＜我在黑社會的日子第三部：黑色國度＞ 『澳門篇』 #125第四話:上位

~傳說中的傻仔︻

helo~  唔知大家仲記唔記得我   我記得兩年前第一次係度推出<我在黑社會的日子>  

反應叫做唔錯        而經過一段時間之後       故事都叫做勉強咁完結左~

而係呢段日子   其實我仲係對呢個系列既故事最有興趣    所以都開始番創作   

亦都決定再次係度分享自己所喜愛既故事         





想重溫故事: 我在黑社會的日子I    http://www.2000fun.com/thread-4060929-1-1.html
                    我在黑社會的日子II   http://www.2000fun.com/thread-4563034-1-1.html


無錯~     <我在黑社會的日子>番黎啦!!!        大家準備好未?

LET'S GO~~!!!






目錄：
＃9出埸人物表
＃14第一話:楊光
＃21第二話:三草
＃23第三話:掃埸
＃25第四話:『華興』凌安
＃27第五話：前奏
＃29第六話：逃命
＃30第七話：生天
＃47第八話：牌頭
＃49第九話：混戰
＃58第十話：大計劃
＃60第十一話：『盛聯』將軍
＃67第十二話：殺出『程咬金』
＃71第十三話：奮力戰鬥
＃85第十四話：世情難料
＃87第十五話：辰晞
＃96第十六話：離開香港
＃102<澳門篇預告>


『澳門篇』
#111第一話：重新出發
#113第二話：麒麟
#121第三話：錯有錯著
#125第四話:上位   

a2003070

拿拿林搶頭香
歡迎你回來~~~

血淚天使

歡迎之至

老實說,少了傳說兄的文實在是失色不少啊~

thchan96

歡迎返黎

第三部係咪講波哥做龍頭

血淚天使

thchan96 發表於 12-10-18 07:02 PM
歡迎返黎

第三部係咪講波哥做龍頭

簽名!簽名!(噴血)

可愛肥仔明

我等左你好耐架啦～～～（仲以為你真係完左）

~傳說中的傻仔︻

第三部    其實唔會係再講波哥   反而係推遲左係幾十年之後

唔知大家會唔會有個新鮮感係度        不過新主角身處既黑道世界入面       當然仲有唔少大家熟識既人物係度啦~

下星期一準時更新第一話      歡迎大家係度討論住先~

流水星月

傳說兄！

我一聽說你回來2000FUN我也回來看你了@_@

~傳說中的傻仔︻

出埸人物表:

名字：楊光
別號: sunny
年齡：２２
職位：四九
社團：『振景』
性格：初生之犢不怕虎　
外表：黑色爽朗短髮　笑容如陽光燦爛　　高１米８　偏瘦　　
背景：剛剛加入社團　目的想大展拳腳　　盡快上位！


名字：陳四
別號：火爆
年齡：３５
職位：大底
社團：『永泰』
性格：火爆　性格衝動　愛好面子
外表：江湖味濃　時分都含著香煙　當笑起來會露出一排煙屎牙　約高１米７　
背景：加入『永泰』已有十年　　比上不足　比下有餘　　負責聯絡運毒的拆家


名字：彭利來
別號：三草
年齡：３４
職位：大底
社團：『永泰』
性格：冷靜　不喜歡出風頭　具分析力
外表：斯文　官仔骨骨
背景：加入『永泰』已有九年　是火爆的得力助手　　經常替火爆解決問題



名字：郭寶
別號：細寶
年齡：２８
職位：四九
社團：『永泰』
性格：有點狐假虎威　但亦懂得分別時勢
外表：矮小
背景：加入『永泰』已有三年　　在四九仔中亦頗具人和　　三草的近身




名字：鄧威健
別號：大豹
年齡：２７
職位：四九
社團：『永泰』
性格：衝動　武力可以解決問題
外表：健壯　　高一米八五
背景：加入『永泰』已有兩年　　是細寶的近身打手


名字：龐迪
別號：阿迪
年齡：２４
職位：四九
社團：『永泰』
性格：爛打　豪爽　　
外表：彊屍牙　頗白的皮膚　約高１米７８　　
背景：擅長打爛仔交　毫不怕死　敢拼命


名字：凌成波
別號：虎頭／波哥
年齡：５７
職位：龍頭
社團：『華興』
性格：久經歷練　心思緊密　為人豪邁
外表：面上有一刀疤　兩賓少許班白　雙目有神　
背景：『華興』龍頭　黑道天皇　與『東英』龍仁看齊　　當年不少事跡仍使黑道中人津津樂道　


名字：凌安
別號：encore
年齡：２５
職位：紅棍
社團：『華興』
性格：義氣當頭　勇猛　有點受保護　自我中心
外表：狂傲　身形結實　有兩隻尖銳虎牙　
背景：『華興』龍頭的兒子　自少踏入黑道　但受到社團叔父的過度照顧　有點不知天高地厚　


社團：盛聯
名字：張軍豪(將軍)
年齡：５９
職位：四大金牌打手之一（四二六紅棍）
性格：好戰，有人性
外表：左右手各紋了一把劍，面上有一傷疤
背景：當年的四大金牌打手之一，在一埸被稱為『血龍灣』的血戰中消失，在十多年後在酒吧再次現身


社團：華興
名字：凌世言（細檸）
年齡：２６
職位：四二六紅棍／ＥＮＣＯＲＥ近身
性格：沉默／冷血
外表：左眼長期被頭髮長陰掩蓋，予人難以接近的感覺
背景：ＥＮＣＯＲＥ近身／凌浩飛兒子，武力指數猶在ＥＮＣＯＲＥ之上，曾三招擊倒龐迪

社團：華興
名字：辰晞（ＳＨＩＮＥ）
年齡：２７
職位：四二六紅棍
性格：豪爽富義氣　為人均真　不喜作假
外表：約１米８３　高壯結實的身形　下巴有一小刀疤且留有鬍鬚
背景：『華興』中人　有興趣結識楊光　討厭ＥＮＣＯＲＥ　曾在地下拳賽被落藥而放棄出賽

可愛肥仔明

其實我反而想知Ｎ年後個世界係咪同依家一樣＝－＝？（？）

流水星月

~傳說中的傻仔︻ 發表於 12-10-19 10:58 PM
出埸人物表:

名字：楊光

凌成波做埋大佬- -

話說佢上一套唔係死啦咩

F91西布朗

記憶中你好似寫到波哥香左-口-小心不要改ENDING了

~傳說中的傻仔︻

大家可以重睇....  波哥瓜柴係再老D之後...

而家個時間觀係處於佢做左龍頭之後既日子...  當然仲未瓜得  (唉  時間觀好亂-.-)

~傳說中的傻仔︻

第一話:楊光


「大佬，係佢啦。」

一個非法賭埸內，數名紋身大漢正抓著一名青年，

「就係呢條靚仔？」

「係呀，火爆哥。」

一名帶著黑超的阿叔從大班椅上走下來，緩緩走到渾身是傷的青年面前，

「你都幾夠彊，係我火爆個埸都敢洗橫手？」

他除下黑超，打量著他口中『夠彊』的青年，

「咳．．咳．．．」

青年咳了起來，應該是被打得受了內傷，

他慢慢把頭抬起來，聚精會神地把注意力放在火爆面上，

「我有咩唔敢呀．．．？」

青年一句說話，把火爆的好奇心也勾了上來，

「哈哈，你講野呀？」

「我話，我有咩唔敢做呀！」

青年大喝一聲，把附近的大漢也嚇窒，

火爆則圍著青年轉了數圈，突然、他停了下來，

「你叫咩名？」

「楊光．．」

「楊光呀嘛？我幾ｌｉｋｅ你，從來無人係我面前攪完事仲可以咁夠彊講野。」

名叫楊光的青年把咀角向上揚了一下，表情一瞬即逝。





「我想跟你，火爆哥。」

我把目的講明，火爆的面上旋即露出大笑，

口內的煙屎牙更是盡露人前，他搭著我的肩膀，

「光仔，我收你唔係問題．．．．」

「多謝火爆哥！」

我一時興奮，出口是已經多謝火爆哥，

然而、後者馬上又打斷了我的說話，

「靚仔，我收你唔係問題；

不過話哂你頭先係度玩野，唔做番ｄ野，我係班細面前仲點有ｆａｃｅ？」

傳聞火爆性格衝動和愛好面子，今日一試果然非虛，

我把雙眼向火爆的桌上掃視了一下，發現有一把生果刀，

「我識做既，火爆哥。」

我隨即跑過去並拿起生果刀，數名大漢則露出敵視之色，

「你想點樣呀？」

「死靚仔，係唔係想擺橫呀！？」

這時一人舉起停止的手勢，他便是火爆，

「火爆哥，我份人好簡單，錯就認、打就企定！！」

『定』字一出，我把高舉的生果刀向腹部插下去，

「插！」

鮮血如湧泉般流下，痛苦的神情亦在面上展露。

火爆的神情變成認真，他閉上眼大概兩秒後，

「下星期一落我間吧搵條友叫『三草』，佢會教你做野。」

他招一招手，示意我離去，

「收到，火爆哥。」

我轉過身再慢慢步出房門，第一步已經成功。






「ｂｏｏｍ！ｂｏｏｍ！ｂｏｏｍ！」

的士高之內，一班年青人正在舞池內動身搖擺，

「就係你黎搵我？」

在其中的一個角落，一名頭髮染成藍色、咀唇穿了三個鐵環的人正坐我跟前，

「我黎搵三草。」

這人站了起來、比我矮了半個頭，口中咬著口香糖，

「三草哥咁易見人既咩，你咩料呀？」

他的左手揮了一揮，我左右兩旁馬上站滿了人，

「係火爆哥．．．」

語聲未落，矮仔已經一把推過來，

「屌，你係唔係聽唔明廣東話呀？！問你咩料呀，你火咩爆哥呀！？」

矮仔說明了便是要生事，我勉強把怒火壓下，

「我剩係想搵三草哥．．．」

「妖，收嗲啦！」

他猛然向我打了一巴掌，面上頓然留下一個大手印，

（呢獲真係佛都有火．．！）

「食屎啦，死矮仔！」

我右腳向前一蹬，直把矮仔伸回座位上，

「仆街，我細寶都夠膽砌？溶撚左佢！」

「砰！」

還沒有反應過來，一記重拳在我右面印下，

（頂．．！！）

力道之大使我穩不住身形，整個人往左方趺倒，

「砰勒．．沙！」

禍不單行、仆到的位置剛好有一張玻璃桌，我的身軀直把它擊得支離破碎，

不少玻璃碎片插進後肩，更有些擦面而過。





「打佢老味！」

「細寶哥都夠膽打？」

「砰！砰！砰！」

四方八面都是拳擊，我只能使雙臂緊抱著頭以保護自己，

「起身！」

右腕突然被一隻大手抓著，一下強大的離心力更使我離地，

「呼！！躂！！」

我整個人被拋往舞池，更是要滾了數圈才能停下。

「隻秋呀？」

「打交呀，嘩！！」

附近的人馬上散開，剩下一個又一個的舞光燈往我身上打轉，

「細寶哥都打？你條撚樣買板唔知訂ｗｏ。」

剛才那名力大無窮的人走了過來，我半滕跪地、撐著力氣站起來，

「我講到明要搵三草，佢條撚樣無啦啦醒我一巴，邊撚個攪事先？」

眼前的人略高我半個頭，雙臂的肌肉呼之欲出、緊身背心突顯橫硬的骨架，

「大豹，打撚死佢！」

發出指令的自然是細寶，人群亦慢慢聚集過來，

「打柒佢！」

「有戲睇，正呀！」

舞池頓成了一個格鬥擂台，我與大豹正正便是互相撕殺的選手。

(待續)

thchan96

「仆街，我細寶都夠膽砌？溶撚左佢！」
打錯字....

之後係咪波哥出場幫拖

拉特基斯．旦尼

歡迎回歸>< 我以前都有追你套野咖

~傳說中的傻仔︻

我仲係咁多錯別字-.-...  靠你地幫下眼

至於回歸既讀者    歡迎你地番黎~~  

pklkk

作為pk
我之前完全無睇過傳說兄的文
E家直接追w

KatyPo

都唔知有咩好睇

流水星月

我表示，細寶買棺材唔知訂先岩- -

定係佢同火爆都係一樣輩份？