我在黑社會的日子I～＜完＞

0o小白o0

黑社會有埋核彈=.=...
武裝份子收得皮啦

鋼牙章魚丸

原帖由 ~傳說中的傻仔︻ 於 10-8-10 10:03 PM 發表
其實係核彈黎

認真 ??

~傳說中的傻仔︻

=.="   點睇都係假膠黎

NotsWater

其實係銀色激光劍。

~傳說中的傻仔︻

第二話:

千份之一秒的時間,本能反應快速的話能夠扭轉一切事情的結果,

「刷!」

我本能地把頭向後一移,刀鋒只是在面上劃過一道血痕,

要是我反應較慢的話,相信我的面龐已經被一分為二.

還沒有看清楚來襲是誰人,我便馬上後退,

「有人伏我地,醒扒!」

我大聲告訴王子等四人,他們亦立刻跑出來接應我,

「波哥快D番黎,我地頂住!」

王子與浩飛拿著木棍,一馬當先上前迎敵,

犀牛與BILLY則扶著我走回大廳內,我面上的疤痕則不斷流血,

「波哥,無事呀嘛!?」

「無事,你同BILLY快D係後門走!」

「咁你地..!?」

BILLY與犀牛有點不好意思,怎可以先拋開兄弟逃走呢?

我清楚他們心中所想,所以立刻解釋,

「你地兩個一個單手佬,一個隻腳有事,幫我地開路啦頂你!」

「收到.」

犀牛與BILLY不敢待慢,立刻往後門處開門,

我亦拿了一把刀便往正門方向支援浩飛與王子,

「斬死你地把華興仔!」

「一個都咪撚留!」

襲擊我們的大概有十多人,看他們操得一口流利廣東話便應該是香港人.




「王子,浩飛你地去後門走先!」

王子二人正想後退時,犀牛與BILLY則滿身披血的在後門方向走來,

「波哥,後門都比人圍住哂!」

(前後門都比人塞死哂,衝出去既話實做炮灰.)

「大家快D番入大廳!」

(只要番入去大廳關番道門應該可以上天台走!)

因為村屋的並不高,所以上了天台後基本上可以跳去別的天台,

但他們似乎洞悉了我的意圖,立刻過去阻止我們,

「咪比佢地入去!」

前後門的攻勢馬上加劇,我亦無暇顧著浩飛他們,

與我糾纏之人格鬥能力其高,刀鋒不斷往我的頭臚斬去,

「呀!」

犀牛一下聲音,卻使我立時分神,

「刷!」

刀在劃開我胸口的衣服,我馬上還擊踢了他一腿,

「你係..謝記刀疤!!」

襲擊我之人正是『謝記』最當打之人---刀疤,

他面上的疤痕正是他的象徵,我曾經與他較量過,但最終亦不了了之.

(佢點會係度架!?)

「你點會係度!」

刀疤以快速的刀法來回答我,但我相信他已經被菊花等人收買.




「噹,噹,噹!」

我不敢有一絲分神,刀疤也是個格鬥能力極高之人,

我只可以打醒十二分精神,「呼!」刀從上方斬來,

我一個進馬捉著他的手臂提高,右手手肘已經撞向他的面龐,

但刀疤臨危不亂,馬上把身形急劇後退避開肘擊,

右腿快速地踢向我的腹部,我亦以右腿迎擊,

「碰!」

雙腿一撞之下我借力捉著他整個人向後摔,我力隨腰轉,

刀疤橫碩的身形便整個被我拋開,「砰!」

一下清翠的落地聲音,顯示出我比刀疤更高的格鬥力量.

但在合戰的時候,即使有高的格鬥能力也發揮不太出用處,

因為車輪戰靠得只是數量,而不是質量,

所以我在摔刀疤出去時背上立時掛彩,數把鋼刀在我身上留下刀痕.

「頂住呀,你地!」

我在大聲呼喊,希望可以激勵王子等人的戰意,

「收到!!」

他們亦立刻回應,雖然沒有太大用處,但畢竟是聊勝於無.

我回過頭去應付更多的雜卒,「呀!!」

右拳一轟,一名『硬食』我重拳的人面上立時血如流柱,

我再借機向前衝殺出去,希望可以找出一條血路.




我看到被兩個人所阻擋著的正門出口,戰意馬上由腦袋擴散,

「你咪撚洗旨意走到!!」

那兩名人似乎了解到自己已經成為我要放到的目標,所以亦有點害怕,

「波哥,我黎幫拖!」王子過來助拳,

我一下衝前,那人手中鋼刀向我疾刺,

我左手捱著痛楚奮力捉著這把刀,「沙..!」

血從我手掌不斷流下,「屌你老味!!!」

我一下怒吼後然後不斷捉著他的刀向前衝,這使我眼前的人成為我的盾牌,

王子則纏著另一人,使我好有充足的空間衝出去,

「睇住我呀!」

被我捉著向前衝的人面色立時變成驚慌,他想放開手大的刀,

但我應變奇快,右手反轉鋼刀方向成一把逆刃作勢向他的頭衝去,

他更是怕得不斷後退,這更好節省我衝出去的氣力,

「仆街,佢衝出黎啦!」

「睇住呀!」

「咪斬錯細龜呀!」我已經靠著那人衝出大門,

「砰!」

然後我一下腿擊,踢得那人跪了下來,

左右二方的人馬上夾擊我,我正想迎擊時,

「滴..」

剛才被刀疤在面上劃既的血痕竟然流血,使我看不清刀鋒所在!!

(待續)

[ 本帖最後由 ~傳說中的傻仔︻ 於 10-8-12 07:24 PM 編輯 ]

thchan96

好想睇皇龍叔打=-=

joeho2008

呢個時候 火柴出場  波哥見到佢 著左
變身本多忠勝 打全場  返到香港再變 收佢地皮再sm 佢地@+@
其實我發現左好耐  呢個故事d用詞好似 古惑仔(果本書)
樓主有睇A_A?? 太子個仔 阿武 加大飛個仔 細飛 尼幫拖 收謝記皮A_A

fgh14798

我想皇龍叔出黎

~傳說中的傻仔︻

其實我正正諗住係皇龍叔幫拖  唔係五條友仔死硬

NotsWater

不如講波哥變左超級撒亞人，一個打十個啦。

johnchc

原帖由 NotsWater 於 10-8-13 03:07 PM 發表
不如講波哥變左超級撒亞人，一個打十個啦。

超級撒亞人一打百都得喇~_~

thchan96

不如李小龍上身0.0

~傳說中的傻仔︻

第三話:

(大獲...!!)

我立刻把身體向後移,感覺到胸口與肩膀立添痛楚,

我馬上想擦掉眼前的血跡,但是他們又怎會如我所願!

「斬死..!!」

那人正想出手時,一塊石頭不知從何處坎入他的腦袋裡,

「扑..」就這樣被硬生生打破頭臚,我把握時機擦去血跡.

忽然間有一些慘叫聲從屋外右邊傳來,

「乜事呀?」

「有..有個阿伯,好撚勁呀!」

「阿伯都淆,你地頂住,我攪正左呢條友先!」

那人便立刻往我斬來,我避過後用肩膀後一下衝前,

「啪..!」

他整個下巴被我撞甩,我再補上一拳一腿,他便應聲倒下.

「波哥,後面唔掂啦!」

王子一下快斬,便把對手放倒.

我向後一看,浩飛等三人已經漸漸支持不住,

(有個阿伯...唔通係!?)

「王子,你去幫佢地三個,呢度我一個就夠.」

「你一個就夠...?」

「你一陣就會明,去啦.」

王子亦只好聽從我吩咐,立刻往後門支援.




我緊握手中鋼刀便衝殺出去,五人已在眼前阻擋著我,

「唔撚洗旨意走呀!」

「上!」

五人立刻衝上來,我先迎上最先的二人,

我低頭一避最先襲來的刀鋒,然後一下反手斬便撕開他的腹部,

「呀!」我把那人推向右邊,然後向前硬擋,

「噹!」剛好擋著想偷襲我的攻勢,

我立刻向後退,手中之刀被我掉出去,

「呼...刷!」

刀在那人面上擦過,他以為能避開時,「砰!」

被刀鋒更可怕的拳頭已至,把他重重的轟倒在地上.

「咁撚堅...砰!」第三名人才想說話時,

如鬼魅般的拳頭不知從那擊出,然後便氣絕般倒地不起.

一個影子從後他們身後接近,其餘二人立刻往那影子斬去,

「啪,碰!」

只見那影子擊出彷似隨意的兩拳,剩下的二人亦馬上倒地.

「皇龍叔!」

影子正是皇龍叔,我看看他身後有十多名倒地不起的人,

再看看他面不紅、氣不喘的面孔,這就是昔日雙花紅棍的實力.





「皇龍叔..你攪正哂班友..?」

皇龍叔搖一搖自己的手臂,然後輕鬆地說,

「哦,十幾條友,碎料黎姐,不過好耐無運動,有D累,哈哈.」

在我眼中看來沒有可能的事情,在皇龍的手裡卻只是舉手之勞.

「砰!碰!啪!」三下巨響,

只見有三人被摔出來,正正便是王子等三人!!

「王子!!」

我馬上走過去,再看回屋內,浩飛正被多人圍毆著!

「皇龍叔...!」

我才剛想說話,一道影子已經在我身邊掠過正往屋內,

皇龍無懼刀光劍陣,一格一擋已使數人手中鋼刀掉地,

一陣疾掌鋼拳的節奏,已經把包圍著浩飛的人打開,

「你地抖下先,我入去幫拖.」

王子滿身已經是刀傷,而犀牛與BILLY礙於身體缺陷亦沒有力量再助陣;

我拾起剛刀便再衝進屋內,協助皇龍與浩飛.

只見浩飛被刀疤纏著,刀疤把刀掉向浩飛,

他一下滾地避過,但是剛抬起頭來已經被刀疤的重腳擊中,

身形更是直墮向後方,情勢變得兇險!





「刀疤,夠彊就過黎隻揪,咪恰靚仔!」

刀疤是這裡中戰力最高的敵人,若他纏上浩飛,後者實九死一生,

「嘿.」

刀疤竟一下冷笑,再撲向浩飛之處,

「你老味..!!」我想往前衝時,又有二人阻著我,

「刷!!!碰!!」

我一斬一拳,直把二人放倒,而情勢漸漸變得明朗,

來襲擊我們的三十多人,現在只剩下六至八人,

「格勒..!」皇龍疾風般的拳頭,直把數人轟開,

雙花紅棍的氣勢在這種街頭格鬥中盡顯無遺,更是突顯皇龍的身價!!

轉眼間對方只剩下刀疤一人,「嗚!!」

浩飛被刀疤踢走,我剛好接實他,

「無事呀嘛.」

「我頂..得住..」

「你抖下先.」

我放下滿是傷痕的浩飛,然後憤怒地看著刀疤.

「你無得走啦WO.」

「行得就預左打柴,我未淆過.」

刀疤鐵一般的面孔,亦未因為自己處於下風而有所改變.

「邊個派你黎做野呀!!」

「我大佬,火柴哥.」

(火柴!!)

(待續)

fgh14798

點解火柴做到大佬

鋼牙章魚丸

火柴　收皮啦

~傳說中的傻仔︻

火柴唔做大佬...後面既劇情就好難落

johnchc

個刀疤比呀波捉番香港 途中比呀波既義氣所感動 跟左佢  打番火柴轉頭

七夜乂

有冇較錯 柴哥?
呢條pk做左d咁既野 仲比大佬佢做?
佢做菊仔既第二個專用gay佬迷算囉

~傳說中的傻仔︻

因為我電腦壞左= =  而家已經搶修緊   最快聽日先會更新`  抱歉抱歉

~傳說中的傻仔︻

第四話:

「你講乜野,你大佬唔係振安咩.」

我還記得上次在後巷快要把火柴幹掉時,為他出頭的正是謝記的振安,

而刀疤更是振安的頭號打手,怎麼這刻由振安轉為火柴呢?

「......」

刀疤似乎欲言又止,當中應該有著某種內情,

「答我呀!!」

我一再追問,刀疤卻沒有動搖,

「我地謝記既家事關你撚事咩,而且我而家已經轉左牌頭,

我係跟盛聯既火柴哥,你唔知就咪咁多嗲啦.」

平時看刀疤不太擅於言語,想不到說起話來有很有條理,

「細佬,你地既野慢慢傾,我就走先,記住幫我拎番隻錶比佢.」

皇龍不想再理會我們的事,純粹的俠義相助使我更加感激,

「知道,你保重啦.」

看著皇龍遠去的身影,迫我再次單獨的面對刀疤,

而浩飛等四人亦站在我身後,似乎在等著我的號令把刀疤除去,

「波哥,我地收佢皮啦.」

刀疤聽到浩飛這樣說,卻沒有露出害怕的神色,

「得既話咪試下.」

刀疤這種充滿傲氣的舉動,反而使我有點欣賞他.




「刀疤,我今日唔收你皮,你同我有咁遠死咁遠.」

(反正而家收佢皮都無咩作用,而且又會損手爛腳,

我寧願番香港再同佢地博命,係度哂力水真係好唔抵.)

我心中作好打算,便決定放刀疤逃去.

「唔係呀,波哥,佢想收我地皮wo.」

浩飛最為激動,直想拿著刀便走過去與他拼命,

「波哥做野唔會有錯,咪衝動.」

王子立刻按著浩飛,以防浩飛衝動誤事.

我亦作出阻止的手勢,雙眼望著刀疤,

「你番去之後同火柴講,我凌成波番到香港之後,第一個就收.佢.皮!」

刀疤似乎沒有聽到我這番說話,立刻便往大門離去,

而他這時卻回頭露出一個冷笑,這是什麼意思呢?

「波哥...點解我地!!」

連犀牛也有點不明白,剛才大好時機為何不除去刀疤?

「番入廳先,我地已經攪到人地間屋好亂.」

這時他們四人才醒覺到這是薯頭的屋子,亦馬上收拾亂作一團的地方.

「嘩,我間屋發生乜事.」

薯頭卻好飲茶後回來,一家三口見到我們血流披面的樣子與凌亂的家居,

已經猜中十之七八,便不敢再多問下去.





「阿叔,就係咁啦...」

王子在一旁說服薯頭搬家,原來他這次上來找我之餘,

還順便給薯頭一家人費用,以答謝照顧我的恩德.

「但係呢度成一百萬咁多...」

「得架啦,阿叔,你地好快d搬啦,知唔知呀.」

「嗯..我會攪掂架啦..」

王子摸一摸小丙的額頭後便走回來,與我們繼續相討事情.

浩飛正想把藥水膠布貼向我面上的傷口,我卻阻止他,

「波哥,唔貼既話會有疤架wo.」

「我覺得咁樣咪仲型,由我啦.」

浩飛見勸我不成,也懶得再纏繞下去.

「係呢波哥,點解頭先放刀疤走呀...咁好機會唔做低埋佢?」

billy始終按奈不住,率先提出眾人最想知道的問題,

「係lor,波哥...頭先佢得番幾條友,我地實做得低佢架.」

犀牛也這樣說,看來他們對我有點不滿;

「拜拜,哥哥,我地出去玩啦.」

薯頭見我們有要事相討,便識時務地帶家人離開,

「拜拜小丙.」




他們離開後,我立刻轉回一副認真的表情,

「其實我咁樣係有原因,首先我地頭先做低佢既話,

一黎刀疤咁好打,要做低佢我地都要損手爛腳,咁做值唔值得先?

你地可能會諗刀疤而家係『盛聯』既人,做低佢就可以打擊到菊花既勢力,

但係諗深一層,『盛聯』而家係咁招兵買馬,無左一個刀疤既打擊對佢黎講跟本無影響,

反而我地就可能要付上沉重既代價,唔好唔記得『華興』而家得番好少人,

如果仲要無左幾個做得野既兄弟,對我地既打擊先係最嚴重.」

浩飛等人也在點點頭,開始接受我剛才的行為,

「同埋我要靠刀疤幫我傳話比火柴聽,我凌成波番去第一個就要收佢皮,

人最大既打擊係心靈傷害,咁樣就可以透過刀疤幫我對火柴既精神做成壓迫,

人一但遭受壓力,佢既意志力會不斷下降,咁長期樣對我地黎講都有好處.」

王子也在稱稱點頭,他也很認同我的觀點,

「加上你地有無留意刀疤頭先個表情.」

「乜野表情呀?」

billy似乎留意不到,在認真的回想著,

「唔通係波哥你一提振安個時,佢個好似有野想講個樣?」

浩飛第一個提出,眾人也立刻付和,

「係wo,係咁講我都有d覺.」

「無錯!刀疤比我既感覺好似有d迫不得已,我唔夠膽話我一定岩,

只不過刀疤份人不嬲好均真,係出面都吹哂風比較正直,

而且對佢大佬振安都好有義氣,而家無啦啦轉火柴做佢大佬,

當中一定有d野,話唔定係將來佢對我地仲會有一定幫助.」

「其實我收到D風...」

王子究竟知道什麼消息?

(待續)

[ 本帖最後由 ~傳說中的傻仔︻ 於 10-8-18 01:07 PM 編輯 ]