有感而發

kit0814

各位,今次係本人第一次起度post野.
睇左幾頁.我都想起網上講曬d唔開心野.

我今年都21歲了.
我重好記得5年前.
我岩岩起外國返黎,朋友玩埋之下識到佢
識左半年到,清楚佢唔係玩玩下既女仔
中意左佢,最後一齊左.但就因為咁傷害左佢好姊妹心
我同佢唔想傷害任何人.暗地裡發展,直到佢姊妹拍拖先公開.

時間慢慢地過,同佢一齊兩年,果陣我冇讀書
得閒返下工.始終人重細.遊手好閒.
而佢讀書,果陣平淡.但好開心
到佢剛剛中五畢業轉校
佢識左第二個.我果陣先醒覺.
開始發奮.介掉惡習.但已無可挽救.

我愛佢.我願意等.
起依段時間裡面.曾有兩個表示對我有好感.
但我也放棄了機會.因我信.或者係固執吧.
終於.等左年半左右.她說了一句對不起.
她和男友分手了.但已是第二個男友

最終,和她從回一起了
我唔介意佢同別個上床
因我仍然深愛佢.
我學懂了更加珍惜佢
開始計劃每一個將來
唔係空口白話.而係切切實實咁實行
我搵野讀.增值自己,而她也投身社會

直到3個月前,差不多聖誕
我高高興興的.偷偷訂了澳門的旅遊
我記得她說過很想見識一下
想給她一個驚喜.
卻突然再聽到她說一次.對不起.
她說對我沒有感覺了.
我可以做既.只有接受.

依家有時朋友出來.都有叫埋佢.
我望見佢.其實十分痛心.依種感覺難以形容.
但也笑笑的面對.畢竟相識左咁耐.我唔捨得就咁冇左個朋友
看她facebook的近況.也知道她中意左公司的一個男仔.
我現在心裡的痛.和當年的沒分別.反而.更痛

其實好多野.我冇講比你知.但我係有做緊.
但就算依家講返比你知.你既然說出不愛我.
我再講出黎有咩用.正如.我手上過了期的訂票.

我依家.仍然在痛.但要迫自己放下.好辛苦.

隨風..

逝去感情如何留得住.... 算吧啦兄弟

kojo1997

呢d女仔....唉....

颱風

吾好傷心啦....