戰士, 就係團隊既靈魂, 或者而家法師係強勢, 但戰線上絕對唔可以缺少戰士, 冇左戰士, 戰線就必定會被壓及崩潰, 戰士在戰場上講求既唔係高輸出, 亦都唔係執人頭, 而係續戰力, 構成敵方戰線與我方法師之間既一部牆, 牆, 可以係壓迫對手, 可以係防守既鐵壁, 由此可知, 我地需要既係, 除左要壓迫對手之外, 更重要既係,
如何比對方既戰士活得久
入正題, 首先, 我將3種職業略分為以下三種圖案
當兩軍交鋒開始果陣, 通常兩邊走位如下
呢個時候, 其實戰士唔需要太急進去衝入敵陣中, 最重要既係, 要睇準機會行動, 注意敵軍盾戰既動向, 你要做既唔係衝入去製追傷害, 而係諗辦法先拆左對方部牆, 即係首先清理左對方既戰士陣, 冇左戰士陣既法師, 就只可以向後退, 所以好多時我覺得, 見到我地國既戰士, 一見人就起勢咁衝入去巨龍, 其實係好不智, 巨龍完就死左, 咁你既戰友, 法師就少左道屏障, 當我方法師俾對方戰士壓迫, 而又冇戰士係中間頂住果陣, 法師要拉距離打, 戰線又好自然會後退, 咁又點壓線呢?
所以, 觀察對方盾戰同雙手戰動向, 你要做既係, 清理對手既戰士, 而唔係做一個被清理既戰士, 呢度我再俾一個圖出黎講一下我既經驗
通常打戰線果陣, 其實唔需要太急於衝入去人地度, 除非你見到人地好少戰士/盾戰, 如果唔係, 一般都係前線打橫左右遊動, 吸引弓遊既火力, 同等於時機, 直到如上圖一樣, 有對手雙手戰或者盾戰, 忍唔住衝過黎, 當你見到對手前方出現呢種落單既情況, 就係出手既時候, 除左用巨龍之外(會消傷), 上前暈佢/重壓佢吧, 後面法師見到呢個情況, 好自然就會配合集火, 殺左敵人一隻戰士, 敵方戰線就會少一分壓力, 我地戰士要等既就係呢個時機
簡單咁講, 即係要係敵人群中, 慢慢搵落單凸前左既獵物先再出手
而我地國既戰士, 好多時犯既錯誤, 就係上面個圖既相反
戰士衝入去巨龍, 可能係人群中可以換取敵人大量傷害, 但係後果就係, 巨龍發動中果陣有極大機率俾人暈, 然後因為太深入敵陣, 導致友軍無辦法救援, 最後俾人集火秒殺, 呢樣係絕大既錯誤, 一場戰場要高傷, 並唔係一兩下高傷就可以係一個戰場入面高人傷, 最重要既係要減少死亡數, 減少步行番戰線既時間, 將步行既時間換成傷害, 高人傷既人, 通常一場都唔會死超過3次
如果遇到上面呢個情況, 咁要點算? 其實好多時, 身為法師, 會覺得戰士壓得太入, 身為戰士, 又會覺得法師龜得太後, 但其實兩面都冇錯, 兩者取得平衡就成功壓到線, 所以一場戰場入面, 最為強調就係小隊制, 小隊之間要多D觀察自己既隊友既走位, 比如說當戰士深入果陣, 請配合出擊, 呢度我用一個小圖做例子
同樣為戰士深入敵陣, 法師同弓遊跟上壓前既話, 可以將被圍既情況, 轉化成敵方戰士被隔離, 將情況轉變成(圖3)果陣既情況, 然後反擊殺
好似好長氣咁, 我分享到呢度, 希望我地國有人會睇到, 至少比其他國多人睇下吧, 打左好耐呢篇野= =" 希望我地國有日可以強大起黎... |