- 閱讀權限
- 50
- 最後登錄
- 20-10-9
- 精華
- 5
- UID
- 222997
- 帖子
- 2231
- 積分
- 3237
- 註冊時間
- 04-7-9
- 在線時間
- 1416 小時
- UID
- 222997
- 帖子
- 2231
- 積分
- 3237
- Good
- 272
- 註冊時間
- 04-7-9
- 在線時間
- 1416 小時
|
第十六話:『謝記』折哥
進入酒吧之後,只見一名面色極度蒼白之人早已在等候著我,
他口裡含著雪茄,身旁站了三名的近身,
一看便是武為主的『紅棍』,整個亦是大哥的氣勢.
浩飛替我拉開椅子,我緩緩坐下來,
「『謝記』既折哥,搵我凌成波有咩想傾?」
很奇怪地,他沒有回答我的問題,
只是獨個兒不斷在觀察我的面容,像是在研究什麼似的.
「咁撚似既!?」
他的第一句話便是這四個字,但我卻完全不明白.
(似咩...呢條仔係唔係傻撚左...)
折哥卻沒有停止下來,他還想用手碰一碰我的面,
我當然馬上退後,再作出警告的語氣,
「你想點撚樣!」
我一把撥開他的手,連浩飛的拳頭也緊握起來,
可是他卻只是看看自己的手,然後慢慢地收回去.
「波哥,傾下計姐,唔洗發哂矛呀.」
(呢條小白面究竟想玩咩花樣,條友仔出名難攪.)
「折哥,你搵我黎唔係剩係想吹水掛?」
我順便拿起桌上的啤酒,打開便慢慢細嚐,
「哈哈,你真係好撚夠雷,有無興趣過黎『謝記』先?」
折哥向我舉起手指公,並希望我能夠為他效力,
「做菊花隻狗,咁我不如做番老襯算啦.」
這句說話把在埸的『謝記』人士都挑釁起來,可折哥卻出奇地淡定,
「咁又係呀,做隻狗都唔易做架.
不過之前比狗仔咬到要走佬著草,就柒左d啦,哈哈.」
他意下之言正是說我之前被迫離香港的事情,這折哥的情緒控制得實在好得離譜.
「傾番正題,如果你係想搵我吹水,我諗我無咁既時間.」
我正想起身之時,折哥卻作出坐下來的手勢,
「咁急做乜呢,叫得你黎緊有重要野啦.」
(就睇下你想講乜.)
「ok,你地『謝記』同我地『華興』不嬲無兩咀,我就睇下你想講乜柒.」
「哈哈,爽快!從來無人夠彊頂撞我.
今次黎係想同你地傾下條數,之前你掃刀疤個地盤,條數都起碼執甘個啦.」
我不禁把頭搖了一搖,然後露出一個恥笑,
「折哥仔,你真係出黎行得太耐,個腦係唔係塞撚住左.
出黎拆你招牌就擺明想收你皮啦,叫我賠錢!?」
我慢慢地說出:「陰司紙就有.」
折哥的雙眼頓時露出一絲殺意,而我亦已經把雙手按實桌面,
對方一有什麼異動,我便立刻反轉桌子逃離現埸.
「夠寸夠惡夠雷氣,『華興』凌成波,我今日見識過,咁無野傾啦,走啦.」
折哥說完這句話之後便獨自在喝著酒,好像真的叫我離去.
(下,無野講架啦!?)
突然之間我想起江湖的傳言,一個關於『謝記』張折的傳言.
這傢伙的處事手法有點瘋癲,據說他曾經為了測驗某小混混的格鬥能力,
竟然把對方的家人全數殺掉,迫使對方找他報仇.
這人也可說是『謝記』的重心成員之一,與刀疤一起支撐著『謝記』.
既然對方已經沒有再傾談的事情,我亦站起來便離去.
「係咁.」
「呀!等等.」
這時折哥再次開口,難道他想耍什麼花樣?
我把頭轉回去,而浩飛亦有所界備,
「我想問下你,知唔知邊個係凌戰軍.」
他那白得可怕的面上,露出一個疑惑的樣子.
(凌戰軍...當年係黑道響噹噹既人物,係『東英』前五幹部之一,
不過二十幾年前好似比人伏而陷家產,佢問黎做乜呢?)
「條友當年個朵咁響,邊個唔識呀?」
我清楚凌戰軍的事情,是因為強哥在我加入『華興』時,
會向我們介紹近世紀的黑道猛人,當中也包括凌戰軍這號人物.
他注視了我一會之後便再次聚焦他手上的酒杯,亦正式結束這一次的無聊會面.
離開灣仔之後,浩飛吐了一口氣,
「呼....」
「點呀,淆底呀?」
浩飛尷尬地笑了一笑,直認自己的見識不夠,
「都算係既.聽講呢個折哥好似痴痴地,今日見完之後更加證實佢傻傻地,
叫波哥你黎傾野,原來只係想叫你比錢,低能.」
我都十分認同浩飛說的話,他約我會面原來只是為了無聊的事情,
可他最後的問題,卻使我有點困惑起來.
「凌戰軍....佢做乜問我識唔識呢條友呢?」
浩飛也不明所以,亦作出思考的樣子,
「係lo....唔通因為佢又係姓凌?」
(姓凌....)
「咪煩啦,落去廟街打個round先啦.」
正當我倆向旺角走去之時,卻不小心撞到迎面之人,
「呀...!!」
我不小心把額頭撞到對方,對方也同時作出反應.
「睇路呀嘛你!」
浩飛立刻怪責對方,而這人想道歉之時,
「對唔....」
他看了我的樣子之後,雙眼馬上撐得大大的,
「你...你係....!!」
(待續) |
|
樓主: ~傳說中的傻仔︻
發表於 11-4-12 10:40 PM
最緊要唔好悶親大家姐=.=
發表於 11-4-13 11:04 PM
