咁架...」

「面上有道疤,睇怕都唔係咩好仔啦...」

剩下的我在行人路上被旁人指指點點,那感覺絕不好受,

(頂你班花生友,睇完戲就係度指手劃腳..)

但我沒有理會這些路人甲、乙、丙,只是跑過去碼頭追回那女士.

「喂!」

我發力一追之下,只是半分鍾的時間已經追回那女士,

她看見我對她窮追不捨,神色亦由憤怒轉成無奈,

「你究竟想點....我受夠你啦...」

這時她的眼角慢慢凝聚淚珠,這可是哭泣前的徵兆,

我平生最害怕女人哭,特別是一個漂亮的可人兒在哭,

我馬上表明來意,希望能把這個誤會解開.

「我估你應該係識得我,我而家個記憶好混亂,

我就連你個名都唔知,剩係個腦閃過XX樓XX室呢個地址咋!」



為恐防眼前這快要哭泣的女士不相信,我立刻拿了銀包中的合照出來,

「拿,你睇下.

呢張係你同我既合掛,但係我記憶之中根本就唔識你,

點解會有呢張合照呀!?

我諗左好耐都諗唔到,而且我每次一諗既時候個頭就好痛.

加上之前有個黑社會入面既人同我講我係咩『華興』既紅棍王,

我本身就只係一個流浪漢,又點會係咩黑社會紅棍王呀!

但係我無啦啦又可以將幾個古惑仔打到走左,我自己都唔信呀.

或者對你黎講係我就好似一個痴線佬係度講野,但我真係好想你可以幫我,

因為唯一確實令我相信既證據就係呢張合照,同埋我直覺話比我知我同你有關係,

你可唔可以幫我呀? 可唔可以呀!?」

我愈說愈激動,把雙手搭在女士的肩膀上不斷搖晃著她,

也不知道是我太過用力,還是我的真誠打動了她,

她的神色開始轉為正經,並拿了我手上的合照仔細地看.

「你仲有KEEP住呢張相....」

她微聲細語,我根本聽不到她在說什麼.

「你講咩KEEP呀?」

她趕忙搖頭否認,並開始打量了我全身上下,

「你真係唔知我叫咩名?」



我再一次肯定地點了一次頭,亦大大地加強語氣,

「我真係唔知呀...你信我啦...」

過了數秒之後,她終於露出了一個笑容,

「哈,估唔到你都有今日.」

「........」

女士看見我答不出話來,便趕忙向我澄清,

「我唔係寸你呀...點講好呢...你係唔係想我幫手呀?」

「係呀!」

「好....你坐低係度等我,我買小小野飲番黎同你慢慢傾.」

「哦...」

我選了一坐椅子便坐了下來,看著眼前的船隻不斷來回,

這個景象我感覺上有點眼熟,但無奈我又記不起是何時曾經欣賞過這風景.

「拿!」

她手上拿了兩罐啤酒,並拋了一罐給我,

我緊緊接著,然後便流利地打開樽蓋並大口地喝著.

「你...記唔記得同我發生過既事?」

這時她已經坐了在我的身旁,那一身的香味立時襲進我的感官系統,

我慢慢把眼神聚焦在她的雙眼上,然而悲傷的感覺不知為何在這時湧了出來.

這時我脫口說了一句話:「我記得....我應該係好鍾意你.」

(待續)

[ 本帖最後由 ~傳說中的傻仔︻ 於 11-2-21 06:01 PM 編輯 ]

winnerwalter

頂 我一路睇一路喊呀(講笑)

我平生最害怕女人哭,特別是一個漂亮的可人兒在哭

e句+1

鋼牙章魚丸

屌 我覺得呢集好正
但唔知點講

~傳說中的傻仔︻

好似變左做愛情故事=.=   估唔到大家咁喜愛wo~

thchan96

好有三色台d黃金劇集feel

0o小白o0

阿儀暗地裡有D小惡魔屬性-__=""

拉特基斯．旦尼

小惡魔屬性
佢其實等左e機會好耐咖喇

~傳說中的傻仔︻

當眼前的一切突然結束    你們的感覺是如何呢?


上面係小小伏線     預視著凌成波將會面臨既景況

拉特基斯．旦尼

我諗佢係回復記憶

winnerwalter

原帖由 拉特基斯．旦尼 於 11-2-23 18:45 發表
我諗佢係回復記憶

唔回復仲點寫......

拉特基斯．旦尼

佢可以拖多陣 或者回復之後扮失憶

~傳說中的傻仔︻

第六話:愛人

「呀...你...」

「呀...我...」

這句說話說了出口的一瞬間,彷彿眼前的景象都停止,

四周的事物對於我好像不太重要,而我生命都圍繞『她』而轉動,

『她』是誰?

直覺告訴我『她』便是眼前的這名女子,

直覺也告訴我現在我所擁有的記憶太不真實.

我倆四目交投,也不知過了多久,

她率先把頭轉向別處,而我也把目光聚焦在手上的啤酒樽.

(痴線...我講咩黎...)

後悔的感覺亦都湧了出來,我怎麼對一見面的女子便說這些話呢?

而她亦好像不好意思,我倆就保持著這種沉默的氣氛.

一分鍾......兩分鍾......三分鍾......

(唔係wo,再咁等落去咪變化石!)

「你!」

「阿波!」

正當我說『你』的時候,想不到她也同時叫我的名字,

她面上那兩團微紅的粉頰,說明了她也是很害羞,

害羞什麼?  

害羞著與我對話的時間嗎?




「呀..你講先...」

我想讓她先講,她像爭紮了一會,

便深深呼了一口氣,準備與我再次對話.

「其實我叫阿儀....呀!!!」

數下血花突然在我眼前灑落,一道銀光在女士身後的泛起,

兇狠的目光、鋒利的刀刃,是什麼人!?

「阿儀!!!」

料想不到的發展,使我的本能反應再次起動,

我一把扯了阿儀過來自己的身邊,並清楚看見阿儀身後的施襲者.

他身後有數名的金毛青年趕來,而最高的那名金毛看起來也有點眼熟,

「你係唔係傻左呀! 我叫你斬條仔呀,你做乜斬條女!?」

最高的金毛竟然在責難那名施襲者,這景況使我感到奇怪.

但是更令我擔心的是阿儀,只見她的背部有一道疤痕,

雖然說不上深可見骨,但也非同小可,

試問一名堅強的女子也忍受不了的痛,『港女』可以忍受嗎?

「嘩!!斬人呀!!」

「快d走呀!!」

路旁的人群馬上散開,沒有人想把這些事情惹上身.

「好痛....嗚...好痛呀...」

她的眼淚開始流下來,心疼的感覺馬上佔領我的身體,

再看著眼前的金毛們,心疼再次轉變成為憤怒.





「我叫你斬條仔呀,就係佢做瓜明哥架!」

「屌,唔斬都斬左啦!」

「你真係無撚用,兄弟我地一齊上!」

那名最高的金毛亦從背部拿出鐵棍,整個姿勢就是帶領他身後之人向我襲來.

(死...死火...我唔識打交架wo...)

我正膽怯的時候,眼前的阿儀卻令我重拾勇氣,

(唔係呢,唔通我掉低條女走佬咩,仆街,老虎就老虎啦!!)

豪氣頓時再起,但我卻有時間限制,

只因為我需要把阿儀盡快送到醫院,否則下埸我也不敢想像.

「阿儀,你頂住呀,我好快就會送你去醫院!」

「嗚...阿波...」

阿儀哭得連我說什麼也好像聽不進耳,而我一個箭步便擋在阿儀跟前,

「有邊個好心幫手報警呀!!!!!!!!」

我盡最後的力量大叫一聲之後,便準備應付眼前數名劊子手.

「點解你要斬我!!」

我率先要應付最高的那名金毛,只見他快刀亂揮,

直把我置於危機之中,但我靠著敏銳的反應與自己也不知道的『本能』,

竟然被我一一避開,更被我找得空隙揮拳,

「砰!」

迅雷般的快拳往金毛的頭顱揮去,並立時收到成效.




才數下手腳便被我放倒,他身邊的同伴也有點驚訝,

「嘩,咁堅!」

「屌,都話左佢係『華興』個紅棍王,今次捉蟲啦!」

(係啦,快d走啦! 我唔係好好打架咋!)

我心裡默默祈禱他們能因為撒去,然而帶頭的那名金毛卻不肯服輸,

他馬上再次站起來,並指著我怒喝,

「怕乜呀!! 一隊死佢我地就紮硬架啦,你地怕乜撚呀!」

這句說話似乎也激勵了別的人,他們的眼神變得堅定,

「屌,上呀!」

(今次大獲! 唔通我今日要死係度?)

「阿波...你頂住呀...!!」

一下微弱的聲線從身後響起,我別過頭時看見阿儀對我投以信任的眼神,

那不是只有數面之緣的朋友能建立的信任,我要保護她!!

這信念一起,我的腦袋突然出現了很多畫面;

『在公園呆等著的我,猶如觸了電般立刻向後望,

眼前之人令我眼前一亮,她今晚沒有扎馬尾,

相反的任由一把長髮倚在美麗的肩上.......』

『阿儀把煮好的公仔蛋面遞給我,我亦輕輕的吻了她一下,

「收到,老婆大人.」

這刻的我,還感覺到幸福是什麼滋味,

曾經何時,我以為這種生活能夠過一輩子,

但是天意偏愛弄人,這種安穩的生活便在今晚起了變化......』

我不知道這些片段代表了什麼,但我記起了一些事情,

「我記得你啦!! 你叫何靜儀!!」

她名叫何靜儀,是我凌成波最愛的女人!!

(待續)

拉特基斯．旦尼

正!!! 不過阿儀好慘冇喇喇食左刀／．．＼

fgh14798

記得了

winnerwalter

點解次次都係波哥送d索女去醫院

pk9000

不景是作者的原望^^

thchan96

通常係動漫入面,呢d情況主角都會暴走....

可愛肥仔明

「我叫你斬條仔呀,就係佢做瓜明哥架!」
嘩，我幾時俾人做瓜架？（我另一花名係明哥仔）

~傳說中的傻仔︻

因為有要事....要至明天更新         請見諒