劍盾 副職選琴

蘇黑兒～＊

劍盾 副職 尼幾日我都諗到頭都大埋

台版cb我係玩坦  44級 副職 琴 雖然唔係高 但都有小小心得分享下
除非你係單練
副職用琴唔係唔好 但我覺得用處唔係想像中咁大

4招補血技  雖然多 但係有2招係要讀條 唔係即時出的
1招單補技 讀2秒 1招大補技 讀3秒 先出到招技
打副本既時候 你要放技 又要走位 又要吸仇 又要搶仇 鬼死咁亂
真係好難抽到2秒出黎比你放回血架
我會係咩野時候用回血技架呢?
就係當果波小怪清完之後 見自己未回滿血 或者 隊友未滿血 會放一下
打王仲衰 因為王主要都係打你 所以果d大技 直線技 刀刀叉叉 好多時候都係對住你放的
你要閃技 但如果你讀緊回血果陣 移動係會中斷技能的 (唔通為左讀條 硬食招王技咩 唔化算呀)

(你幻想下   打副本既時候 你要放仇技 隊友ot 你要吸返隻怪 又要走位 當你冇血 用回血技回hp 當見到隊友冇血 你又要幫隊友回血 打完副本既時候 個個隊友都+你好友 同你講 : xxx 你真是神牙 有你真好呀 你超有成功感)

你......

幻想下好啦

再黎另外2招

一招係個個都話超op既 小情歌 (巴巴巴)
一招即時可以出 重疊3次既 秒回技

由於46級先學到 我未夠lv學
但以傳奇既設定 唔難想像以下情況

打副本既時候 除非坦補都係由你做晒 另外4位都係打手隊友
唔係既話 你總是找1位主手琴的隊友吧 ?

那麼
以40級坦 40級補舉例
你小情歌40級 人地主手技能+3 43級
當43級小情歌放出黎 你招40級是會顯示 有更高級技 覆蓋唔到 尼d訊息出黎的
姐係話你招技是廢左的

再黎係最後一招  神聖音符
即時放既單回技 尼招算係有點用
但係回得小血 同埋你副手技cd X 3倍 姐係成廿幾秒先用得1次
當堂又覺得唔係好好用

最後 2招攻擊技 1招暈技
2招攻技可以當開怪技用 但攻擊力很低
暈技我有盾擊 尼招冇用

尼個係我對劍盾打副既小小見解

再黎係pvp

因為我唔係好中意pvp 所以冇乜
我見d人話劍盾副職用琴pvp好勁

當你pvp既時候 你開住反技 企係到等人打你 你自己只要用回血技就會贏
但我心諗 咁同人型木椿有咩分別 -0-
到時就係隻game玩你 唔係你玩隻game ><  我唔想咁玩
唔係咁識 都係唔多作討論 .......

副職都係轉其他玩算了
唉 尼幾日真係諗到頭都大埋 白頭髮都多緊幾條

黎緊港版cb 副職試下雙刀 或者 法書
但睇返台版
雙刀 命中低 好似好難打得中人 d技好易miss
法書招op訓人技又比人改左 改到可以打返醒人

唉
諗到頭都大埋

睇黎ob真係要出下血 搞靚d裝同秘石
唔係真係會好難玩
第一隻online game 會令到我咁
真係又愛又恨呀

文長左小小 又有d亂 希望大家睇得明
不喜勿插
多謝

蘇黑兒～＊

成篇野既意思 一句說話講得晒

就係 劍盾副職琴 打副本冇想像中咁好用 = =

感覺〞

下!?我諗住劍盾+琴係可以單副本

蘇黑兒～＊

回覆 感覺〞 的帖子

單升 單練 單打副本都冇問題

但問題是如果你隊員入面 有位主手琴
咁你個副職 就會打左D折扣

一切都係要自己用過先知
或者你玩得仲勁過我
冇我所講果D問題發生

只是想同你地講
唔好對佢抱 太大期望

風草

蘇黑兒～＊ 發表於 13-8-6 04:52 PM
回覆 感覺〞 的帖子

單升 單練 單打副本都冇問題

在下都研究過劍盾+琴..係單刷副本上同PK都有一定既優勢..至於話同人型木樁無分別..呢句唔認同..有無試過用劍盾打唔同既職? 風怒既善用..開暈技既時機?  宜家加左副武..甘樣..係PK上就有好大既變化..在我而言..副武係輔助..主武係輸出..不同的冒險之路..亦有不同的效果..所以無話實贏..反觀火炮..本身已經OP..搭住指定技/副武+走位風箏..已經足以玩死你..

夜小卒

其實我想講 劍琴d補血技係 你暈王果時出 同埋要夾隊友 有書一訓就出群補連暈
吸到王果時 一隊友補唔切血就 沖鋒用單體回血
如果你話 副琴作用既前提係 你d隊友勁到可以 隻補專門補你
但現實永遠唔會係咁 隻補師成日都要幫手補其他人(特別係隻王有隨機性技能/滅仇技果時) 響e個時候劍琴既作用先會突顯出黎

而且如果話 持續能力 劍琴唔會比任何配上其他任何一種副職差
本身簡劍係因為可以做一個堅實既盾 最難死果個係你 如果隻EC比王追緊 其他隊友無血 唯一幫到EC既就得番劍
幫EC回血加沖鋒拉緊隻王距離 暈技 拉仇 全部係你要做既
而唔係話要好高輸出 先拉到仇
而且唔知樓主有無試過1種情況就係隊友唔識避技 結果全隊死剩自己1個 隻王又無咩血
e個時候劍琴 先係唯一一個可以磨死隻王既人
無血 就沖鋒加小情歌 之後暈擊再單人回自己 不斷循環 回唔切CD就睇下合體技得未 出一次合體技拖時間
最尾磨死隻王 先會令自己隊友既死無白費到

ricocyk316

打副個陣我會自己疊小情歌.咁補師就可以幫多一個人疊
除非隻補神到可以同時幫5個人長疊小情歌

另外我想講PVP
我玩劍琴同人PVP勝率係80%左右
主要輸俾大力火砲,同樣劍琴/主琴多數平手

開戰前3層小情歌,每秒回千幾
開戰前盾牆反盾,每下反3千幾
一開波先放一下天堂聖音
之後風怒->盾擊->雷切(奧義)->劍斬(減防)->再天堂聖音
唔好俾自己小情歌斷
然後因點速既關係
天堂聖音同雷切既DPS會減到每0.8秒就作用一次
小情歌都係0.8秒回一下

基本上人地好快死,
我打遠攻如果風怒未CD,我就唔會跑住俾人風爭咁白痴
我一係用治療音符回下血,一係用暴風曲同天堂聖音打人
有風怒先再沖

乂隱之

自己本身係劍盾+琴,
打副本既時候,多數都會叫EC主要回打手既血,特別係近攻既雙刀同雙手斧
我自己就疊小情歌比自己用
基本上我打水洞地獄, EC冇回過我血都可以KEEP係血量70%以上
當然2王係例外,轉轉轉個招企太耐就扣得好痛,
尼個時間就風怒走位

打PVP
我個人唔太中意打PVP,好少主動搵人打
不過如果有人搵我打我都會打, 反正輸左又唔係扣野
但係人地搵我打,勝率都係80%左右
主要都係輸比火炮
一入場都係疊2層小情歌,因為準備時間唔夠3層
不過記得長開小情歌
之後開反盾同加防個招盾(唔記得咩名- -")
打遠攻,上齊技就用風怒沖埋去,
盾擊, 盾擊有個特點就係,你出左招技,就算人地走開左都會中左暈
對手醒左比佢走,你唔好成個白痴甘係後面追, 等風怒CD, 係等既時候KEEP住回血
風怒一CD完就沖埋去打

applelove456

多謝分享~~