（答案已公告）三國志‧最好打係邊個？（答中有獎勵！）

ivan1138

殺‧拳 發表於 13-8-23 11:45 PM
其實透過呢個ＰＯＳＴ同大家吹下水，都幾開心

開估００：００了

殺‧拳

ivan1138 發表於 13-8-24 12:01 AM
開估００：００了

1.無限次估，需認真，用心答，人物＋引例。
2.（提示）其實答案早已出現，不過未達標準，因此不能給予分數。
3.win左代表你戰勝唔少人，包括打敗了我，成為王者！
4.１５ＧＯＯＤ作獎勵！


修正左唔少條件，比Ｄ時間其他人估下，明天某時候開估，請放心

46462040

角色：許褚
http://zh.wikipedia.org/zh-tw/%E8%AE%B8%E8%A4%9A
一隻神牛

wing12366

人物:董卓
引例（如維基、三國志正文）:董卓於桓帝末年先後擔任并州刺史，河東太守，利用漢末戰亂和朝廷勢弱佔據京城，廢立皇帝劉辯，挾持獻帝，東漢政權從此名存實亡。而且他生性兇殘，犯下諸多罪行，引致全國其它割據軍閥發動董卓討伐戰，後來聯軍發生內鬨，轉而成為了各軍閥互相爭戰的情況，董卓本人則被朝內大臣聯合其部下設計誅殺，死後部下李傕和郭汜兩人為了把持朝政互相火拚，皇帝與朝廷流離失所，各地刺史、州牧、郡王太守、佔據屬地完全脫離中央控制，開啟三國時代。
自己感想:我對三國志呢樣既唔熟,所以無乜感想

地獄火使者

hk1234567

地獄火使者 發表於 13-8-24 01:03 AM

呂布係無雙最勁,但真實無呢回事

地獄火使者

hk1234567 發表於 13-8-24 01:53 AM
呂布係無雙最勁,但真實無呢回事

我話仙人模式至好打-左慈

brianwai

孫策??
我玩下咋~佢好似1打1未輸過

?戰神

完左嚕，R唔到分

殺‧拳

解開三國志‧最好打係邊個之謎！
第一回：


首先，係解開呢個謎題之前，我有兩句說話想同大家講！
第一句：多謝大家；第二句：亦都係多謝大家！
咁點解呢？第一，我相信唔少人既人，因為呢個ＰＯＳＴ，睇同查證多左歷史既野，
第二，呢個ＰＯＳＴ反應熱烈，除左我個人動腦筋諗出一個既可學習歷史，又可互動既遊戲之外，
最重要都係多謝大家既支持！第三，無論瀏覽人數，帖子幾多都好，我都視如浮雲，相反，我真正開心，同知道既係，不論係訪客或會員至少踏出探求知識既第一步，入到黎呢個ＰＯＳＴ，之後係呢到學到野，帶返出去，成為自己大腦既知識，呢一點係我最開心，最欣賞！

其次，相信唔少既人都有接觸過三國既野，例如三國殺、電玩遊戲、小說等等，
因為以上既野，都係以羅貫中其一部小說－三國演義既藍圖所創作，
亦都因為咁，好多人信以為真，以為呢個就係真正既歷史，就連好多有興趣研究三國既外國人，
都受到三國演義既洗腦，例如諸葛亮才智、趙子龍英勇、劉備仁慈、曹操係奸賊，而其他人物就係腦殘等等，
其實根本就係過度神化，誇張左！因此我殺‧拳，今日就要係到話比大家知，三國演義好多地方都係錯既，以真正既史書－三國志，同大家一齊探究真正歷史既真相！

最後，就係解開Ｎ位勇士都未能戰勝既終極問題，
咁一開始，大家要明白一點！戰爭唔係單單靠一己之力就可以成功，換言之，係需要團結，
例如，點樣運用計策、智謀、武力等等，缺一不可，所以先會得到最後既成功！
咁睇返題目，「三國志‧最好打係邊個？」，係一句地道既廣東話，基本係香港人都會明白，
而且都冇文法上既錯誤，不過到左最後都冇人答到，所以而家我就為大家解開謎底！

「三國志‧最好打（單指武力）係邊個？」
換言之，就係問，係三國到邊個武力最強，最高，最好打！
由此可見，文臣、文官就一定冇可能，換言之，就只有武將可以選擇，
但要知道當中都有好多分別，如一騎當千，萬夫莫敵既猛將，
或者係智勇雙全既勇將，
咁我舉幾個簡單例子啦！呂布、關羽、張飛、許褚等等，我稱佢地做「猛將」，
至於趙雲、馬超、張遼等等，我稱為「勇將」，
咁建基於問題係問，最好打，單意指武力最高者，所以我地首先可剔除勇將之列，
換言之我睇可睇睇呂布、關羽、張飛、許褚等人，話佢地係武功最高者，相信都冇人反對吧？

眾所周知，呂布同關羽武力我想唔洗多講，大家都心中有數！
至於張飛同許褚，依我之見，在前者兩位之下，而同一階級。
換言之，我做左一個簡單既排列：

1.呂布／關羽
2.張飛，許褚

如果嚴格Ｄ去分析：

1.呂布
2.關羽
3.張飛，許褚

我唔係歷史學家，但對於三國志我有相當既認識同了解，
因此以上係我本人既分析，亦以三國志藍本作根據，
相信得出既結果，係客觀且值得信賴，當然如有疑慮，歡迎提出，一齊互相討論。

殺‧拳

解開三國志‧最好打係邊個之謎！
第二回：

我地先介紹一下，呂布呢個人物先，相信大家都唔會陌生，但佢係唔係真係咁好打呢？
又究竟有冇憑證呢？答案係有！以下既證據都係出自於三國志！



呂布（？－199年2月7日），字奉先，并州五原郡九原（今內蒙古包頭九原區）人，
東漢末年的著名武將與軍閥。


人物篇：

呂布字奉先，五原郡九原人也。有武勇，善騎射。

布驍勇善戰，便弓馬，膂力過人，號為飛將。

布有良馬曰赤兔。（戰場上戰馬等於將領既生命，跑慢一步／遲一步，都可能冇命，因此非常重要！）

－－三國志‧呂布傳


實際篇：

轅門射戟

布令門候於營門中舉一隻戟，布言：「諸君觀布射戟小支，一發中者諸君當解去，不中可留決。」
布舉弓射戟，正中小支。諸將皆驚，言「將軍天威也」！明日復歡會，然後各罷。

（轅門射戟，可見呂布的武術、箭術非常厲害）


歷史評價：

呂布臂力過人、善弓馬騎射且驍勇善戰，被認為堪比西漢名將李廣，同樣有「飛將」的美譽。

陳壽在三國志中亦寫下「呂布有虓虎之勇，而無英奇之略，
輕狡反覆，唯利是視。自古及今，未有若此不夷滅也」的評語。

該時民間有「人中有呂布，馬中有赤兔」一說並流傳至今。
時人語曰：「人中有呂布，馬中有赤兔。」《曹瞞傳》

陳宮：「君，驍勇無敵，善戰無前，然勇而少計，暴而少仁。恐眾叛旦夕之間。」


由此可見，呂布係三國當中，可算是數一數二既猛將！（唔係呂布，就係關羽）
又或者可能有人咁問，咁唔比關羽勁過呂布架？你睇關羽既功績多呂布幾多！

呂布：http://zh.wikipedia.org/zh-tw/%E5%91%82%E5%B8%83
關羽：http://zh.wikipedia.org/zh-hk/%E5%85%B3%E7%BE%BD


冇錯！因為係正史上，關羽真係冇同呂布打過，所以全是推測，但要記住推測都要推得有理據。而上面果Ｄ全是理據！好啦！至於第二個問題，我可以好快答到你，呂布係早死過關羽好多，
換言之，呢個就係佢戰績唔多既主要原因。如果呂布唔係早死，關羽殺到既敵人，佢一樣可以殺到！
因此，經過一連串分析之後，單論武力最高，好打，相信就係猛將－－呂布！

殺‧拳

解開三國志‧最好打係邊個之謎！
第三回：





孫堅（155年－191年），字文臺，吳郡富春縣（今浙江省杭州市富陽縣）人，東漢末期軍閥將領，當時參加伐董聯軍以長沙太守來尊稱孫堅。史書說他「容貌不凡，性闊達，好奇節」，小說《三國演義》中稱孫堅為江東猛虎。據三國志記載是大軍事家孫武的後裔。其次子孫權開國稱帝後，追封其父孫堅為武烈帝。


1.《三國志》記載他17歲就單挑群盜，隨其父一起乘船去錢塘，途中，正碰上海盜胡玉等人搶掠商人財物，在岸上分贓。商旅行人，一見此情此景，都嚇得止步不前，過往船隻，也不敢向前行駛。孫堅見狀，對父親說：「此賊可擊，請討之。」他父親說：「非爾所圖也」

2.中平元年（184年），加入東漢王朝撲滅黃巾起義軍的戰鬥

重點：

鏨殺華雄擊退呂布

初平二年（191年）初，孫堅收復散兵，屯兵陽人，董卓便派胡軫為大督護、呂布為騎督及其他多位都督，率五千步騎攻擊孫堅。胡軫揚言要斬殺一個長官，做為整肅軍紀手段，各都督聽到後都十分討厭他。當到達離陽人城數十里的廣成已是黃昏，兵馬疲乏，又受董卓節度，便下紮餵馬、休息，準備在夜裡出發，次日早上攻城。各將領討厭胡軫，想要破壞他的計劃，呂布等便揚言陽人的士兵已走，應立即追擊。胡軫立即出兵，但原來孫堅軍已整頓守備，董軍無奈，加上吏士飢渴，人馬疲乏，唯有就地休息。呂布又大喊敵人偷襲，全軍混亂，棄甲逃走，騎失馬鞍。逃出十多裡外，才發現沒有敵人，剛好天亮，便捨回兵器，想再攻城，可是軍隊已被孫堅軍發現，加強了城池防守，胡軫等唯有撤退。孫堅出城追擊，大敗敵軍，斬殺都督華雄等人。[5]

大敗董卓

孫堅大敗董卓軍，有人便向袁術進言：「堅若得雒，不可複制，此為除狼而得虎也。」袁術心疑，便不運軍糧給孫堅。孫堅便連夜趕回魯陽，嚴辭切責袁術，且說上為報國討賊下為報袁公路族人之仇袁術聽完後心理逐漸愧對孫堅，覺得孫堅說得也對，因為袁術的族人袁隗曾經在長安遭殺害，立即調度孫堅軍的糧草及軍械，孫堅亦回到陽人。

董卓知道孫堅厲害，便派李傕游說孫堅和親，更稱可以令其子弟們擔任刺史、郡守，但孫堅大罵董卓，孫堅一身正氣，不為所動，並立即進軍大谷，董卓親自率兵與孫堅在先帝陵墓間發生戰鬥，董卓敗走，移屯澠池，另在陝集兵。孫軍便進入洛陽宣陽城門，擊退董卓軍殿後的中郎將呂布，並掃除宗廟，祠以太牢，孫堅祭祀天地後，分兵出函谷關，到新安、澠池防禦董卓軍。董卓對長史劉艾說關東軍就只有孫堅才是值得注意，要各路人馬留意。便留董越屯兵澠池，段煨屯兵華陰，牛輔屯兵安邑，其他將領留守各縣，對制衡山東，自己則出發向長安。而孫堅得不到各路諸侯支持，於修繕各陵後，便率軍還魯陽。

在董卓討伐戰中，曾與董卓軍實際交戰的只有曹操與孫堅的軍隊，而其他軍隊只駐軍不加援助。
（兩人當中，論功勞應孫堅為高，當時董卓軍強大，又有猛將呂布，但孫堅兵少，都打到西涼兵落花流水，最後董卓逃亡到長安！從此可見孫堅之勇武！）

分析：
呂布好打，武力高，相信冇人會質疑。但武力幾高都好，有勇冇謀都係唔得！
係上面可以睇到，孫堅殺左唔少敵人，而且仲擊退左呂布。
換言之，可見孫堅武力係在呂布之上！
咁好啦！可能會有人講，車！擊退姐！一時好運姐，加上又冇比孫堅殺死，頂到盡比佢同呂布同一ＬＶ！
ＯＫＯＫ！咁我可以係到做個分析，證明孫堅，係比呂布強好多好多！成為三國中最強猛將！
咁要知道呂布呢個人，有勇而冇謀，可算係腦殘，假設佢武力１００，智慧就１０，
通常呢Ｄ人，都以為自己好打得，就天下無敵，非常自負，加上佢又有赤免馬，
所以佢天不怕，地不怕，當發生戰鬥果陣，呢種人唔會審視度勢，亦唔會理大局著想，
甚至覺得退兵，係一件好丟臉既事，正正係四肢發達，頭腦簡單！
所以我９９％肯定，佢打每一場仗都係唔理局勢係點，就算對方好強，佢都因為面子關係，
死牛一面頸咁戰到最後一刻，真係去到有生命危險，佢先會退兵。

由此可見，呂布同孫堅，大戰左唔只一次，亦唔係幸運咁嬴，而係靠真實力，當時孫堅兵弱，兵少既情況之下，仲要大戰公認最強既猛將呂布，最後打到佢地落花流水，因此，最強、最好打既猛將，非孫堅莫屬！

hk1234567

殺‧拳

如果我話係劉禪最好打，會唔會比人屌呀嗱

霉乂男

人物：孫堅
引例：正史中襲殺華雄﹑擊退呂布，令勢力如日中天既董卓都要聯姻求和。
自己感想：主要係見無咩人講佢。

千～鳥

上將潘鳳

SuperDS

其實最好打好難講, 又冇攪過一場聯賽俾每個人對打過, 有D人嬴到呢個, 有D嬴到令一個,

都冇一個準則去決定邊個最好打, 如果話最聰明, 都仲可以用佢做過的事, 諗到既計謀去

推算佢既智慧, 最好打.............真係好難講邊個最勁; 除非好似三國演義咁, 一開始就吹

到呂布係最勁既咁囉

殺‧拳

SuperDS 發表於 13-8-24 08:31 PM
其實最好打好難講, 又冇攪過一場聯賽俾每個人對打過, 有D人嬴到呢個, 有D嬴到令一個,

都冇一個準則去決定 ...

結果唔重要，最重要係個過程，眼見大家一齊討論，一齊研究，我真係感到高興！

殺‧拳

問答正式結束！！！！24-8-2013 21:38