我在黑社會的日子I～＜完＞

a1213829

好正

~傳說中的傻仔︻

第十話:隱瞞

「波哥,係唔係做野!」

「我地ready好哂,fit到漏呀!」

兩名陪伴我進入醫院的手下,相繼露出興奮的神色,

不斷在磨拳擦掌,準備跟隨我去參與街頭撕殺.

「個刀疤連阿嫂都夠膽攪,今次我撐硬你呀,波哥.」

「咪係,點忍到佢呀!!」

但我沒有認同他們,我只是望一望他們兩人,

兩人年少氣盛的表情,反映出他們盡是十八、九歲的青年,

可能是近日在這圈子發生的事情令我有點心淡,使我的價值觀有點改變,

(唉,無謂比班靚仔犯險.)

「你地唔洗去啦,係度睇住咩料,一有消息即時call我.」

我的回答不是著他們參戰,失望的語氣立時從他們身上發出,

「下...波哥,我地咁有heart,你就剩係要我地做睇埸?」

「係lor....你比我地去啦...」

看著他們急於立功的表情,就像是看到我當年的自己,

但我想起強哥的當天的說話,終是堅決地拒絕他們的『好意』.

「唔洗啦,我會攪掂,收唔收到?」

「收到啦....」他們只是沒有好氣地回答.

(我唔想你地做棄車保帥的傻仔咋...)

我心裡想的是希望他們能珍惜生命,但權力與名利總會侵蝕人心,

連這兩名初生之犢也深深地被這圈子所感染,這算是一件可悲的事情吧!




「到深水埗啦.」

離開的士之後,正當我想回味一下深水埗的夜景,

「波哥!!!」

遠處的手下群卻提醒我現在的任務:把刀疤幹掉!

走進拳館之內,久違的設備與沙包再次展現眼前,

「躂!躂!」

我不禁走了過去舒展了數下根骨,這時浩飛亦剛剛到達.

「波哥.」

「齊人未呀?」

「差唔多啦,五十個係哂附近,全部等你order.」

「good.叫把兄弟入黎拎野,兩分鍾後出發.」

我別過面時,發覺浩飛的表情似乎有點奇怪,

「浩飛,係唔係有野想講?」

浩飛點點頭,並拉我往內堂附近,

「波哥...其實咁急既話有無問題...你睇下你而家都周身傷,

雖然你話記番起哂d野,但係畢竟咁耐無操開,刀疤又唔係流料...

唔怕一萬...只怕萬一姐......」

我拍了一拍他的頭,然後把面靠近他,

「我知你諗乜..你唔想深水步個日既事再發生多一次...係唔係?」

「波哥,我緊係唔會懷疑你既power...唉...」

「我明你諗乜,你都係為我好姐,放心啦,今次一定唔會有事!」




浩飛似乎亦放下最後的擔憂,以回拍我的肩膀作為回應,

「我收到啦,波哥.」

「係呢,世軒呢?」

我發覺四周好像少了世軒的身影,便再追問一下浩飛,

浩飛聽見我的問題後,面色由剛才的稍稍鎮定再轉為驚訝、然後是悲痛,

「佢...佢....」

「咩料呀,條友仔吞泡?」

「係..係呀...佢其實話搵到地方住,我聽日帶你搵佢呀.」

「好,就放佢一日假.」

這時身後的兄弟們均已經準備好出發,我這時亦挑了一把開山刀,

「咁多位兄弟,好多謝你地咁信我;上個月我累大家差d比人收皮,

我發誓今晚唔會再發生同樣既事,有我凌成波一日,大家都唔會有事!!」

豪語一出,大家亦馬上附和以增加士氣,

「波哥,實撐你呀!!」

「上次d衰野就咪提啦,行古惑緊有三衰六旺,跟波哥你就唔會衰得去邊啦!!」

大家的反應亦很熱烈,貨車亦已經在外面停泊好,

「波哥,收到風刀疤而家番緊佢環頭間吧!」

「大家明白啦,今晚我地就要一野炒起刀疤,

順便話比『盛聯』班契弟聽我地唔係流料,唔好影衰我個朵,ok!?」

「ok!!!!!!!」

「good!!上車!!」




車子往黃竹坑駛去,香港仔地區乃是『盛聯』的地盤,

我這次也可以說是一次拼命的行動,所以一旦失敗的話,

一個月前的『深水埗事件』可能將會重現,但我不會給它任何機會重現的!!

我拿出手提電話,雙眼凝望著沒有來電的畫面,

雖然快要面對一連寸的血腥格鬥,但心裡仍然掛念著柔情的阿儀.

(阿儀佢點呢....應該無事掛....)

想起阿儀還在手術室受苦,我的怒火不禁遷往刀疤身上,

(你老母刀疤....我個次係中山放你走....

雖然古惑仔出黎行係六親不認,但係你攪阿儀就玉皇大帝都無得傾!)

經過這一次的事件後,我不但坦承了對阿儀的感情,

更把對方放在生命中的第一位,可是當下我的似乎沒有發覺到這種微妙的變化.

而更令我奇怪的是,浩飛由出發開始已經沒有說過一句話,

「浩飛.」

浩飛卻沒有任何反應,只是一個呆呆地像思考著什麼事情,

「浩飛!」

我再大力地叫喊了一聲,他才有了反應,

「波哥,咩事..」

「你係唔係有野暪住我.」

江湖經驗告訴我浩飛一定有點古怪,所以我便『兇一兇他』,

「波哥,其實件事係關於世軒......」

「世軒做乜? 你唔係話聽日帶我去搵佢咩?」

這時浩飛卻悲傷地搖著頭,用著一種無奈的語氣,

「你搵唔到佢架啦......」

為什麼我會找不到世軒? 這句話究竟是什麼意思呢!?

(待續)

[ 本帖最後由 ~傳說中的傻仔︻ 於 11-3-12 07:51 PM 編輯 ]

拉特基斯．旦尼

世軒R.I.P
波哥祝你成功 為阿儀報牛呀

johnchc

媽的!又有人死

Ｓａｖ＿月

又有人死了==

~傳說中的傻仔︻

大家唔想死人既話    我可以試下將呢套小說變成異能小說

例如浩飛有不死之身

波哥有火鳳附身

好唔好姐a.a

winnerwalter

原帖由 ~傳說中的傻仔︻ 於 11-3-13 13:49 發表
大家唔想死人既話    我可以試下將呢套小說變成異能小說

例如浩飛有不死之身

波哥有火鳳附身

好唔好姐a.a

兄弟!我地一陣就去炒起條傻仔個格屎!

thchan96

一早想咁做

鋼牙章魚丸

世軒.......幫波哥頂左野

thchan96

原帖由 鋼牙章魚丸 於 11-3-13 09:40 PM 發表
世軒.......幫波哥頂左野

世事俾你看透了~

fgh14798

原帖由 ~傳說中的傻仔︻ 於 13-3-2011 01:49 PM 發表
大家唔想死人既話    我可以試下將呢套小說變成異能小說

例如浩飛有不死之身

波哥有火鳳附身

好唔好姐a.a

好                        

~傳說中的傻仔︻

第十一話:急攻

「咩意思,咩叫搵唔到世軒!」

我感覺到有點不妥,難道是出了什麼事情嗎?

浩飛卻沒有回答我,反而是堅決地回拒我的問題,

「波哥,而家攪掂刀疤先,世軒既野留番之後講,好無?」

浩飛提醒了我現在的目標應該是刀疤,而非另外的事情,

我便點點頭,當作讚成的和應.

半小時後,四周的景物已經告訴我們進入了香港仔的地域,

而目的地亦已經近在咫尺,那整條街道的酒吧與按摩店,

全是刻著『盛聯』的名字,看見這個子字我已經感到很憤怒.

「而家點呀,大佬.」

手下們提出問題,這時我卻命浩飛搶回答,

「浩飛,你點睇.」

浩飛似乎有點驚愕於我叫他回答問題,但很快他便冷靜下來,

「慢慢渣過去,之後一野駛入去,比個下馬威班契弟.」

浩飛的回答亦是我準備回答的說話,看見浩飛有所成長,

那一股慢慢成形的氣勢,看來他在不久將來便可以有所成就.

「波哥,咁我地衝入去架啦wo?」

「跟浩飛說話,大家拎定野.」

我把一條布條緊緊地綁著我緊握開山刀的拳頭,這足以保證不會被擊至甩手,

這個舉動更印證我今晚要大開殺戒,誓要令把對方弄得頭破血流.




「波哥,你既傷...」

在這緊急關頭,浩飛仍對我剛才被刀疤弄成的傷痛耿耿於懷,

可是我卻向他露出一個自信的微笑,並把目光放在窗外的風景,

「浩飛,我係邊個?」

一句放心的說話,把浩飛的最後猶豫也擦去,

「凌成波,『華興』既當打王.」

「good.」

「我地衝入去啦,大家執生!」

司機猛踏著腳底下的腳板,引擎馬上呼呼作響,

「呼!!!!!!!!」

離心力把我們的身體向後扯了一扯,然後便清晰地看見車子往前方的街口衝去.

「咚!!砰!!」

車子所過之處均與街邊的鐵欄杆擦出火花,這目的地卻已經愈來愈近,

一絲又一絲的火花,彷彿象徵著開戰前的響禮炮.

「吱!!!!!!!!!!」

這時車子突然倒下,強大的離心力再把我們拋了一拋,

「波哥,到啦!」

我趕忙朝窗外看一看,『飛王酒吧』、『飛王按摩店』等字一一呈現眼前,

既然時機已到,還要更待何時!?





「兄弟,做野!!!」

一聲怒喝,眾兄弟跟我一起衝出去,

「我地分2隊,25個跟我,25個跟浩飛,總之有反抗既就做佢!!」

「收到!」

首先我往酒吧衝入去,我一把推開大門,

「屌你老母我黎掃埸,唔想死既自己行埋一邊!!」

店內的客人馬上嚇得雞飛狗走,有些人連快要吸進鼻內的毒品也拋開,

「踩埸!?」

「刀疤哥既埸都夠膽踩!!你老母你邊度架!!」

「兄弟做野!!比佢地知道刀疤哥既馬仔唔係易恰!!」

『盛聯』的睇埸與小混混馬上拿起武器迎擊,我當然見一個殺一個,

「你記撚住我個名,我係『華興』凌成波!!」

一名小混混還沒有反應過來,面龐已被我快速切開,

「擦!!!!!!!」他連叫痛苦的時間也沒有便已經死去.

身後的兄弟配合我的動作,馬上衝前向對方的人馬展開撕殺,

「呀!!」

「仆街吹雞呀!!」

「你班『盛聯』仔今晚死撚硬!!」

「唔夠打,走佬啦!!!」

店內亂作一片,而我們因人數與突襲佔優,

對方早已走的走、逃的逃,不消一會便已經勝得第一埸.





「倒火水,我要佢呢條街既舖有排熄燈!!」

有兄弟拿出火水桶往店內亂灑,然後我拿出一枝香煙,

「躂..躂...」

拿出打火機點著香煙後,再深深地吸了一口氣,

「呼....去下一間!」

「收到!」

他們不敢待慢,立時便往下一個目標衝去.

「你老味刀疤,我要你間間舖都收皮!」

我把香煙往半空一拋,香煙徐徐趺在地上,

一絲的火花隨著火水瞬間蔓延整個店舖,火舌漸漸變成一條火龍並起舞著.

「呀!!」

「仆街『華興仔』黎攪事呀!!」

「快d叫刀疤哥黎幫拖呀!!」

走到外面,只看見我方人馬不斷往對方狙擊著,

而他們全數已經變得方寸大亂,更顯我與浩飛的突襲行動十分順利.

「仆街!」

一名小混混拿著木棍便往我揮來,我使開山刀擋著,

而然他與我同時出拳往對方打去,雙拳碰撞的聲音立時響起,

「碰!」

他似乎並不知道我所練習用的沙包是裝著鋼珠,拳骨的硬度早已超越普通人,

這一硬拼之下,他的拳頭已經被我擊得折了開來,

「同我博拳,你未撚夠班呀!!」

「切!!」

他還沒有知道發生什麼事,便已經看見自己的身體在傾斜著--身首異處.

(待續)

[ 本帖最後由 ~傳說中的傻仔︻ 於 11-3-15 11:00 PM 編輯 ]

拉特基斯．旦尼

波哥爆發 有好戲睇喇

winnerwalter

又好似上次咁

可愛肥仔明

大開殺界
唔係界係戒。

johnchc

係鋼珠no剛珠

fgh14798

裝鋼珠

~傳說中的傻仔︻

sorry大家        勁多錯別字=.=

比小小意見    暫時到而家覺得點先?

thchan96

通常係呢d情節之後波哥佢地都會俾人圍

a1213829

好正呀 ><><><><><