聽日出啦聽日出啦聽日出啦!!好心急好心急呀!!!仲有tst有得玩喎!!

chinwaiho

好彩之前我一早訂左 好彩有貨 因為我第2日再返去幫fd訂果陣,老細已經話無貨啦..
終於...終於..聽日就係move推出既日子..感動..
呢個月好漫長呀....

訂唔到既ching唔緊要呀~我聽老細講到果日都有小量現貨 不過手快有手慢無架!!

仲有仲有 果日諗住去海港城果間玩具反乜城買野送俾個fd 點知經過果頭有move試喎!!
諗都唔諗就去試下隻sport先~!因為自己訂左呢隻呀麻 個staff話呢隻最抵玩
話打成個月都打唔完一個運動-_-..6種運動咪成半年!!!??
一黎就緊係格下劍先啦!一個字..正..d動作跟得好足 大細力都有分
之後入左去一間好似黑房咁既房 一到去..淨係照住我個人..乜都無既?我問個staff玩乜
哦..原來畫畫既~個staff同我講捐10蚊仲可以print返你畫過既野出黎!!
不過畫左一陣就無畫..-_-可能demo關係吧...呢隻game應該仲有野玩既我諗~
最後見到個staff咁nice又咁靚女所以捐左10蚊 無影相就閃左啦~

總括黎講 呢隻move我對佢有好大期望~!比心機!我好想試下用move打bio5