美少女戰士Crystal...好失望！

05ho

其實以往我都睇開美少女戰士，基本上我淨係冇得最後星光既，假假地都算係粉絲(雖然唔係死忠果種)...

最近佢出新一輯，雖然都只能夠話佢係對美少女戰士致敬，但都捧下啦！其實畫功我當佢現代化咗，我都收貨既，不過...整體上我係都幾失望！

1. 或者我都係慣一星期睇一集，家陣佢只係每一個月第一同第三個星期至播，有時撞正果個月有五個星期六就更加要等多兩星期至有得睇，講真...好冇癮！
2. 個故事唔知係咪因為今輯只係得26集，所以太快埋牙，節奏真係太快，太快打大佬！
3. 佢地既身份太快露涵，阿免同阿衛太快知道大家既身份，仲好鬼多咀戲！雖然而家你就話個個個樣咁明顯，咁耐以嚟都係話其他人咁都認唔到係白痴啫，但係...我地都睇慣在啦！咁快揭穿底牌就失哂真囉！
4. Sailor Mercury...到底你有冇成功過打低對手呢？我見你成日放霧咋喎！
5. 我知道阿麗響原著漫畫既角色係高貴大方，但響動畫版就成日同阿免鬥氣，而家新一輯就似係做番高貴大方...反而睇唔慣！我都係鍾意睇火爆果個火野麗多D(事實上五個主角，我最buy Sailor Mars)！
6. 其實都去到一半啦，似乎真係冇乜點講美奈子既日常生活(根本就連其他角色都好少日常生活既描寫)，真係見Sailor V仲多過愛野美奈子，連阿堤密斯都接近係閒角...
7. 以往逐個單元獨立講一集(去到臨尾高潮先連續落去)，家陣卻去到大部時間都係連續劇咁做，講真你咁樣轉style法，我以前睇咗咁多集Sailor Moon，好難適應喎！你話我睇聖鬥士就預咗係咁啫！仲有唔好忘記，你家陣唔係一星期一集喎，你分分鐘隔成兩三個星期先至有得睇喎，真係好吊癮啫！

總之呢...今輯睇落真係頗為失望啦！

lecky

第二季算吧啦

ˇ小桃★;

佢依輯crystal係比較跟番原著漫畫
係同我地細個睇嘅有分別
初頭都吾慣 睇番漫畫先覺得好d