- 閱讀權限
- 50
- 最後登錄
- 20-10-9
- 精華
- 5
- UID
- 222997
- 帖子
- 2231
- 積分
- 3237
- 註冊時間
- 04-7-9
- 在線時間
- 1416 小時
- UID
- 222997
- 帖子
- 2231
- 積分
- 3237
- Good
- 272
- 註冊時間
- 04-7-9
- 在線時間
- 1416 小時
|
第十二話:古怪的情況
「放火!」
浩飛的聲音在附近響起,很快整個區域都已經陷入火龍起舞的範圍內,
而對方更是潰不成軍,走的走、逃的逃.
「哈哈,班『盛聯』狗比我地斬到叫哂老母.」
「得罪波哥注定無運行啦.」
手下群亦看見今次大勝,心情變得輕鬆起來.
但我卻感覺到很奇怪,事情不應該這樣的順利,
「吱!!」
身後傳來汽車剎停的聲音,我的神經立刻緊繃起來,
(唔通有埋伏!!)
「波哥!」
這原來是我們的車子,內裡走出來也是我的手下,
「點呀.」
「我地跟足你order,去附近行左幾個round,但係鬼影都無隻.」
(刀疤竟然任由我地攪佢地盤?)
我心裡默念著這奇怪的情況,卻未能得出什麼結論.
「波哥,咁我地散band未?」
浩飛走過來問,然而我看見他的眼神也有點猶豫.
「嗯...叫班手足走先,今晚呢獲應該比『盛聯』知道我地唔係流.」
浩飛聽後便點點頭,著兄弟們自行離去.
今晚的突襲十分成功,我方沒有傷及任何一人,
而刀疤的地盤已經被我弄得雞毛鴨血,可以說是十分滿意這成果,
可我還是感覺到有可疑的地方,究竟那是什呢?
這沉思使我在折番的途中沒有發過一言,加上阿儀的事情,
我的表情完全沒有放輕鬆,眉頭還是緊緊的鎖著.
而這時電話卻震動起來,
「震..震...」
我立刻拿出電話並接聽,難道是阿儀有了什麼最新消息嗎?
「喂.」
「波哥,阿嫂岩岩做完手術,醫生話無乜大礙.」
聽到這消息之後,我不自禁地笑了起來,
「哈..真既? 我而家即刻去探佢!!」
「唔得呀波哥,過左探病時間啦;
同埋而家已經咁夜,不如聽朝先再離探阿嫂啦.」
經由手足的提醒,我才發現到現在已經是凌晨快要四點,
時間過得真的很快,不知不覺快要迎接新的早上,
「係wo..辛苦哂,下次請飲茶.」
「唔洗啦波哥,咁我地走先啦,係咁.」
「嗯.」
浩飛看見我整個也放鬆下來,也已經料到一二.
「阿嫂佢無事啦?」
「係呀...」
這時車子剛好到達拳館之外,我與浩飛同時下車,
「你地辛苦啦,番去訓個靚覺啦.」
我對車子內的兄弟表達慰勞,他們也回應著,
「咁我地走先啦,波哥.」
「走啦.」
「呼...呼...!!」
車子的引擎聲再起動,轉眼間便剩下我與浩飛二人.
我與浩飛在深夜無人的街道上並肩慢走,顯得份外沉寂.
這時走到公園外面,我著浩飛一起坐一會兒,
「浩飛.」
「係.」
「你覺唔覺有d奇怪?」
「波哥,其實我都覺有d怪.」
想不到連浩飛也對於剛才的事情感到不妥,這證明我的直覺沒有錯,
我擺出一個叫他說話的手勢,並拿起香煙點著.
「如果波哥你知道自己既地頭比人攪,你會唔會好似刀疤咁冷靜?
如果我既地頭比人攪寸左,我一定即時班哂馬還拖.」
「講落去.」
浩飛接過我的香煙,沉思一會之後便說下去,
「我覺得我地頭先太順利啦,順利到好似事先預備好比我地玩咁;
而且我頭先仲聽到一d說話,而家諗番真係好怪.」
「咩說話?」
「我頭先就去另一邊掃埸,之後就衝入去一間房諗住收班契弟,
點知我衝入去之前聽到『刀疤哥叫我地執生?唔係呀!!』,
個下我已經覺得有d怪,自己地頭同馬仔比人攪,
點解剩係叫人執生而唔係趕黎幫拖?」
浩飛的說話更加使我某些想法得到證實,但我仍然著浩飛說下去,
「就算幾順利都好,我始終覺得呢單野太古怪啦;
加上刀疤份人好似好難捉摸,佢諗乜我都唔知,波哥你又點睇呢?」
「呼...」
我吐出一個又一個的煙圈,其實我的感受與浩飛差不多,
「我諗既野同你一樣,不過我硬係覺得呢單野背後應該唔簡單,
話唔定有一個機會已經慢慢浮上水面,我諗呢期我地要捉緊d風聲.」
「係,收到.」
我這時打蛇隨棍上,問問浩飛關於世軒的事情,
「浩飛,講番世軒單野,其實你頭先個句咩意思?點解我會搵唔到佢先?老老實實答我.」
浩飛一聽到世軒的名字,面色立如死灰,
「波哥....我...」
他還想蒙混過去,可我沒有給予他任何機會,
「講呀!!」
浩飛似乎感覺到不說實話是行不通,而說出一句令我震驚的實話,
「世軒佢打左柴......」
(待續) |
|
樓主: ~傳說中的傻仔︻
發表於 11-3-16 10:22 PM
發表於 11-3-19 02:54 AM
如果你唔怕我個名好柒ge話可以哎我丫星
