紅國真係問題多多...

denshir

本人本職盾戰，係紅國玩左1年左右。
期間發現問題甚多，所以想開post講下。

首先，紅國太少戰士。莫講係盾戰，連雙手都少。最多咩呢...弓遊，雷法。
fez勝利之道: 多戰。
紅國成日話烏合、v團勁，又唔睇下兩者差別係邊(技術層面同入石唔講住)。
人地一條線3-4隻盾戰行頭，幾隻雙手同埋火法跟住，條線幾硬呀。
紅國?1-2隻盾戰同埋幾隻雙手係頭，成堆弓遊、雷法係後面屈傷(只係指大部份)。
我暈10次人，有5次都集唔到火。
兩者一打落就知烏合同v團果d贏啦。
唔好因為戰士易死就唔玩至得嫁，就係易死你先要練到唔死。

跟住，大部份弓手或者雷法都唔救人。
刀遊係前面開黑，破手(不論係為壓線定係幫自己友走人)，d人都好似覺得刀遊做呢d野為左屈傷咁，弓手絕少幫刀遊貫。
戰士係前線同人力拼，打到無哂血，d弓手同雷法又係絕少救，搞到要戰士救番戰士。d弓手同雷法淨係識執少血果d，結果就係換人頭。
淨係咁就已經輸好多人頭啦。

第三，戰線有斷層(即係所謂既有人淆)。
經常見到既情況就係，盾戰+一部份雙手戰為壓線衝前，後面有一班人係度食爆谷，等到戰線有利先出黎打。前部份同後部份既人最少有15個身位既距離，咁點壓線?
咁驚死就唔應該打國戰，應該去打怪算。有時只要成班人一齊沖就一個都唔駛死，但係就係因為得幾個沖，就死哂喇。

第四，食技既問題。
食技既問題之所以咁嚴重，唔係因為d人係咁出技，而係因為d人係唔適當既地方係咁出技。
以弓遊同雷法為例，當有敵人被暈，佢地要做既唔係用箭雨或者雷d黎執被暈果隻，而應該用呢d大範圍技黎屈對面後排果d。
咁做除左唔會阻住我方集火之外，亦可以防止係我地集火期間俾人用火d、雷d等等。弓手同雷法要執人頭既話，應該係執果d集火殺唔死淨番好少血果d。
另外就係集火既問題。一個人得1千血，被人暈完。(當佢係a石盾戰)2下火d加3下重壓都應該死得，4秒的確未必做得哂咁多野，但至少都應該做到2下火d，2下重壓掛。但係我見到既情況係淨係打到1下火d同2下重壓就俾佢走左。佢仲有成3百幾血，想走唔甩都幾難。仲要俾佢有30秒抗暈，果下先大獲。
原因?咪就係有d人就驚無得屈傷，爭住打;有d人就等執人頭，遲遲都唔打囉。

第五，唔掃隱遊。
玩得fez耐既一定有掃遊既習慣。如果無，唔該練下。唔理你用羽毛定十字定聽聲，總之要掃遊。
經常見到既情況係，俾對面既隱遊跳到人群中間先發現，結果成堆俾人黑哂或者俾人破哂手，又俾人殺。前排既戰士要掃，但係後排既弓手法師就更有責任掃遊。戰士近身同人打可能會忽略係側邊既隱遊，但係後排既視角一定闊過前排囉。
唔係話隻隻都要掃到，起碼唔好經常俾人黑哂同破手先啦。

第六，唔守塔。
紅國擴建的確水準高，但係唔守塔，擴得再好都俾人拆哂。
d唔去守塔既一係嫌遠唔行，一係就入左石要屈傷。但係輸左國戰，你屈幾高傷都一定唔夠贏既多經同星戒。
嫌遠果d仲pk，行過去最耐都係半分鐘。就係為左果半分鐘時間，唔守塔。到俾人爆左，就要用幾分鐘黎追番d國血。

第七，大團唔團結。
好似人地綠國b團、n團、sa、ac相處融洽，打國戰夾得自然好。
紅國ft淨係夾纓龍，血染就淨係夾g團。到俾人攻本土先黎夾就太遲啦，點會夠綠國、紫國打姐。

綜合以上，試問有問可能強大?
成日吊人上石，有鬼用?
咁得閒吊，不如鍛練技術到唔入石都等於入石，前線一個可以打二個，同埋改善好上述毛病。紅國自然強大

負碌KinG

第八個原因 :人又少 忙又多 實力受限制

kevin987654

盾戰 組一個擊劍一個火法 就可以行到邊殺到邊，前提是要組唔怕死又要技術有番咁上下的玩家

例如:小弟

情場一點紅

老生常談

denshir

= =
唔係成日見你ｏｎ

小飯._.

解決唔到架啦

parco1994

仲有輸召-.-

denshir

我本身只講壓線既問題.....
當然召喚不足都係好嚴重既問題.....
紅國有唔少人出qml勁，但係護既人同召都有問題。
首先，紅國唔夠騎係好大問題。
經常都唔係成場唔夠騎，而係谷完第一堆騎之後，就無第二堆。好常見一開頭無召打既時候，紅國就已經有幾隻騎，但係到後期出qml，或者要打敵qml既時候就零騎。
當然每個職業都係好重要啦係國戰，但係我認為冰法同盾戰應該排到最後。(唔係包庇自己)
因為冰法同盾戰都係壓線開路既先鋒，相信大家都唔會否認。

另外，護qml d人都有問題。經常見到d人唔係幫手吹，而係停係度打qml冰左果d人。
咁鍾意打，就應該出騎打敵騎，一定高傷。

denshir

原帖由 小飯._. 於 10-4-20 07:34 PM 發表
解決唔到架啦

搞唔到都要搞嫁._.
睇住咁落去唔係辦法....
所以先要開post

武用鬼

第七,唔夠團結
講真 開個VT出黎 都仲係有小圈子風氣-.-

denshir

原帖由 武用鬼 於 10-4-20 09:36 PM 發表
第七,唔夠團結
講真 開個VT出黎 都仲係有小圈子風氣-.-

大團唔夠團結.....唉
呢個問題要咁多個大團都一齊面對

kevin987654

原帖由 denshir 於 10-4-20 06:03 PM 發表
= =
唔係成日見你ｏｎ

因為我隻隻角色都會玩，所以周圍轉來轉去

小飯._.

講完等於沒講 不過你講得岩 唔得都係要做

路人荿

打得多街場
越打越變得  好似單兵作戰
就算有團友在身邊    依然無法將背後交托

敵人隻眼望前   (只想着多殺幾件雞)
我地隻眼望後   (後面仲有無人支援?)

小緒

想唔好前線 前邊同後邊有15個身位呢
我就有一個提議既
第一當然要組人 組左人重要D人一定要跟住行(你組既一定係自己人啦自己人都唔幫你唔一齊行咁你吊下佢唔該) 實行日本傳說中既小組風氣
第一組人都唔要亂咁組 組5隻雷法組黎把能一齊玩食技 刀遊5隻組埋緊加ON9 -_- 自己5隻係人地主水慢慢玩 玩5連介?
起馬前線組既 一隻盾2隻雙手戰 2隻法/一隻法+其他職 要平衡先會發揮到實力
組人無咁令既到起馬 有戰士有法 有D前有D後 5隻前又無人幫你後邊救你 5隻後又無人幫你地頂
最好組開邊D就組返個D人夾開有感情做野都快手D

重有追D無血人 講真一隻雞你曬幾分鍾去追 好唔抵重要係4 5隻去追WA 追人1分鍾追殺唔到由佢啦 放佢返前線囉

我是雞仔

到時出新技

我地的遊俠千其唔好亂用閃光.......

否則又多個問題.....

神之鬥士

如果紅國夠人
就一齊玩pvp
打完之後做事後檢討
最好搵埋d新手一齊
教一教佢地
可以咁就最好

小緒

隻雞扒永遠到係9唔答8

denshir

原帖由 小飯._. 於 10-4-21 12:42 AM 發表
講完等於沒講 不過你講得岩 唔得都係要做

靠你既感染力去令紅國改變....

denshir

原帖由 小緒 於 10-4-21 03:10 AM 發表
想唔好前線 前邊同後邊有15個身位呢
我就有一個提議既
第一當然要組人 組左人重要D人一定要跟住行(你組既一定係自己人啦自己人都唔幫你唔一齊行咁你吊下佢唔該) 實行日本傳說中既小組風氣
第一組人都唔要亂咁組  ...

開組的確係需要，但係最理想既唔係組自己人，而係根據職業分組。
例如擊劍同火法唔好自己打，無識既人都搵隻盾或者冰法組下。
雙手戰可以自行選擇跟盾定係組雙手搵食。
如果可以的話，每組都應該有一隻盾，2-3隻高輸出，同埋一隻冰法(紅國好少冰法同盾-_-)或者一隻弓。
我覺得淨係組自己友打唔夠好，除非你果組d職好齊。我有時見到d組有3隻盾戰+一弓一雙手，或者4法一雙手，甚至亂組。
呢d組合都好弱- - (5個都係神人就例外啦)
多d同其他團既人組隊除左可以磨練你打小隊既技術，亦可以令團與團之間更融洽。