我在黑社會的日子I～＜完＞

a1213829

E家好似好小講MAN同菊花.   搞到死左?

fgh14798

~傳說中的傻仔︻

又要大家失望      因今晚又要溫習      所以要後天或星期六再更新       抱歉~

~傳說中的傻仔︻

最快要到五月中先可以再一星期二更        大家請放心      個故有排都未完      

最緊要太唔好凸我咁勁          呢度仍然係歡迎大家留言討論劇情     當然亦都歡迎圍插我~

所以...係咁啦...

fgh14798

推

a1213829

fkfkfkfk仲未有?!

~傳說中的傻仔︻

第十七話:林章



他露出一副驚訝的樣子,然而他立刻把頭擺得低低的,

「對..對唔住...」

聲線沙啞而且十分熟耳,在那裡聽過呢?

在我思考的同時,他已經展開急速的腳步離去,

我凝望著他的背形,那有點雄渾的身形,

沙啞的聲線......他是......

(呀!)

我腦海中忽然呈現了一個人的樣貌,地點正是在當年發生慘劇的村屋,

我還記得快要被牛奶的手下群打死時,一個把沙啞的聲音阻止了他們,

我還記得在收聽阿偉的偷聽器時,一個人的聲音我很刻骨銘心,

那名寸通菊花害死阿偉的傢伙------他媽的章哥!!!!!!

「老章!」

我趕忙大叫一聲,使無人的街道上響起了一陣迴響,

他果然把步伐加快,意圖從我的視線離開.

「仆街...你想走!!浩飛同我追!!」

浩飛不明所以,可是他卻發揮他驚人的腳力便往前奔去,

我亦是跟隨其後,瞬間便和章哥的距離拉近了不少.

可是這章哥也算是老江湖,熟練地利用後巷的特性不斷擺脫我們,

「浩飛你行左邊,我右邊,包抄條仆街!!」

「好!!」





我與浩飛兵分兩路,誓要把這名害死阿偉的幫兇拿下!!

(阿偉...我好快就幫你隊死條仆街黎陪你...!!)

我心裡愈想愈憤怒,腳步不其然加快,

可是章哥一個閃身轉左,正當我亦跟隨轉左之時,

「砰!!」

一下重拳突如其來,力量大得使我頭冒金星且失去平衡,

「呀...!!」

我立刻趺在地上,隱約之間看到這名章哥再次跑離,

我只能眼白白地把機會放過,老天爺也不幫我嗎!?

「波哥!」

浩飛這時才趕到,他說那一邊也包抄不了章哥,

可恨我再次失之交臂,一時之間氣得說不出話來.

「屌,咁都捉佢唔撚到!!」

我把拳頭狠狠地擊往牆上,把自己的過失狠狠地發洩!!

「砰!砰!砰!砰!」

拳頭也被我擊得脫皮流血,浩飛見狀便提出主意,

「波哥,或者我地可以叫BILLY哥同犀牛哥係呢頭注意下,

話哂佢地既地頭同旺角都咁近;另外你之前咪講過呢個人係『東英』,

或者我地可以去個面收下風先,雙管齊下個效果可能仲好.」






浩飛提出富建設性的主意,我亦露出一副不好意思的神情,

「唉,比條友仔攪到我個腦實哂,好彩有你.」

「旁觀者清姐.」

看著浩飛的眼神比以往改婥了不少,而且處事手法亦成熟了很多,

一種安慰的感覺從心底裡湧起,相信這便是老懷安慰吧!

「嗯,咁你幫我手同billy佢地講,我去同『東英』收風啦.」

「收到.」

最後我亦懷著失望的心情,回到家中迎接明天的來臨.

「阿朗,一陣老地方見呀.」

時間已經是過了一整天,時鍾明確顯示下午六時正,

我拿起外套便再次出門,到『老地方』與阿朗會面.

一個已被荒廢的學校,它的天台卻站了兩名小混混,

「阿朗,我想問下你知唔知邊個係老章.」

我把啤酒往口裡送了一下,然後靜待著阿朗的回答,

只見阿朗一雙啡瞳看著地上,擺出一副沉思的樣子,

「你講既係唔係林章,人稱沙聲佬.」

(沙聲佬...)

「我唔清楚佢個朵,但係佢把聲好撚沙.」

阿朗這時笑了一笑,把我身旁的啤酒拿走了一罐,

「係佢啦,沙聲佬呀嘛,不過佢已經都唔係我地既人.」





「點解呢!?」

阿朗卻沒有回答我的問題,只是拍了一拍我的肩膀,

「你明既.」

我的腦袋馬上運作起來,不消一會便明白什麼事了.

阿朗的聲情卻是想聽故事似的,我亦不介意說出來,

「之前佢同菊花寸埋害死阿偉,攪到同我地呢面關係好撚差,

之後菊花同史王輝仲自己攪個新牌頭出黎,你地老頂仲唔興過火屎咩?

然後緊係搵人去掃爆之前同呢單野有關既人啦,沙聲佬就係其中一個,

不過好明顯沙聲佬夠古惑,連你地都刮唔到佢,岩唔岩呀?」

阿朗點一點頭,露出一個欣賞的神色,

「個排你上左大陸著草,我地老頂都因為呢單野上左新聞,

個排仲同『盛聯』晚晚開哂party,先攪到皇氣要黎調停.」

我在回想當天在薯頭家中看到的新聞,霍驚天的電視機中的出現,

原來所有的一切一切,在那時已經發展得如火如荼.

「咁有無計仔知道個沙聲佬係邊度?」

我抱著最後的希望去問,可是阿朗卻回答我預計中的答案,

「好難,不過你開到聲,我盡幫啦.」

「嗯.....」

這時電話剛好響起來,是犀牛的電話號碼,

「喂,犀牛.」

「波哥,我刮到你想搵既人啦!!」

(待續)

[ 本帖最後由 ~傳說中的傻仔︻ 於 11-4-23 12:04 PM 編輯 ]

牙聰xP`

出左喇.

evilhei

波哥vs林章a__a

a1213829

有冇山章;p 信長= =

鋼牙章魚丸

老章

thchan96

原帖由 鋼牙章魚丸 於 11-4-25 12:10 AM 發表
老章

明顯唔係寫你=[

~傳說中的傻仔︻

第十八話:殺人


「咩話!!」

我有點不可置信,犀牛的處事效率竟這樣高!?

「係呀,林章呀嘛,刮到佢個兜啦,原來係廟街個邊d舊唐樓.」

犀牛說出地址,我立刻緊緊地記在腦海之中.

「掂呀犀牛,遲d搵你食飯,我拿拿林去刮條仆街出黎先.」

「係咁先啦,波哥.」

阿朗看見我神情興奮,相信是有所收獲,

「阿波,搵到條友仔啦?」

「係呀,我而家去刮條仆街,你一唔一齊黎!?」

阿朗卻搖搖頭,舉出一個『不去』的手勢,

「唔係我唔想幫阿偉報仇,而係我地始終唔同牌頭,

阿偉本身又係你地既人,雖然係朋友,但都好踩界.」

我點一點頭,露出一個不打緊的笑容,

「唔緊要,做兄弟,我明既.」

阿朗卻走過來,與我打個照面,

「刮到佢之後,記住幫我打多佢兩拳,入我數.」

我輕輕地把拳頭撞一撞阿朗的心胸,

「嘿,大大力個隻.」

「快d去啦,而家八點,正常佢都應該仲係佢個兜到.」

「嗯,下次再出黎,係咁.」






與阿朗道別之後,我便獨個兒前往犀牛所說的地址,

想不到他的藏身之所卻是十分複雜,需要穿街過巷,

終於來到一條充斥著臭味的後巷,然而一個小小的入口處就在眼前.

我看一看附近的設施環境,根本就是一棟棟的板間房,

臭味更是大得驚人,我也忍不住收緊了眉頭.

(條仆街住係咁既地方,都真係幾難刮到佢.)

我大步往前走去並進入地下樓層,立刻就遭到一些不友善的目光對待.

很多類似道友的傢伙,用一些迷幻的眼神看著我,

眼前這個景象,立刻便令我明白這裡是道友的『餐廳』.

(成班友係度索哂上腦,唔通個沙聲佬都......)

我不禁推理起來,同時我亦越過那些坐在地上的道友,

一步一步地在樓梯走上去,與林章的距離亦愈來愈近.

終於到了五樓,我沒有立刻便走進去,

而是在外面探一探頭,這舉動是不要打草驚蛇.

(條仆街....見到啦!!)

過了一會兒,我的視線範圍內出現了一個熟悉的樣子,

滿面盡是鬚根,一對無神的眼睛,

手上盡是針孔,看來他應該也是道友的一份子.

現時的他比當年那種漢子的氣勢,已經是不能相比.






想起在阿儀與阿偉的事件中,這混蛋也有份參與其中,

我的拳頭馬上緊握,很想就這樣衝出去把他幹掉.

(唔得...我要冷靜....而家我應該捉住條撚樣,

問下佢仲知d乜,咁樣對我地『華興』先有最大既幫助.)

一番冷靜的思量之後,我把怒火勉強壓下,

畢竟與社團的益體利益角度來看,我不可以意氣用事.

(而且『東英』都刮唔到佢,或者我可以問埋關於『東英』既料.)

雖然現在我們與『東英』是結盟關係,可是這世上沒有永遠的敵人或朋友,

在混黑道的來看,只有永遠的利益;

當與對方的目標相同之時,找尋到達成共識與利益的機會,

就算是『盛聯』,我相信眾人也不會介意與菊花等人合作,

即使我絕對不會與他們合作,起碼強哥不會介意......

不自覺想起強哥的處事手法,我也有點心灰起來.

(而家唔係諗呢d野既時候,醒下!)

我搖一搖頭,把思緒和心神先收回來,

再把注意力集中在床上打呵欠的林章,思考著該怎麼生擒這傢伙.

這些我環看四周,看見地上隨處可見的針筒,

我蹲下來並拿起了一枝,腦海裡卻浮現當天的影像.






(進入單位後傳來陣陣臭味,我感覺到好像踩到什麼,

向下望是一根根的針筒,更有片碎的錫紙與火水燈,

看來這是道友享用大餐的地方,我把阿偉抱入後放下,

「..咪..老強我...」

「收聲啦,頂你.」)

當天我以為憑一己之力可救出阿偉,可是結局卻大出我意料之外;

今天我一定要憑一己之力,把有份害死阿偉的人一一幹掉!!

我用闊大的手掌把針筒緊握著,然後便開始接近林章的位置.

一步、兩步、三步,我一步一步地慢慢走近他,

不能過快、不能過慢,否則只會惹起他古惑仔的觸覺.

他仍是一副懶懶閒的樣子,雙目無神地看著天花板,

更索了一索鼻子,看來是毒癮的後遺症.

我再行前了兩步,這時他卻把眼神移過來,

(大獲!!)

他用一種奇怪的目光看著我,我卻裝作自然地與他對望,

我不禁把右手內的針筒握得更緊,而且順便把手放進褲袋之內.

然而他把眼神收回並拿出一份馬報在看,他應該沒有識破我的直正意圖.

這時我與他只有一步之距,正正是下手的好時機.

(林章!!!)

正當我殺氣湧現之時,一陣銀光卻早先搶閘而出,

銀光之處來自林章,他手上早已拿著一把界刀,

原來他是等待一擊必殺的時機,才會擺出沒有理會的樣子.

(條撚樣好狡猾!!!)

可是我毫無懼色,右手拿著針筒向前疾刺,

我們四目交接,就像兩虎互相撲向彼此!!

(待續)

[ 本帖最後由 ~傳說中的傻仔︻ 於 11-4-26 01:02 PM 編輯 ]

thchan96

我把阿偉抱入後放下
呢句係咪有打錯字?

~傳說中的傻仔︻

原帖由 thchan96 於 11-4-26 09:14 PM 發表
我把阿偉抱入後放下
呢句係咪有打錯字?

無打錯呀   @.@

NotsWater

波哥一句︰「老章你條仆x收皮啦！」一道紅光閃過，波哥手持著一把雷射刀，而老章則被,一分為二，從此波哥成為了黑武士。

pk9000

good

thchan96

原帖由 ~傳說中的傻仔︻ 於 11-4-26 10:20 PM 發表



無打錯呀   @.@

咩叫抱入=-=?
(算小弟唔識字=[ )

[ 本帖最後由 thchan96 於 11-4-27 04:36 PM 編輯 ]

鋼牙章魚丸

原帖由 thchan96 於 11-4-25 04:07 AM 發表

明顯唔係寫你=[

擺明係老章啦
果陣老章同不安仔一齊出現咖

~傳說中的傻仔︻

明天要考試未能更新     星期二再更新    抱歉~