我在黑社會的日子I～＜完＞

NotsWater

唔通屎王輝做底菊花，之後MAN哥同屎王輝……嘿嘿

Ｓａｖ＿月

原帖由 ~傳說中的傻仔︻ 於 10-7-28 11:33 AM 發表
第十七話:

「火柴!」

我整個人從床上彈起來,但我身處的不是醫院,

而是位於中山南滿村內的一間村屋,我按著頭顱,

「唉..又諗番起單野...」

看看時間只是晨早六時半,但是要睡下去卻再也沒有心情,

「睇 ...

唔通呢到係樓主響下?

~傳說中的傻仔︻

中山係假  南滿村係真

~傳說中的傻仔︻

第十七話:

(反正咁早,出市集買個腸粉食先.)

市集離鄉村不算太遠,大概走十分鍾便會到達.

走著走著,前面走來數個貌似醉漢的傢伙,

每個人面上都泛紅,走路左搖右擺,

(咁早就貓左,痴線.)

我很討厭這些人,故經過時特意撞向他們的肩膀,

不知道是我太大力,還是他們醉得太要緊,

一撞之下,醉漢竟然被我撞趺在地上,

「嘩,做乜撚野!!」

「你咪走呀!!」

「係唔係玩野呀!!」

他們被我的舉動激怒,走過來便想向我拳腳待之.

但是平常三數人我也不害怕,何況只是數隻醉貓?

有人把啤酒樽向我掉過來,我側身避過,

他已經撲了過來,我一腳踏前、腰轉、拳發,

「砰!」一人率先被我轟開去.



但是酒醉之人特別有膽量,更是有不怕死的精神,

另外二人從左右兩旁夾擊,想把我拿下,

但這只是虛張聲勢,我殘影一晃,然後一記左右開弓,

「去左邊..!!」

他們還沒有看得見我在那裡,兩人面龐已全數承受我的重拳,

「嗚...」

「你...睇路呀..仆街..!!」

酒醉三分醒,他們意識到我不好惹火便馬上逃去;

(車...無撚用..)

還想繼續向前走時,卻傳來一陣驚嘆聲,

「嘩..你好勁呀..」

聲音從身後傳來,然而這是一把女性的聲線,

這便吸引我向後望去,映入眼廉的不是濃妝艷抹的少女,

而是與這年數不乎的樸素,卻有出乎意料的自然美,

不能算是美女,卻有一份純潔的感覺,

合適的高度,穿著則是典形村民的打扮.




「哈,碎料黎姐.」

每個男人在女人前,總會有著自大的一面,

更何況是這名純品的少女前,我也想給她留下一個好印象.

「我聽薯頭哥講,近期有個香港人黎左好打得,就係你呀?」

「咦,你都識薯頭哥?」

「係呀,我阿爸同佢係好朋友黎,佢對我地屋企人都好好架.」

我忽然想起薯頭之前的說話,

『唉..妹頭係我好朋友既女黎,由細睇到佢大,

愈大就愈靚女.....』

看著眼前的她,難道她就是......

「我叫阿波,你係?」

她露出一個天真的笑容,然後向我道來,

「我叫楊小妹,個個都叫我做妹頭架.」

「哦,你就係妹頭,我之前聽過...」

(唔可以講出黎,廢事勾起佢D傷心野.)

「都係無野啦..哈哈.」

妹頭似乎意識到我想說什麼,她也毫不介意,

「你係唔係出市集,反正我都要買菜,不如一齊呀?」

「嗯.」



在傾談的過程中,得悉到薯鄉村的生活原來很簡單,

每天也只是下田種菜、煮飯,下午便在樹下休息,

晚上則在家裡吃著飯,與家人共渡快樂時光;

這種樸素的生活,才是我真正嚮往嗎?

妹頭更說自從十年前,村裡才被黑社會勢力滲入,

眾人也很討厭黑社會,覺得他們很無理,

但礙於他們人多勢眾,也只好乖乖從命和交錢;

而眼前的妹頭更是被灰蛇強暴過,有一刻我竟然痛恨黑社會的所作所為;

很矛盾、我明明也是黑社會的其中一份子,怎麼會生出這念頭呢?

其實在之前的日子裡,我已經有點厭倦刀光劍影的生活,

只不過人在江湖、身不由己,才繼續去走自己當初選擇的路;

但自從逃亡而被迫遷入鄉村後,我似乎被這裡感染了,

我不想再想起香港的社團鬥爭,亦不想再捲入其中,

如果不是新聞報導提起,有一段時間我忘記了我是『華興』的人;

想到這裡,我忽然有點害怕,

我的腦袋裡竟然不斷在告訴自己,告訴自己一個可怕的念頭,

『退出黑社會!!』

(待續)

fgh14798

東英 + 華興做低菊花

~傳說中的傻仔︻

原帖由 fgh14798 於 10-7-31 09:47 AM 發表
東英 + 華興做低菊花

我都想快D做低佢  快D完左部小說...唉/.\

NotsWater

咁就話波哥唔再理會世事，自己隱居深山，之後就完。

七夜乂

話波哥失憶 抱住妹頭 在深心過活
跟住話偉偉唔知做咩炸唔死 係炸左落街 之後又唔知點解死唔去 為左報牛 KO哂果幾件蛋撻 之後為左搵番波哥出黎 走偏大江南北
終於係2年後搵到 跟住叫波哥返香港 仲有禮物過佢 禮物就係係密室裡被捕的火柴 之後就用番3~4話講佢點死
呀儀見到波哥抱住條女 之後波哥心諗 死喇 2條女都鐘意我 見面迷打大交?
結果係 呀儀係飛埋去妹頭到 結果波哥咩到冇 繼續佢既黑社會之路

~傳說中的傻仔︻

=.="  想像力真驚人

反擊篇就黎完啦,,,請大家繼續支持~

~傳說中的傻仔︻

第十八話:

(痴線,我諗緊乜!!)

我搖搖頭,把這個無聊的念頭拋諸腦後,

現在正值『華興』的非常時期,是眾兄弟需要團結一致的時刻,

我要做的是把菊花等人除掉,而不是想著無關痛癢的事情.

與妹頭道別後,我便走回村子,

忽然想起老伯昨天的邀請:『聽日就去村口第二間屋搵我』,

反正沒有事情可作,亦沒有王子的消息,便向目的地前進.

「咯,咯.」

我敲著木門,內裡傳來人聲,

「邊個.」

「比你做低既細路.」

「入黎.」我推開門,

屋裡異常的簡樸,桌上只有數張合照,

照片內的主角是一對父子,父應該是眼前的老伯,

但子卻不清楚是誰,只是覺得很眼熟.

「望夠未.」老伯一聲打破我的思緒,

「你黎架?」



我指著相片,老伯卻沒有回答我的問題,

「你係唔係叫凌成波.」

「你又知?」

老伯站起來,用眼神上下打量我,

「你單野係香港通哂天,新聞又係咁報導,

聽講你係『華興』入面最當打架WO.」

「當打又點,咪又係著草.」

老伯聽到我這句說話後,竟然哈哈大笑,

「講得好,當打又點,咪又係著草.」

我總覺得眼前老伯不簡單,但每次問他的事情卻又不作回答,

「阿伯,你好似好唏噓WO.」

老伯招招手叫我坐下,他卻舉頭看著天花板,

「林勇佳,佢而家應該都五十幾啦WO.」

「你識我地老頂..?」

「唔止識,仲要係好熟.」

老伯看著我,神情變得很認真,

「二十年前,香港最著名的兩大紅棍之一,我又點會唔識佢.」

「你係『華興』既老叔父?」



我連忙站起來,畢竟對著前輩不能無禮,

「哈哈,阿佳緊係想我都係『華興』既人,不過我唔係.」

「咁你係...」老伯拍拍我肩膀,

「『華興』有戰神,咁『東英』呢?」

這時我的汗已經流下,但這是冷汗、一撮緊張的冷汗,

雙腿更忽然軟下來,剛好摔向椅子上,

「你係...你係...皇龍..『東英皇龍』!!!」

「哈哈.」

老伯以微笑代替回答,我卻一面不能置信的表情,

(皇龍係十年前已經唔係香港,D人話佢死左,

有人話佢著草,但係確實情況根本無人知;

聽薯頭講呢個阿伯係十年前先入黎,時間已經吻合,

加上七十幾既阿伯有無可能咁好打,兩次我都比佢收檔,

加上佢真係好似識老頂,語氣更加好似位高權重既人;

皇龍係二十年前兩大紅棍之一,佢一黎好打,

二黎D語氣又好似識老頂,三黎時間又岩哂,咁睇黎佢真係皇龍!!

唔係下...我同皇龍隻抽...講出去都唔信...)

我不斷思考著,雖然我仍然不能接受,

但種種事跡卻證實眼前的老伯確實是----『東英皇龍』.



我啞口無言,一句說話也講不出來,

「細路,唔洗咁淆WO,我又唔會收你皮.」

「無..我估唔到見到好似傳說中既人物姐..」

皇龍在我對面坐下來,緩緩沖著茶,

「傳說..哈哈,你太抬舉我啦.」

「點會呀!!皇龍呢個朵,而家講出黎仲有大把人識.」

「就係呢個朵,令我老婆自殺!!就係呢個朵,令我唯一既仔都比人呃走埋!!」

只見皇龍拿起相片架,掃著沒有灰塵的架面,

(原來個細路就係龍仁,唔怪得咁熟口面.)

「件事係點..?」

皇龍把一個杯遞向我,我馬上接過,

「唉..二十九年前..個時仁仔仲係一歲,

而我仲係黑道入面人人尊敬既雙花紅棍,

唔單止寸,仲要寸到爆個隻,咩唔岩我就打,

只有我地老頂同埋阿佳,先可以同我平起平坐,

就係咁,我比一個毫不起眼既仆街仔陰到...」

「仆街仔...?」

「佢叫史王輝.」

(待續)

NotsWater

屎王輝！我要劈佢！

頭香@_@

fgh14798

史王輝.

davidcks

皇龍比史王煇陰到... 真係估唔到

thchan96

皇龍教波波降龍十八掌!練埋易筋經!
跟住一條友直踩盛聯!秒殺菊花同屎王輝!!!!

鋼牙章魚丸

返左大陸 睇到15
D讀者原來勁變態 暴力

鋼牙章魚丸

1.)你希望主角死掉嗎? 唔希望
2.)最想要什麼類形的結局? 喜劇
3.)如增加1-2話的外傳  是有一點科幻成份  大家接唔接受到? (唔會影響正傳既進行)
是但啦 好睇就得
4.)想有『我在黑社會的日子』的第二輯嗎?
想
5.)認為我的小說有什麼優點/缺點?  
優點:勁好睇 缺點:太好睇

~傳說中的傻仔︻

=.="   仲有兩話就會完反擊篇

我諗起碼到10月先會完到呢個小說=.="

Ｓａｖ＿月

耐d完好d@_@

~傳說中的傻仔︻

估唔到大家都想追落去-.-"

我諗而家爛尾應該會激起民憤

NotsWater

最好下年先完結整部作品。