長毛立會選舉選舉之後

〒狂龍〒

A12 | 立會選舉選舉之後 | 專訪 | 2012-09-17

長毛憂入獄後建制為所欲為
泛民失直選議席優勢恐被突襲修改議事規

毋須密集海報直幡，毋須日復日的告急，4.8 萬張選票有如自動歸位般飛向社民連「長毛」梁國雄。

網民稱他做「長議員」、「毛主席」，但這個議員、主席的生活並不尊貴，為資助社運，薪酬將加至8 萬元的他自言財政見紅；為衝擊遞補論壇，更換來入獄兩個月的代價。他擔心入獄後，令立會內已弱勢的泛民再少一人，建制派將為所欲為，「已準備他們（建制派）要夾硬開除我」。

明報記者林凱旻

社民連今年立選在 4 區出選，惟未能開拓新議席，仍然是「一人黨」。「我這個主席做得好差」，梁國雄慨嘆，「我搵不到錢，無引領到個黨有乜新進展，唯一做到是令社民連繼續存在而不會太動盪」。

社民連「冇乜錢」路難行

他坦言，將來的選舉只會愈來愈企業化及工程化，「冇乜錢」的社民連將來的路只會更難走， 「我們以前做 100 支旗已經好多，現在其他黨卻做 200 支，又拍片放上 YouTube 再使錢請人增加點擊率……若將來電子傳媒可賣選舉廣告，我們就玩完了」。

幾乎沒有做選舉工程、錢及時間都用來支持其他黨友，梁國雄卻依舊成「票王」，「我諗我差不多是最後一個這樣的人。憑咩？選舉是講市民如何看你，他們一路認識你，這個形象磨滅需要時間，除非你做了與以前完全不同的事」。

半份人工捐社運財政見紅

梁國雄自 2004 年起當選立法會議員，仍居於九龍灣公屋啟業邨，有市民質疑他薪高仍霸佔公屋，但他指每月 7.3 萬元的議員薪酬「硬掘」4 萬，自動轉帳予一個由他成立的基金，資助社運並應付官司訟費。他透露，個人財政已見紅，至少有十幾萬印刷費未找數，但仍正考慮捐多些給社民連作營運之用， 「以前我上任時只有 5 萬幾（薪酬），現在有 7 萬幾，其實加了人工後（新一屆立會薪酬加至8 萬元），（捐）4 萬都不算太多」。

「已準備建制派會夾硬開除我」

因衝擊遞補機制論壇而被判入獄兩個月的梁國雄，將於 11 月就判決上訴，坦言若敗訴將須「與大家暫別一陣」。目前修改議事規則須分組點票，但現時泛民與建制於地區直選議席數目是 18 對 17，梁認為在他入獄期間，建制派或會「突襲」要求修改議事規則，「我已有準備他們仲會夾硬開除我，他們要三分之二支持（便成功），只要幾個泛民瞌眼瞓就得」。

「我講過話我做不到兩屆，因共產黨會趕我走。」即將展開第3屆任期，梁國雄明白到議席非天下無敵，只是「有好過無」，「做了8年，我睇開了些，知道自己做到的事有限，只能盡力去做。我一直的心願，是政黨和民間運動團體有更好的結合，可惜民間團體不喜歡政黨。你和他們有很多合作，但到選舉他們就不幫你，我覺得好好笑，這就是香港的現象」。

明報記者 林凱旻
==============================================================================
所以我一直都話長毛係言行一致，佢亦都了解到自己既能力、定位係邊，呢D先係了解到政治現實，
做到野既人。

其實我另一個轉貼既原因係想比D熱血青年睇，社運可以好浪漫，好熱血，但熱血過後亦要回歸現實，
理性討論以尋求共識，改善問題，否則社運只會停留於口號變得流於表面，對問題亦沒有多大幫助。

lee111

做了8年，我睇開了些，知道自己做到的事有限，只能盡力去做。我一直的心願，是政黨和民間運動團體有更好的結合，可惜民間團體不喜歡政黨。你和他們有很多合作，但到選舉他們就不幫你，我覺得好好笑，這就是香港的現象



















人.活著是等待互相出賣而已

〒狂龍〒

lee111 發表於 12-9-17 12:46 PM
做了8年，我睇開了些，知道自己做到的事有限，只能盡力去做。我一直的心願，是政黨和民間運動團體有更好的 ...

所以我更加尊敬佢，明知做既野未必有回報甚或被人抽水，

但他仍然堅信自己既理念，為香港社會貢獻。

都係果句，香港既政治有幾多個人言行一致，而非單單謀求私利?

有既，不過真係唔多！

雲路

佢一個月約8萬蚊,一年搵約100萬
做左8年加埋議員津貼約莫一千萬
我想佢拎本數簿出來同大家分享下...
佢究竟點見紅

〒狂龍〒

雲路 發表於 12-9-17 12:54 PM
佢一個月約8萬蚊,一年搵約100萬
做左8年加埋議員津貼約莫一千萬
我想佢拎本數簿出來同大家分享下...

佢作為一個議員，我相信佢係呢D咁敏感問題上唔會作假，

加上呢番說話唔係記者問佢，係佢自願講出黎，佢無黎由咁樣搵自己笨，

為左博大家同情講D咁既大話，

因為假如佢被人揭穿佢講假話，佢多年黎既誠實會即刻破產，

至於如果想知實質數字係點，就靠你幫大家問佢啦

雲路

〒狂龍〒 發表於 12-9-17 01:00 PM
佢作為一個議員，我相信佢係呢D咁敏感問題上唔會作假，

加上呢番說話唔係記者問佢，係佢自願講出黎，佢 ...

香港有十九萬人輪緊公屋( http://www.singtao.com/yesterday/loc/0705ao07.html )
過去8年搵左起馬幾百萬 (有錯請指正)

為什麼不考慮一下做一個革命既榜樣
1.用果幾百萬買屋,起馬買兩間普通屋
一間自住,一間租俾弱勢社群（正合佢既理念）

2.退間公屋出來俾有需要人仕（正合佢既理念）

既然毛哥有能力去做,是不能定不為呢？
弱勢社群人仕就自行判斷了

〒狂龍〒

雲路 發表於 12-9-17 01:12 PM
香港有十九萬人輪緊公屋( http://www.singtao.com/yesterday/loc/0705ao07.html )
過去8年搵左起馬幾百萬 ...

1. 呢個係一個方法，不過佢認為(或者我認為佢覺得)係一個下下之策，

將所有錢用作買一間屋，幫助有需要社群，看似直接，

但受助既人有多少？5個？10個？

與其這樣，佢更願意將資源放係社運之中，當一個社會既公民意識較強，

所帶出黎既正面影響深信必比買一間屋大。

2. 佢既情況有少少特殊，正常來講，公屋既審核資格係視乎佢既入息來決定，

長毛看似好多，但佢將佢大部分既入息奉獻於社運之中(假設佢無吹水)，

所以如果你認同既話，佢同一個低入息既人無分別。

當然，如果你認為呢個係佢個人意願，無人搵支槍迫佢咁早，咁呢個又將會係另一個問題。

雲路

〒狂龍〒 發表於 12-9-17 01:25 PM
1. 呢個係一個方法，不過佢認為(或者我認為佢覺得)係一個下下之策，

將所有錢用作買一間屋，幫助有需要 ...

1.這是上上之策

社運是可持續不停地行
每個月印單張,放飯錢,義工(唔好以為唔使錢),通通都要鋪鋪清
行1的話,毛哥就可以既有一個基地給弱勢,又有一個居所給自己,再作榜樣歸還公屋單位
仲可以每月有資金連錦不斷咁支持社運
此為多贏之法

搞社運唔係一炮過去搞
百多年前既孫中山先山,都係搞左十多次起義才可以成功
期間最需要的是：錢

當然偉人都有他獨特的處事方法
我只是提出一個可以長期抗爭的玩法

gates

冇錢真係好慘