- 閱讀權限
- 50
- 最後登錄
- 20-10-9
- 精華
- 5
- UID
- 222997
- 帖子
- 2231
- 積分
- 3237
- 註冊時間
- 04-7-9
- 在線時間
- 1416 小時
- UID
- 222997
- 帖子
- 2231
- 積分
- 3237
- Good
- 272
- 註冊時間
- 04-7-9
- 在線時間
- 1416 小時
|
第十五話:浩飛的實力
「喔...」
我對於阿儀突然的溫柔,似乎還是不太適應,
三年的冷漠之後,突然換來的激情,
這種感覺對於我來說,是難以形容的.
所以我不禁微微推開她,然後整個神情都好像不太好意思,
「阿..阿儀...」
我連自己想說什麼話也好像忘掉,而阿儀這時也出現奇怪的反應,
「嗚..」
她竟然又哭了起來,我趕忙擦去她的淚珠,
「做咩喊呀? 係唔係又痛呀?」
她搖搖頭,只是把一對充滿淚珠的雙眼看著我,
「我...懷疑自己係唔係發緊夢...你真係阿波呀..?」
這個傻女竟然在懷疑這是不是夢境,這使我笑了起來.
「哈哈,係真架!」
我再把她擁入懷內,讓她感受到我的心跳.
「三年啦...我等左三年啦...」
阿儀在喃喃自語,然而她說的話卻在刺痛我的心窩.
(凌成波呀,你又話過要做瓜火柴,而家火柴都未做瓜,
誓言又未達成,阿儀又為你受傷,你過唔過到自己既良心呀!)
這刻雖然知己已得,可是過去的傷痛再次使我內疚起來.
探望完阿儀之後,我便離開醫院,
「震..震..」這時電話震了起來,
「喂.」
「波哥,岩岩有人打電話黎話想搵你傾數.」
電話內傳來浩飛的聲音,是那些人想找我談判呢?
「佢咩料?搵我傾數?」
「係『謝記』個折哥......」
(折哥...呢個阿叔想玩咩花樣...)
「嘿...仲響埋牌頭叫『謝記』呀? 『盛聯』隻狗咋掛?」
「波哥,佢話今晚係灣仔xx吧等你;
佢留口訊話想同你平心靜氣咁傾下計,如果你唔去就唔好怪佢.」
我笑了一笑,竟然還有人想恐嚇我,
「好,我就去睇下佢想同我傾咩.」
「咁洗唔洗call定埋兄弟今晚帶人去做野?」
「唔洗,我同你去就夠.」
浩飛聽到我的回答後,語氣變得有點不妥,
「但係會唔會...?」
「放心啦浩飛,佢響哂朵咁即係剩係想搵我傾計,
如果係想收我皮就唔洗響朵啦,唔驚個朵臭咩.」
「嗯,明白哂,咁無野啦,波哥.」
「係咁.」
關掉電話後,我便回家準備好今晚的『約會』.
晚上十時,我與浩飛已經到達對方預定的地點,
灣仔是『華興』、『東英』與『盛聯』的休戰區,
因為這裡是商業區,有大量的酒吧作為各社團的收入來源,
故此不能在這裡開戰,已經成為了一條不成文的條例.
走到xx吧門前,早已見到有三名的小混混在門前守候,
我倆想進入時,他們立時惡言相向,
「喂!呢度有人包左,過主呀!」
惡形惡相,盡顯惡無賴的風範.
我與浩飛來個眼神接觸,看見浩飛似乎有點想教訓他們的意慾,
我索性望了一望天空,示意他儘管使這班門口狗受一下苦.
浩飛得悉我的意圖之後,便再度行前,
那些氣焰囂張之人立時出手阻止,想要把浩飛推倒.
「屌,話左叫你過主,食屎啦!」
他們起手便是快拳打向浩飛,浩飛不慌不忙,
左右手靈活轉動格擋,更看準空閃電撲前,
對方三人的攻勢全數落空,然後便是眼前一晃,
「砰!」
直拳揮得瀟灑,浩飛瞬間放倒一人.
其餘二人看見浩飛不是省油的燈,便想展開左右包抄;
左方的小混混疾踢向浩飛的面龐,浩飛當然蹲下避開,
但對方二人似乎頗有默契,另外一人早把重拳揮至浩飛蹲下的位置!!
浩飛卻側身避開,避開時他的右手更快速抓緊揮拳傢伙的手臂,
然後便是猛力一吐,右腿直壓向他的小腹,
「砰!」
那人痛得連黃膽水也噴得出來,而浩飛便順手把他掉在一旁.
剩下的那人面色蒼白,只因他已經知道自己沒有勝算,
而浩飛則慢慢步近他,氣勢早已把對方壓得透不過來來.
「對唔住..大佬...我係都係收order做野架咋...」
我看見已經差不多,便慢慢地道明來意,
「同你大佬講,凌成波到啦.」
那人聽到凌成波三字,更加是嚇得站也站不穩,
「你..你就係凌成波!?」
他竟然指著浩飛,誤以為他便是我,
也難怪他會誤會,只因為浩飛的格鬥能力上升了不少.
「我唔係,佢先係.」
浩飛則指向我,那人更嚇得全無血色,
「手下已經咁好打...佢咪勁到痴哂線!?」
也不道是因為害怕還是什麼.那人趕忙跑進酒吧內通傳.
「浩飛,好打左好多.good.」
浩飛卻搖一搖頭,然後便一副認真的口吻,
「同波哥你仲係有段距離.」
「慢慢黎啦,咁快就勁過我,我咪要收皮!?」
「波哥,我唔係咁意思...」
「哈哈,講下笑姐.」
這時酒吧內走出剛才那名通傳的小混混,只見他戰戰兢兢地說,
「入...黎啦..波..波哥.」
浩飛率先進入,然後我再進入時拍了一拍這名小混混的肩膀,
「咁淆,點出黎行呀?收皮吧啦.」
(待續) |
-
總評分:
Good + 4
查看全部評分
|
樓主: ~傳說中的傻仔︻
發表於 11-4-6 05:37 PM
發表於 11-4-11 11:51 PM
