本帖最後由 風雨霜雪 於 13-6-30 03:37 AM 編輯
*上位、黑夜大隊長*
====黑夜‧最黑暗的日子==== ---大約2010年1月---
‧圖片by聰明澄
事前大約一個月左右,箭同古古問我幫唔幫下手,
雖然我當時係團裡面已經係老臣子,但都只係打手一名,從來不問團務,
不過佢地話只係幫下手就ok,我就試下做副隊,學下帶隊啦~
點知團內就出現大分裂,而且層面係副隊之間更包括埋團長, 亦即係上面提過ge第2代主導人物,而事實上個團帶得返起都係靠佢地, 所以一走成個團就散晒,淨返冇走ge副隊都心淡潛水,我夾係中間,推推下就做左團長。
哩段時間可以話係黑夜最黑暗ge時期,因為每晚上線ge人,就係得我哩個團長, 上線ge人on game就係為左走團。 唔好話搞返好團,連帶隊都唔識ge我,只係傻更更咁搵左本簿,將部隊list仲留係到ge玩家抄晒落嚟, 每晚上線做ge就只係睇下有咩人走左……去更新我哩本簿仔。
最後部隊由160人,到得返幾十個幽靈會員,唯獨是一個我唔認得ge新手Hinzt, 我依家都唔明點解佢唔走,其後佢都成為好幫得手ge副隊之一。
我自問冇能力搞團,但我知道,如果連我都走埋,黑夜就真係會摺, 所以我搲爛塊面,周圍去搵返前朝元老,問佢地可唔可以幫手搞返起個團, 不過佢地個心一早唔係黑夜甚至唔係隻game到,最終都係冇咩起色。
之後竹林、箭回歸,每次黑夜低潮佢地都返嚟撐返住個團,係哩到十分感激佢地。
|