辯論活動 - 三次元能否與二次元平衝 (評分完結 #131)

evaann

首先先感謝上層回應本人的訴求,衷心感謝
現在本版能夠使用發表辯論帖子功能,希望各位會員善用,令到更多人知道動漫身邊發生的事情

鑑於此版不涉及網上遊戲糾紛,但本人作為版主亦會留意所有辯論帖會否發生嚴重鬧戰情況
一經發現有關鬧戰帖子全部 關閉及下沉處理 / 屏蔽處理
希望會員見到以上情況使用 舉報功能 / 短信息(pm)功能 將有關帖子向我匯報
本人在線會首先處理

辯論由現在起為期一星期
只計算正方及反方(中立一方不計算勝出積分)
參加者請按 (加入)
發表帖子時,請按#4圖示發表
參與的勝方,而且個人有3個帖或以上作辯論者
所有合資格的辯者瓜分120分勝出積分
(小數點後出現0.幾,全部當+1,如有11人都是0.幾,應該會派出131分)

敗方沒有積分

另設有兩項獎項,勝方最佳辯論獎1名會獨得30分積分獎勵
敗方最佳辯論獎獨得30分積分獎勵

evaann

正方最佳辯者
全職學生三世

主因
立場清析,離題較少,有嘗試將局面扭轉

反方最佳辯者
霉乂男

主因
立場清析,離題較少,有引導主題,反方中進行最多論點攻擊

反方
霉乂男 花穗

正方
飛乂奧古 全職學生三世 hixo001

反方勝出
引用論點較強硬,在後期正方嘗試反擊,反方部份有作出回應,而且攻擊論點成立

之後的辯論活動會找到一些好既題材再開,而大家都可以嘗試開辯論

霉乂男

結論，我認為按標題「三次元能否與二次元平衡」黎講，
唔可能「平衡」既因素如下：

１）支持任何一方多於另一方都不能稱為「平衡」。
２）二次元建基於三次元，所以由始至終只存在三次元，自然無「平衡」可言。
３）三次元是必需的，二次元卻可有可無。
４）雙方支持者各自有一部份人敵視另一方，難以共存，何況平等。
５）三次元擁有一切決定權，與二次元是主僕關係，絕不「平衡」。

正方觀點大多係覺得以個人黎講可以做到兩者兼得，
既能享受二次元世界又唔影響日常生活。
但審視標題後個人認為果種叫「並存」，稱不上係「平衡」。

將「不影響日常生活」作為前題已經充分證明響佢地心中三次元比較有份量；
所以三次元與二次元能夠「平衡」實在係天方夜譚。

evaann

我還存在的
按這個區本身的人流
討論到這樣算係咁

正反方可以做埋結論完成辯論

花穗

hixo001 發表於 11-9-25 06:01 PM
去到呢到就停左??冇人再講啦?

因為主持人唔知去左邊度插旗~
所以唔得閒解釋我知何為插旗~

hixo001

去到呢到就停左??冇人再講啦?

霉乂男

hixo001 發表於 11-9-24 09:59 AM
霉哥我反你了!!!其實唔洗死都係一件好事!

我無話係壞事._.||||

hixo001

http://www.2000fun.com/bbs/forum ... &extra=page%3D1
入黎挽下啦

hixo001

霉哥我反你了!!!其實唔洗死都係一件好事!

霉乂男

花穗 發表於 11-9-24 05:19 AM
笑,就算比你重來~
三次元既選項應該點都比二之元多吧=0=" (假設: 傳統gal game同三次元比)
三次元既選項 ...

三次元人生終點只有一個，死亡。
二次元死了可以請龍神復活（龍珠），
可以用人偶取代自身存在（空之境界），
可以到另一個世界繼續旅程（ＡＢ等），
連死亡都唔係必然（永生之酒）。

霉乂男

花穗 發表於 11-9-24 04:42 AM
如果人地話想個細路變做妹,因為覺得細妹係將來可以用女性角度去大家傾計~
而唔係因為睇左動漫,咁是否代表 ...

「如果人地話想個細路變做妹,因為覺得細妹係將來可以用女性角度去大家傾計~
而唔係因為睇左動漫,咁是否代表同二次元冇關?」’

咁的確係可以話同二次元無關，
但佢已經表明係因為熱愛妹系ＧＡＬＧＡＭＥ而有哩個諗法，
所以你既假設唔成立。

另外順便問下，點解作為反方既你會試圖推翻反方論點？

霉乂男

全職學生三世 發表於 11-9-24 01:36 AM
就哩點上證實左「二次元」同「三次元」本身存在不平等既差異，
更何況「二次元」並非所有野都係可以預知 ...

為何兩者性質本身不一樣就兩者都需要？
作為三次元人的我們失去二次元會世界末日？

標題沒有明確說明辯題上的平衡對象是三次元人吧，
就連「人」的字眼也不存在，單論二次元和三次元，
引述閣下一句「從來只有我們看他們  沒有他們看我們的份子」，
不就正正說明了二次元無法與三次元取得平等對待嗎？

霉乂男

全職學生三世 發表於 11-9-24 01:17 AM
正因為有未知數  所以我們才有事情可以探索

正如你不會玩一隻其麼寶物都送給你的  探險遊戲

我是在回應版主那條問題。

內容是
「神:三次元的不確定因素太多了,沒有旗可以插,
又一堆不確定的參數,不能重來。
(紅色這句請千萬別想歪野,依篇copy的,唔刪係唔想失去完整色彩)

閣下同意嗎?(請留意自己立場作答)」

藍字是我回應的地方。

花穗

霉乂男 發表於 11-9-24 12:03 AM
不認同，正因為不可以重來，
不確定因素才遠遠比二次元少。

笑,就算比你重來~
三次元既選項應該點都比二之元多吧=0=" (假設: 傳統gal game同三次元比)
三次元既選項太多了,就食個lunch都已經可以有幾十個選擇~
雖然話所謂既二次元係由三次元制造~
不過如果連所有細節都做到咁多個選擇,未免會令玩家發瘋~

花穗

evaann 發表於 11-9-23 06:07 PM
本日問題(回答等同發表一次辯論帖)
背景:
神:三次元的不確定因素太多了,沒有旗可以插,

呢D咁新潮既字唔識解~
咩叫沒有旗可以插=.=?

花穗

全職學生三世 發表於 11-9-23 05:43 PM
回復 花穗 的帖子

亦因為三次元未必事事如意  我們才有新的創意  新的東西誕生

何解事事順讀者意味又係把舊事物重新拚貼?
一套jump既作品有數X個讀者~
何解你覺得佢地既意見會係舊事?

第二段我理解能力太差,唔明~

唔好將所有一切既理論套用係GAL GAME入面~
就用而家既360大作,GEARS OF WAR3 (岩岩同人玩完先上黎)
冇錯,係故事入面,故事既一切係定哂~
所以故事MODE入面係一切都知道~
不過問題係過程,你同唔同既人TEAM,經過都已經唔同哂~
再講下黎緊PS3 出既GVG~
同唔同既人TEAM,得出黎既過程同結果都不一樣~
我唔相信有一場可以由頭到尾都一樣~
當然,我同意玩得多會厭~因為人就係一種鍾意生鮮既生物~
不過我相信都有人會因為鍾意某D遊戲而一直都玩~
特別而家好多作品都番新出過,有D只係改左畫質~
故事明明一樣,一樣有好多曾經玩過既人去再買~

廢萌是指日本既動畫麼?
廢唔廢就唔多講了~因人而以~
可能有好多人覺得有內涵,又好好睇呢~
唔係既話就唔會咁多呢一類新作啦~

你所講既呢一類係寫實吧~

舊作就變左評論家@@? 邊方面既評論家?

乜唔係作者收到我地既書信??

唔見得有好多人都渴望和作者交流...=.=
我承認有人可能係想~
不過唔係期待新作係因為渴望和作者交流~


網上傾下者~
冇需要咁認真...
睇下上面既版主既對答,講下自己既"歷史",不知幾有趣呢~

花穗

霉乂男 發表於 11-9-24 12:43 AM
「雖然現實得個細路....我不知幾想佢變做妹..」

即係你想將一個三次元既事物變成你所認知既二次元咁美好 ...

如果人地話想個細路變做妹,因為覺得細妹係將來可以用女性角度去大家傾計~
而唔係因為睇左動漫,咁是否代表同二次元冇關?

上面你提到,三次元中從未接觸過二次元既人比比皆是~
呢一句我係唔認同既~
當然,如果你用呢一個世界做單位既,就可以冇視我~
因為我唔想拎第三世界做比較~
就講而家既大國,我地對上既中國~
我相信有睇動畫/卡通既人都好多~
佢地可能未必知道咩係所謂既二次元~
不過佢地一定有接觸過~
你可以問下每一個人細過有冇睇過卡通片~
有冇用過卡通既文具等~
最少我覺得香港有成人細過都會接觸過~
就算冇,都應該會聽過見過~
而且電視每日下午都仲會播動畫~
你話好多人未接觸我覺得唔合理~
因為我相信,睇電視(卡通),打機都係小朋友差唔多必經既階段~
就好似我上面所講,hello kitty,鬆弛熊,迪士尼都係二次元~
試問有幾多人真係冇接觸過??


不要將二次元只係放係gal/h game,後宮等動/漫之中~
雖然上得呢度既人大部份都係有睇~
不過唔好忘記左自己過去既童年~
發言前諗一諗自己既童年,諗下第一次接觸係咩吧...

全職學生三世

霉乂男 發表於 11-9-24 12:57 AM
因為對全知既二次元感到厭倦而投奔三次元，
然後因為三次元既挫折而去二次元尋求慰藉，
但之所以能用上帝 ...

就哩點上證實左「二次元」同「三次元」本身存在不平等既差異，
更何況「二次元」並非所有野都係可以預知既，
無錯係可以控制，但不可預知；


日本大地震前夕，有邊個會估到「絕體絕命都市４」停售？
有邊個估到因為一場三次元既地震，二次元既主角連最後生存機會都被抹殺？

===========================================

正因為兩者性質本身不是一樣  所以我們兩者都需要

有關第二點
二次元的角色  他們會出現在現實世界嗎?
從來只有我們看他們  沒有他們看我們的份子  
他們也沒可能接觸有關三次元的東西  (就算他們自稱為三次元  依然都是一個二次元)
所以辯題上  說  的平衡   對像應該是我們三次元的人

與任何動漫角色無關  請不要混淆視聽
當然  如果這樣  影響到我們能否在兩個次元中平衡  就另作別話

一套動話在三次元的終止決定 不影響我們對該作品的愛
依然會有很多同人誌跑出來延續故事
甚至能夠打動  原作者繼作
就像薔薇少女

在這個情況下  我們同樣需要三次元的生活  和 二次元的故事
只是這故事以另一形式繼續發展下去

全職學生三世

霉乂男 發表於 11-9-24 12:03 AM
不認同，正因為不可以重來，
不確定因素才遠遠比二次元少。

正因為有未知數  所以我們才有事情可以探索

正如你不會玩一隻其麼寶物都送給你的  探險遊戲
一定有東西  有地方你是未知的  才有興趣探索下去

霉乂男

全職學生三世 發表於 11-9-23 11:13 AM
三次元  的現實  和  二次元是可以互補的

二次元  的人和事  都是由三次元的人去決定

因為對全知既二次元感到厭倦而投奔三次元，
然後因為三次元既挫折而去二次元尋求慰藉，
但之所以能用上帝角度宏觀整個世界，
係由於三次元擁有一切決定權。

就哩點上證實左「二次元」同「三次元」本身存在不平等既差異，
更何況「二次元」並非所有野都係可以預知既，
無錯係可以控制，但不可預知；

日本大地震前夕，有邊個會估到「絕體絕命都市４」停售？
有邊個估到因為一場三次元既地震，二次元既主角連最後生存機會都被抹殺？