松井珠理奈16歲生日快樂(香港時間) 更新玲奈寫給珠理奈的信+小珠博

cyberken2012

小珠能在AKB生存下來，個人覺得女皇功不可沒。空降CENTRE的事衝擊實在太大，除黑子外，團內的妹子也不理睬小珠，視她為外人。小珠曾提過當時害怕得連便當也不敢去拿。幸好已經有廿一歲的女皇心智比較成熟，看出一切其實也不是那孩子的錯；她主動地破冰、和小珠說話。有了大姐姐的照顧，以後的路才比較容易走下去。畢竟，如此嚴竣的環境，年紀又這麼小，獨自一人大概是無法熬下去的。

知名不具

回覆 令狐聰 的帖子

健BB     

知名不具

回覆 cyberken2012 的帖子

對對
當時小珠身邊幾乎都冇邊幾個支持佢的人
飯更加不用說
如果冇麻里子的話
我相信都冇今日的小珠

cyberken2012

昨晚誕生祭的一些截圖

Amuse

講起女皇....拿..過2日就是了

Amuse

睇左樓上2位講GE野...
我認同小珠係一個傳奇...
但還未到傳說....
如果要話係 AKB開始的傳說...始終呀醬先係創始者 (良性討論..不喜切插)

cyberken2012

阿醬成就了不起的大事，那是AKB命運被扭轉之後的事了。正所謂：萬事皆備，只欠東風。小珠就是這股東風了。

kenchoi148

回覆 cyberken2012 的帖子

同意  我係在近排先飯小珠的
我完全唔知之前主吧係出現過全民黑珠既情況
甚至我都唔知小珠係在比人黑到咁既情況下活過來 我睇完知名姐打果堆字海之後令我對小珠既熱情以倍數乘大
我係聽過下佢之前比人黑過 但唔知原來咁嚴重 就我自己而言 只係幾個人唔鐘意我 就已經可以心情好差
佢當時只係一個11歲既細路 我11歲果陣都未介奶咁既款 佢就已經可以承受住咁多人黑 並且活下來了
我敢肯定佢一定諗過放棄 而且為左呢D事都唔知有幾多晚係喊住咁過 佢係連自己一個訓都唔敢既細路女 但我可以肯定 當時既佢 已經比我宜家更家成熟 更堅強 打打下有D眼濕濕..........
而係佢最唔開心既時侯 救世主麻里子來了 所以我都好好好好鐘意麻里子 八達通用佢個卡套XDDDD
大聲鑽石 我覺得可以話係一個分水嶺 一個令AKB紅起來既轉折點
大聱鑽石冇記錯好似係2008年既作品 一個5年前既作 我2012年第一次聽就已經一野中毒 可見威力驚人
先唔理個人既意見 用數據證明 小珠第一次既出道作品 銷量係上一次單曲既約4倍(3.幾左右)
之後就一直係咁升係咁升 呢個已經證明左 大聲鑽石真係一個令AKB起死回生既單曲 但係大聲鑽石唔係小珠一個人既作品 所以都唔可以將全部功勞比曬小珠 不過至少 小珠係最大功勞既一個
小珠當時比人黑到咁都冇係當時任何節目上喊過 自己都認左全部都係呢埋自己喊 真係好堅強
FF:當時係我借個博頭比佢的XDDDDDD

Amuse

宜家睇番 當年GE 小珠...指原  由依..到宜家PARU  

除左妹子自身功力..

真係不禁不服左營運當中強推手法....真係好似 "中X政府"咁...可以由不知不覺間黑到變成白XD  

Amuse

經典畫面

terry880926

回覆 Amuse 的帖子

強推手法係唔會由黑變成白...成員本身就係白,只不過黑子鍾意黑成員多過黑營運,其實係成員自己努力令黑子對自己改觀,唔關營運強推手法既事,營運係唔會理有幾多人黑緊個成員...

Amuse

terry880926 發表於 13-3-9 10:29 PM
回覆 Amuse 的帖子

強推手法係唔會由黑變成白...成員本身就係白,只不過黑子鍾意黑成員多過黑營運,其實係成 ...

係我個人睇法黎講.....
營運 始終係有一套方法.....
我本身係讀市場
我鐘意AKB原因除左係因為見到妹子的努力外
另外一個原因就係我覺得AKB 的營運市場行銷 好犀利(可以話係幫AKB成功的絕大因素)
點解我會話服左營運強推手法做到所謂"黑變成白"? (黑變白只係一個比如...無話妹子自身係黑的意思)
可以理解成由"5鐘意變鐘意"

當選一定個人/一只歌黎推...就會不斷為戈個人制做機會...出鏡...制做話題...宣傳等等
係咁比佢上節目..係咁放戈只歌...度度都放...
觀眾見得多聽得多...肯定會有部分由原本5鐘意都會變成慢慢接受..
但當然都有靠自身努力去改變人地睇法的....

當然個個人不同諗法...

cyberken2012

回覆 kenchoi148 的帖子

其實我覺得最大功勞的是…肥秋。能夠想出如此運用小珠，恐怕只有他一人。
一直以來，肥秋作了很多沒有先例的驚人舉動：人氣總選，猜拳大賽，兼任制…；這些創新的心思，亦是AKB引人入勝的地方。
雖然空降CENTRE這招會製造黑子，但創作人最怕的其實是觀眾沒感覺、沒反應。有云：「越罵越看」。當你開始罵的時候，太多數表示其實你已「上心」了、開始關心了…。畢竟，我們很少會去罵自己完全沒有興趣去看的事物。所以不論是黑子、還是粉絲，都被肥秋用某種手法吸引了注意力，繼而再被釣走埋個心。

空降CENTRE這招，今日仍有在用。HKT的「小珠2號」田島便是了。2012年對我來說其中一段最衝擊的影像，就是兒玉因為掉了 CENTRE之位，在誕生祭發表了悔恨的宣言而淚洒當場，當時奪位之小櫻花，被兒玉的說話弄哭了，而且哭得比兒玉更厲害。誰知道，以後發表各曲的CENTRE，竟是一個研究生！

然而，因為此事，大家對兒玉的關注和愛護大幅提升了，而兒玉亦發奮圖強，在番組內更積極表現自己。田島雖然被黑，但也吸納了新飯。與其讓一個平平無奇的CENTRE待在HKT，營運選擇了出招製造話題，一方面再捧新人，另一方面又把舊人的人氣谷起，正好收一石二鳥之效。當然，如果田島沒有小珠的實力和捱過被黑的能耐，就會無可奈何地成為了今次計劃的犧牲品了。

Amuse

cyberken2012 發表於 13-3-10 12:15 AM
回覆 kenchoi148 的帖子

其實我覺得最大功勞的是…肥秋。能夠想出如此運用小珠，恐怕只有他一人。

無錯呀...越罵越看
正因為咁...就更吸引...
我都想表達埋呢個意思

最近期例子好近呀...好似祖男前排戈套<表哥你好野>咁

起初未又係好多人罵話5好睇...又話醜化2地文化之類GE野

之后未又係越來越多人話好睇

當然有D"有心搞事派" 戈D就另計啦...

知名不具

回覆 kenchoi148 的帖子

唔好再咁講
你愈講我就愈覺得自己係坑人入珠坑的神器
好自大哈哈 (自重去
當時我都係因為咁
知道小珠當初係有段咁心酸的過去
我就愈鍾意小珠
認為呢個細路女比起我真係勢利帶左幾個地球直徑遠
"自己都要加油"每次做D自己唔想做又麻煩的工作
自己都會諗一諗小珠，然後同自己講呢句
就咩都挨得過了
那孩子承受的比自己還多還多
呢D小事有咩可能自己會挨唔過?

知名不具

cyberken2012 發表於 13-3-10 12:15 AM
回覆 kenchoi148 的帖子

其實我覺得最大功勞的是…肥秋。能夠想出如此運用小珠，恐怕只有他一人。

同意+148
自小珠呢個空降c被黑又令AKB復生之後
營運不斷推行呢個強推成員等飯由黑佢變慢慢鍾意佢的行動
好似肉山大魔王 Paru咁
但始終會造成一D人對營運長久以黎的強推的不滿而出坑
而幾時開始會係出坑的人比因為黑成員黑到掉左入坑的人多呢?
我認為此風不可長
營運還是必須要盡早諗出新的政策
幾有效的抗生素食得多都會被削弱功效(呢句咩爛比喻黎

kenchoi148

回覆 知名不具 的帖子

宜家我就考dse
而我溫書既動力就係小珠~.~
如果冇小珠 我諗我連點解要溫書我都唔知
當我好累 好想訓既時侯 只係因為懶就唔想溫書既時侯 我就會諗下小珠
諗下佢到底係幾咁努力 暴瘦 晚晚練跳舞練到唔食飯 甚至在表演中暈倒 仲得埋個病 有可能影響日後生活
但佢都冇放棄!!!!!!!!  我點解唔可以好似佢咁 點解我咁簡單就比懶同眼訓打倒 諗到呢度 我就會精神好多
再加多張小珠既相片 然後動力就爆發了!!!!!!!!!!!!!!!!!!!!!!!!

小珠對我黎講唔單單係一個偶像 佢係我老師 教左我堅持 教左我唔可以輕易放棄
其實akb都係一樣 好似我老師咁 在追星既途中我亦得到唔少野
麻里子:要知道自己不可能完美，這樣才能夠真正的成為大人
高橋南:努力是有回報的 我會用一生去證明(唔知係咪佢講-3-)

知名不具

回覆 kenchoi148 的帖子

你所講的野
同我的一模一樣
而我都係即將考DSE(但到而家因為寫緊文所以都未溫書
我唔係坑生寫的人
但我都特登入左張solong小珠劇特
諗住DSE個陣我就日日帶著呢張相係書包/衫袋
直頭當護身附咁去考

每次真係做野做到好攰
返學好攰
我都會諗一諗小珠
或者拎小珠張相黎望一望(好變態
之後就精神返哂!

係小珠之前我完全冇諗過要考咩入大學
都係想隨便考完DSE出黎搵份工算
個心態勁hea
自從識左小珠之後
我真心覺得我一定要努力考上大學
要讀好書考好個DSE
係今年最後收返老師的贈言
雖然唔多，但都有幾個老師話過我主動左改變左好多
收返同學的記念冊都寫我今年成個人唔同哂
以前明明勁hea勁懶咩都當唔關自己事


人問我點解會變到咁 我可以好自豪唔怕俾人白眼咁講
因為我遇上了松井珠理奈!
佢係我人生的嚮往!

kenchoi148

回覆 知名不具 的帖子

嗯............
拎小珠張相黎望一望的話 我係放手機 床頭 同銀包XDDDD 唔開心睇一睇 訓前睇一睇 要努力既時侯又睇一睇
睇黎我比你更變態XDDDDDDD
但係呢 我同你一樣 係認識小珠之前 我就諗 試下考唔考到大學 考到就上 考唔到就是但搵份工 求求其其 有屋住 有得玩 有得食 享受下生活就算 但係入左坑之後 可能我既朋友睇唔到我既改變(少同人傾心事) 但我知道我有好多地方都變左 我對人生既觀念有左改變 會對自己許下承諾 知道自己宜家做緊D咩 想做D咩 唔再混混噩噩
點都好啦 祝你考好個DSE@@ 入到大學XDDDDDDD

我怕你到時靜係掛住帶小珠D相唔記得帶准考證XDDDD

知名不具

回覆 kenchoi148 的帖子

唔緊要有身份證就可以入去(但到目前我都影左都未去領返
都希望你可以考到想入的大學!
DSE考場上或者會刷身而過都未定?!