我在黑社會的日子I～＜完＞

七夜乂

下年?緊係有咁多作咁多啦 最多我同你一齊諗 我都諗到好正架

~傳說中的傻仔︻

第十九話:

「史王輝..!?」

這名字對我來說是一個討厭的咀咒,更是恐怖的夢魘,

所以皇龍一說這個名字,我也忍不住破口而出,

「你識佢?」

「講左你單野先我再講.」

「你個靚仔幾識食住上,好!!講比你聽又點話.」

皇龍把微笑轉換成一個認真的神情,

「二十九年前,仁仔仲係一歲;岩岩係我個朵最響既時期,

黑道有邊個唔比面我,剩係皇龍呢個朵已經嚇撚死人.」

我點著頭,一副全神貫注的表情看著皇龍,

「所以個時我覺得係人生最得意既階段,名成利就,

老婆又錫自己,又繼後有人,我個時簡直目空一切,自我膨脹得好勁.」

我聽著皇龍的往事,忽然諗起三年前的自己,

那時我不是在『華興』中頗受大家的尊敬嗎?

美如天仙的阿儀亦在身邊,知己如阿偉也陪伴在旁;

但只是三年,一個微不足道的三年卻令我生活徹底改變,

阿儀離我而去、阿偉死無全屍、我更要逃離香港,

不但是我、連眼前皇龍也是受害者之一,命運是喜愛作弄人嗎?





「我老婆好相信物極必反,一個人上到最頂點既話,

會好容易趺落黎,更會永不翻身!!佢曾經同我講過叫我金盤洗手,

但係我又點會聽,更加係個時同一個有仔既女人搭上.」

「唔通個仔係...!!」我似乎估計到皇龍想說什麼,

「嘿,你估岩左,個仔就係史王輝;識佢老母個時佢已經二十歲,

佢又係讀唔成書加上無乜料既後生仔,所以我就索性帶佢入『東英』,

更加認佢做我契仔,就係咁我自己比左條死路自己行.」

皇龍喝了一口茶,便繼續說下去,

「你知唔知『東英』既架構係點?」

「我知,東英五幹部同埋八掌舵呀嘛.」

「無錯,個時我就係五幹部之首,而佢只係一個岩岩入黎既四九仔;

我一心諗住帶住佢,心諗『父子檔』實無死啦;

我照顧佢同仁仔差唔多,簡直當埋係自己親生仔,

佢表面亦都好似好順從我,點知原來佢係一個好撚有野心既仆街仔!!」

皇龍說到這裡,把拳頭向桌子一搥,連杯子也跳了起來.





「佢係短短五年間,由四九仔升上八掌舵之一,

當然有一部份係睇我既面子上,但係一部份係佢真係有能力,

個時係佢管治既環頭全部既數口都係咁升,個時唔單止老頂,

連我都覺得無帶錯人,加上佢又孝順,我直情信哂佢,

連自己既家事都拎出黎同佢傾,當佢係仔咁睇.

點知條仆街由知我身份既第一日開始,佢已經想搶走我既一切,

我仲好似ON99咁睇實佢,當佢係寶;

你知我個時得罪人多、稱呼人少,而佢係十年前既一晚約我去沙灘,

其實我個時絕對唔會同人去人少既地方,因為我知實有人伏我,

如果唔係市區我實死緊,但係史王輝就睇中我當佢係仔,

我就唔為意應承左佢,諗住都係吹下水姐;

點知到左沙灘之後,佢竟然搵埋同我有仇既老襯伏我,

我記得個次係我人生中最接近死亡,成百幾人黎圍我,

你試過比成平馬既人黎斬你未?」

我搖搖頭,聽到這裡也不禁拿了一把汗,

「成平馬,我真係點好打都死緊,最後我比人斬左甘幾刀,

係個海到飄左兩日,我以為死緊個時,到左呢度竟然比人救番起,

但自此之後我再唔番香港,亦都係點解我十年前無啦啦消失既原因.」





「你點解唔番香港..?」

「因為我記得比人伏既前一個禮拜,我為左史王輝老母而同我女人離婚,

仁仔個時十幾歲,佢直情憎到我入心入肺,更加想同我脫離父子關係;

所以我都唔好意思再番去,番去比佢憎我一世咩;

唉..就係咁,我個銀包得番呢幾張相,

我就索性拎出黎日睇夜睇,十年前仲有少少想番去香港重新黎過,

但係一黎已經老,二黎我都慶幸叫脫離左呢個圈子,唔通又番去攪屎忽咩?

十年黎將我既火都磨熄哂啦,我見你有D似個陣時既我姐,

所以咪叫你過黎同我吹下水,哈哈.」

皇龍說著說著又拿起相片架來看,

「咁你個單野呢?細佬.」

(唉,同佢講啦...反正都無所謂.)

我把所有事情向皇龍說一遍,由史王輝如何想吞併『華興』,

與菊花設局殺害我、阿偉為救我而死去、

再用偷聽器指證我是『華興』的二五仔,直至逃亡到此,

一一也向皇龍道來,皇龍聽得也極有興趣,

就是這樣,不知不覺已過了兩個小時,

「細佬,你既野都幾戲劇性,又死兄弟,又比人老屈.」

「唉,唔通好似你個仔咁變雙紅棍,名成利就咩.」

我一時說出悔氣說話,但皇龍卻有極大反應,

「龍仁!!?你係唔係講仁仔!!」

(待續)

NotsWater

回多左，請版主del呢個。

[ 本帖最後由 NotsWater 於 10-8-4 01:01 AM 編輯 ]

NotsWater

頭香！屎王輝，你這個人渣！皇龍伯伯，等我幫你報牛！

鋼牙章魚丸

斬死屎王輝

joeho2008

原帖由 鋼牙章魚丸 於 10-8-4 03:08 AM 發表
斬死屎王輝

你傻嫁咩斬死佢
唔sm 死佢 我就sm  樓主
你認為咁多讀者會比佢死得咁易?

~傳說中的傻仔︻

原帖由 joeho2008 於 10-8-4 05:16 AM 發表

你傻嫁咩斬死佢
唔sm 死佢 我就sm  樓主
你認為咁多讀者會比佢死得咁易?

=.=" 你咁樣講我會好大壓力~

joeho2008

原帖由 ~傳說中的傻仔︻ 於 10-8-4 08:04 PM 發表



=.=" 你咁樣講我會好大壓力~

有壓力先有進步
難道樓主想被 咁多讀者sm 死A_A?

~傳說中的傻仔︻

第二十話:

「係呀!!」

我被他突然激動的態度嚇到,便馬上回答他,

(佢好似唔知龍仁既事咁,唔通佢...)

「十年啦,我以為仁仔已經比史王隊死左,

原來佢仲未死,仲做埋雙花紅棍....」

皇龍的眼袋裡竟然佈滿紅絲,這是落淚前的現象,

但他把頭向上一昂,把淚水急速收回,

「仁仔仲係度..我總算安樂..」

我正想說話時,「砰!」木門被人突然打開,

「波哥!!你真係係度!!」來者正是浩飛,

看他氣急敗壞的表情,是有什麼大事發生了嗎?

「波哥,我..!!」

我擺出手勢著浩飛不要說話,畢竟在別人的地方說話不太方便,

「皇龍叔,我地傾住咁多先,有機會再傾過.」

「你等陣.」

皇龍在衣櫃中拿出一隻手錶,然後把它交給我,

「如果你再見到仁仔,你將呢隻錶比佢,但係唔好同佢講你見過我.」

「知道.」

浩飛卻是等得不耐煩,在扯著我的衫角,

「皇龍叔,咁我地走先.」

「細佬,得閒諗下我既說話,對你都有益呀.」

我們相視而笑,像是對彼此說了一句無言的再見.



剛走出屋外,浩飛已經等不及,

「波哥,我收到風,灰蛇今晚就運炸藥去香港,

而且接頭人好大機會係阿MAN!!」

「咩話!!」

「係呀,我岩岩諗住去村頭間鋪買野個時,

聽到當地既古惑仔講灰蛇今晚有大單野攪,就係運炸藥去香港!!」

我揮手著浩飛先回屋內,再探討有什麼解決方法.

「浩飛,咁你知唔知時間同地點.」

浩飛拉出椅子坐下,然後再回答,

「我用一舊水探下口風,佢答我今晚十一點成鄉碼頭.」

「堅定流?」

「我諗係堅,因為之後我再聽到有人話今晚成鄉碼頭有大買賣,

叫班友仔無必要都唔好去個度,大買賣應該係指運炸藥啦.」

我輕輕地倚向沙化,然後細心想想下一步的行動,

(佢今晚就運炸藥番香港,我應唔應該上船呢!?

上既、我可以番香港搵強哥一齊作戰,但係可以破壞左王子既佈處,

唔上、我就可以等王子既計劃實行,但係就可能錯失番香港既機會,

我應該點做呀!!)




「波哥,點做好.」

(唔撚理啦!!上船先講!!)

我已經等了快三個月,反正現在強哥已經回來,

我也不必再怕菊花等人的追殺,所以我決定上船回去!!

「上船!!你而家同我睇清楚今晚既路線,我另外有D野做.」

「即使有路線同埋時間、地點,波哥你諗住點上船呀?」

「我有計,你放心去做啦.」

「收到.」交待完浩飛事情後,我便走出市集,

目的是看看哪裡有灰蛇手下的蹤影,

「交保護費呀!!仲係度望望望,望乜撚呀!!」

看見前方不遠處,有數名穿著黑色西服的流氓在收保護費,

(岩啦!!)

我馬上走過去,然後詢問他們,

「你地係唔係灰蛇既馬仔?」

「你邊撚個呀?」

其中一名流氓看見我,卻露出可怕的神色,

「佢..佢上次咪係打爆左豬油個鼻既香港仔!!」

原來是上次被我以一敵眾的流氓之一,難怪會這樣害怕.




「屌,我唔信佢咁堅!!」

「快D叫兄弟黎!!」

帶頭的二人馬上向我襲來,而那名害怕的人則拿出手機『吹雞』,

(好,吹得愈多人愈好,最緊要叫埋灰蛇黎.)

「喂,灰蛇哥,我見到條香港仔呀!!...收到!!」

我無暇分身去思考,先要應付眼前二人,

二人的戰鬥力也算是上乘,左面的人擅於腳法,

右面的人則擅於拳擊,互補長短之下我被節節迫退.

「呼!」

一下疾腿斬下,幸好我避得快,

但避得了初一、卻避不了十五,「砰!」

重拳快要擊下我的頭臚,幸好我馬上舉起手臂格檔,

但拳力之重我仍要後退數步,我借力向左面的人揮下重拳,

他不慌不忙踢高右腿,與我的重拳拼得旗鼓相當,

「香港仔都咁好打,我唔撚信!!」

快拳像如影隨形,不斷找尋我的空隙擊下,

我既要應付快拳,亦要應付疾腿,

雙手已經忙得不可交加,眼看第三人拿著刀從遠處掉過來,

刀鋒快要把我的面龐上劃開一道血痕時,

(大撚獲!!)

「噹!」

一下金屬的碰撞聲把刀鋒擊落,是誰..!?

(待續)

fgh14798

是龍皇叔

~傳說中的傻仔︻

=.="  係要扭曲人地個名  衰野

NotsWater

返香港！爆菊花！幹屎王！

thchan96

皇龍叔,英雄救波!

~傳說中的傻仔︻

唔係皇龍啦...皇龍戲份已完=.=

davidcks

波哥唯一的手下   
前2話有小小錯處  估到我就話你知

~傳說中的傻仔︻

原帖由 davidcks 於 10-8-7 01:56 AM 發表
波哥唯一的手下   
前2話有小小錯處  估到我就話你知

估黎做乜   過去就由佢吧啦=.=

~傳說中的傻仔︻

第二十一話:

只見一個雄偉的背影對著我,我則看不見他的樣子,

他竟然利用手腕上的手錶硬生生地把飛刀擋下來,

「想做架倆!!?」

使腿的流氓馬上棄我而去,轉戰那名來歷不明的人,

「呼!」

快拳並沒有給我時間喘息,我與他四拳交接,

我的直拳被他左手壓下,眼看他右拳快速揮來,

我一下馬步退後避過、再立時借力彈前,整個人抱著他壓在地上,

「碰!碰!碰!」

我膝蓋用力封鎖他的下盤,雙拳則瞄著他的頭部重重擊下,

「仆街!」

他還想發圍,竟然放棄防守與我力拼,

這時我眼角瞄到一枝滾在地上的玻璃啤酒樽,

我快手一拿,然後不停敲在那人的雙手,

「擋呀啦!!擋呀啦!!...拍裂..!」

玻璃樽爆開,碎片在我面旁劃過,

但更多的碎片卻被我插在那人的手臂,而他更失去反抗的能力,

這時我作出最後一擊,把碎片的尖鋒插向那人的額頭!!

「嗚呀!!」

血花濺在我的面上,但我已經習慣,

那人心仍然跳著,但呼吸卻已經停止.




「賴尿仔!!」

使腿的那人悲痛萬分,但卻闖開不了這名神秘人的防線,

「個香港仔係邊!!」

一下大叫聲從遠處傳來,我一看之下便知道是灰蛇,

他身後還有數十名流氓跟來,我的目的已經達到!!

(我就係引你黎,灰蛇!)

「灰蛇哥..賴尿仔佢比人攪正左..」

灰蛇看著躺在地上的屍體,再看看滿手鮮血的我,

「你攪我D馬仔!!我今日就溶撚左你!!」

灰蛇一聲號令,身後之人馬上作出行動把我包圍,

「咪住!」

喊叫的聲音是那名神秘人發出,他慢慢擰轉頭看著灰蛇,

這時我才能看到這名人的面孔,一看之下我卻呆了!

「你邊撚個呀!?」

「有生意比你做既人.」

灰蛇一聽到有利可圖,立刻叫停手下,

「乜撚野生意呀.」

「五百個!!買起你今晚既炸藥.」





灰蛇聽到五百萬後雙眼猶如發光,但他很明顯仍是不放心,

「我憑咩信你呀!」

「就憑我係『華興』既人,同埋呢張一半訂金既支票.」

這名神秘人帶著眼鏡,仍是那一副文質彬彬的樣子,

口才出眾,腦袋的轉數更是快速,

「王子!!」是王子!!

三個月前安排我到這裡的王子,他竟然出現了!

「點解你...」

我正想問下去,王子卻中止我的說話,

「波哥,我地一陣先傾,而家我要做正經野.」

我也只好把話吞回去,靜待王子的計劃進行,

「灰蛇哥下嘛,我叫王子,係香港『華興』,

今次希望用五百個買起你批貨,呢度係一半既訂金,希望可以同你合作.」

王子拿出一張中國銀行的支票,然後遞給灰蛇,

灰蛇接過後馬上露出笑容,

「睇黎你地真係幾有誠意,不過我條靚比你攪正左,又點計先!」

(你老母灰蛇..想屈多筆..)

我想到的,王子又怎會想不到,

「唔好意思呀灰蛇哥,小弟另外比番五皮野你,就咁算好無.」

「五皮野就想算!?」

王子這時走過去灰蛇的耳邊說了一些話,灰蛇的面色立時變了青,

「好..好...五皮就五皮,咁我而家番去同大佬傾下先.」

他說完這番話後,便急急率手下群離去.





「王子!」

我馬上上前擁抱,只感覺到血在沸騰,靈魂在燃燒!!

「我等左你好耐啦!!」

「哈哈,波哥我都等左見你好耐!!」

王子突然露出一個內疚的樣子,

「波哥唔好怪我個日過你一棟,攪到你以為我都上船.」

「我點會怪你呀,一黎你仲醒過我,二黎你肯定為我好,咪諗傻野啦.」

「係呢,點解你會係度?」

「我岩岩先搭船到,去到薯頭屋企撞到浩飛,佢話你出左黎市集,我咪出黎搵你,

點知波哥你已經同人開拖,我緊係黎幫拖啦!」

我再按著王子的肩膀,跟住打量他全身,

「FIT左WO,唔怪得好打左咁多.」

「唔好笑我啦波哥,不如番屋企先傾.」

「好!」

回到家後,王子更告訴我現在香港各社團的情況,

「波哥,已經香港所有環頭都唔同哂,你係唔係已經知『盛聯』單野.」

我點點頭,然後浩飛繼續說下去,

「『盛聯』而家有雙座館,就係菊花同史王輝,佢地竟然掘走哂D人埋佢地堆,

好似東英既五幹部同埋八掌舵都走左一半,我地『華興』個四大得番強哥撐住,

而『謝記』,『中星』、『長發』個D細野更加比人掃哂,

所以嚴格黎講,香港得番三個社團,就係『盛聯』、『華興』、『東英』;

所以,我地已經同『東英』傾掂哂,準備黎個大反擊!」

「波哥!!我地準備好哂,而家爭你咋!」

三把人聲從門外傳來,是犀牛、BILLY與浩飛!!

「你班友仔!!」

我過去擁著三人,看看仍然健在的犀牛與BILLY感到很高興,

「我地一齊番香港殺哂班仆街!」

「好!!」我們一起大喊著.

五個人、聽起來只是個微不足道的數字,

但如果大家互相猜忌,縱有千軍萬馬亦沒有用,

雖然只有數人,但是我們肯以赤誠之心相信彼此,

那便足以抵抗一切,足以穿過前方崎嶇的道路.

<<反擊篇>> (完)

~傳說中的傻仔︻

＜反擊篇＞已完結，緊接而來的是＜結局篇＞　

精彩預告如下：

與『東英』的破天荒合作:

強哥與『東英』的龍頭握著手,象徵著『華興』終於要與『東英』聯手抗敵!!



『華興』陷入群龍無首...!?

「佳哥佢係美國心臟病發,而家睇黎都番唔到黎香港...」

強哥搖著頭,我亦呆若木雞、無言以對.




展開與『盛聯』的決戰:

「阿波你今晚好彩走得甩,聽日開始我地『盛聯』就黎收你地『華興』同『東英』既檔,見一個我殺一個!!」

阿MAN在碼頭向著我大叫,一面意氣風發的表情.


凌成波走入絕路?

火柴已經追過來,然後露出一個冷笑,

「我睇你今晚點走!」

百多人已經佈滿在工廠大廈內,我清楚今晚是插翼也難逃!!



一切故事將會於＜結局篇＞與大家見面

為大家呈現最迫真、最殘酷、最牽動人心的黑道故事！！請密切期待～

此作於２日後以全新的故事支節與大家見面，

『我在黑社會的日子』＜結局篇＞將陸重推出！！

（當然，呢度仍然歡迎大家作出討論；同埋提出意見，好讓小弟作出改善～）

鋼牙章魚丸

仆街 火柴食屎啦 章哥秒殺佢

NotsWater

正傻仔MAN，波哥明明就係葉問伯伯後代！