13年既網上神話 - Ultima Online

TraderJoe

齋睇故仔請按"只看該作者"

簡稱UO 或者好多新一代既Gamers都無聽過呢隻古董
事關呢隻係史上第一隻正式有畫面動作
亦係唯一一隻甘多年都仲發展緊既經典Online Game  而家已經有13年幾
可以話陪伴住唔少初代網友成長
甚至到今時今日都仍然有唔少香港既忠實fans  在下就係其中一位啦 XD 之前就見到有個post有講  希望好Game可以一直延續
亦俾對研究OnlineGame有興趣既朋友多一D了解  係度簡單介紹同埋分享下UO既點滴

UO既出現

隻Game黎自一隻Offline既遊戲Ultima  話說有位邪惡魔法師有日想控制世界
但就俾一位神秘劍士打敗左  戰鬥期間將一個裝住Sosaria世界縮影既寶石打爛
一個完整既世界從而分裂成好多個分身 每個世界亦從此由同一起點向住唔同方向發展
而作為玩家既你將會選擇進入其中一個世界生活冒險
好有故事性甘解釋左點解會有唔同Server既存在
係Game裡面無特定既任務 你唯一要做就係尋找你既生存意義
可以選擇做個浪人係廣大地圖周圍探險
又可以做個戰士比武殺敵
魔法師施展多不勝數既法術
工匠製作各式精緻物品
甚至做馴獸師  帶埋你既巨龍橫掃各處地城
要另類D既可以做乞兒周街乞食賊仔偷其他玩家既野等等

同其他Online Game有咩唔同?

同而家好多既OnlineGame好大分別  你唔需要花無盡既時間去打怪升級 同所有人一樣甘重覆做同一樣既野
隻Game並無升Level既系統 取而代之既係幾十種自由選擇既技能
每種技能正常上限為100 人稱GM 而總共可練既點數係700
換句話講 你可以隨意練你鐘意既技能
成為獨當一面既角色 好似做個落毒害人既廚師 扮丐幫幫主精通棍法
自由度非常之大 亦可隨時改練其他技能

有咩甘好玩?

UO好玩既地方在其真實性 呢度唔係講緊畫面 而係隻Game既Design  非常多野玩
你可以自由去世界各地 個地圖大到抽筋 有城市又有農村 鐘意打打殺殺既可以周圍殺人執埋佢D野
識得魔法可以自由穿梭唔同地方 唔止可以打怪仲可以去挖寶
唔想太刺激既又可以簡簡單單Tame下貓狗牛羊 幫自己設計一套靚衫
仲可以起間屬於自己既屋 儲起自己既收藏品等等 得閒約埋班fd 開隻私家遊艇(木製)出海釣魚  非常生活化

與此同時 由於技能限制你既角色唔能夠練到無敵  3個半桶水法師合力絕對有機會打低一個老手
玩家之間既合作互動就係強大既唯一方法所以係UO度成日都會見到打獵團 PVP團等等 人數可以係2x-3x人一隊
你亦唔需要刻意去打寶 裝備可以自己整又可以同舖頭買  甚至好多人都係求其執把劍 帶幾支藥水就出去打
講左甘多野 係度Post返一D精彩圖片同大家分享下  之後再同大家分享下隻Game點玩

聖誕節慶祝  玩家塞爆主城Britain既銀行




整裝待發 我地香港團隊既陣容一D都唔輸蝕




血戰連場  殺到一地都係屍




成功殺到大佬 爆到一地都係錢




慶祝再次打BOSS成功  大家聚埋一齊等分錢 :D




起左間大屋  一於叫齊班會友上黎參觀下啦




成功開左間舖頭 惡搞下新請返黎既員工 務求吸引到多D客入既目光




三五成群無事做出海散心  點知遇襲  幾經辛苦先殺退海怪





今日分享住甘多先 大家對隻Game有興趣既話不妨入黎傾下 下次再同大家講多D隻Game點玩

┌豬→古力┘

好似好過癮咁~
畫面係其次...最緊要每隻game都要有自己ga特點~
要有『你有人地冇』ga遊戲系統先係吸引同留住玩家ga~
順帶問一下~點解樓主冇官網比我ga =3=

卓文★♂

原帖由 ┌豬→古力┘ 於 10-5-3 10:34 PM 發表
好似好過癮咁~
畫面係其次...最緊要每隻game都要有自己ga特點~
要有『你有人地冇』ga遊戲系統先係吸引同留住玩家ga~
順帶問一下~點解樓主冇官網比我ga =3=

我睇左幾個bbs 你都真係識欣賞呀...因為你講左句【畫面係其次】  依家d人只會掛網買點沖裝...唉 太有錢了 呢隻唔洗升lv 呢度唔講咁多啦有意可以pm我/add msn:  lcman0306@hotmail.com

ZeRo柔雅

好似唔錯@@"!... 夠晒真實

CK

原帖由 ZeRo柔雅 於 10-5-7 10:14 PM 發表
好似唔錯@@"!... 夠晒真實

甘都比我撞見你
我覺得魔力寶貝同佢好似

♂ω天之翼ω♀

以前玩過私服覺得隻game自由度真係好大同埋好玩技術同頭腦

又好需要運氣先可以做到好裝

不過最衰就係冇得打中文

因為我英文超屎所以成日唔知d人講咩

不過果時識左幾個朋友成日傾住電話黎玩

宜家見到d圖都有d想玩返-3-

卓文★♂

可以打中文@@~~ 一齊玩返丫~~

TraderJoe

趁有時間就開始同大家簡單講下game玩法啦 一開始當然係角色創建 ;)

入門篇
首先係入game後 你可以選擇自己想做既職業 或者自選鐘意既skill同埋Str Dex Int 3種屬性 簡稱三圍
skill係角色不可缺少既財產 錢 裝備 甚至屋都有機會跌 但skill會一直跟住你 亦係幫你賺大錢揚名立萬既好幫手 真係所謂唯有業隨身

隻game有成50種以上可以訓練既skill 特別既係有d skill非常多人練 好似magery用黎出魔法  幾乎所有戰鬥角色都需要具備 更係法師必精之技
有d就係冷門skill 好似連camping都有 升既方法係不停甘鑽木取火 而練既唯一好處係可以係野外快d安全logout
否則要等上5分鐘角色先消失就會非常危險 好似低能兼搞笑 但其實一group人要係人地基地埋伏時個技能又會顯得有用
雖然你可以以後改練其他skill取代本身唔想要既  但小心選擇當然可以慳返唔少練功時間啦

三圍方面 Str決定你角色既物理攻擊力 生命同埋負重率 Dex決定氣力最大值同埋攻擊速度
Int可想而知就係決定你角色既MP及回魔速度 出魔法無佢唔得



選好之後當然可以揀做男仔女仔 同埋set好自己個型look 改個靚名啦
特別既係 你係可以同人地撞名 有時行出街撞到個同名同姓既人 大家都笑左出黎 XD

最後就係選擇出生地啦 你可以選擇既大城市有好幾個 每個都有唔同既長處及缺乏
最全面既就係首都Britain啦 唔單止最大 同時亦有齊所有種類既舖頭 亦有各樣既人流 係第一次玩既首選



選定城市之後 Woo 又一名新冒險者黎到UO既世界啦 你會點樣去開闢自己既前路呢?
黎緊不妨俾在下借用一下犀利哥既威名 帶領大家進入UO 一齊體驗生活啦



話明體驗生活  犀利哥Brother Sharp既搵食技能當然與眾不同啦
作為丐幫第一潮人 乞米同埋織衫技能當然唔少得  踏入全新既世界 Brother Sharp又會點發展呢?
今日介紹差唔多啦 希望大家鐘意並留意下一集  多多支持 XD

另外回應返有關於畫面問題啦 UO由第一日面世至今已經13年 可以想像13年前有甘既graphics已經係超哂班
呢個係97年隻game既片頭畫面 竟然係有全3d 值得一睇 http://www.youtube.com/watch?v=rBeA6JHkV1I
當然呢隻game既graphics係今時今日黎講係無得同最新既engine比 但遊戲可玩性仍然比好多其他大型Online Game好
EA前幾年亦有整過哂新graphics 以下有張圖做參考


官網方面其實只要上Google搵Ultima Online就搵到啦 仲可以搵到更多有關UO既資料 不妨試一試啦 ;)

cch71914

感謝分享~感謝分享~感謝分享~感謝分享~感謝分享~感謝分享~

kkcc2002

E隻GAME令我諗起龍族= =
龍族同佢都幾似~~好掛住龍族/.\

wudonhan

為了強化在末日來臨時，生死與共的真愛情感。
遊戲中從一開始的『好友系統』、到確定找到一生唯一的『夢中情人系統』、與患難中互相扶持的『愛情生存輔助系統』等等，
都緊緊的牽絆住遊戲中兩顆相愛的心。

雖然永久擊殺系統可能帶來永別的那一刻，但沒有分離，怎麼會有落淚的相會。
沒有一起歷經苦難，怎麼會有永恆的愛情。遊戲中的種種設計，都只是為了呈現出，在末日來臨之際幻化為永恆的『真愛』。

a31733170

GOOD!!!!!!!!!!!!!!!