海洋公園3,一次打完佢 更新中

sai888

上次無咩時間,今日有時間打埋佢

一次過打曬

其實係早上未出發前,我已經定好時間表
佢有d特定節目

我已經可以說把時間表定到完美,但發現有某一些節目是會撞時間,所以必會放棄某一些節目
其實唔睇d特定節目都可以睇曬,比我感覺好少野睇
下面會講

一開始我都唔知果d係咩節目,咁佢寫了係咁,我就照跟著做
我除了有一個睇唔到,就係中華尋講解,因打亂了我時間表,係食中午度,完全失左個預算

早上唔算話好熱,其實都熱,但未係最熱所以我一開始都無咩問題
一開始上車好似去了一班大陸人旅遊班咁
好似d學校去旅行的校巴咁,成車大陸人,我當場打左個突,我預計唔到
由於佢話10分鐘一班車,我都無估到咁快上到車,d巴士一部跟著部

整體上大陸人除了講野大聲了一點,基本上講野大聲的都是老一點的大陸人
其實都有少量香港人坐,大陸的小朋友就好似失控咁

唔知係唔係太耐無去,去到個門口變了好多,個個排隊比佢查野,賣票果一個講野又鬼咁細聲
老實講門口果班真係無咩誠意
即係你入場時佢會同你講生日快樂,都係好無誠意,苦口苦面....

一開始去了海洋館,我直接簡單講
好差個感覺上
不管是設計上的美,和位置上,光感都差,不過音樂上都有一種震撼感
先講咩差,由設計美,外觀看不美,入內後都是不美,感覺好焗咁,無一種海洋的大的感覺比到我
假山的設計更是受不了,光感燈光有一些太光,我對眼受唔到,可能佢要彷照太陽咁照落個魚缸底
一些細魚缸又太暗,去過應該明,可能想不影響海洋生物
但就影響了去睇的人,根本不能仔細睇清楚
生物欠缺生氣,可看的東西感覺上很少
魚缸的玻璃更令魚缸看不清,有一段路像放大鏡一樣,但反看不清
一出門口馬上看到有精品商店,真係識做生意,但一間沒什麼,問題係佢間間都咁,令我反感
好商業化

當睇完第一個館後,我開始質疑自己,點解要去
有咩好睇,我自己都理解唔到

如果硬要我說除了你可感受到生物一個立體感外
不然你看一些高清的生物影片,比入去睇更好

怕有人話我得太密唔想睇,我分幾段寫

[ 本帖最後由 sai888 於 11-7-10 10:24 AM 編輯 ]

sai888

一開始我預計會睇海洋館一小時,我主打係睇生物,唔係玩機動遊戲
結果好似30分鐘睇完,根本無咩好睇
大家都知咩係gif圖片檔
佢就好似gif咁,不停咁重複又重複這一些生物
有d重唔多識動


睇完唯有提早上山,坐纜車上去
都算有人打尖,大陸女人來,不過佢家人係前面排,佢只係同家人會合咁,我都接受到
其實係排隊度都有好多風扇開了,但好多塵,咁多職員都唔清潔一下???
外觀上真係打曬折扣,重有排隊時果條路,佢無咩放置東西,如果放置了東西,可令人無咁唔耐煩
排左足足20分鐘....

去到同地圖上睇真係分別唔大,只係腳程上比的想像中短,地方比我想像中細
但竟然都行錯幾次路,道路上假如有轉色會好好多,容易認路
有時唔見地圖真係唔怕,佢有電子地圖,但佢完任唔人性化設定
點解?反光啊大佬,根本無咩人會睇

一開始我上到山如期進行,眼見我準備食野果度完全無人食,所以我無去到,我去了其他館看了
因我時間表睇海洋劇未夠時間

去了水母萬花同
一入到去好暗,重有d tv播野,但竟然竟然唔係高清......
低高到好似網上睇果d咁....
原本我估好大下,點知一下子行完...,行了5分鐘到...我有停係度睇
但佢文字上講解好少字.....
好少少似入了哈哈鏡的館一樣,一開始睇好似好大,原來係鏡造成的效果....
睇水母,完全唔知有咩好睇,佢係咁轉換d色,令到好似水母變色咁
個鏡造成的效果比水母有趣多,開個哈哈鏡館重好....




到了海洋劇情,又粵又普通話又英文...
然後有d海豚出來表現,d人係咁嘩嘩嘩
但我完全無咁做到,因為我理解唔到有咩好睇
只係一班海豚跟著人類個指令去表演
當然大家都知個劇有劇情,個劇情悶不但止
重要同佢現在做的行為是一個背馳現像
特別係一班海洋生物被削去了自由,他們真的會開心嗎???
只係講一些大家想聽的說話出來
正如一個人話佢好討厭人講粗口,結果佢自己係咁講,打個比喻來說
劇中有兩個人出來,個男好怕海洋生物,d人又信...
有一個我估唔到真係遊客,得一個係假
我原本一開始係估兩個都人演員來
演技屎到不得之了,不可專業一點的嗎???

轉眼睇完,其實完全唔係轉眼,我專重佢,所以睇曬,我本來睇到一半已經想走
因為佢的柱係反光,個太陽又勁,我本身對眼有問題,對住太光的東西好唔舒服

[ 本帖最後由 sai888 於 11-7-10 10:54 AM 編輯 ]

sai888

睇完海洋劇後
我去了新開個咩熱帶水林,個名唔係好記得,反正差不多
一開始見到的雀烏,有人排隊玩激流船果d
我完全唔明有咩好玩,其實我早知係點,我本身有帶雨傘都唔怕比人射濕
到底坐係隻船到好似俄羅斯輪盤咁比人用d唔知咩水去射你,有咩好玩
甚至d水可能有人加了不明液體下去都不奇,不過我無停係到慢慢睇
只見班人無人射水下,個樣好唔開心
果一刻,我好想問佢地,真係咁想比人射???
其實平日你叫你朋友佢做射水,你周圍行,佢突然出現來射你,個效果應該差別唔大

一開始我都唔識跟著係有咩節目,問人,入面的職員整體上幾好禮貌,抵你有得做
原來係果一個熱帶館的講解
點知入到去果一個講解員好似唔洗做咁,原來要你去問佢,佢先講解比你聽
點解會咁,我下幾段再講
咁佢就帶住我去講解d生物,應該係我想佢講邊種佢就講邊種,個服務唔錯,基本上好似得我一個人用
所以大家情願齊睇生物,都唔想聽d生物資料
服務上我比夠佢100分,但專業同資料上係唔合格,佢專員講解館內的生物
但佢識果d資料竟然比維基重要少....
有必要佢本人要再進修一下對館內生物的資料,整體上好過自己睇有人講解下
其實都係果句睇高清記錄片有趣多了,好彩有冷氣,唔係出面真係熱死

根據行程睇完個館後我應該去食飯
點知我當場打左個突,一開始上山時無人食,點知到中午竟然要排隊重要連位都無得坐
詳細可睇我另一個帖子
食物e排打亂左我下個節目時間表,令到我兩者只可選一者看,其實都係個館生物講解
中華尋館,之前好似係沙魚館,唔記得有無錯到
其實個中華尋館除了個水柱好似識倒流外,基本上成個館都無咩人睇好冷清
其實都有d淡水魚睇下,不過都無咩好睇,好話唔好聽,你去金魚街睇可能重好睇過果個館

跟著去了睇海獅館,這的海獅算係最有生氣的了
游唔停,不過都唔好睇,有喂養時間,睇佢喂,遊客比錢,可喂兩條魚仔咁樣
佢地去搶食,都算人道,因為喂的是冰魚,雪死了的,唔係活生生去比佢地搶食
中間重有睇d徽生物,用顯微鏡,有講解員,但好似錄音機咁.....
其實放部機係度等d人自己按重好
重有d海獅屎睇,其實海獅我都唔明有咩好睇
正如你會唔會去游泳池睇一個男人游水,不停游來游去
海獅屎係值得加分,因為我未見過,現在見識開了,長見識了,增見聞了
第日有人問我海獅屎係咩色同點樣我都答到佢地,當然一世人都唔知有無機會比人咁問

當時好似已經下午來,我已經開始頂唔順,熱到我好暈
我d皮膚好似重曬傷左...

[ 本帖最後由 sai888 於 11-7-10 12:00 PM 編輯 ]

sai888

兩點幾到,睇咩街舞表演
因原先要等兩點半個海獅講解,要等十幾分鐘,我都唔想等了
太熱了,隻腳又累
一係有冷氣無得坐,一係有得坐無冷氣

街舞表演
我都唔想點講,無咩人睇,因為太熱又唔吸引
果班表演者重要笑笑口,慘
你明唔明,明明係例車站前表現應該好多人睇下,結果得好少
只可用可憐來形容佢地
其實我都睇了一分鐘到,等車時,但佢地d表演真係完全唔吸引人,重有d惡頂

例車到了,坐地鐵咁,又唔係舒服過人
我差d想坐落去,不停坐,因為有冷氣有得坐一流
部海洋例車,會播d音樂,車頂會放d影片,令你好似身處係真實咁
但佢完全做唔到個效果,果d影片個拍攝角度錯曬,又係低清影片......
好難頂,好似車程3分鐘,我睇左1分鐘到無睇

我心底想佢花咁多錢去改變,但結果出來設計得咁唔完善.....

落到山,有個雀鳥館,我唔睇雀無睇到,跟著去咩威威表現到
時間未到原本想睇佢旁邊有咩睇,結果全係小朋友的遊戲要比錢果隻...
結早去了旁邊金魚館睇,有冷氣真係好好多,但隻腳好累,再加上塊面好似曬傷左好"哪"
佢旁邊重有一個咩小熊貓(唔識動)
反隻熊貓就識動,食野,成班人係度睇,又係唔知有咩好睇
重有d淡水魚睇,街市賣果d差唔多樣,我唔識分
重有其他生物但我唔係好記得有咩
有條蛙蛙魚,不過唔識動

[ 本帖最後由 sai888 於 11-7-10 12:02 PM 編輯 ]

sai888

上面個館我好快睇完就算,望兩眼算
又頭暈,又熱到無心情
跟著見到有海洋館有節目,原本我都唔知係咩黎
結果都係生物講解
我去問佢幾時講,因為到時間
結果要我提佢,佢先開始講
佢開始講唔夠10句就停了,因為除了我根本無人聽佢講野
佢索性只係同我一個講解,我就問,咩都問,結果得出來的都是
資料一般唔夠完善的講解,比維基差,可能佢地都係跟公司比的資料背

其實都幾無奈唔怪得佢地唔開始講,原來係無人會聽

本來重有咩跳水表現,點知佢係正太陽低下,放椅子,重要無頂,太陽直接曬住
最後我走了,真係搵鬼睇,熱到咁,個太陽又勁

真係好難忘的經歷來

成程最令我反感唔係大陸人,反係一些1x2x歲的香港人男,係度叫,好似d猩猩咁叫,叫到鬼咁大聲
唔睇樣,只聽聲,同行為重估係果d小學生去公園,第一次去咁樣...

話就話唔洗錢去,但事實上不但蝕了時間,更曬傷了自己
本來我都有考慮太陽個程度,先確定,我平日返工都係33度
估唔到竟然去到尾段頭暈....,頂唔順返左屋企

時間上大約開館到睇完這一些東西應該,不用6點,4點到可睇完一般館加表演,唔玩機動遊戲的話
假如玩我估你花最多時間唔係玩機動遊戲,係排隊度
建議玩機動遊戲選擇早上少人,兩粒鐘應該夠
整體上佢早場個時間,你較好節目表,路線圖同行速等,一定足夠

[ 本帖最後由 sai888 於 11-7-10 11:51 AM 編輯 ]

sai888

服務上我比100分,我都搵唔到有咩缺點,我指場內的職員
清潔度50分
環境70分
可能由於要面對高樓大廈離開唔到個城市
設計上60分,太多不完善地方
食物上60分,一般,又貴,放得落口咁
舒適度30分,可能冬天去會好d,夏天真係好惡頂

感覺細了一點,可能有館未起好,相信起好後,會好行好多

整體上,成程真係無咩開心野
可能一條友去
假如兩個人去都係吹水,一般情況下都係吹水令你開心唔係個公園令你開心就失個意義
佢成日講話比你學多一點海洋上的知識,但佢提供的知識會否少了一點....
說保護海洋生物,係佢個館每年所死的海洋生物數目有否提供出來
包括死因,死亡時間等

講真本身一開始我係求開心,到後期已放棄這目的
變了求知識,結果知識都求不到多少
正如上面講睇高清生物片好過

原本打算少人,但實際上都好多人下...
明明唔係假日來....

[ 本帖最後由 sai888 於 11-7-10 02:07 PM 編輯 ]

danne

有錢仔..........去陸地公園玩..............

我連入面咩樣都唔記得

Saint小健c

原帖由 danne 於 11-7-10 10:37 AM 發表
有錢仔..........去陸地公園玩..............

我連入面咩樣都唔記得

人地生日去的

danne

原帖由 Saint小健c 於 11-7-10 10:45 AM 發表

人地生日去的

去得咁唔願意，呢個生日真係好難忘

sai888

原帖由 danne 於 11-7-10 11:09 AM 發表


去得咁唔願意，呢個生日真係好難忘

我正想講

我打算結尾先講,同佢個公園比人個口號一樣
比人一個難忘的經歷

Alanvs2009

原帖由 sai888 於 11-7-10 11:11 AM 發表

我正想講

我打算結尾先講,同佢個公園比人個口號一樣
比人一個難忘的經歷

我都去過5~6次,次次都係悶到嘔電

煙霞

hahahhahahaha你一個人去??????

sai888

原帖由 Alanvs2009 於 11-7-10 01:41 PM 發表

我都去過5~6次,次次都係悶到嘔電

我好似成十年無去過
真實數字就唔太記得

kit1998216

海獅屎咩色咩味架

qcuqcuqcu

咁多word叫人點see

Alanvs2009

原帖由 danne 於 11-7-10 11:09 AM 發表


去得咁唔願意，呢個生日真係好難忘

簽名圖個女仔邊個黎

1693

一路睇一路笑

danne

原帖由 Alanvs2009 於 11-7-10 03:17 PM 發表

簽名圖個女仔邊個黎

GOOD都無個就想知答案?

Alanvs2009

原帖由 danne 於 11-7-10 06:09 PM 發表


GOOD都無個就想知答案?

咁張圖你係邊到搵