打蛇排名出左

mashing

創意NO1:NicoleQ
no2:藍色火羽
no3:愿嚀
no4:心有淚乂狂
no5:魔心專用放石倉

造型NO1:NicoleQ
no2:藍色火羽
no3:愿嚀
no4:心有淚乂狂
no5:魔心專用放石倉

塗裝NO1:NicoleQ
no2:藍色火羽
no3:愿嚀
no4:心有淚乂狂
no5:魔心專用放石倉

最肥NO1:NicoleQ
no2:藍色火羽
no3:愿嚀
no4:心有淚乂狂
no5:魔心專用放石倉

完成度NO1:NicoleQ
no2:藍色火羽
no3:愿嚀
no4:心有淚乂狂
no5:魔心專用放石倉...........................尚有廿多位不錄了

睇到咁口既結果,大家點睇呢,或者對日後活動是否有所參考,歡迎發表意見!

36661124

這就是童話on 9(online )!有錢=繼續有錢
窮=繼續窮

alohaa

童話仲有另一重:用真錢可以一天上榜,吾信你試下用他們双倍價收一日即見效

某程度我喜歡這個結果

alohaa

吾通日日準時打蛇那班人上榜咩

我都末見過日日追車叫人買樓既人發達上電視

魏王曹操

樓上你錯啦,做人唔可以只係識看錢行,
樓主意思係同我一樣
佢雖然有好多個比賽
但係其實結果根本都係一樣,最高分既頭5個一定會拎埋其他個D獎]
咁就同2樓既講法一樣,咁樣仲邊有其他心機玩落去呢=]
例子:日日返工既人一定比你日日坐係屋企既人既收入要多
除非你本身係有錢仔(等如不停收蛇料的人)
呢個活動最失敗既地方:材料可以交易
你試下一星期每日6小時5開打蛇~係一件好悶既事黎
點解人地付出左42小時唔可以上?因為材料可以交易
你唔可以將童話呢個遊戲成日用錢去比較,時間可以用錢買到咩?
當然你之前個咩農夫理論,我都同意,但係如果有得選擇,有冇人會去甘心做一個農夫呢?
就係因為D(農夫)都知道一樣野:有錢玩晒,所以先被逼做農夫!
你試下想像下材料唔可以交易,結果一定唔會係咁

mantingq321

付出既時間點會無回報, 係, 無錯, 有錢收料就玩曬, 但拎出黎既錢係天跌落黎既?? 只不過佢地用左一個另外的手法取得佢地想要既野, 大家新手想要既係錢, 但富有人家想要既係有錢都未必買到既參湯, 大家只係各取所需, 如果D料唔可以交易, 個個5開打又點, 都係1隻AC玩, 大家都只可以打到咁多, 差距太少, 亦好大機會出現同分,  努力咁多日得番黎既係零又係一個好結果??  有玩家賣料都已經1個星期賣左7-8E, 已經拎左1支湯有多, 唔通呢個都唔係最好既安排咩, GM, ALTA 咁多人點都唔會比你一個人還考慮得不夠透澈吧

不要一面倒只打焦點放在窮人得不到獎品...其實原因就是沒錢收料, 也就是說沒能力買到湯了,  以分數來說, 只要你能拿出9E收料 加上極長時間收料再一個個蛇料裝上龍舟5-6名絕對沒有問題, 人家收料的錢再加上時間也就是人家買湯的錢了吧

mashing

我或者再抛磚引玉,撇除買賣之外,應該遊戲要向公平靠攏,例如有些玩家不喜歡買賣,但設計上根本向有錢班玩家傾鈄是否合理呢?有人話GM同ALTA咁多人諗就一定透澈,此點是絕對有點荒謬,多人去諗未必一定諗到好野,如果5係福島都5會有核事故,玩家需求可以話玩家才會知道,此帖目的是要集思廣益,不反對可買賣,但是否可照顧一班肯花時間去打蛇及拒絕買賣的玩家,例如:下次類似活動,可否訂立一套標準,總分去到某分能拿到甚麼,如此類推,........................................然後再最高分的有額外獎賞!粗鄙點講句,今次打蛇GM同ALTA設計上係好柒,同呢個正苦一樣,寧願益班大地產佬都5Q肯去派錢畀全香港巿民.

mashing

5怪得香港有咁Q多霸權,5該再睇下我段文先啦,我從無反對過玩家去買賣,問題在於能否將傾斜減少及提出建議,等於鬼叫你窮就5Q好係香港住番鄉下啦,咪咁拜金主義啦,我5係晒命,3-4E隨時攞到出來,蔘湯/雞精都有兩支,阿哥諗清楚先啦,或者道不同不相為謀!

climbv27069

mantingq321 發表於 12-6-28 12:32 AM
付出既時間點會無回報, 係, 無錯, 有錢收料就玩曬, 但拎出黎既錢係天跌落黎既?? 只不過佢地用左一個另外的 ...

我諗閣下可能冇打蛇既經驗,閣下講到有玩家賣料都已經1個星期賣左7-8E, 已經拎左1支湯有多,不才認為此話有誇大說法,不才都有打足1星期,不覺得有7-8e的回報,最多只有2-3e
再加上閣下認為GM, ALTA 咁多人點都唔會比你一個人還考慮得不夠透澈吧,不才認為此話有失偏頗,皆因人多思慮未必周,以關愛基金為例,關愛基金人手不足嗎?為何推出遊學團支助竟引起社會極大回響?我想這值得深思

魏王曹操

6樓同8樓既朋友我認為你地都有你地既道理
但係真係最好先收集一下玩家既意見~對呢此活動既評價
收料最少估計都要用5億以上,5億你估是但一個人都可以拎到出黎?
計返童錢當你1:80  625$ < 呢個點計都唔係一個小數目黎,夠食好多餐飯
可能對於你地D有錢黎講,600幾$當行街掉左,但係唔係果果人都同你地一樣!
6樓既朋友你講得岩呀,如果D材料唔可以交易,就係因為差距太少,咁樣分高下先有意思
咁樣呢個活動先有意思!等於你睇籃球比賽,100:101分 <時間比賽只係得返5分鐘
呢D睇埋落去先有意思 , 如果得返5分鐘,比數去到50:101 分 你仲有冇意思睇落去呢?
50分個隊既人,仲有冇意思打落去呢?努力左你已經叫盡左力,有時真係未必有理想收穫
等於你溫書,有時都未必考到好成績,唔通你唔溫書了?.?
即係簡單D講一句:人地D農夫日日打生打死就得個桔,D有錢佬日日舒舒服服既就有金汁
你地不如再係GM個面出發唸下,佢出呢個活動既意思係咩?就係想玩家打蛇,唔洗日日話悶冇活動
(雖然呢個打蛇活動係極悶)
但係佢地既出發活係想玩家打蛇,辛辛苦苦咁打蛇收集材料,然後合做自己理想既作品去參加比賽
(雖然已經比有錢佬介入了)
再睇返上一次掛星星活動,呢個活動有好有壞,好既就係,你D好獎品(強玻個D)你新手都可以抽到,
只要你有星星,你呢個打蛇活動?唔放返5億6億都冇可能有支湯飲下,唔好講D窮人有冇呢個錢
你就算有錢既人都未必會拎5億6億出黎,相反掛星星活動,你窮人同有錢人抽既野都係一樣
而且大家都有機會抽到,雖然佢個掛星系統真係有點....kai,如果佢可以set到60lv以上先有咁就very good

alohaa

看了這麼多討論，發現香港社會窮人罵港的表現，在這個遊戲依然發生，罪過!罪過!

香港政府傾斜大老闆，影響了你的生活，你要罵港無可厚非; 但遊戲的設計傾斜付款玩的大老闆，沒有影響了我的生活，我又為什麼要不滿呢? 平心問自己，我沒有比錢玩童話，憑什麼要官方出一個我最著數、最有機會競爭的活動呢? 又為什麼官方要出一個活動來滿足我? 比你做官方，你都首先會考慮一些令付款玩家開心的活動，對不對?

我有個舊客付出不少真錢玩童話，他能夠從這個活動中得到獎勵，我覺得最合理。官方對準他們來設計可以交易的蛇料，就是我覺得最正確的設定，因為官方要滿足的人，不是我這種免費玩家，而是那些願意付款玩童話的人。再講: 他們留下多一個，官方就可以運作下去; 我這種免費玩家，設計了一個活動給我拿獎品拿道具，我就更加不會比錢去玩這個遊戲，我這種免費玩家官方留十個都沒太大作用。

我這種免費玩家，如果覺得42小時打蛇賺點可因是好好玩的，我大可以一直5開狂打，自我陶醉; 我也從討論文中看過一些人，感覺打蛇是一件沒趣而沒有娛樂的事，於是沒有參與。
有個說話跨張的朋友打趣的跟我說: 打42個小時如同上班似的辛苦，打到手腳生癬，得來每小時400m 的工資，仲慘過乞, 他說香港看更睡眠的都有28元一小時，如果個遊戲是悶的都要打，真係慘過乞。哀哉!哀哉!

mashing

看完某君高論真是沒話可說,打遊戲視作工作不如正正經經去搵真錢啦,計得咁準不如買番幾張大細期,5好成日係度吹.再講免費就不能提意見,窮人才有權鬧正苦,真係咁Q道理,我建議大家有興趣的話,不妨看看《Justice》呢本書,中文譯本名稱是《正義——一場思辯之旅》,而同作者的新作《What money can't buy》亦是不俗的考慮,其他就不想再講,當你亦沒法說服到我時,我亦改變不到你,無謂去Q到謾駡收場,原本出此帖目的是感到ALTA柒左,同埋有傾斜出現,希望能集益廣思而已.補充點講,而家童話係免費,5好去偷換概念,個個玩家根本都係免費玩家!

幻乂魂

其實個活動d料可以交易係好處黎
可能你地覺得富者越富,窮者越窮
但換轉一個角度,本身冇咩錢既玩家經過呢個活動賣料可以換到1枝左右雞精
對新人而言更加可以話有幫助~起碼唔洗用hkd買可因/包先可以升隻新人
alohaa你升隻新人升到8x都要得閒去下水木搵人比人加(都係要時間啦)
再者你有能力買算/寵係因為你本身有挖可以賣原石
但對其他人呢?
賣料同買料既只係各取所需吧
其實個活動設計者有諗過先出
可能你地覺得哂咁多粒鐘去打蛇
不如返工仲著數
但如果某玩家仲係學生
每天都要返學~只能打8~10
最起碼佢都可以用果2粒鐘搵下外快掛

pudding927

見到你地有人講到有錢=好似唔洗付出時間就win咁..
無錯有錢收料先係會win 但係收料需要時間 收得料玩既玩家都係想高分 如果打蛇時段得閒絕對會去打(更有可能有人係打足晒咁多個鐘+拎錢收料)
只係呢點都比起只打料賣既人辛苦.賣料者大可以睇睇金大收料人既收購價決定賣唔賣.唔得閒咪掛檔賣
另外 合船係需要時間 相信合到隻船有5萬分以上既玩家都會明白 係要合1段好長時間 仲要係不停咁禁
你地可以話收眼淚同蛇皮就好高分好快就合到上幾十萬分 但係人都希望低成本高分數 收雜料狂合就最抵 合既時間需要更長. 無合過隻船既唔好只睇有錢人收料好輕鬆同埋賣料人打蛇好辛苦 一分耕耘一分收獲 win既人所付出閎時間都絕對唔會小

同埋如果蛇料唔能夠交易 呢個遊戲更加無引啦.絕對有玩家係會要出街.要返學返工等等理由可能在打蛇時段唔係到 .打唔到蛇. 亦一定有玩家係非常得閒打足晒咁多個鐘.
咁打足晒咁多個鐘既當然繼續打啦. 因為打足晒win既機會係大.
相反如果我miss左1場呢? 我win既機率已經細左好多 因為只有1-6名有湯
可能miss 1場都仲會繼續打. 旦miss左2-3場應該已經唔會再有心機打d蛇.因為無勝算
咁隻game咪無人玩仲衰? e+有得交易起馬得閒打幾場都可以賣得袋返幾千萬可因
無得易就真係只有長對電腦的人才能win  

快刀洪吉童

以後唔好手多多
好易比呀伯玩＾＾

闍魔王

回覆 pudding927 的帖子

我見族人講 4萬幾分都禁左十幾粒鐘 絕對唔係容易...

robort753

其實個活動幾好架
而家挽童話吾係升lv就係掛工技,吾係打次就掛機
而家有活動你挽仲有$收
何樂而不為呢
雖然打蛇係悶左D,但係2h後有幾百m,幾千m袋袋平安既話,你就會有種動力去打而吾會感到悶

pudding927

回覆 闍魔王 的帖子

慢慢合十幾個鐘真係差5多.
我自己合就計過大約不停地光速狂禁1分鐘左右係合到20野.
假設用大量雜料合7分 1般力商都係2萬幾負重 1轉牙骨片各6set =840分 即約6分鐘合840分(係不停狂禁不休息)
我又當埋有12set眼淚同皮..12分鐘合到12480分 其他計全雜料
需要再合多約32次既6分鐘即共需連續狂合3.6小時才能夠有4萬分
假如4萬分全部合3合1雜料需時不停狂合4.6小時
只係呢個分數都已經要咁耐時間 第1名係41萬分 人地最小付出左40小時黎不停地合野...
希望大家真係唔好諗到得獎係咁易....

alohaa

(1)時間就是金錢
(2)知足常樂，向現實低頭
這兩點道理如果不清楚了解，只是你未夠人生經驗而已，讓我給你一個人生超經娃，好好思想清楚一下，會幫到你很多的。