希望有得掛機

UOOP

內掛，簡直就係為左上班族而設
好多人返工，一返就10個鍾，如果無內掛，每日得4個鍾可以玩
有數可以計，訓教8個鍾，返工10個鍾，搭車，吃飯，其他都2個鍾
剩返唔多時間可以玩，
唔好一味話有得掛機GE GAME就唔好玩，
其實冇得掛機GE GAME汁得好快GE原因就係少左一班肯洗錢GE上班族，
我都係其中一個，又係返學又要返工，冇得掛機，升機比人慢幾倍，點玩到落去
相差太大個陣，下下就比人殺，又唔夠打，點會有心情玩落去，
就算肯洗錢，但係玩得唔開心，都唔洗錢
而家時代唔同，冇內掛GE GAME，就好累，返工已經夠累，返泥仲要手動哂精神去打怪
咁仲唔係叫一班上班族放棄玩呢隻GAME，
其實我明點解D人整日話有內掛GE GAME就唔玩，因為有內掛就有得開2開，3開咁掛機賺錢，
佢地仲冇得賺錢，諗深一層，打到寶個陣，搵人賣，賣比上班族賺點數好，定係賣比普通玩家好
大家心知肚明
我諗代理商都應該明白，一個上班族洗GE錢，係比4-5個普通玩家洗GE錢仲要多，
佢地打機，係為開心，洗D錢落去，佢地都會明白，
但係我唔希望係瘋狂洗錢落去，好似大陸網遊咁，令到一班小資玩家絕望GE地步
呢個係我多年打機GE心聲

P.S.其實最好係開兩個SER，一個有得掛機，一個冇，比教一下就知道

琥珀石

掛機同唔掛機 冇咩分別 一樣變死城

速食online game

karl9061

頂多呢隻game3個月變單機

我真係新泥

首先
內掛系統係咩先,我掛係首都 唔彈我機就叫內掛?
定係 掛係到幫你打怪回血升lv 等到你返泥?

前提:內掛為幫你打怪回血升lv

之後
內掛系統 一出 得你地上班族用?
我唔信普通玩家會唔用

你話開2個ser
先唔講點解要為左內掛開多1個ser

就算真係開左
所有玩家都會貪有多1樣野
而入有內掛既ser

其次
你都識講上班族現實中識搵錢
咁用 現實錢 泥 換取物品都得啦
仲要開多個內掛 比你掛機打怪升lv?
咁相反咪對普通玩家唔公平
就算同我所講 普通玩家都用
都有d係打唔到出泥 要用點數買
e個情況咪上班族佔優勢

最後
掛機遊戲直接一句 : 無左玩既意義
凡事都用掛機泥取代
失去左努力獲取 向住目標一步一步既過程
其實已經無野好玩

上班族有上班族既遊戲樂趣
唔一定要追得上其他玩家
你本身就否定左自己可以超越
而搵野泥填補否定自己既工具

講真上班族要追得上其他玩家
都係一個遊戲樂趣
咁樣仲值得人地去讚賞
你掛機掛到天下第一
我會覺得你係 部電腦勁
唔係你個人勁

~大佬~

有內掛既GAME我就唔玩= =, 會無左好多互動

UOOP

回覆 我真係新泥 的帖子

遊戲中，玩家的攀比心係無限放大，絕對大部分都唔甘心係人之下
叫上班族用點數同玩家換野，真係有可能嗎?
就算有都好少，換著一個代理商，
真係會放棄一班肯洗錢GE上班族

「上班族有上班族既遊戲樂趣
唔一定要追得上其他玩家
你本身就否定左自己可以超越
而搵野泥填補否定自己既工具」
邊有咁多人有咁大GE理想，「否定自己」泥打機姐，唔係泥搵人生目標
上班族GE遊戲，樂趣就係入泥可以殺下人，唔洗係遊戲度比人睇低，係咁比人殺
返緊工GE人大多數都明白，返工已經夠受氣，仲要係GAME度，比人殺，比人睇低
咁仲會繼續玩?我就唔會

「講真上班族要追得上其他玩家
都係一個遊戲樂趣
咁樣仲值得人地去讚賞
你掛機掛到天下第一
我會覺得你係 部電腦勁
唔係你個人勁」
打機唔洗人讚，打咁耐機，都未見到過拎第一個位，會比人話佢好勁，行到邊都有人讚佢
拎到第一，自豪就得了

再者，開多個SER，咪多D選擇囉，
有得比你簡，用內掛，定唔用內掛
唔洗強逼一定用內掛，一定唔用內掛咁，自由度高好多
之後如果其中一個SER唔得，可以合SER
不過睇呢隻……有內掛的機會好低
而家有冇一隻GAME可以好似以前咁?無
原因有好多，一就係分左兩班人，有內掛就唔玩，同無內掛就唔玩
有內掛就唔玩，其實我唔知咩心理
而無內掛就唔玩，我就明白，掛機個陣，可以做好多野，可以溫書，返工，睇電影，睇電視，做自己野
唔洗下下對住個電腦係咁按，輕鬆好多，最少而家係我身邊一班20打上GE朋友都係咁
20歲之後，打機方面GE體力熱誠就下降好多，對住個電腦打足4個鍾，就已經累到不得了

第2方面，就緊係代理商，佢地諗緊點先可以賺錢
隻GAME賺得少，就唔會點去理隻GAME

jacky1g

支持樓主,
錢同時間是正比的,
我們冇時間的上班族只能用錢黎買時間
上面有位兄台講
{"其次
你都識講上班族現實中識搵錢
咁用 現實錢 泥 換取物品都得啦
仲要開多個內掛 比你掛機打怪升lv?
咁相反咪對普通玩家唔公平
就算同我所講 普通玩家都用
都有d係打唔到出泥 要用點數買
e個情況咪上班族佔優勢"}


我想問返你~尼個世界有公平既咩=_=?
打機姐,咁都要咁計較?

02186

UOOP 發表於 14-1-27 11:09 PM
回覆 我真係新泥 的帖子

遊戲中，玩家的攀比心係無限放大，絕對大部分都唔甘心係人之下

你既想法太幼稚 隻GAME好大可能2個月之內已經變死城你仲想分2個SER仲要1個內掛SER
仲要幼稚到講咩1個SER冇人之後合SER? 好似你所講咁樣仲得了既? 1個有得掛1個無得掛WO
上班族無時間玩出個內掛SER又係冇時間玩 掛機叫做玩咩? 定係你覺得掛機好好玩 一味掛機咁叫做玩GAME?
一睇就知你係玩GAME唔睇劇情果D一尾刷怪追LV

02186

jacky1g 發表於 14-1-27 11:38 PM
支持樓主,
錢同時間是正比的,
我們冇時間的上班族只能用錢黎買時間

呢D唔係公唔公平既問題 而係掛機令到D ONLINE冇晒樂趣 不嬲ONLINE GAME最主要玩既都係入面隻GAME既內容 PVP呢D都可以說是次要你明白嗎?

UOOP

回覆 02186 的帖子

我覺得你諗野，唔將個心放係其他人GE位置去諗
問題又唔見你有辦法解決，講埋D野都冇建設性
玩GAME睇住劇情去玩，邊有咁多劇情可以比你睇足每日8個鍾?
冇8個鍾，咁每日4個鍾?
有D任務唔夠LV做唔到，咁點睇劇情?
玩入面D內容，都要夠LV先玩到，冇時間追LV，玩咩?睇住人地玩就有
咁唔開兩個SER，解決內掛唔內掛問題，咁可以點解決?
唔好咁幼稚啦，諗野多方面諗左先講啦
講野講返D有建設性，有立場，有見解，唔係一咪只識批評，批評邊個唔識

monkeymko

有內掛games 無咩活人
你想見到D玩家同NPC一樣??
如果你鐘意內掛game,你不如玩國服的games<<因為他們好多games都有內掛

°×sIuFu_♂

睇晒咁多位講既野...
有d感想講下...不喜勿插0.0''
1. 有內掛同冇內掛...其實LV上相差根本唔大...
    自己一個人係度掛足20個鍾...都唔知有冇可能升到一個LV
    同d打副本打活動既人比...根本都係追唔上...其實到最後都係可能冇乜心機去玩
2.假設有內掛系統...真係對LV上面有幫助...唔會同我地呢班用時間去玩既玩家...有好大既差距
   咁想問下樓主...你又有冇將個心放係我地呢d用時間玩既玩家呢!?LV你地又追到...又扔錢玩...
   到時唔係你睇人地玩...係我地呢d小玩家睇你地玩...完全破壞左個遊戲既平衡性...
   你叫人放個心係其他人位置度諗下...但你咁大篇野...到最後果個留言...令我覺得你係自私....

如果你話上班族用錢買時間...買裝備... 咁我會同你講最後結論就係... 你可以直接俾錢買個ac返黎玩...
反正你升到上去...因為你冇時間打裝備...你會用錢去買你要用既裝備...咁確實唔爭左用多幾百蚊去收個ac返黎玩...
只係係我個人立場而言....一隻game玩到唔係自己一手一腳整出黎...根本到最後隻game汁既時候...冇野值得你去懷念~

loki30

咁咪等於希望有外掛 倒不如易升D但增加副本難度好像WOW咁仲好

lawkayung

講真
呢隻GAME的確有內掛
但係係針對比你掛自動反擊打$ 同升職業
再加上唔關睇電腦性能事
因為你每1個鐘都要打一次防外掛認證
你就算用內掛 最多都係掛得1個鐘
其實內掛對隻遊戲既影響唔係好多
反而外掛先係最大問題
加上你玩內掛唔代表小互動
基本上你要打裝一定要同人組隊打副本
所以隻game有內掛主要係比d人玩下中途休息個陣用
唔會好似樓上講咁
影響成隻game既質素
同埋我以前玩個陣都唔覺個內掛會令到隻game變死城囉
未玩過既其實唔好講咁多
到時候自己down黎玩咪知咩料囉
隻game係有料既
有冇內掛都一樣嫁啦

02186

UOOP 發表於 14-1-28 01:46 AM
回覆 02186 的帖子

我覺得你諗野，唔將個心放係其他人GE位置去諗

辦法唔係冇 只係你冇眼見 近年大把online game都有限制每日完成副本次數 又或者龍之谷果類皮勞值
最掂既就係大陸game 龍劍online 不但有限制副本/活動次數仲要整到可以儲存該活動/副本exp既80%變為聽日既經驗值200%加成 即是假設你完既副本有十萬經 儲存左就有八萬 明天果8萬經驗變左做任何事都有200%經驗加成
我玩到依家57lv 每日做唔晒既副本就儲存8成經驗 包括pvp埸都有得儲存 龍劍好多活動有d唔俾儲存經濟不過每日最少6-10個可以咁做
而你地所謂內掛想法簡直天真幼稚 幾多人不滿內掛你有眼見
你講到依家d online game無一隻顧你地上班族感受咁 要數既真是大把 商城經驗加成道具 同埋我頭先講既副本限制 防沉迷系統(雖然未夠完善但係始終有努力過) 仲有某d game係商城買經驗 買樣野之後直接解任有經 限每日1次 依家大把online既設計都係不想d人花太多時間玩難道你看唔出? 已經不斷進步你還想怎樣? 你想一步登天既話你咪去買ac囉 內掛game又唔係冇 又唔見你去玩? 一睇就知你就係果d唔用錢唔用時間做唔到勁人就唔玩果種人黎 玩網頁game吧岩你
內掛壞處多多要數都數唔晒 例如大部分人多開內掛搶怪 物價貶值等等存在問題
講真樓主個貼又話唔係追求第1咁 依家又話4個鐘唔夠玩 其實幾多個鐘先係夠你玩? 要玩既俾1日24小時你都玩唔晒架啦 mmorpg game就係要慢慢玩 你係咪想玩d 4個鐘就勁過人地玩十幾個鐘既game? 我推荐你玩單機rpg game 唔洗同人鬥快 自己玩自己

02186

lawkayung 發表於 14-1-28 11:39 AM
講真
呢隻GAME的確有內掛
但係係針對比你掛自動反擊打$ 同升職業

呢隻game變硬死城 我緊係有玩過先咁講啦咩掛機反擊我一早知以前玩盜賊成日掛
隻game本身就同幻想神域同一類型有種單機feel不停刷怪刷副遲早好似幻想神域咁刷到d人del晒game變死城
再加上今次重出 人數一定不多 如果佢整埋d lv易升d仲衰 衝得最快果批肯定就係最快del game果批我敢肯定3個月內變死城可能1個月都已經死城

°×sIuFu_♂

lawkayung 發表於 14-1-28 11:39 AM
講真
呢隻GAME的確有內掛
但係係針對比你掛自動反擊打$ 同升職業

我唔知你係未指緊我...
同時...我接落黎講既都冇惡意...
只係想你搞清楚...而加樓主講緊既係平時返工可以掛機升LV...
而唔係為左純粹既休息而開發內掛....
我話GAME既質素變...係內掛升LV+用錢玩
同我地呢D用時間玩既玩家比起...變到好唔平衡...
根本唔能夠成正比....

saintely

每個人都有大家既生活/工作時間
呢d野就得一個就唔到第二個架喎
再者用內掛玩不如唔好打機算啦 :x
反正都無時間升lv...
online game有趣地方除左互動都仲係互動
一個二個響度掛機仲互動d咩 x_x

我真係新泥

回覆 jacky1g 的帖子

上面有位兄台講

>> 我想問返你~尼個世界有公平既咩=_=? 打機姐,咁都要咁計較? <<

咁我問返你 你支持樓主既話 其實佢都係想公平,追到普通玩家

咁你到底覺得係要公平定無公平?

內掛目的樓主本來就係想令上班族追得上非上班族啊大哥

咁我係咪話

你要返工 人地唔洗返工 , 世界無公平

打機姐 咁都要計較?

我真係新泥

回覆 UOOP 的帖子

本人無玩過這遊戲,只用大體 或 個人經驗而說
針對本遊戲既問題,我唔識答

首先
講我既睇法啦
我地唔係無放個心係你既位置諗
我都明做完野鬼得閒玩咩

但係你諗深一層
你上班族,有經濟能力   ,,  普通玩家,較少經濟能力
所以普通玩家 就用 打怪打副本打怪打副本既方式獲得
而    上班族     就用 金錢去獲得/打怪打副本既方式獲得

社會好現實 , 你有錢 無話太多野做唔到 , 何況收一兩件裝備
你已經有左金錢E樣 咁有力既野係到 ,
你唔好唔記得仲有副本 , 你仲有少訐時間打怪
副本我唔會覺得 你會自己打 , 一日一場博下運氣拎到都唔算咩問題
所以你基本上有金錢同打副本既方式

但係普通玩家 只可以多數透過打副本方式獲得 , 要買仍唔可以一次性提升太大既地步

仲有 ,
你都識問遊戲商 , 你地上班族定普通玩家 有經濟能力
遊戲商都要搵食 當然會設立更多優惠同物品到商城 供你地買
同時間 會降低 普通玩家得到稀有品既機會 , 無形中迫一些普通玩家買點入商城

咁其實要比較既話 我會覺得 上班族獲得稀有品既機會 更加多
如果仲加多一個內掛,比你地掛機升LV追得上普通玩家
咁其實真係破壞左遊戲平衡

其次
其實上班族失去既係金錢,普通玩家係失去時間
金錢同時間 , 我會覺得時間更加重要

你都識講你有能力工作,咁金錢可以重復獲得
但係時間,你失去左就冇,咁普通玩家換返泥既野就係升LV較上班族快
再加多一句,你係上班族,點解你仲要計較用落遊戲既錢呢?

遊戲劇情方面:
首先,我唔會話你地邊個錯邊個岩
我會覺得係可因情況而定

第一
你趕時間都唔會睇遊戲劇情
上班族仲咁得閒睇遊戲劇情?

普通玩家就話有時間慢慢睇
去理解個遊戲世界,更加投入

如果比我 我真係因情況而定
第一個因素:遊戲劇情吸唔吸引 或 有冇意義
你遊戲劇情 係緊扣 遊戲任務內容 其實玩落係有第二種味道

而且本身遊戲係以遊戲劇情為重心同圍繞或用心去做
其實我都會覺得值得去睇一睇
睇完真係冇興趣咪飛左去
有興趣咪睇落去
正如漫畫 同 動漫一樣 , 你睇到吸引自然會睇
無話咩硬性限制 , 因玩家而定


內掛解決方面:

第一
正如一開頭所講 , 其實已經唔洗解決
遊戲商真係諗清楚哂 平衡 先會出隻遊戲

佢唔會出到 一邊太勁一邊太廢
一定會有因素比我地平衡 , 之在你去唔去做

第二
遊戲商真係唔會為左一個細細既系統而開多1個SER
開多1個SER 唔知係咪負荷 , 會多左 , 用既資源仲多左

佢一定會是是但但放埋一個SER , 你用咪用 唔用咪唔用
但係人一定係貪心 , 有D唔洗出力就做到既系統 點解唔用?

正如你上班族一定希望有免費午餐一樣....


所以我都係覺得 內掛係唔加比較好
第一:平衡性應該做到
第二:遊戲玩家之間既互動失去(從其他人得到)
第三:失去左玩既意義