＜我在黑社會的日子第三部：黑色國度＞ 『澳門篇』 #125第四話:上位

ho425

雖然對於口語,對於粗口有所反感,
但是還算不俗,看得出有揮灑過汗水啦:)

thchan96

緊係要死唔係點睇波哥幫個仔報牛

牙聰xP`

舊讀者留名

F91西布朗

~傳說中的傻仔︻ 發表於 13-1-6 11:45 AM
因為小弟一月十號要考試      係前幾日已經不斷溫書

所以無時間去更新章節        下星期六將會一連更新兩 ...

學業重要,請加油.....咦?今天是12號了啊...?

~傳說中的傻仔︻

第十四話：世情難料


手槍！

對於我這個初出茅廬的小混混，眼前是一個震撼的埸面，

「砰！」

阿迪按下扳扣，手槍竟然差點甩手、更使阿迪身形向後拗，

「噹！」

因為後座力問題，令到阿迪瞄準方向有所偏差，

子彈剛好穿過ＥＮＣＯＲＥ頭上的燈柱，驚愕令ＥＮＣＯＲＥ呆立原地，

「走啦，ＥＮＣＯＲＥ！」

細檸的叫喊聲，ＥＮＣＯＲＥ馬上回過神來，

我很想站起便追，但一想發力時發覺全身疼得出奇，

「想走！？」

阿迪雙手緊握槍柄，毫不留情地按下板扣，

「砰！砰！砰！」

似乎ＥＮＣＯＲＥ命不該絕，數下連發都射不中他，

一個事實擺在眼前，這晚的計劃因為我而失敗，

挫敗感充斥著全身，我不禁懊惱起來。

隔了整天，阿迪拿了點東西上來探望我，

「阿迪，ＳＯＲＲＹ。。。。」

面對阿迪的第一句，就只有『抱歉』二字，

「唉。。又唔怪得你。。。點估到你真係撞正ＥＮＣＯＲＥ。」

「如果唔係我。。屌！」

我脾氣發作，一拳便揮向沙發，

「唏，一次唔得咪再黎多次ＬＯ，唔洗發矛既。」





阿迪走到窗邊，望一望街上的行人，

「不過做唔瓜ＥＮＣＯＲＥ同個細檸，個心硬係有條刺。」

他說罷搖一搖頭，從褲袋拿了盒香煙出來，

「震。。震。。」

電話響了起來，是肥叔的致電，

「ＳＵＮＮＹ仔！」

肥叔的聲線有點急促，聽起來有點不尋常的事情，

「肥叔，做乜？」

「你琴晚係咪差Ｄ做瓜ＥＮＣＯＲＥ呀？」

「你可以咁講既。。。」

『做瓜』？我想是他幹掉我而不是我幹掉他，

「而家成個『華興』話刮你同埋阿迪出黎，已經點哂你地相！」

（唔係掛。）

「咁大獲！？」

我破口而出，阿迪在旁露出不明白的神情，

我作口形著他先安靜，然後再詢問肥叔，

「你收到咩風呀？」

「咪話豬油係我阿叔，佢話聽到佢地老頂。。。即係凌成波已經知道琴晚單野，

岩岩係佢間寫字樓發哂矛，仲想即刻拉大隊就炒起我地個格屎；

好彩凌浩飛就勸一勸佢，話單野由佢攪，

不過就放哂風比『華興』Ｄ大粒野，一見到你地就即劈，

我諗你地呢排真係要執生。」





「得架啦。。。我地識攪架啦。。嗯。。」

得到肥叔的善意提醒之後，我把電話收回，

阿迪早想知道發生什麼事，我便把說話轉告給他。

「。。。」

阿迪大口呼扯香煙，我也顯得焦躁起來，

「阿迪，你點睇？」

豈料到阿迪大笑起來，這使我不解起來，

「哈哈哈！」

「你笑乜？」

「笑乜？你仲唔明？」

我望向他，雙眼盡是疑惑的目光，

「我真係唔明。」

阿迪把煙頭彈了出街，轉過頭走向沙發，

「我地上位啦。」

他一下子坐下來，使我有點搖晃起來，

「上位？」

「緊係啦，你諗下。老頂比凌成波壓到有氣無訂抖，

而家我地幫佢做ＥＮＣＯＲＥ，雖然攪唔成單野，

不過都叫做比左個下馬威凌成波睇，老頂知道單野仲唔讚我地識做？」

阿迪愈說愈興奮，我則慢慢付和起來，

「你又講得岩。」

「嘿，呢次我地屎忽撞棍，響硬朵。」





「震。。震。。。」

電話再次響起來，這是不是肥叔而是三草，

「三草哥。」

「ＳＵＮＮＹ，落一落黎阿公間公司，有Ｄ野同你傾，叫埋阿迪一齊黎。」

「收到。」

剛掛線的瞬間，阿迪一下拍往我的背部，

「拿！三草哥都肯定有讚無彈，我地準備落去哂命啦。」

看見阿迪高興的神情，我在想事情真的如所預料般順利嗎？

半小時後，我倆到達了火爆的辦公室，

走進室內，火爆早已坐在大班椅上，

三草坐在一旁，但他倆的神情似乎有點奇怪。

「火爆。。。」

「呼！砰！」

阿迪還沒有打招呼，一個煙灰缸飛向他的頭部，

煙灰缸正中目標，鮮血從傷口中流出，

「嘩！」

阿迪痛得蹲了下來，我馬上扶穩阿迪，

「火爆哥，你做乜野呀！？」

他按著傷口，一面難以置信的神情，

「你兩條契弟，乜都唔知就自把自為，

以為做柒ＥＮＣＯＲＥ就好威！！？」

火爆率先說話，一來便是有怪責我們的意思。





「火爆哥，我地唔明。。。」

我實在不明白，為什麼他會如此動氣？

「我知你地想幫火爆哥出氣，但係做事真係要分輕重。」

三草亦指責我們不分輕重，問題究竟出在哪裡？

「屌，我本身就已經聯埋其他牌頭一齊做柒『華興』，

慢慢同凌成波玩，而家比你地攪一攪，成枝槍就指住我地，

仲要指住我火爆呀！！你地兩個係唔撚係路呀！！」

火爆緊握拳頭，把桌面上的東西掃低，

「沙啦！！」

「而家老頂炸哂型，都係你兩條柒頭累事！」

原來石頭想與其他社團對抗『華興』，可是我與阿迪的介入，

令到凌成波把矛頭指向『永泰』，老頂自然害怕起來，

立刻著火爆教訓我們，然而我們的下埸是。。。。。。？

想到這裡，我的心不其然寒了起來，

斬手斬腳？執行家法？還是什麼呢？

三草冷眼掃視，單手擺了一捻作出『離去』的動作，

「你地過檔啦，我地唔阻住你地發圍。」

一句簡單易明的句子，意思是要我們離開『永泰』，

在這一刻，我與阿迪兩面相觀、口呆目定。

「咩。。咩意思呀？」

阿迪甩開我的手，站起來面向三草，

「講得好明啦下嘛？」




三草走向火爆旁邊，後者把兩指間的煙頭指著我倆，

「我而家放你地走，你地以後唔再係我火爆既人，

亦即唔再係『永泰』既人，明未呀！？」

打擊猶如一個核彈在我腦袋爆開，想不到在數日前還被看好的我，

今天因為一個失敗的計劃而被放棄，世情真的起伏難料；

但阿迪應該比我的感受還要深，因為他怎也想不到，

自己預設的鼓勵會變成處罰，不、應該是放遂，

上位決心不比我小的阿迪，這刻他動怒了。

「你講乜撚野呀！！！」

阿迪惡言相向，這是火爆的意料之外，

「你。。！！」

火爆的說話未完，阿迪已經繼續說下去，

「火爆你係唔係傻撚左呀！！明明你都想做凌成波，

而家我地幫手做小小野姐，衰撚左就反轉豬肚！？

老頂回哂塘呀！？撈到而家玩放人？

古惑仔不嬲劈黎劈去架啦，咁撚鍾意撈『老正』就咪做老頂啦！！

連兩條四九仔佢都保唔住，『永泰』係唔係變左咁撚垃圾呀！！！」

阿迪連珠炮發，他連火爆哥的『哥』字也沒有加上去，

更加直接指責老頂的細膽行事，可想而知這刻的他已經處於盛怒狀態，

但我肯定盛怒的不只是阿迪一個，因為火爆的面色由青轉紅再轉紫，

我心感不妥，糟了！！

（待續）

~傳說中的傻仔︻

之前應承左大家會雙更　　　第十五話將會係今晚再次更新

大家慢慢睇住第十四話先啦～～

~傳說中的傻仔︻

第十五話：辰晞


火爆睜得極大的雙眼，我準備好隨時有拼命的可能，

可是。。。。。。

「呼。。。」

火爆深深地吐出一口氣，他把大班椅轉過另一面，

「你地走啦，出到去自己小心。」

他說出『小心』兩字，意思極語重深長，

想不到一秒前還露出殺人的神情，一秒後又當沒有發生任何事，

聽到火爆的語氣，看來他是受到壓迫才作出這個決定，

畢竟老頂的命令是一切，火爆也不能自把自為。

阿迪不比我笨，他似乎也聽得出火爆的苦衷，

「我地會小心架啦。」

說罷他便轉身離去，我亦跟隨在後、離開火爆的辦公室。

走出大廈後，我抬頭看著天空，

天廣地闊，怎麼就好像沒有一個容身之所？

（唉。。）

心中暗嘆一聲，阿迪神情黯然、沒有發出一粒聲音，

「阿迪，我地不如自己靜一靜先？」

他沒有回答，自個兒便往相反方向走去，

看見他落幕的背影，自己的心底也是很難受。

（無左『永泰』撐，今次我同阿迪條命真係凍過水，

睇黎要避一避風頭先得。。。。。）

失去了『永泰』的身份，我可以怎樣走下去呢？







「咪玩啦，ｓｕｎｎｙ哥，你呢期咁猛，我地『昇義』邊夠料收你地。」

「唔係ｗｏ，發哥，你琴日仲話無問題。」

「唏。。我話無問題姐。。。唔代表個個都ｏｋ架嘛。」

發哥把雞扒放進口裡，我明白到他是話中有話，

明顯是『昇義』的上級有問題，要拒我於千里之外，

「ｏｋ，唔該哂。」

「唔洗咁講，得閒咪飲下野。」

想不到『昇義』也害怕收留我，這刻的我變作了過街老鼠，

不但『永泰』要放人，連『昇義』也免問，

『華興』在香港的勢力，果然大得嚇人。

「嘟。。嘟。。。請留低口訊。。。」

數天來阿迪失去了消息，每次的致電也轉往留言信箱，

前路變得汒汒，自然使人鬥志銳減，

（唉，隊一隊啤先講。）

晚上，我走去經常光顧的士多買酒，

「老闆，三罐青島。」

「老闆，三罐青島。」

同一時間，有人與我異口同聲買青島啤酒，

我望過去，發覺眼前的人高我約半個頭、而且很眼熟，

他與我對望了一會，搔一搔頭、然後像發現了什麼，

「『永泰』ｓｕｎｎｙ！？飛哥刮個條友？」







（佢係咩人。。。點解知。。。！！！！？）

頭腦轉了一會，我很快意會到眼前的是什麼人，

（佢咪個晚無啦啦同我開片條醉酒佬！？）

（咪住！！飛哥要刮條友。。。？即係佢係『華興』啦！！）

思緒經過整理之後，我殺氣暴現、正要『開拖』之際，

「喂喂喂，冷靜ｄ！！」

豈料到對方要求冷靜，他不是要來幹掉我嗎？

「老闆，我幫佢比埋。」

眼前的人和善得出奇，他還替我付錢，

「黎，去公園吹陣水。」

他一把拿起啤酒，我正猶豫的時候，

「你唔係淆底掛？」

「我洗淆！？」

反正我也敢於去惹火凌成波，他算是什麼？

初生之犢不畏虎，果然是年青人的寫照。

「咕嚕咕嚕。。。」

他還真的與我喝起酒來，我帶著懷疑的目光，

「你唔係『華興』既咩？」

「係呀，我『華興』既，花朵阿ｓｈｉｎｅ。」

他坦白得令人出奇，我也摸不著頭腦，

「『華興』唔係落哂追殺令黎買起我咩？」

「係呀，而家我大佬條ｌｉｎｅ不知幾撚落力黎刮你。」







「咁你唔隊我？」

他聽到我的問題後，竟然哈哈大笑起來，

「哈哈哈！隊你？點解要隊你？」

「。。。？」

他慢慢放下啤酒，然後搭著我的肩膀，

「相反，我覺得你好夠雷，想同你做個ｆｒｉｅｎｄ。」

（！！！）

阿Ｓｈｉｎｅ竟然想與我交友，一是他瘋了，

一是他豪氣衝天，為了認識朋友而忽視社團命令，

「你唔撚係講笑掛？」

「我似講笑咩？」

他拿起啤酒再喝，我也忍不住一口氣喝了半罐，

「阿ｓｈｉｎｅ哥，究竟你係唔係痴左線？」

「見同你幾岩咀形，爆ｄ野比你聽。

其實ｅｎｃｏｒｅ成日侍住自己係老頂個仔，成日惹事生非，成村人都唔妥佢。

有次我去打黑拳，咁岩就撞正ｅｎｃｏｒｅ，

我都想執佢一劑好耐，點撚知阿大又ｏｎ９，叫我打假拳討好ｅｎｃｏｒｅ博上位，

吐。。。。。！！」

他吐了一口濃痰，雙眼充滿不屑，

「我緊係唔肯，ＥＮＣＯＲＥ係夠料既一定做得低我，洗乜做假？

點知阿大落撚埋藥，攪到我足足柯左成日！！！

事後見番ＥＮＣＯＲＥ，條撚樣仲笑鳩我淆底扮肚痛。。。諗起都興過火屎！！」







他轉過面來，然後露出一個微笑，

「之後無啦啦老頂話要刮你同個咩阿迪出黎，我地先收到風你個晚差Ｄ做瓜ＥＮＣＯＲＥ，

仲有個細檸，成撚日都陰陰濕濕咁，睇見佢地就唔開胃。」

阿ＳＨＩＮＥ神情極為真摰，看來應該是真話，

雖然我仍有防備，可是戒心已下降不少，

「估唔到ＥＮＣＯＲＥ咁神憎鬼厭。」

「除左呢個原因，仲有一個原因我想同你渣扒。」

「咩？」

忽然之間，我想起一個可笑的原因，

「斷估你唔係出櫃。。。」

「屌你啦！！」

阿ＳＨＩＮＥ立刻站起來，一下子拍往自己下體，

「直過你呀！！」

「咁係咩原因？」

「我真名叫做辰晞，你叫做楊光，

我花朵叫ＳＨＩＮＥ，你又叫ＳＵＮＮＹ，

總之一聽到已經覺得岩咀形，唔洗講咁多野。」

（唔撚係掛。。。。咁就係原因？）

他再次坐下，把拳頭伸在我胸前，

「唔係同我做兄弟都淆底掛？」

「淆你屎忽咩！！！？」

我亦伸出拳頭對碰一下，想不到又結識了一名兄弟。






「哈哈，真係好鬼過癮，

如果比老頂知道我同佢地既仇人係度吹水仲做埋兄弟，呢獲佢地仲唔激到屎忽噴血。」

阿ＳＨＩＮＥ看起來比我年長，下巴有一小刀疤，

留有鬍鬚使他看起來更豪爽，高壯的身驅絕對符合打仔的特質，

「係呢。。你地有無阿迪消息？」

「阿迪？無呀，過左成個禮拜都無料到，老頂都已經扯哂火啦。」

「咁。。」

「ＳＵＮＮＹ，我仲有Ｄ野同你講。」

「咩？」

他整理一下自己的衣服，換了一副認真的表情，

「老頂派哂四旗黎做你，呢獲你自己醒扒，

如果唔掂既就出去避一避，如果唔係我驚你渣都無。」

「咁。。。。」

「洗乜講咁多呀，呢個我電話，有乜就聯絡啦，係咁。」

阿ＳＨＩＮＥ拋下一張紙，想不到他還停留在以往的年代，

把電話寫在紙上的古老行為，實在使我有點哭笑不得，

辰晞，果然是一名有趣的人。

不過他剛才說的四旗，又令我再次擔憂起來，

四旗是『華興』的幹部，擔當四旗者必然擁有過人實力，

就像凌成波當年擔當『虎旗』一職，現在還被稱為『虎頭』，

看來他為了除掉我與阿迪，今次真的是傾力而出。

（唉。。唔知阿迪點呢？）

在那天之後已經有一個星期，阿迪真的如人間蒸發般消失，

曾經以為他遭遇不測，但阿ＳＨＩＮＥ又說『華興』沒有抓到他，

阿迪，你究竟身在何方？

（待續）

零洛脩

峰迴路轉.
個shine真係幾搞笑

~傳說中的傻仔︻

零洛脩 發表於 13-1-12 02:03 PM
峰迴路轉.
個shine真係幾搞笑

喜歡劇情就好    過多一至兩話之後應該會完第一季

thchan96

「係呀，我『華興』既，花朵阿ｓｈｉｎｅ。」
我花朵叫ＳＨＩＮＥ，你又叫ＳＵＮＮＹ，
係咪錯字黎

~傳說中的傻仔︻

thchan96 發表於 13-1-13 12:13 AM
「係呀，我『華興』既，花朵阿ｓｈｉｎｅ。」
我花朵叫ＳＨＩＮＥ，你又叫ＳＵＮＮＹ，
係咪錯字黎:smilie_ ...

唔係呀..

花朵即係花名咁解~     術語黎

thchan96

~傳說中的傻仔︻ 發表於 13-1-13 12:15 AM
唔係呀..

花朵即係花名咁解~     術語黎

原來係咁

F91西布朗

不知不覺就睇完2期-3-加分先

~傳說中的傻仔︻

2期既內容都好似無咩進展.. 睇黎要加快先得-.-

F91西布朗

好啦，以示公道，傻仔呢篇文我要解高亮啦（但唔會解粗體，以示尊敬！）

~傳說中的傻仔︻

第十六話：離開香港


「食屎啦！」

我後腿一伸，把一名華興仔踢開、同時向前重拳一轟，

「砰！」

拳頭正中眼前施襲者的下巴，總算殺出一條血路。

「哈。。。哈。。。哈。。。！！」

斗大的呼吸聲，我費了多大力氣才能逃離獵殺，

再過了約一分鍾，終於跑到力歇才敢緩步放行。

（班。。班仆街呢。。？）

我回頭再三確認有沒有仇家，幸好只有途人，

極度口渴的我進入了七仔，隨手便拿了一罐可樂，

「六蚊呀多謝。」

「咕嚕咕嚕。。」

這是本星期第三次比人追殺，一次比一次兇險，

可是阿迪仍然沒有任何音訊，看來我要先顧自己，

「呼。。」

氣泡在胃中滾動，我也把一口大氣吐了出來。

（好。。。搵肥叔問下意見先。。）

晚上，八仙嶺的一個小亭，

「ＳＵＮＮＹ仔。」

一把老成的聲線響起，來者是我第一個在江湖結識的朋友－肥叔，

「肥叔。」

他看來有點埋怨，坐下來便按著額頭，

「避風頭都唔洗黎呢Ｄ地方呀。。」





「你知我而家咩環境。。」

我不好意思地點著頭，他揮了揮手示意明白，

「點呀。。搵我做乜？」

「無。。想問下你。。而家我呢個環境，點攪好。。」

畢竟我是一名江湖新丁，對於眼前困局根本沒有經驗，

唯一可做就是找個老江湖，再問問他有沒有什麼可行意見。

肥叔聽到我的問題後，不禁冷笑了一聲，

「嘿。你而家就好似過街老鼠，人人喊打。」

「。。。。。。」

反駁不了這個事實，沉默便是我唯一的回應，

「『華興』咁撚惡，『東英』又唔會無啦啦收你，

蚊滋社團更加唔洗講，火爆哥又放左人，你而家係香港好難行落去架啦。。。」

肥叔道出了我的難處，我集中精神聽他繼續說，

「你可以做既，就係離開香港一排，等風聲無咁緊再番黎啦。」

「吓。。。。。」

聽到肥叔的意見，我下意識地『吓』了出來，

我自少由香港長大，雖說以往看電視劇也有『著草』的情節，

然而當情節發生在自己身上，我還是有點接受不了，

離開這個長大的地方，不捨的感覺馬上蔓延開來，

「真係要。。？」

「ＳＵＮＮＹ仔，我知你諗乜，人係有感情既。

不過，你今個星期比人斬過幾多獲？」

「３。。。。」





我垂頭喪氣地回答，肥叔又笑了一聲，

「哈，咁咪係囉。如果你再唔走，我諗你幾大命都無運行，

走一排先啦，唔出去闖下你又點知自己無料到呢？」

看見肥叔的側面，我感覺到他那親切的好意，

「但係。。要點走？」

肥叔拿出手機，按了一個電話號碼給我，

「八爪魚，話係我朋友，佢有計架啦。」

「肥叔。。點解你咁幫我？」

愚昧的我發問了一個愚蠢的問題，肥叔站起來，

「有時江湖唔一定係大家過大家一棟，都有真義氣既，自己小心Ｄ啦。」

凝望肥叔遠去的背影，心裡有陣暖流流過。

隔天，我馬上照著電話去找尋八爪魚，

「喂，八爪魚？」

「邊個呀？」

「肥叔既朋友。」

「肥仔既朋友？肯定又有蘇州屎，直接真人嗲啦，我係ＸＸ大廈八樓。」

對方不待我回話就切線，八爪魚是否能夠幫助我脫離困境呢？

到達了目的地後，很快就找到八爪魚，

他若有四十歲、生有一對蛇眼，雙眼又細又分得開，

「『永泰』ＳＵＮＮＹ，嘿，你就威水，連虎頭個仔都夠彊斬，

攪到咁大單，唔怪得個死肥仔搵我幫你。」

雖然八爪魚口說『死肥仔』，但看來與肥叔有著深厚的友情。






「魚哥。。。我想問之後點做？」

「點做？我都收到風架啦，你仲留係香港就仆硬街，我係澳門識人，

咁岩佢地招兵買馬，我可以幫你手過澳門既。」

看來目的地已定在澳門，幸好與香港的距離也不算遙遠，

閒時還可以回來探望姊姊，終於可以放下心頭大石。

「咁我係咪要偷渡過去？」

八爪魚聽到之後，雙眼睜得大大的看著我，

「ＳＵＮＮＹ仔，你唔係睇古惑仔上腦呀？

而家咩年代呀？真係比人斬就要搭船跟住唔知係咩碼頭上岸咩？

大佬呀，你有身份證下嘛？」

「有。。。」

「哈哈哈！！！而家Ｄ小朋友真係，時代變啦，

就算出黎撈黑都唔係下下講打講殺，講錢架啦。

唔係以前鄭伊健既陳浩南時代啦，知唔知呀？」

八爪魚的神情就好像看見一名無知的小朋友，我也不好意思起來，

「知。。」

「得啦，我幫你搭水腳過澳門，你呢幾日執定野，

無乜野都唔好出去，我唔想幫死肥仔運條屍過澳門。」

「收到。」

八爪魚著我留意電話後，我便與他道別離去。

走出大廈，我留意今天的天氣有點陰沉，

看著烏雲蓋頂的天空，何時才能看到曙光呢？





回到家裡，我再次撥打阿迪的電話，

「你所撥打的電話號碼暫時未能接通。。。。」

同一樣的回應，同一樣的沒有消息，

阿迪已經失蹤了個多星期，怎麼還是音訊全無呢？

（算。。。唔理阿迪住。。。）

我先把阿迪的事情壓下，畢竟有一件更重要的事情要去辦。

「下一站，赤柱監獄。」

步出巴士之後，我便前往去探監室。

「楊倩，你有十五分鍾。」

在旁的懲教人員畢直企立，以防發生什麼事故。

「阿光，咁好又黎探我？」

姐姐看來比上次精神飽滿，我自然地露出微笑，

「得閒咪黎探下你，唔係唔得呀嘛？」

聽到我的回答後，她雙眼猶如探射燈掃視我上身，

「阿光，由細到大你講大話都呃唔到我，究竟係咩事？」

姐姐的眼光還是那麼銳利，我的確沒有一次能夠成功暪騙她，

「無。。。我有Ｄ事，黎緊個排要過大海做野姐。」

我支吾以對，姐姐立刻就領會到當中含意，

「叫左你小心Ｄ！！點解你唔聽！！」

她難得動怒起來，懲教人員馬上作出反應，

「５５６１２，請你冷靜，否則我會終止你地既會面時間！」

「係。。」

姐姐慢慢冷靜下來，因為她也不想錯過與我的會面。






「唉。。路係你自己選擇，我無權阻止，但都係個句，

我唔想你有事，應承家姐，做乜都好，都要小心，小心，小心。」

家姐眼神充滿擔憂，然而她又不能干預，

我把手搭向她的雙手，堅定地點了一下頭，

「家姐，我應承你，一定唔會有事，

我知你就快出番黎，到時我一定風風光光咁黎接你。」

她聽到後搖一搖頭，口中喃喃自語，

「我唔係要你風光。。。」

會面時間很快便完結，我終於要面對接下來的崎嶇路途。

在數天之後，八爪魚著我往澳門出發，

出發之前我再次致電給阿迪，但後者還是沒有接聽；

而我沒有告訴阿ＳＨＩＮＥ我的去向，畢竟對方是『華興』中人，

在公而言，他的『華興』身份對我不利，

在私而言，我亦不想朋友背上欺瞞之罪。

站在上環碼頭，我看著附近的景色與浪潮，

「拍啦。。拍啦。。。」

我慢慢吸吐香煙，亦是第一次感覺時間過得很快，

（要走啦。。唔知仲有無命番黎。。。）

先作好最壞打算，是要提醒自己更加小心，

「前往澳門船隻ＰＰ５５０，乘客現在可以持票上船。」

我手中拿著船票，邁步向著入閘處前進，

這時心裡作出打算，我要在澳門打出屬於自己的一片天！！




『儘管前路茫茫，心志總要堅定，

　殺出我一片天，找到我新路向。』


＜＜我在黑社會的日子第三部：黑色國度　第一季完～＞＞

~傳說中的傻仔︻

第一季正式完結

楊光由初初既社團紅人變成而家既過街老鼠         唔知大家又有乜感想~

不仿係度討論下劇情          同埋發表下自己感受~

PS: 本作將會休息一星期       直至2/2再更新全新一話~

零洛脩

世事依家嘢  就係咁架啦
但係會唔會sunny去到澳門又變做過街老鼠呢

~傳說中的傻仔︻

零洛脩 發表於 13-1-19 07:23 PM
世事依家嘢  就係咁架啦
但係會唔會sunny去到澳門又變做過街老鼠呢

去到新環境...緊係博盡啦..

多埸緊張肉博同埋鬥智鬥力將會係澳門篇開展    請期待

thchan96

緊係過到澳門之後,係賭場贏大錢
跟住招兵買馬後返香港同波哥開拖