大家好,我係黑騎士server既一個小小雙手斧
由9月頭玩到依家,都一直keep住有玩
眼見周圍都有人話呢隻game點樣唔好玩點樣垃圾,
其實我都有野想講下
首先,我自己本身都覺得隻game好低能,
改埋啲唔應該改既野,但係又唔改啲應該改既野
好似今次更新咁,雙手斧再次被改弱
幣值一直通脹, 完全無錢去買橙時
小弟不才,咁耐以泥都無乜點打過值錢既野
圖紙又貴,材料又貴,核心又貴,諗住儲下pvp幣買60紫
點知60紫裝又貴到hihi,真係有時感覺玩唔落去
但係,我從來唔覺得呢隻game唔好玩,
因為我好享受,點解? 因為我有一班好朋友
初初玩,打副本識左幾個岩咀型既,就柴娃娃開左個公會
結果半個月後因為開學而要分別, 當時真係覺得好悶好無動力
但係我就加入左依家呢個公會
老實講,一直都覺得呢個公會係高手雲集既地方,
入到呢個公會果一刻真係有少少興奮, 因為唔多唔少都可以吸收到高手們既經驗
令自己既人仔再加強
當時開始迷上pvp, 膽粗粗用左幾舊水至一千蚊去沖裝
依家雖然都係著緊50紫3件+20
但話勁唔勁,話廢唔廢,秒人又比人秒,再同公會研究下點樣打,點樣提升裝備
唔好講話呢隻game無技術,有錢就勁,講真我見過我公會用錢唔夠人多既朋友
都打到人無還手之力,好值得學習!
上面都講左小弟打寶係完全狗屎運,
每次打副本都無寶,但係同公會既隊友就一直都出寶!!!!!!
老實講係有葡萄既,不過又好鄧佢地開心
每日放工返去,就開rc開game,笑住咁打副本,無寶都好開心,
因為一班公會朋友, 令我就算隻人唔勁,無錢,無寶
都可以純粹為左歡樂而成為我繼續玩既動力!!
玩到無野玩,就係rc唱k,係主城玩快閃
只要有一班志同道合既朋友,小小既事已經好開心
依家已經計劃緊儲60紫既大計,繼續令我隻人仔更強大~~
多謝大家~我係路基~ |
發表於 13-10-24 11:04 AM
