＜我在黑社會的日子第三部：黑色國度＞ 『澳門篇』 #125第四話:上位

ミストラル

流水星月 發表於 12-11-18 10:04 PM
求加番msn 比多次msn我

freemen1034@hotmail.com

流水星月

ミストラル 發表於 12-11-18 10:19 PM

其實你有無on過 -

~傳說中的傻仔︻

我錯別字係多到嘔      哈哈哈~

加上我文筆係好廢   所以都慣左比人插呢D野-.-

F91西布朗

~傳說中的傻仔︻ 發表於 12-11-18 11:07 PM
我錯別字係多到嘔      哈哈哈~

加上我文筆係好廢   所以都慣左比人插呢D野-.- ...

但我深信你比第一部第一章時已經有很大很大的改進了XD

ミストラル

流水星月 發表於 12-11-18 10:35 PM
其實你有無on過 -

無...-3-遲下on
有事搵我咩?

想搵我嘅話係呢到搵。

ミストラル

~傳說中的傻仔︻ 發表於 12-11-18 11:07 PM
我錯別字係多到嘔      哈哈哈~

加上我文筆係好廢   所以都慣左比人插呢D野-.- ...

無咩嘅，最重要都係自己寫得開心者。

~傳說中的傻仔︻

第八話：牌頭


他露出了一隻尖尖的彊屍牙，不置可否地鬆了一下肩膀，

「咁劈友唔係你劈我就我劈你架啦，有幾出奇？」

看見他說得如此輕鬆，而且沒有太大架子，這人確是有趣，

「哈，你又講得岩，不過見你幾勇姐。」

「個陣我都嚇到賴哂屎，不過輸人唔輸陣，有大劈大呀嘛。」

「頂你，講到咁風騷。」

「哈，咁係呀嘛。」

「係呢，我叫ＳＵＮＮＹ，點稱呼？」

「阿迪。」

我們互相『渣扒』，看來今晚結識了一個志同道合的兄弟。

「咪吹水，有客到。」

細寶打斷了我們的對話，只見有數人進入了酒吧，

還是那般狂傲的氣勢，ＥＮＣＯＲＥ來到了三草面前坐下。

「點呀，三草。」

他完全是目中無人，語氣極為囂張，

「ＥＮＣＯＲＥ，呢期你就惡，係咁掃我地既埸。」

「古惑仔係咁架啦，唔通同你ＷＨＡＴＳＡＰＰ？」

說話沒留半點餘地，三草的面色也有點變化起來，

「火爆哥已經同你講左賭埸條數六四分賬，仲唔岩你心水？」

豈料到ＥＮＣＯＲＥ一下拍往桌面，產生突然巨響，

「砰！」




「你無撚野呀？係我地地盤開賭檔就六四？你地『永泰』唔識規矩？

我六佢四我都順氣少少，而家仲要我四？火爆食撚左屎？」

ＥＮＣＯＲＥ愈說愈激動，一下拍桌子立刻引起兄弟注意，

「係咪玩野呀！」

細寶帶頭叫囂，三草則喝停，

「全部坐番低！」

他眼神凌厲，直射向身後的細寶、細寶堅持了大約數秒，

「坐低。。。」

「沙。。。沙。。。」

眾兄弟唯有坐下，畢竟三草才是我們的發施號令者。

「ＥＮＣＯＲＥ，今日你得兩丁友，我唔想比人傳人多蝦人少，

而家單野拆唔掂，即係迫我地見紅姐？」

三草加以施壓，希望對方能夠就範，

但是ＥＮＣＯＲＥ毫不為意，他搖一搖頭、輕鬆地說，

「人多蝦人少就緊架啦，不過係我地『華興』人多姐，

你地迫到我扯火，成個格屎炒起你都仲得。」

（佢老味。。。真係好寸。。）

聽到這句說話，身後兄弟都開始禁不住聲，

「屌你呀，你講乜撚野呀！」

「炒我地格屎！？」



兄弟們都不斷起哄，連三草都面色一沉，

ＥＮＣＯＲＥ則無視眾人，他緩緩站了起來，

「睇你地個款都想溶左我，我地就得九二友，

你地起碼都十幾兩友，就睇下收唔收到我地皮。」

他雙目掃射在埸眾人，當掠過我時、我心底不其然出現恐懼，

（條友真係咁惡。。。！？）

我望向三草的側面，連他稍為露出害怕的神情，

「屌，講到咁把炮，夠唔夠彊隻揪？」

一句說話，道出了在埸兄弟的心聲，

說話的人，正正便是剛才與我握手的阿迪。

ＥＮＣＯＲＥ聽到阿迪的挑釁，馬上把視線集中在阿迪處，

「邊位呀？」

「我就叫阿迪，ＥＮＣＯＲＥ呀嘛？

我就同你隻揪，咪話我地而家人多蝦你人少。」

ＥＮＣＯＲＥ不屑了陳迪一眼，再望向旁邊的近身，

「細檸。。。」

「嗯。」

那叫細檸好像得悉ＥＮＣＯＲＥ的意思，爽快地點了一下頭。

「搬開Ｄ野，空個位出黎！」

細寶配合二人，三草則走向阿迪處並拍拍他肩膀，

「牌頭發唔到圍就睇你頭。」

「收到，三草哥。」

阿迪報以一個微笑，便準備與細檸對上。





細檸這人看起來很沉默，剛才ＥＮＣＯＲＥ被眾人圍『兇』時也沒有動容，

連一點『護主』意思也沒有的近身，他究竟是一個什麼樣的人呢？

「開得波未？」

阿迪急不及待，他看起來就想快點把眼前的細檸壓下，

然而細檸慢條斯理，完全沒有投入狀態。

「黎啦。」

細檸輕輕地招手，阿迪老實不客氣，

「呼！」

數下直拳往細檸打去，後者則一一擋下，

細檸後發先至，他抓緊阿迪雙手，

「唏！」

一下發力，把阿迪扯高再摔往地上。

「砰！」

阿迪想不到自己被反咬，可是他沒有生出怯意，

正當他抬起頭來，突然。。。。。

「砰！勒！」

一記有力的膝撞在阿迪的面上轟落，我在旁看得膽戰心驚，

（條友唔野小！）

阿迪意料不及，防線頓時全失、被轟得七零八落，

「砰！砰！砰！」

但阿迪就是不怕死，雙手於混亂中抓緊細檸雙肩，

「屌！」

額頭往前怒撞，落點正好在細檸的下巴、他誓要與細檸來個兩敗俱傷。




「躂！」

細檸反應奇快，在阿迪玉石俱焚之前便已經作出回應，

他雙手向前推出，硬生生把阿迪的頭擋住，

「呼！」

右腳閃電般伸向阿迪腹部，左拳配合動作轟出，

「砰！砰！」

阿迪全數承受，簡直就是傷上加傷，

細檸得勢不饒人，承著阿迪站不住腳時再下猛招；

「砰！砰！砰！」

快拳不斷揮出，阿迪本能地舉起雙手護頭，

「。。。。。」

這時我看一看三草，他整個神情就是擔憂，

看來阿迪輸掉的話，不但會削弱了火爆的名聲，

『永泰』被『華興』壓過的消息更會被傳出去，自己的地位自然下降。

事實上，『永泰』在十年前才成立，龍頭為人稱「石頭」的石竣，

但是『華興』與『東英』在港各佔鰲頭，根本就沒有小社團的立足之地，

所以石竣一直想找機會發圍，更視『華興』為第一大勁敵。

火爆得知之後，便特意針對『華興』，所以兩者的磨擦日增，

而因為凌成波沒有視『永泰』為勁敵，才放心交予他的兒子作出周旋，

凌安知道之後，更是提高囂張的氣焰直壓『永泰』，

長久下來，便形成火爆與凌安的對峙局面。

（睇黎呢獲阿迪輸左既話，三草真比人插死。）

「砰！」

「碰碰！」



回到戰埸，阿迪的武力值比細檸低不止一班，

可是他不怕死的打法，實在令細檸一時三刻也無從入手。

有數次阿迪全然放棄防守，為的只是兩敗俱傷，

這種打法令細檸往往在關鍵時刻轉攻為守，反而做就了勢均力敵的情況。

「細檸。」

凌安突然開口，細檸聽到之後點點頭，

他舉起三隻手指，我們實在是不太明白，

「哈。。。哈。。。哈。。。」

阿迪一邊抖氣，一邊露出一個招牌笑容，

「點呀。。。想三秒收我皮呀。。？」

細檸這時露出一個奇怪的笑容，他搖一搖頭，

「３０秒。」

阿迪聽到之後，面上怒氣暴增，

「得既咪試下！！」

他快步向前，想再施展最擅長的『爛仔交』打法，

豈料細檸側身避過阿迪的身形，一記肘擊直往阿迪太陽穴撞去，

「阿迪！！！」

我不禁叫了出來，可是為時已晚，

這記力道奇猛的肘擊，直陷入阿迪的太陽穴，

眼見阿迪雙眼立刻反白，身形直墮地上。。。。。。

（待續）

~傳說中的傻仔︻

劇情去到第八集      大家覺得有咩意見~~

不如係度吹下水- -

~傳說中的傻仔︻

第九話：混戰


「屌你老味！！」

身旁兄弟也不管『人多蝦人少』，集體衝前就想把細檸溶掉，

「黎呀，多Ｄ黎密Ｄ手！」

ＥＮＣＯＲＥ咆哮一聲，他與細檸就九二友與我們對上，

我則沒有加入戰團，率先和細寶拉回阿迪，

「阿迪！阿迪！」

我摸一摸他的額頭，搖晃著他的身軀，然而阿迪就是沒有反應。

「攪我地『華興』？」

豈料混戰之中，門外衝入大批華興仔，一時之間變得兵荒馬亂。

「ＳＵＮＮＹ，護住三草哥走！」

細寶吩咐我殿後，我唯有背起阿迪走向三草處，

「三草哥，哨啦。」

「嗯。」

三草不敢待慢，跟著我便往後門去，可是。。。。。。

「砰！」

後門突然被人踢開，數名刀手早已埋伏在此！

「呼！」

刀光近在咫尺，我勉力向後一退，唯肩膀已經掛彩，

「食屎啦！」

一張椅子在我旁摔向那群刀手，三草的援手使我得以回氣，

「我屌！」

我猛力一踢，把最接近我的刀手踢開，然後放下阿迪，

「三草哥你扶阿迪，跟實我後面！」






我拿起一個酒樽，與刀手的開山刀短兵相接，

「砰勒！！」

酒樽在半空碎裂，我沒有一絲猶豫、把尖鋒位插向敵人，

「嗚呀！」

酒樽狠狠插在敵方的面龐，我承勢搶過利刀再往前一劈！

「呀！」

在我放倒一人時背後傳來涼快感覺，我怒極轉身一斬，

「擦！」

那人與我同時在彼此身上留下刀痕，他沒有回氣便再來一刺，

我拼著膽量，看準他的來勢再把肩膀迎上刀鋒，

「刷！」

刀鋒插在肩骨位置，我右手之鋼刀立刻斬往目標，

「嗚呀！！」

他手腕被我斬得快要甩開，我再抓著那隻殘手，

「食屎啦！！」

發力之下，我親手把殘腕扯開，鋼刀向他頸部留下血痕，

「沙啦！」

血花四濺，我面上盡是鮮血，容貌更是嚇人。

我忍痛拔出肩膀的鋼刀，雙手拿著刀便往前再衝，

我全身披著鮮血，三草跟在身後扶著阿迪，

後巷中還有兩名敵人，曙光就在眼前！






「黎呀！」

我大吼一聲，務求把戰意提高。

「做瓜個永泰仔！」

他們從左右兩方攻來，他們合力之下我立處下風，

「刷！刷！刷！」

手腕、胸腔、大脾位置血痕不斷，這時。。。。。。

（大獲！）

其中一人把我左手抓緊，另一人則立刻斬來，

「刷！」

我勉力向後退，唯因為被人抓住而退不了，

血痕由頸下劃向腹部，痛楚使我激發求生意志，

「呀！！！！」

我防棄閃避，右手鋼刀不斷向前衝斬，

「屌你老味！！」

他們像被我嚇到，抓緊我的敵人稍為分神鬆手，

「隊死你先！」

我不敢錯過任何機會，鋼刀瞬間斬向目標，

「嗚呀！」

他反應倒不慢，立時向側橫避、可是他的耳朵卻不能倖免，

左耳被刀鋒擦過，被我切開後便掉往地上。

另外一人想施以援手，三草則在旁『執死雞』、一腳踢開施襲者，

我再一刀了結這個『缺耳人』，敵人只剩下一個。




「哈。。哈。。。」

一口氣幹掉三人已經用盡我所有力氣，剩下這個刀手該怎麼辦呢？

「三草哥。。。一陣我同佢死過，你睇準機會就好走。。」

我邊大口大口吸著空氣，邊向三草說出我的想法，

豈料到三草偷笑一下，他微聲回應我，

「ＳＵＮＮＹ，有時出黎行都要靠食腦。。。」

我不明白他的意思，只見三草扶著阿迪並越過我，

「呢個係永泰最當打既赤鷹，你想打既佢即管奉陪，

不過咩下埸我諗你都見到，一係走一係打，你自己選擇。」

三草不慌不忙，向敵人誇大我的身份，

竟然說我便是『永泰』的金牌打手－－赤鷹，我也呆了一呆，

「佢。。佢就係赤鷹？」

敵人似乎不信，三草看見對方動搖，

「唔信即管黎試下，反正我地永泰唔ＭＩＮＤ收多件華興仔皮。」

我看見三草愈說愈順暢，也即時作出配合，

「我赤鷹就爛命一條，夠彊咪黎。」

然後一步一步慢慢走向敵人，只見敵人被我們嚇得不斷退後，

最後還逃去無蹤，我立時氣力不繼、鋼刀離手。

「嘩，你咁快就穿崩，佢番黎咁點攪。」

三草伸出另一隻手扶著我，我搖一搖頭，

「哈哈。。快Ｄ走啦，三草哥。」

這夜，我在街頭撕殺中活了過來。





「啪！！」

一下拍桌聲，把火爆激動的心情表露無遺，

「火爆哥。。單野就係咁。。」

三草去到火爆的辦公室，把數日前ＥＮＣＯＲＥ的事情告知，

而我則是充當近身，站在裡面的一角。

「呼！！」

火爆吐出一口煙，一副咬牙切齒的表情，

「ＥＮＣＯＲＥ玩到咁寸？明知賭檔單野我最緊張，

佢就偏偏要擺隻腳埋黎，屌！」

三草則比較心平氣和，向火爆道出自己的想法，

「火爆哥，我地撈毒就係人都知，不過ＥＮＣＯＲＥ好明顯唔想我地撈埋賭檔，

而家係咁比下馬威我地，所以一日唔攪正個源頭都好麻煩。」

火爆戚了一下眉，向三草擺出繼續的手勢，

「其實所有野都係ＥＮＣＯＲＥ攪出黎，因為佢有大大個龍頭老豆照住，

所以做咩都特別惡。只要我地諗諗計，攪到佢地父子分化，咁就萬事有計傾。」

火爆聽到立刻露出笑容，但很快又露出疑惑，

「得唔得架？」

「緊係得啦。只要我地放風話ＥＮＣＯＲＥ係裙腳仔，照佢咁大佬款，

緊係唔抵得人地咁話啦，我地再加多兩錢用緊去攪到佢好似好唔掂咁，

到時佢老豆實唔妥佢，我地咪有位上。」

三草與火爆四目交投，後者露出滿面笑容，與剛才的火爆面色有天淵之別。





「ＧＯＯＤ，我就係鍾意你幫到手，如果呢單野攪得成，油水你實有份。」

火爆雖然比教沒頭沒腦，可是對三草也算是不錯，

三草則點一點頭，附和著火爆的意見。

「嗯，咁我地走先。」

眼見事情告一段落，三草便想帶我離去，

這時火爆向我望了一望，似乎他認得我，

「咦，你咪係個次條靚仔？」

「係呀，火爆哥。」

我向他露出笑容，火爆再接著說，

「好似叫。。。楊光呀嘛？」

「係呀，ＳＵＮＮＹ係前幾日先幫拖斬班華興仔，幾做得野。」

三草不忘幫口，我向他露出感激神色，

「好，講食腦有三草，講打又有你地班後生，我火爆洗撚淆班華興仔，哈哈哈！」

火爆突然興奮起來，我雖然感到有點無奈，但也立刻陪笑，

「咁無事我地走先啦，火爆哥。」

他揮一揮手，我便完成陪伴三草之行。

與三草道別之後，手機剛好響起，

「震。。震。。。」

來電者的正是阿迪，他在數日前被送進醫院，

他暈了整整的一晚，那名細檸實在恐怖，

「喂，阿迪。」

「ＳＵＮＮＹ，我有野想搵你幫拖。」

阿迪想找我幫忙，是什麼一回事呢？

(待續)

零洛脩

點解冇人嚟討論下劇情嘅=-=
赤鷹...個朵好霸氣

F91西布朗

零洛脩 發表於 12-12-2 01:58 PM
點解冇人嚟討論下劇情嘅=-=
赤鷹...個朵好霸氣

因為小弟忙- -"

看了之後沒什麼時間回文-口-

~傳說中的傻仔︻

黎緊兩代主角將會碰頭... 究竟會發生咩事-.-

(其實我都唔知會發生咩事)

零洛脩

唔係會隻抽隻啊=.=?
sunny都冇主角光環出現,一定比人打到_街啵.

F91西布朗

~傳說中的傻仔︻ 發表於 12-12-3 10:03 PM
黎緊兩代主角將會碰頭... 究竟會發生咩事-.-

(其實我都唔知會發生咩事)

波哥……呀唔係,係波叔強戰未來-口-!?

我諗起葉知秋

~傳說中的傻仔︻

波哥而家做左龍頭   仲邊會咁易隻秋- -

F91西布朗

~傳說中的傻仔︻ 發表於 12-12-4 06:56 PM
波哥而家做左龍頭   仲邊會咁易隻秋- -

唔係丫

生抽王都周圍抽啦~XD

thchan96

呢集好正
夠血腥

~傳說中的傻仔︻

第十話：大計劃


「ＳＵＮＮＹ。。。就係咁。」

我坐在茶餐廳，聽到阿迪的想法後，我不斷吸吮口中香煙，

「呼。。。呼。。。」

一下又一下的吸吐，反映出我十分緊張。

「好緊張咩？」

阿迪一副毫不在乎的表情，我立刻作出回應，

「你而家講緊既係燒人地屋企。。。仲要係『華興』龍頭，點唔緊張呀？」

對，阿迪向我求助的事件，竟然是去燒毀『華興』龍頭的家，

我聽到之後的反應，除了能夠把口不斷放大之外，便是心驚膽跳。

「但係。。有必要玩咁大？」

我還是覺得天方夜譚，畢竟對方是龍頭大哥！

「出黎行就預左要響朵上位，如果你連咁都淆底既，學咩人行古惑？」

阿迪凝視著我，他猶如變了第二個人，

「而家佢個仔野野踩我地牌頭，上面唔做野既咪我地Ｄ細既去做，

一個好彩攪正Ｄ大粒野，我地到時仲唔係紅過當紅炸子雞？

老老實實，我地而家有機會都唔發圍既話仲等幾時？

後生都唔博，唔通等到肥叔個Ｄ年紀先黎博？定係你想做個老四九？

我阿迪就唔想，我一係就唔做，一做就做大單野。」

阿迪愈說愈激動，我亦慢慢被他的豪情壯語所感染，

人是有趣的生物，往往是被身邊的牽引著，

而且阿迪說得不錯，古惑仔就是要上位，

既然機會放在眼前，何樂而不為？




「好，我埋你堆。」

阿迪聽到之後拍一拍我肩膀，立刻笑顏展開，

「ＧＯＯＤ，我阿迪無識錯你，時間地點再電聯啦，我有Ｄ野攪，遲Ｄ再嗲。」

「嗯。」

阿迪離開之後，我便拿出手提電話檢查行程，

既然今天沒有特別事情，也好去探望一下『她』。

坐在巴士內，我的思維早已飛到千里九丈遠，

我在想阿迪的計劃是否可行，也在想被斷正的話有什麼下埸，

龍頭一哥的家被燒毀？這聽來是頗可笑，

然而一旦成功，我們的身價將會三級暴跳，

也像阿迪所說的，古惑仔便是要上位響朵，

如果『船頭驚蛇、船尾驚賊』，也證明自己不是混黑道的料子，

想著想著，不覺間巴士已經到達目的地－－『赤柱監獄』。

「阿光。。。咁得閒探我？」

「係呀。。你入面好嘛？」

「哈，咪又係咁。」

在我眼前的是女人，面龐有點瘦削，

兩個淺淺的黑眼圈，與我的相貌有點相近，

年齡比我大三年，她正是我的姐姐－－楊倩，

「阿光。。。你係咪真係入左。。。」

「嗯？」

「唉。。」





姐姐她搖一搖頭，一副無奈的神色，

「當年我就話焗住搵錢先被迫見個Ｄ人，估唔到你都。。。。。。」

我生於一個單親家庭，媽媽、姐姐和我三人相依為命，

可是媽媽沈迷賭博，基本上只有姐姐在照顧我，

當我在十二歲那年，媽媽沒有再回來，記得那天我哭得很大聲；

事實上我們住在板間房，當中接觸了不少龍蛇混雜的人，

因為我們還很年輕，有些黑道中人會利誘我們去運毒，

為了生計，我們姊弟兩人便開始去接觸這類形的工作；

每次交貨之後，我們都能得到約二千元的車馬費，

對還沒有成年的我們來說，那已經是一筆可觀的利潤；

我們一幹便是數年，期間開始接觸社團中人，

生活圈子愈來愈接多那些人的出現，所以我們不經已被潛而默化，；

另一方面，姐姐長得頗漂亮，不少人也想出錢包養她，

可是姐姐總是拒絕，因為她認為運毒也是自食其力的工作，

不過在姐姐二十一歲的那年，她因為去拿貨時被警察埋伏，

當埸被搜到身上藏有大量毒品，最後被判監五年半，

而我因為學業不佳，最後也只好去走一條自小便習慣的道路－－黑社會。

「家姐。。有時Ｄ野好難講。。。」

「阿光，應承家姐，做乜都好，但係唔好搵命博。」

家姐把左手放在玻璃窗，我亦把右手放回相應位置，

這個唯一的親人，是我最珍惜的人，

看見她要照顧我而落得收監的下埸，這反而激起我的鬥志，

為了使她出獄時能夠給提供更優質的生活，我決定要盡快上位！






是夜，我去了夜總會以消解一下自己的悶氣，

「碰！碰！碰！」

一下又一下的強勁節拍，使我更加投入這個酒醉金迷的氣氛，

「三個六，開！」

「飲啦！！」

我與朋友們玩得不亦樂乎，這時有人提出意見，

「喂，今晚睇下邊個ＹＯ到女先。」

「好呀！！」

「淆你咩？」

「仲講咁多！！？ＳＵＮＮＹ出左去啦！！」

我一馬當先，率先跳進舞池之中搖頭擺舞，

這時，埸邊卻傳來一陣陣的叫罵聲，

「屌你呀，八婆你刮我！！？」

聲音是朋友傳來，我立刻便跑去看看發生什麼事情，

「咩事？」

朋友們正在圍著數名女士，其中一名身材火辣更成為眾矢之的，

「刮你咪刮你，抽我ＦＤ既水？你無野呀？」

她完全沒有一絲緊張，反而怪責起我的朋友，

「落得黎玩就預左架啦，你係玉女掌門人？」

「咁抽得水就預左比人刮架啦，不過我肯定你都係狗公架啦。」

她巧言令色，把朋友反駁得面色大變，

這種高傲的性格，使我對她產生興趣。




「大家都落黎玩，唔洗咁認真呀？」

我為朋友提出不滿，豈料她立馬回答，

「我地對自己唔認真，唔通你地班男人會認真？

落黎玩就係一定為左比你地ＹＯ？無野呀嘛？」

她把不屑眼神射向我處，我再作出回應，

「ＯＫ，落得黎一定會有身體碰撞，呢Ｄ真係無可避免，我相信你一定會知；

而家你無啦啦刮左我個ＦＤ一巴，咁又點計先？」

她撥一撥開眼前的斜陰，然後指向我朋友，

「已經算比面，如果唔係溶左佢都得。」

（咁寸！？）

「你講乜撚野呀？你邊度架！！」

朋友們怒火起來，直接便把矛頭指向對方背景，

「響朵？我驚你地響唔起。」

「我地就永泰，你邊度呀？」

她笑了一笑，嘴角微微往上揚，

「笑乜撚呀！而家盤你呀！」

「阿玲？」

突然間、粗豪的聲音從身後響起，我回頭看一看，

一個看起來五十多歲的中年男人走來，他留了點鬚，

但令人留意的是他面上的疤痕，應該是被火燒傷所致，

他穿著啡色風褸，看起來是一個有經歷的男人，

「ＵＮＣＬＥ！？你係度既，我無野，同人嘈緊姐。」

他往我們處看一看，朋友們繼續發難，

「咩呀？阿叔你想攬佢呀！？」



「哈，而家Ｄ靚仔變得咁惡，望兩眼都要比人寸。」

大叔毫不緊張，把朋友們的怒火直搧上頂點，

「屌你，仲咁寸！！」

帶頭的率先一拳打向大叔，豈料到那大叔一個後發先至，

他抓著朋友的手臂，把他整個人往後拉，

「砰啦～」

朋友身形盡失，整個人像餓狗搶屎般仆往後方。

「上！！」

其他朋友看見大叔不簡單，慌忙間便想以量取勝，

「唔好。。！！」

我想作出制止之時卻太遲，朋友全數衝前，

我看見這大叔絕對有著來頭，只好也硬著頭皮一起上。

「碰！」「砰！」「躂！」

他對付我們猶如玩弄螞蟻，數下手腳已放倒我的朋友，

剩下我一個與他對峙，是進還是退？

「靚仔，得番你咋ＷＯ。」

眼見其他人都被他弄得站不起來，我的心不禁慌張起來，

可是我若在這刻退縮的話，絕對會被別人看不起，

「唏！！」

我大喝一聲，向大叔站立之處便衝過去，

「嘿。。。你都算淡定。。睇準先黎料。。」

大叔身形猛然向前一跳，手臂破風而至、更緊緊鎖死我的頸部，

這時我極力掙扎，剛好看見他手臂露出的紋身，

那是一把劍。


（待續）

~傳說中的傻仔︻

問題：究竟個阿叔係邊位呢！？

答岩有ＧＯＯＤ　

~傳說中的傻仔︻

第十一話：『盛聯』將軍


一把劍的紋身，佩劍的人完全把我壓倒，

「呼！」

他加大力道，我雙腳逐漸離地，

（痴線，條友咁大力！！）

「嘿。」

一聲冷笑，他把我狠狠甩開、我只能往後方吧台飛去，

（今次大獲。。）

「砰！」

腰間傳來劇痛，我後背剛好撞到凸出來的吧台角位，

「嗚呀！！」

痛楚付我叫了起來，我扒在地上、雙眼勉力聚焦在那名大叔上；

「嘿，幾條花靚就想玩野。」

他摸一摸自己的手腕，然後望也不望我們一眼，

「阿玲，我想搵你阿媽。」

「所以你先會係度．．唔該哂你，軍叔。」

「我唔睇你睇邊個，不過耐無開拖，好似有ｄ生疏左。」

聽到大叔名叫軍叔，加上他面龐的烈火傷疤，

這時我冒出冷汗，因為我想起上一輩的江湖猛人。

「哈，跟我行呀，阿媽佢係屋企。」

「嗯。」

軍叔把背包掠在自己的肩膀，然後便緩緩渡步離去，

我望著這個人的背影，感受到彼此力量的差距。






「我一定會刮條女出黎，仲有個阿叔！」

我們數人在公園聊天，大家也為剛才的事而深深不忿，

「比我刮到條女，我肯定上左佢！！」

鼻毛說得最激動，因為他是被打得最『甘』的一個，

他按著瘀紅了的鼻子，一面露出怨恨的眼神，

配合那肥胖的身形，看起來倒也頗有趣。

他留意到我很沉默，便一把推向我，

「喂，做乜唔講野。」

「我諗起ｄ野．．．」

「乜撚呀，有野就講啦，屌！」

粗豪還是那般豪放，每句說話都必定有助語詞，

他身形與大豹相約，他也是剛才被秒殺的其中一個，

我指著我頸部，看著他認真地說，

「頭先我比佢鎖死條頸個陣，見到一個紋身。」

「乜撚紋身呀！？」

粗豪揉搓著自己的手臂，想揉散剛才留下的瘀傷，

「係一把劍黎。」

「屌，咪講ｄ唔講ｄ啦！」

姑爺拿起煙盒，倒出最後一枝煙並點著、再把煙盒拋在一旁，

「劍既紋身，面既火傷，佢肯定係『盛聯』四大金牌打手個將軍ｌｏ！！」

鼻毛、粗豪和姑爺聽到後之後，均是露出目定口呆的神情。





將軍，是十多年前一個強勢社團－－『盛聯』的四大打手之一，

當年他在海上狙擊現任的『華興』龍頭凌成波，不慎被後者耍了一把，

凌成波竟然把船上的炸藥全數炸毀，令將軍的面龐留下一個永不磨滅的疤痕；

『盛聯』得到四大金牌打手之助，當年與『華興』鬥得難分難解，

然而結局是林勇佳和霍驚天兩大龍頭結盟，在半年之間把『盛聯』滅團，

造成今天『華興』與『東英』雙雙並肩而排，也是現今黑道仍然為人樂道的事蹟。

「但係當年『血龍灣』單野，四大打手唔係收哂皮啦咩！？」

鼻毛聽得興起，雙手已經在不斷擺動，

「屌，係『血龍灣』之前，四大打手得番三個啦。」

粗豪搶過姑爺的煙，自己一下子把煙吸剩半枝，

「比番我！！點樣得番三個呀！？」

姑爺再次搶回香煙，然後把眼神移向我，

「聽番上一輩ｄ人講，係單野開波之前，女王蜂已經離開左『盛聯』，

至於點解會離開，就而家都無人知。」

這時我望向月亮，時間在不知不覺好像回到了當年。

－－－－－－－－－十五年前（凌成波）－－－－－－－－－－

「凌成波！！」

殷采蜜擋在我跟前，雙手呈大字形阻止我離去，

「殷采蜜．．你想點？」

我燃點了一枝香煙，等待著眼前之人回答，

「凌成波．．．經過咁多件事，你仲唔明！？」

殷采蜜說得有點激動，雙眼竟開始紅了起來。





「．．．．．．」

我無言以對，殷采蜜繼續說下去，

「當日阿ｍａｎ叫我隊死你，我無咁做，為左你我殺左自己ｄ靚；

係深水步你比我地圍個陣，我又特登放條路比你ｄ馬走，點解我要咁做呀！？」

這時她突然跑前，雙手緊緊地擁著我，

「為左你．．．我仲頂撞埋契爺．．．嗚．．」

說著說著，她哭了起來、我可以怎麼辦呢？

其實我不是一個蠢人，我明白殷采蜜的動機是什麼，

可是我與她根本不可能在一起，『道不同、不相為謀』，

更何況她是『盛聯』的人，契爺還是我最痛恨的史王輝。

「對唔住，我知道點解你會咁做，但係．．．．．」

殷采蜜沒有待我說完，她一口便利用舌吻阻止我說下去，

我沒有反抗、亦沒有迎合，她輕聲地說，

「我唔係想得到你既心，只係想要你個人，就一晚咁多，可唔可以．．？」

她把頭埋向我的心胸，然後再說下去，

「我知你會同阿儀結婚，我唔係想搶走佢ｄ乜．．只係今晚之後，

我唔會再煩住你．．．亦唔會同你再糾纏落去．．．．．

而且係之後你同契爺既決戰，我都唔會干預．．．．．．」

或許由我碰見她的一刻開始，我與她便沒有好結果，

既然沒有好結果，也讓我們留下一個好回憶吧。






那一夜之後，殷采蜜真的沒有再出現我面前，

浩飛告訴我殷采蜜已經離開了『盛聯』，而與『盛聯』決戰的前一晚，

我的手機收到了一個不明短訊，內容是『放過軍哥。』，

看到這四個字，我立刻知道是誰人發出，

經過一夜思考，這就當我還她最後的一個人情；

在龍蝦灣與『盛聯』死戰的時候，我刻意把受傷的將軍踢下海，

他是生是死便由天定，我也好盡了自己的責任、再與殷采蜜無拖無欠，

而這一次的死戰事件，亦被之後的人稱為『血龍灣』。

－－－－－－－－－－－－現在（楊光）－－－－－－－－－－－

「屌，成個格屎比人抄起，個將軍都死唔去咁猛？」

粗豪不太相信我的說話，姑爺則馬上作出反駁，

「死得去既話，頭先你粗豪哥就唔洗比人打獲甘架啦。」

鼻毛沒有理會他們，繼續與我探討將軍這個人，

「ｓｕｎｎｙ，你肯定頭先條友就係將軍？」

「應該係掛．．．佢個陣兩把劍既紋身，加埋佢將軍個朵真係好響，

面又有比火燒過，好明顯就係比炸藥單野過左一棟既證據啦。」

「唉，估唔到一黎就見到猛人．．」

鼻毛難得地嘆氣，我則拍一拍他肩膀，

「有幾猛都係上一輩姐，而家係我地後生既世界！」

我安慰著他，亦藉以安慰自己剛才驚慌的心。






正如我所說，江湖的猛人也總有一天退下來，

當年的皇龍和林勇佳，今天已經成為一塊石碑，風光絕世，成為了一堆塵埃；

凌成波、龍仁等上一輩猛人，今天都年過半百，江湖是一個不斷循環的洪流，

每代總有新人冒起，每代總有舊人死去，正正是一代新人勝舊人。

過了約一個星期，鼻毛他們仍然死心不息地留意阿玲的消息，

然而上天就像作弄他們，因為發現她行蹤竟是最無心裝載的我。

這一天我隨三草到又一城與『昇義』的人洽淡生意，完成會談之後我便離去，

而又一城鄰近城市大學，正當我想推開大門，

（咦？）

迎面而來的數名女性，其中一個便是那晚的阿玲。

（呢獲你仲唔仆街！？）

我立刻拿起電話，正想通知鼻毛他們的時候，

（唔係ＷＯ。。。洗唔洗吹雞咁大獲。。。）

我在考慮用不用小事化大，同時間阿玲也好像察覺到我，

「。。。。。。」

她與身旁的朋友談了數句，便獨自一人走過來，

「ＨＩ，個晚既其中一個無賴。」

語氣仍是那麼冷漠，可我一句也答不上話，

「你講乜撚呀？」

「公眾地方，可唔可以唔好講粗口？」

她不屑地瞄了我一眼，然後伸出食指指著我，

「我最憎就係你呢Ｄ古惑仔。」

(待續)