在葵涌廣場某一間的格仔鋪的不愉快經歷…

黑仔妹

當事人你不需要回應我的，我相信你明白的

我是一個租客，第一次租格
租左葵涌廣場某一間的格仔鋪（暫稱黑店）
我地個陣想試下做老板攪下小生意咁

咁岩個陣黑店係岩岩新開張，一位20歲頭的女人開的
當時我見到其他格仔鋪都已經賣緊我想賣的野
而岩岩新開張，租格有優惠（其實呢間野租格好貴，當時租eye位要800）
所以就租左半年
當時是一開始給3個月上期，3個月後就給尾3個月

咁開頭，老闆娘同佢負責人都時不時會係鋪頭
大約開左一個月後，就只叫1個partime番，一個月先見有2~3日係老闆娘開鋪
呢個情況持續左3~4個月到

張合約寫明3號會有數，差唔多個月都拖數
最離譜一次所有租客「月中」先收到錢
每次去問，永遠只講「第二日」會有錢拎，日日如是
partime當時都係月中至收到錢

個陣我時不時落去睇下，有時會幫下手，吹下水咁
無人投訴過我成日落去鋪頭阻住其他人，同幾個租客都有計傾咁

有一次係新人番工，我落去話等拍擋收工，
老闆娘同佢拍擋就去食飯叫我同新人頂住半粒鐘…

到12月，一直番個個partime頂唔順鋪頭好多好過份的事
（其實雙方都有錯，我唔想偏幫任何一邊，partime有錯，但老闆娘唔會好得去邊）
月頭已經話番到月中，但老闆娘只識話番住先，等找到新人就走
到月中頂唔順，走左，老闆娘就急住求其找人番
個陣partime好多番幾日就轉人，請低過16歲的番工
（重有日叫佢放學就番工…著住校服打工 ... so sad）
佢自己都有番下，sell record 大約一星期先有一次數…
我地因為都叫有計傾叫做熟，我地個陣明白一個partime臨時走左
所有野都打亂曬，有甩漏好正常的

先交代一樣，個陣會表示日日有sell record
partime番就盡量日日有，老闆娘番就唔會有，到partime番就一次補番曬咁
到而家1月中先有個穩定的partime，我地終於照番日日收到sell record了

但每個月的月結，老闆娘是以她的紀錄出月結
不會和partime每日給的sell record對一次
所以永遠個個月都有漏，錯no.，寫錯貨名，
最過份是每個月都是有1~2單的生意消失了，話因為要找會計重新計過
第二個月補回，我最後一張月結，也是無補回之前消失了的生意

大約到1月，我地差唔多完約，當時都打算續租半年的
就去傾，當時老闆娘就話改左約，為左避免有人要個半年優惠，但租到3個月就走
所以要新簽6個月約，第1個月給頭3期，第2個月要給尾3期
當時重表示間間格仔鋪都係咁樣，我地個位唔租大把人租

當時得我一個人，以為合理，所以就決定
但當晚同拍擋傾先知好唔對路，所以即刻打電話話我地想轉3個月
之後都話，我地其實想租半年，但就希望有D協議相方做番
（其實唔係12月的事，由租左2個月開始覺得間鋪頭手法有問題，我地係0保障）
老闆娘開始變臉，講左好多好難聽的說話，話因為我地係熟客所以先做番舊優惠給我地
話如果由半年轉3個月，折頭由75變85，重話叫我地認真考慮下
好啦，當晚我拍擋就去左鋪頭，就話轉85都可接受，但出爾反爾就話85係舊價，要同公司傾下，第二日覆
重投訴我們的優惠太多，所以會計才會遲出月結，拍擋即時取消大部份價錢

記住，佢係老闆娘，佢話過「有什麼調動由佢決定」

OK，佢咁講，我地等，到第二日我地再去傾
佢突然話「同公司傾完，改左優惠，租3個月叫可以給到9折」
我拍擋見到完全唔同的優惠紙，就表示講大話
老闆娘講句「岩岩今日改的，呢張係舊價」
咁我地退最後一步，我地只租1個月，因為我地需要時間搬貨
老闆娘表示「原格750，租2格，拆版費100」每樣收費
重話
「因為改左條款，想避免賣同類貨品，每一個種類收費$800，即是貼紙收$800，簿收$800，如果你唔願意給，我地唔排除給其他租客賣一模一樣的貨品」

去到呢個位我拍擋決定唔妥協，唔再續租，收番原本給了的上期錢
但中間有5日無開鋪，老闆娘只表明補4日，要我地月中執貨走

以上佢所講的野，我地無講大話
就算上到庭，我地都會如實講

不歡而散，好，我地都打算，收埋最後一個月的月結，
就算數，咁之前已經要求，我地搬走貨品當日，老闆娘在場
最後？老闆娘當然無出現，又是找個partime頂
當時我地還欠5日的sell record，就不可以即時對出我們損失貨物的數量
就將所有貨品寫了帶走的數量，要求partime叫老闆娘盡快給數我們
等我們可以盡快點出數量

但半個月，我們隔幾日~一星期就到鋪頭，也是partime頂
我地也要求盡快有sell record
但一直收不到

黑仔妹

到前晚，我打電話落去問有月結來
同時我聽到老闆娘同其他租客吹水
我就要求和老闆娘傾
我拍擋也要求給電話佢聽
老闆娘繼續講大話恐嚇人
重話當時點解唔即時講唔見左幾多貨
唔知我地中間做左什麼手腳
我拍擋就表示，貨不見是要賠，合約寫明
最後，我拍擋話第二日一定要在場，即場傾好件事
老闆娘cut線，到第二次，partime聽，不願意給老闆娘聽電話
partime表明她只是打工，不願意幫我們，老闆娘已經走了，電話熄機找不到老闆娘，
我們表示會報警，
就話「你夠膽咪報囉，我只係打工唔好令我難做，當日你地只係拎完貨乜都無講就走！」再講cut線
(但當時老闆娘一直無走到，這件事是另外一位負責人落口供時聽到)

好，尋晚，即時對完數，
我們將所有入貨list和月結重新對一次，發現無了約$700的貨
合約寫明最多只賠$500，OK，$500就$500
partime打給老闆娘，老闆娘繼續話我們當日無點好損失的貨，不會賠錢
我們就講，我們會報警，麻煩再打給老闆娘要求出現當面解決事件
老闆娘就堅持唔落來，找左另外一個負責人（這個負責人一個月才來一次）
當面解釋，也是話當日搬貨無寫出損失的貨品，不受理，我們解釋完之後，
是因為鋪頭遲遲不給數才不可以當日點數，這件事partime在場

之後就表示，要3日時間重新將所有入貨和月結對一次
並會3日後作出交代

寫了協議書暫時等3日後老闆娘會賠定不賠錢
之後負責人落口供部份失實我就不寫出來了

有人覺得第一次做生意有麻煩事一定有
幾百蚊小數目由佢，但有時唔係錢問題，
而係一間格仔鋪所講的承諾很多次也不能實行
老闆娘有事就找partime，另外一個負責人頂
其他租客也是笑住租，嬲住走（至少我聽到3~4個）

現在我在另外一間格仔鋪租了格
我只講了少少未開名，當時另外1位格主也已經知是講緊邊一間鋪頭
重話間野很多格主投訴過，感覺會很快執笠…
有8~9成是自己的貨…

如果大家想知其他事和事後發展
我2日後睇下佢地的回覆我再講…

Loveyan4ever

字海. .

wing12366

乜葵涌廣場有格仔鋪既咩?