- 閱讀權限
- 50
- 最後登錄
- 20-10-9
- 精華
- 5
- UID
- 222997
- 帖子
- 2231
- 積分
- 3237
- 註冊時間
- 04-7-9
- 在線時間
- 1416 小時
- UID
- 222997
- 帖子
- 2231
- 積分
- 3237
- Good
- 272
- 註冊時間
- 04-7-9
- 在線時間
- 1416 小時
|
第九話:再戰江湖
「波哥,呢邊呀!」
貨倉外面原來還有浩飛的同伴,他們看見我便馬上揮手,
「阿嫂點呀!?」
「仲問點,快d比波哥上車啦!」
說罷二人立刻打開車門,我亦不敢待慢、把阿儀抱上車子後便往醫院進發.
車上、我感覺到右手有點粘粘的感覺,一看之下原來是阿儀的傷口不斷冒出血來,
而那粘粘的感覺是因為我緊抱著阿儀,而讓右手亦沾上阿儀的鮮血.
(大..大獲啦...)
「今次大獲,阿嫂流得愈黎愈多血,條仆街刀疤真係咁狼死.」
「頂你,渣車就咪講咁多野; 踩多兩野去醫院仲好啦!」
前座的兩名兄弟說得咬牙切齒,氣氛亦立時緊張起來,
「阿...波...我好痛呀...」阿儀輕聲地說.
「我係度! 唔痛...有我係度乜都唔痛!!」
看著阿儀痛得連汗珠也冒了出來,可憐她背後的傷口受過刺激性的洗禮後更增痛楚,
可能是男人一種的本能,眼前的女子是多麼的需要安慰,
所以我再緊緊地抱著她,希望能夠藸此減低她的苦痛.
「阿波...我唔知自己仲有無可能講之前既野比你聽..我而家..而家就講比你聽...」
阿儀的聲線漸變虛浮,我本想阻止她說下去,
但想像到這可能真的是她最後一番說話,我又不忍心去阻止她.
「好..你講..你講...」
我只能順著阿儀的心願,心裡亦不斷祈求著快點到達醫院.
「你叫..凌成波...我地六年前係...酒吧到識...
我個時已經知道...你係有背景...所以初初我好抗拒你...哈哈..」
她說著說著、我感覺到肩膀有點濕濕的,那是她的眼淚.
「但係相處落...我覺得你都係好有正義感...
起碼你唔會成日去蝦人....又幾肯幫人...
加上你好似一個細路仔....所以我亦都鍾意左你...」
聽著阿儀的說話,我腦袋裡亦不斷播放出當年與阿儀的片段,
一塊一塊的回憶碎片,似乎在這刻遂漸拼湊起來.
「偉哥...係你最好既兄弟...個時佢死左..我喊左幾晚...
一黎係因為偉哥成日幫我...二黎係你因為咁而無左個好兄弟...
另外...其實我知...三年幾前....火柴件事之後...你唔再理我既原因...
你係覺得對我唔住....想報左仇先再同我一齊番......」
「......」
這時的我已沒有再發出一點聲響,猶如一個失去了靈魂的空殼.
「上次..你係醫院....當眾甩開我隻手.....
係因為...你見到阿傑係度...你會覺得佢保護到我就夠...
但係我好傷心....真係好傷心....嗚..嗚...」
阿儀用盡她的力氣,亦緊緊地抱著我,
「不過...今日見番你....我好開心...
因為你好耐無再咁攬住我....攬住我.....好舒服...」
「阿儀....我對你唔住...」
可是阿儀沒有回應我,而這時車子剛剛好到達醫院.
「波哥!!到醫院啦,快d抱阿婦入去啦!」
我趕忙打開車門,抱著阿儀便奔跑進醫院之內,
(我記得番哂啦!!! 我全部記得番哂啦!!!)
「阿儀你唔好有事!!! 我唔撚會比你有事架!!!」
我瘋了般在醫院的大堂大叫,
「有無醫生呀!!! 救人呀!!!!」
護士看見我壯似瘋癲,便走過來探問發生什麼事情,
「先生,發生咩事呀?」
「救下我女朋友,佢就黎唔得啦!」
護士們一看見阿儀的模樣,亦立刻推了一張急救床過來,
恊助我把阿儀安德地放在病床之後,便快步地推往急症室.
在前往急症室的短暫路途之上,我在阿儀的床邊緊握著她的手,
「你唔好有事...我記得番所有野..阿儀.....阿儀!!!」
但是阿儀仍然沒有回應,而她身旁的護士亦阻擋我再前進,
「先生,呢度已經係急症室,麻煩你係度等.」
「吱...」急症室的門慢慢關上,剩下我與兩名兄弟在外面守候著.
憑著阿儀剛才的說話,我所有的記憶已經全部回來,
但我就是怎樣也想不通為何我還活著,因為當晚明明是阿man一把刀便往我心臟插去.
可這時這刻我沒有再想下去,剛剛浩飛致電給我,
「喂...波哥...你女朋友點呀?」
「唔知.」
「應該無事既,唔好咁擔心啦.」
「刀疤點呀?」
「比佢走甩左,不過其餘d靚仔一個不留..」
「......」
我沒有作出回答,這時浩飛亦剛好想收線,
「波哥...一係遲d再傾...你有需要再搵我地啦.」
浩飛言下之意是我還沒有恢復記憶,暫時不想打擾我的生活.
「咪住,浩飛. 你而家同我call班手下番拳館,我一陣就去炒起刀疤個格屎.」
說出這一句之後,不但把眼前的兩名兄弟嚇呆,連電話裡的浩飛也驚訝起來,
「波..波哥你講咩話!? 你點會知道拳館?」
「我記得番哂所有野,係阿儀幫我.
刀疤條仆街攪鳩阿儀呀嘛...好...我就幫佢埋單收皮!!」
「砰!」
我一腳便往附近的垃圾桶踢去,以渲示我的怒火.
「無問題,波哥.」
「班仆街當我流呀嘛? 以為我收左皮呀嘛!?
得!!!! 我就攪單大獲野送比『盛聯』佢地,
我就要話比全世界知,我『華興』凌成波個朵唔撚係流,,我就一獲將佢地陷家產!!!」
(待續)
格屎:地盤/公司
[ 本帖最後由 ~傳說中的傻仔︻ 於 11-3-8 06:43 PM 編輯 ] |
|
樓主: ~傳說中的傻仔︻
發表於 11-3-7 09:03 PM
請求樓主虐待刀疤
發表於 11-3-9 09:06 PM
