香港咁多水貨客,如大陸取消香港既一簽多行,點撚樣算

雲路

現時香港最核心既核心價值就係香港人優先
根據統計六成水貨客是香港人
如只取消大陸人一簽多行,香港水客就發達了
變成獨具香港特色既邊境貿易物流運輸業
大陸水客收哂,香港水客獨贏

不過大陸如玩取消香港人一簽多行
水客就消失,造成大量職位流失了

KA2837

我都想投身水貨行業~

南葛11號

其實我真心想睇香港零售行業爆煲
香港政府唔聽市民勸籲取消一簽多行, 旅發局仲話要擴展大陸旅客計劃
香港通街水貨店, 金行, 錶行, 藥房, 化妝品, 找換店等等, 只係等緊遲D死同早D死個分別

吳受坤

香港人不嬲聰明，做唔到水貨咪搞第二樣囉，
不過我係反對走水貨嘅，
之前都有聽聞有人走電器水貨，但都係暗啞底走，冇話咁明目張膽，
而家走水貨走到成行成市，集團式咁走，
都係多得有果三四成大陸水貨人做掩護先走得咁順利，
因為政府驚得失啲大陸遊客來港購物呀嘛，
驚冇左佢地撐香港旅遊業，酒店業，零售業，……
香港會好快死呀嘛，
所以咪由佢地無奄雞籠咁自出自入係咁走呀走，
走到天昏地暗，日月無光，
走到民憤四起，怨聲載道，
政府先眼尾望一望咋，
但依然害怕得失大陸依條水，
所以仍然不敢輕舉妄動，
建議整個邊境購物城俾佢地繼續走呀走……
誓要繼續走到天昏地暗，日月無光……

善福

爆煲啦 依家香港d職場生態根本唔平衡

pkmeok999

無哂水客 到時變兩地海關夾埋集團式圍喂圍走私
除時一船走百零櫃 唔再需要用人帶貨
未又多幾個賴昌聲

KA2837

吳受坤 發表於 15-2-11 11:20 AM
香港人不嬲聰明，做唔到水貨咪搞第二樣囉，
不過我係反對走水貨嘅，
之前都有聽聞有人走電器水貨，但都係暗 ...

邊境購物城?

邊境免簽特區嘅原意就係咁!

吳受坤

KA2837 發表於 15-2-11 03:16 PM
邊境購物城?

邊境免簽特區嘅原意就係咁!

建議就建議左一段時間啦！
如果落實起的話，咁啲上水藥房可以投定位入主購物城咪有生意做囉，
不過入得購物城實要俾城主抽下利潤，
可能冇喺自己地頭咁自由方便

KA2837

吳受坤 發表於 15-2-11 04:06 PM
建議就建議左一段時間啦！
如果落實起的話，咁啲上水藥房可以投定位入主購物城咪有生意做囉，
不過入得購 ...

莫講上水藥房, 所有揾大陸水魚嘅好多都搬過去~

俾人抽水就肯定嘅, 不過羊毛出在羊身上, 怕咩俾佢抽?

最重要嘅係, 大大減少咗大陸客對本地居民生活上嘅影響!

另外就係, 開咗邊境, 就要收緊物品出境,

例如限制個人帶大量貨品出境, 要帶就要從邊境特區買!

咁就好賺囉~

吳受坤

KA2837 發表於 15-2-11 04:27 PM
莫講上水藥房, 所有揾大陸水魚嘅好多都搬過去~

俾人抽水就肯定嘅, 不過羊毛出在羊身上, 怕咩俾佢抽?

到時屯門、上水、粉嶺、沙田、將軍澳……更多藥房去購物城分一杯羮，
啲大陸遊客同水貨客都集中果度出入，
唔好湧入黎民居掃貨，淪陷市民日常生活，
希望做到雙赢局面啦！

吳受坤

繼光復上水，光復屯門，光復沙田之後，
而家比之前有更加多人留意水貨客問題，
上水有反對水貨人士導賞團，導賞上水居民去參觀運作水貨流程，
令居民更加了解當中係咩一回事，
之前有法官判處水貨客時向佢地作出斥責：
連自己國家出嘅奶粉都唔敢食，簡直係國恥！！！

而家內地人除左來港買日用品，奶粉之類，
仲去街市買菜買肉返去內地，我真係服左佢地咁不辭勞苦出出入入來港買餸！

而家沙田有商舖設立泊喼區喺門口，
俾啲喼神厚多士購物用，
可想而知內地人購物程度達到瘋癲喪狂！

吳受坤

其實而家內地人來港購物已經係乜野都會買，
總之全面大搜購！
換言之反映大陸野冇樣好冇樣真，香港野就馨香啲！
其實中央見到啲大陸人好似走難咁大喼大喼咁來港喪掃貨，
即係代表大陸野全部都唔掂，咁中央知唔知羞，有冇覺得羞恥嘅呢？